Yawˇlaˆ 2:17 - Akha

¹⁷ Uˬ duˬ tahˬ nymˇ lahˇ kʼehˬ hawˇ-eu, lawˇ duˬ-euˬ yaw kaˬ-ahˇ jawˇ-awˇ, Sahˬpaˬ Miˬyehˇ-euˬ gaˇ mˇ-eu, piˇ ma kʼoeˇ deuˬ ngoeˇ-eu laꞈ kʼoeˇ heu loꞈ-ehˇ guiˬ lahˬ shaˇ nehˬ-awˬ. “Sahˬpaˬ Miˬyehˇ nawˬ-ahˇ shaˇ ma. Nawˬ-euˬ tsawˇ haˬ-ahˇ taˬ byehˇ laꞈ. Aˬ cawˬ tsawˇ jeuˬ deuˬ nga maꞈ-ahˇ, ‘Aˬ lehˬ, naw maꞈ-euˬ Miˬyehˇ’ lehˇ, cehꞈ lehꞈ ka-awˇ ja bu laˇ gaˇ, taˬ bi daˬ nehˬ laꞈ” lehˇ shaˇ-awˬ.

Yawˇlaˆ 2:17 Referans Kwoze

Yeˬsaˬgeˬlaˇ 8:16

Kʼoeˇ naˇ, Uˬ duˬ tahˬ nymˇ nymˇ ma-euˬ laꞈ kʼoeˇ lahˇ-ahˇ aˬ yawꞈ ngaˬ-ahˇ paˇ sheuˬ ahˇ gʼeh nehˬ laꞈ-euˬ meh. Muiˬ-eu shawˇ-eu jawˇ duˬ-ahˇ uˇ leˇ-eu gʼoˆ kʼehˬ dawˬ peh, lawˇ duˬ hawˇ-eu gaˇ ma yaw kaˬ-ahˇ, tsawˇ haˬ nyiˬ tseˇ ngaˬ gʼaˬ jawˇ luꞈ gaˇ ya mawˇ-euˬ ma. Muiˬ-eu shawˇ-eu jawˇ duˬ-ahˇ aˬ yawꞈ maꞈ naˇ kʼah pyawˇ-awˇ, nahˇ ma doˆ kʼehˬ paw mehˬ shi pyawˇ-awˇ awˆ byaˆ-eu laꞈ kʼoeˇ, nahˇ ma doˆ laˇ gaˇ uˬ duˬ tahˬ luꞈ-eu meh.

Jaceuq 115:2

“Naw maꞈ-euˬ Miˬyehˇ aˬ gaˇ jawˇ ta” lehˇ, aˬ cawˬ tsawˇ jeuˬ nga maꞈ-ahˇ aˬ jeˬ gʼeh ya naˇ haˬ ta.

Jaceuq 79:10

Naw maꞈ-euˬ Miˬyehˇ aˬ gaˇ jawˇ ta lehˇ, aˬ cawˬ tsawˇ jeuˬ nga maꞈ-ahˇ aˬ jeˬ gʼeh bi naˇ haˬ laˇ ta. Nawˬ-euˬ zaˬ kʼaˆ deuˬ-ahˇ shiˬ laˆ doˆ nehˬ-eu tsawˇ jeuˬ kʼoeˇ deuˬ-ahˇ nawˇ kʼehˬ nehˬ gaˇ, nga maꞈ-ahˇ bi mawˇ laꞈ.

Maꞈtehˬ 23:35

Aˇ saˬ saˬ laˇ ngeh jawˇ, maˬ bahˬ maˬ muˆ-eu tsawˇ haˬ deuˬ-ahˇ sehꞈ-euˬ baˬ da neh, naw maꞈ kʼoeˇ taˆ kʼehˬ-eu kʼaˆ-eu jeˬ keuˆ le tehꞈ-a. Iˬ baˇ maˬ ahˇ-eu Aˬbeˬlaˆ-ahˇ sehꞈ-euˬ gaˇ neh aˇ dahˬ beh-awˇ, Uˬ duˬ tahˬ nymˇ nymˇ ma hawˇ-eu lawˇ duˬ yaw kaˬ-ahˇ naw maꞈ neh sehꞈ-euˬ Beˬleˬkiˇ-euˬ aˬ li Zaˬkaˬliˇ-ahˇ keuˆ ni, naw maꞈ neh kʼaˇ sehꞈ-euˬ maˬ bahˬ maˬ muˆ-eu tsawˇ haˬ deuˬ-euˬ shiˬ baˬ da neh, naw maꞈ kʼoeˇ taˆ kʼehˬ-eu kʼaˆ-eu jeˬ keuˆ le tehꞈ-a.

Aˬmoˆ 7:2

Nyehˇ bahˇ kʼoeˇ deuˬ miˇ kʼahˬ heu kʼahˬ laꞈ kʼoeˇ kʼaˇ jaˆ-eu buˬ nyoeˇ dawˬ tawˆ luꞈ teuꞈ byoˆ jiˇ gaˇ, yaw sahˇ laꞈ kʼoeˇ ngaˇ ya mawˇ-awˇ, ngaˇ heu loꞈ-ehˇ ehˇ-euˬ ma. “Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ-oˇ, nawˬ-euˬ tsawˇ haˬ deuˬ-ahˇ iˬ baˇ pyehˬ nehˬ-awˬ. Aˬ yawꞈ maꞈ-ahˇ aˬ joˆ-ehˇ bi dehꞈ-iˇ nmˇ. Aˬ yawꞈ maꞈ-aˬ, teˬ dui nyiˇ dui dui-awˇ, gʼaˬ baˬ dui dui-eu meh.”

Yawˇlaˆ 1:9

Uˬ duˬ tahˬ nymˇ nymˇ ma laꞈ kʼoeˇ, damˬ-eu dzaˬ la gʼo cehˇ hawˇ-eu, aˬ gaꞈ dzaˇ uiˇ maˬ paˇ jaˆ meh. Sahˬpaˬ Miˬyehˇ-ahˇ damˬ nehˬ-eu, tiˬ jeˬ-iˬ maˬ jaˆ-eu miˇ neh, piˇ ma deuˬ tsawˇ ngoeˇ ngoeˇ luꞈ meh.

Hawˇseˬ 14:2

Guiˬ lahˬ shaˇ dawˬ heu yuˇ laꞈ-awˇ, lawˇ-eu shehˇ-eu tiˬ jeˬ loꞈ-ehˇ, Sahˬpaˬ Miˬyehˇ-ahˇ damˬ nehˬ-awˬ. “Nga maꞈ-euˬ iˬ baˇ pyehˬ laꞈ-awˇ, nga maꞈ shaˇ dawˬ naˇ haˬ nehˬ laꞈ. Nga maꞈ saˇ jaˇ dzaˬ-euˬ loꞈ-ehˇ, nawˬ-ahˇ nga maꞈ ja ceuˬ-eu ma.

1 Sahˬpaˬ 6:3

Uˬ duˬ tahˬ nymˇ mehˬ shi tsoˆ doˆ taˬ-euˬ uˇ leˇ duˬ-ahˇ jaˆ-eu aˇ lawˆ kʼoeˇ lawˆ kʼawꞈ, yaw jeˇ paw Uˬ duˬ tahˬ nymˇ naˆ ni ngaˬ lmˇ jeˇ-awˇ, yaw mahˇ paw nyiˬ lmˇ nui paˆ byah-eu meh.

Doˆ-iˇ 34:9

Aˬ yawꞈ ehˇ-eu, “Sahˬpaˬ Miˬyehˇ-oˇ, nawˇ ngaˬ-ahˇ aˬ diˇ aˬ maˇ nui ma tsaˬ naˇ, nga maꞈ nehˬ-ehˇ tiˬ kawˆ loꞈ-ehˇ le nehꞈ laꞈ lehˇ shaˇ-eu ma. Tsawˇ haˬ heu deuˬ-aˬ, nui ma gʼahˇ dui dui-eu meh. Ehˇ kʼawꞈ, nga maꞈ-euˬ maˬ muiˬ maˬ jaˬ-eu jeˬ hawˇ-eu mˇ lehˬ laˆ lehˬ-euˬ deuˬ-ahˇ iˬ baˇ pyehˬ nehˬ laꞈ-awˇ, nawˬ-euˬ tsawˇ haˬ loꞈ-ehˇ nga maꞈ-ahˇ ha geuꞈ nehˬ laꞈ-awˬ.”

Miˇkaˬ 7:10

Aˬ dui-ahˇ Sahˬpaˬ Miˬyehˇ ka kʼoꞈ nehˬ laꞈ gaˇ ya mawˇ ngeh, “Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ kʼoeˇ gʼaˬ aˬ lehˬ” lehˇ ehˇ ehˇ-ehˇ naˬ gʼa-eu aˬ dui-ahˇ muiˇ-eu tsawˇ haˬ kʼoeˇ deuˬ, ya shaꞈ dawˇ tehꞈ-a. Aˬ yawꞈ maꞈ-ahˇ aˬ cawˬ neh guiˇ bi deuˆ gʼaˬ-awˇ, gaˇ ma-ahˇ jaˆ-eu shaˬ jehˆ loꞈ-ehˇ bi nawˬ pyehˆ gaˇ aˬ dui ya mawˇ tehꞈ-a.

Aˬmoˆ 7:5

Kʼoeˇ ngeh, ngaˇ heu loꞈ-ehˇ ehˇ-euˬ ma. “Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ-oˇ, miˬ dzaˬ taˬ paˇ bi puiˆ hawˇ-awˬ. Nawˬ-euˬ tsawˇ haˬ deuˬ aˬ joˆ-ehˇ bi dehꞈ-iˇ nmˇ. Aˬ yawꞈ maꞈ-aˬ, teˬ dui nyiˇ dui dui-awˇ, gʼaˬ baˬ dui dui-eu meh.”

Yeˬsaˬgeˬlaˇ 20:9

Ehˇ kʼawꞈ, ngaˬ-euˬ tsawˇ myahˇ cawˆ-iˇ gaˇ yahˇ-eu miˇ neh, aˬ yawꞈ maꞈ-ahˇ ngaˇ kʼoeˇ loꞈ-ehˇ maˬ jahˇ nehˬ-aˬ. Aˬ jeˬ miˇ neh ehˇ naˇ, aˬ yawꞈ maꞈ-ahˇ Iˇjiˇtuˆ miˇ kʼahˬ laꞈ kʼoeˇ neh ngaˇ sheuˬ doˆ nehˬ-eu lehˇ gʼeh-eu gaˇ kawˆ, aˬ yawꞈ maꞈ nehˬ-ehˇ jawˇ luꞈ-eu aˬ cawˬ tsawˇ jeuˬ kʼoeˇ myaˆ ni gʼeh-eu mehˬ shi, aˬ yawꞈ maꞈ-ahˇ ngaˬ neh ehˇ gaˬ taˬ-euˬ jaˆ-eu ma.

Iˇsaˬyaˇ 37:20

Nga maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-oˇ, nawˇ tiˬ gʼaˬ tehꞈ-ehˇ Miˬyehˇ pyeuꞈ-eu gaˇ kawˆ, miˇ tsaˬ kʼoeˇ taˆ kʼaˇ jawˇ-eu tsawˇ jeuˬ dawˬ tawˆ luꞈ ya siˬ ni, Aˬshuˇliˆ tsawˇ jeuˬ-euˬ aˬ laꞈ laꞈ kʼoeˇ, nga maꞈ-ahˇ nawˇ ka kʼoꞈ nehˬ laꞈ-awˬ.”

Jaceuq 89:51

Sahˬpaˬ Miˬyehˇ-oˇ, nawˬ-ahˇ muiˇ-eu deuˬ nawˬ neh tseˇ doˆ-euˬ sahˬ paˬ-ahˇ dawˬ doeˇ ngehˬ luꞈ meh. Aˬ yawꞈ kʼaˇ iˇ gaˇ ngehˬ doeˇ ehˇ doeˇ luꞈ meh.

Jaceuq 89:41

Kʼaˇ iˇ kʼaˇ laˇ tsehˆ-eu deuˬ aˬ yawꞈ-euˬ myawˬ kʼoeˬ geuꞈ-awˇ, dawˬ peh jawˇ-eu deuˬ aˬ yawꞈ-ahˇ uiˇ-eu meh.

Jaceuq 79:4

Dawˬ peh jawˇ-eu tsawˇ haˬ deuˬ nga maꞈ-ahˇ kʼaˇ ehˇ mawꞈ-eu ehˇ-awˇ, uiˇ uiˇ-ehˇ ja bu ja doeˇ-eu meh.

Jaceuq 74:10

Miˬyehˇ-oˇ, nga maꞈ-ahˇ muiˇ-eu tsawˇ haˬ deuˬ aˇ myah keuˆ ni nawˬ-ahˇ uiˇ uiˇ-ehˇ bi jawˇ-eu gʼeh te. Mˬ maˬ maˬ byaˆ zaˇ ziˇ nawˬ-euˬ tsawˇ myahˇ-ahˇ aˬ yawꞈ maꞈ bi ja doeˇ-eu lehˇ gʼeh te loˇ.

Jaceuq 42:10

Nah ga-ehˇnaˬgʼa-awˇehˇ-eu, “Nawˬ-euˬMiˬyehˇaˬgaˇjawˇta.” Aˬyawꞈmaꞈcehꞈlehꞈka-eu kʼoeˇ, yoeˬtsuiꞈyoeˬlaꞈ-ahˇcoeˬlaˇnya.

2 Laˬsaˬbaˬ 8:12

Sawˇlaˬmoˬ-aˬ, Uˬ duˬ tahˬ nymˇ nymˇ ma-euˬ mehˬ shi aˬ yawꞈ neh tsoˆ taˬ-euˬ lawˇ duˬ kʼoeˇ hmˬ kʼoeˇ taˆ, Sahˬpaˬ Miˬyehˇ-ahˇ lawˇ nehˬ shehˇ nehˬ-euˬ meh.

Dawˬmehˬ 32:27

Ngaˬ-euˬ mawˇ do oe gʼeh leꞈ-awˇ, aˬ yawꞈ maꞈ-ahˇ lehˬ loeˇ-euˬ kʼoeˇ, aˬ yawꞈ maꞈ-ahˇ muiˇ-eu kʼoeˇ deuˬ aˬ yawꞈ maꞈ neh jahˇ-euˬ te lehˇ, kʼahˬ sehˇ maˬ bi jehˆ gaˇ keuˆ ma.’

Maꞈtehˬ 27:43

Aˬ yawꞈ Miˬyehˇ-ahˇ jah-awˇ, Miˬyehˇ-euˬ Zaˬmaˇ ma lehˇ yawˬ haˇ yawˬ ha ehˇ-eu meh. Miˬyehˇ aˬ yawꞈ-ahˇ ka kʼoꞈ nehˬ mawꞈ ngaˇ-a loˇ lehˇ haw kaˇ-euˇ.”

Maˬlaˬkiˇ 1:9

Piˇ ma deuˬ-oˇ, nymˬ-mˇ poˆ jawˇ-aˬ, Miˬyehˇ aˬ dui-ahˇ yaw muiˬ jeˬ mˇ nehˬ laꞈ ni shaˇ haw-awˬ. Naw maꞈ-euˬ shaˇ dawˬ-ahˇ aˬ yawꞈ maˬ naˇ haˬ nehˬ laꞈ-aˇ. Kʼoeˇ-aˬ, naw maꞈ-euˬ yaw lehˬ baˬ da neh meh.

Neˬhaˬmiˇ 9:36

Miˇ muiˬ muiˬ-awˇ baw le za le-eu miˇ kʼahˬ pyeuꞈ-eu, nawˬ neh biꞈ laꞈ-euˬ miˇ kʼahˬ heu kʼahˬ-ahˇ, nga maꞈ nymˬ-mˇ aˬ cawˬ zaˬ kʼaˆ geuꞈ luꞈ-eu ma.

Yawˇlaˆ 1:13

Lawˇ duˬ-ahˇ jawˇ-eu piˇ ma deuˬ guˬ daˇ pehˇ zeuˇ dm-awˇ ngoeˇ-awˬ. Uˬ duˬ tahˬ nymˇ nymˇ ma laꞈ kʼoeˇ, uˬ ciꞈ miˇ lah-ehˇ ngoeˇ leˇ-awˬ. Naw maꞈ-euˬ Miˬyehˇ-ahˇ damˬ-eu, aˬ gaꞈ dzaˇ uiˇ hawˇ-eu cehˇ pyuˇ, laˬ doˆ-iˇ kʼaˇ maˬ paˇ za meh.

Jaceuq 42:3

muiˇ-eu deuˬngaˇjawˇgaˇoe-awˇ, “Nawˬ-euˬMiˬyehˇaˬgaˇjawˇta”, maˬtsehˆleˇni naˇhaˬlaˇngeh, uˬciꞈnah gʼahˇmaˬtsehˆleˇni, myaˆbiˇngaˬ-euˬdzaˇgeuꞈ-euˬma.

2 Laˬsaˬbaˬ 7:20

ngaˬ neh naw maꞈ-ahˇ biꞈ taˬ-euˬ miˇ kʼahˬ heu kʼahˬ laꞈ kʼoeˇ neh naw maꞈ-ahˇ ngaˇ teh dzeh-awˇ, ngaˬ-ahˇ uˬ duˬ tahˬ-eu jawˇ duˬ bi pyeuꞈ-eu gʼaˇ duˬ ngaˬ neh mˇ shawˇ taˬ-euˬ Uˬ duˬ tahˬ nymˇ nymˇ ma heu nymˇ-ahˇ ngaˇ byehˇ dzeh ma. Uˬ duˬ tahˬ nymˇ nymˇ ma heu nymˇ-ahˇ tsawˇ jeuˬ dawˬ tawˆ luꞈ ja bu ja doeˇ-awˇ, kʼaˇ jahˇ mawꞈ-eu jahˇ tehꞈ-a.

1 Sahˬpaˬ 9:7

ngaˬ-euˬ tsawˇ jeuˬ pyeuꞈ-eu Iˇsaˬleˬlaˆ tsawˇ haˬ deuˬ-ahˇ, ngaˬ neh biꞈ taˬ-euˬ miˇ kʼahˬ laꞈ kʼoeˇ maˬ paˇ bi jawˇ ma. Ngaˬ-ahˇ uˬ duˬ tahˬ-eu jawˇ duˬ bi pyeuꞈ-eu gʼaˇ duˬ, ngaˬ neh bi muiˬ bi shawˇ laˇ-euˬ Uˬ duˬ tahˬ nymˇ nymˇ ma heu nymˇ-ahˇ kʼawꞈ, ngaˇ byehˇ dzeh yaꞈ ma. Yawˬ gaˇ na luꞈ jawˇ-eu tsawˇ haˬ deuˬ Iˇsaˬleˬlaˆ tsawˇ haˬ-ahˇ yehˬ bawˬ-ehˇ ehˇ niˇ gʼa-awˇ, yaw zeu maˬ baw ni ja bu ja doeˇ tehꞈ-a.

Dawˬmehˬ 28:37

Sahˬpaˬ Miˬyehˇ neh naw maꞈ-ahˇ bi cehˆ byaˆ-euˬ miˇ kʼahˬ-ahˇ jawˇ-eu tsawˇ haˬ deuˬ, naw maꞈ kʼoeˇ taˆ kʼoeˇ loꞈ-ehˇ keuˆ le-euˬ gaˇ ya mawˇ ngeh, tsawˬ guˆ-iˇ dui dui tehꞈ-a. Naw maꞈ gaˇ kawˆ aˬ yawꞈ maꞈ ja uiˇ niˇ gʼa-awˇ, naw maꞈ-ahˇ ja bu ja doeˇ tehꞈ-a.

Bawˇtsahˬ 25:6

Moˇseˬ hawˇ-eu Iˇsaˬleˬlaˆ tsawˇ haˬ aˇ maꞈ aˇ muˇ dawˬ tawˆ luꞈ, Sahˬpaˬ Miˬyehˇ jawˇ-eu Sehˬ gʼawˆ gʼoˆ kʼehˬ-ahˇ tsawˇ ngoeˇ ngoeˇ ngoeˇ-ehˇ jawˇ ngeh, Iˇsaˬleˬlaˆ tsawˇ haˬ tiˬ gʼaˬ aˬ yawꞈ maꞈ dawˬ tawˆ luꞈ mawˇ mawˇ-ehˇ, yawˬ ha-euˬ sehˬ gʼawˆ laꞈ kʼoeˇ Miˇdiˬyaˬ tsawˇ jeuˬ zaˬ miˬ zaˬ tiˬ gʼaˬ sheuˬ uˇ gʼeh-euˬ meh.

Iˇsaˬyaˇ 22:12

Kʼoeˇ naˇ, nawˇ noeˬ shaˬ-awˇ ngoeˇ-eu laꞈ kʼoeˇ, uˬ jehˆ jehˆ-awˇ guˬ daˇ pehˇ zeuˇ mehˬ tsoeˬ dm-eu gʼaˇ duˬ, Dawˬ tawˆ kʼoeˇ taˆ uˆ lahˇ-eu Baoˬ huiˬ-eu Sahˬpaˬ Miˬyehˇ, nawˬ-ahˇ kuˇ le tehꞈ-a.

Yawˇshuˆ 7:9

Kaˬnaˬ tsawˇ jeuˬ hawˇ-eu miˇ kʼahˬ heu kʼahˬ laꞈ kʼoeˇ kʼaˇ jawˇ-eu tsawˇ jeuˬ yawˬ jeuˬ na luꞈ gaˇ kawˆ heu ya gaˬ tehꞈ-a. Aˬ yawꞈ maꞈ nga maꞈ-ahˇ jawˬ lahˇ-awˇ, nga maꞈ yawˬ gʼaˬ na luꞈ-ahˇ sehꞈ tehꞈ-a. Kʼoeˇ ngeh, nawˬ-euˬ tsawˇ myahˇ maˬ ya cawˆ-iˇ ni nawˇ aˬ joˆ-ehˇ jahˇ nmˇ.”

Jaceuq 42:4

Miˬyehˇ-euˬUˬduˬtahˬnymˇ-ahˇ, tsawˇhaˬaˇmaꞈsheuˬawˇle-awˇ, laˬkʼaˬcehˇ-awˇguˇ-eu laꞈkʼoeˇ, Miˬyehˇguiˬlahˬ-ahˇja ceuˬ-euˬ, gaˇkawˆkʼoeˇdeuˬnoeˬmawˇlaˇngeh, ngaˬ-euˬnui ma tsawˬpaˆ-iˇnya.

Jaceuq 42:11

Aˬjeˬmiˇneh shaˬzahˬnaꞈ-awˇ, nui noeˬshaˬ-eu maˬjiˇnya ta. Miˬyehˇ-ahˇngaˇ noeˬtmˬ-eu ma. Ngaˬ-ahˇka kʼoꞈ-eu gʼaˬpyeuꞈ-eu, Miˬyehˇ-ahˇpaˇja ceuˬ-eu ma.