Yawˇlaˆ 1:2 - Akha

² Tsawˇ mawˬ tsawˇ kʼaˆ deuˬ naˇ haˬ-awˬ. Yuˇdaˆ miˇ kʼahˬ laꞈ kʼoeˇ jawˇ-eu, yawˬ gʼaˬ yawˬ na luꞈ naˇ haˬ-awˬ. Naw maꞈ-euˬ ziˇ laꞈ kʼoeˇ maˬ ehˇ, aˬ poeˬ aˬ bawˇ-euˬ ziˇ maˬ ehˇ, heu loꞈ-ehˇ gʼeh-eu gaˇ kawˆ heu, puˬ haw mawˇ haw-euˬ jaˆ meh loˇ.

Yawˇlaˆ 1:2 Referans Kwoze

Yawˇlaˆ 2:2

Aˇ nah kʼoeˇ nah zahˇ dui dui-awˇ, juˬ kʼoeˬ tmˬ-awˇ naˆ dui dui meh. Gawˬ jawˬ kʼaˬ naˆ naˆ-eu loꞈ-ehˇ, nyehˇ bahˇ baˬ maꞈ laˇ gʼeh laꞈ meh. Kʼoeˇ naˆ naˆ-ehˇ gʼeh-eu gaˇ kawˆ, aˇ hu keuˆ le-euˬ maˬ jaˆ-ehˇ, aˬ kaˇ maˬ paˇ keuˆ le haw-aˇ.

Hawˇseˬ 5:1

Piˇ ma deuˬ-oˇ, naˬ bawˇ gaˬ-awˬ. Iˇsaˬleˬlaˆ tsawˇ haˬ deuˬ-oˇ, naˬ bawˇ ciˬ kʼmˇ-awˇ naˇ haˬ-awˬ. Sahˬpaˬ-euˬ nymˇ kʼahˬ zaˬ deuˬ-oˇ, yaw muiˬ paˬ-ehˇ naˇ haˬ taˬ-awˬ. Naw maꞈ-ahˇ yaˇ kʼaˬ daˇ-eu dawˬ, keuˆ le luꞈ gaˇ naˇ haˬ taˬ-awˬ. Naw maꞈ dehꞈ leꞈ jawˇ leꞈ-euˬ-aˬ, Miˇ zaˬ paˬ-ahˇ jeˬ beuˆ tahˇ-awˇ, Taˬbawˬ meuˬ-ahˇ baw gʼaꞈ kʼmˇ-awˇ,

Yeˬlaˬmiˇ 30:7

Guˆ laˇ paˬ-ehˇ gʼeh-eu aˇ nah keuˆ le luꞈ meh. Ngaˬ-euˬ tsawˇ haˬ shaˬ zahˬ naꞈ dui dui-eu, aˇ nah kʼoeˇ-ahˇ duˇ-eu yawˬ nah yawˬ maˬ jaˆ-a. Ehˇ kʼawꞈ, aˬ yawꞈ maꞈ ya buˬ-iˇ tehꞈ-a.”

Yawˇbaˆ 8:8

Aˇ hu-euˬ zaˬ siˬ tsawˇ gahˇ-ahˇ tiˬ poˆ paˇ haw sheˇ. Aˬ dui-euˬ aˬ poeˬ aˬ bawˇ deuˬ neh ehˇ duˬ taˬ yaꞈ-euˬ jeˬ-ahˇ shaˇ noeˬ haw sheˇ.

Maꞈtehˬ 24:21

Aˬ jeˬ miˇ neh ehˇ naˇ, kʼoeˇ ngeh poˆ keuˆ le-eu guˆ-eu gaˆ-eu jeˬ kʼoeˇ-aˬ, miˇ tsaˬ tahˬ kʼawˇ heu aˇ dahˬ beh ngeh neh kʼaˇ keuˆ le dzeuˇ yaꞈ-euˬ jeˬ hawˇ-eu, aˬ kaˇ kʼaˇ keuˆ le-eu jeˬ dawˬ tawˆ luꞈ naˆ maˬ tseˇ, guˆ dui dui laˇ paˬ-ehˇ gʼeh-eu meh.

Maꞈtehˬ 13:9

Naˬ bawˇ kʼaˇ tsoꞈ-eu deuˬ naˇ haˬ-awˬ.”

Miˇkaˬ 3:9

Yaw tsaˬ yaw dawˇ jeˬ-ahˇ bye-awˇ, yaw tsaˬ jeˬ-ahˇ yaw lehˬ jeˬ laˆ pyeuꞈ-eu Iˇsaˬleˬlaˆ tsawˇ haˬ deuˬ-oˇ, ngaˇ ehˇ gaˇ naˇ haˬ sheˇ.

Miˇkaˬ 3:1

Iˇsaˬleˬlaˆ tsawˇ haˬ aˬ yuiꞈ aˬ tsu deuˬ-oˇ, ngaˇ ehˇ gaˇ naˇ haˬ sheˇ. Miˇ kʼahˬ zaˬ deuˬ yaw tsaˬ yaw dawˇ dawˇ-ehˇ dehꞈ ni naw maꞈ haw-eu tsaˬ meh.

Miˇkaˬ 1:2

Tsawˇ jeuˬ dawˬ tawˆ luꞈ naˇ haˬ sheˇ. Miˇ tsaˬ tsawˇ haˬ zaˬ dawˬ tawˆ luꞈ, naˬ bawˇ ciˬ kʼmˇ-awˇ naˇ haˬ sheˇ. Naw maꞈ yaw doeˇ mˇ-euˬ gaˇ kawˆ, Baoˬ huiˬ-eu Sahˬpaˬ Miˬyehˇ-aˬ, naw maꞈ-ahˇ saˇ kiˇ kamˬ tehꞈ-a. Naˇ haˬ sheˇ. Mˬ taˆ aˬ yawꞈ-euˬ nymˇ laꞈ kʼoeˇ, aˬ yawꞈ dawˬ ngehˬ gaˇ naˇ haˬ sheˇ.

Aˬmoˆ 5:1

Iˇsaˬleˬlaˆ miˇ kʼahˬ-ahˇ jawˇ-eu tsawˇ haˬ deuˬ-oˇ, naw maꞈ gʼaˇ duˬ ngaˇ tsawˇ ngoeˇ ngoeˇ-eu laꞈ kʼoeˇ tsawˇ shiˇ caˇ dawˬ caˇ gaˇ naˇ haˬ sheˇ.

Aˬmoˆ 4:1

Dzaˇ yaw muiˬ ya dzaˬ-eu miˇ neh tsuˇ dui dui-eu Baˬshaˬ meuˬ-ahˇ jawˇ-eu mawˇ neˇ mawˇ ma-ahˇ duˇ-eu Saˬmaˬliˆ meuˬ-ahˇ jawˇ-eu zaˬ miˬ zaˬ deuˬ-oˇ, naˇ haˬ sheˇ. Gʼaˬ baˬ-eu deuˬ-ahˇ naw maꞈ yehˬ bawˬ-ehˇ jahˇ nehˬ-awˇ, yaw shaˬ zaˬ deuˬ kʼoeˇ taˆ naw maꞈ kʼaˆ dzaˬ-euˬ meh. Naw maꞈ-euˬ kʼaˬ dzeˇ zaˬ deuˬ-ahˇ, jiˇ baˬ ciˬ laꞈ sheˇ lehˇ naw maꞈ kʼehˇ-eu meh.

Aˬmoˆ 3:1

Iˇsaˬleˬlaˆ miˇ kʼahˬ-ahˇ jawˇ-eu tsawˇ haˬ deuˬ-oˇ, naˇ haˬ sheˇ. Naw maꞈ tsawˇ jeuˬ jeuˬ lah ni-ahˇ Iˇjiˇtuˆ miˇ kʼahˬ laꞈ kʼoeˇ neh sheuˬ doˆ nehˬ laꞈ-euˬ gʼaˬ pyeuꞈ-eu Sahˬpaˬ Miˬyehˇ neh naw maꞈ-euˬ gaˇ kawˆ heu loꞈ-ehˇ ehˇ taˬ-euˬ meh.

Yawˇlaˆ 1:14

Maˬ dzaˬ-eu zahˇ jahˇ-awˇ lah-awˬ. Tsawˇ haˬ aˇ maꞈ kuˇ uiˬ jiˇ-awˬ. Aˬ yuiꞈ aˬ tsu, tsawˇ mawˬ tsawˇ kʼaˆ, miˇ kʼahˬ zaˬ yawˬ gʼaˬ yawˬ na luꞈ, Miˬyehˇ Sahˬpaˬ Miˬyehˇ jawˇ gaˇ, Uˬ duˬ tahˬ nymˇ-ahˇ uiˬ leˇ-awˇ, Sahˬpaˬ Miˬyehˇ-ahˇ ngoeˇ haw-awˬ.

Hawˇseˬ 4:1

Sahˬpaˬ Miˬyehˇ ngehˬ-eu dawˬ-ahˇ, Iˇsaˬleˬlaˆ naˬ bawˇ gaˬ-awˬ. “Miˇ kʼahˬ heu-euˬ tsawˇ haˬ deuˬ-ahˇ, aˬ yawꞈ ja-eu gaˇ kawˆ jaˆ meh. Saˇ jaˇ ziꞈ-eu gaˇ kawˆ maˬ ehˇ, gʼawˬ shaˬ gaˬ-eu gaˇ kawˆ maˬ ehˇ, Miˬyehˇ-ahˇ siˬ nya-eu maˬ ehˇ, miˇ kʼahˬ heu kʼahˬ laꞈ kʼoeˇ maˬ jaˆ.

Daˬyeˬlaˇ 12:1

Shawˇ jehˆ ni gʼeh-eu saˬ paˇ neh guꞈ taˬ-euˬ mehˬ tsoeˬ dm luꞈ-eu mˬ taˆ gʼaˬ kʼehˇ kʼoeˇ gʼaˬ heu loꞈ-ehˇ ehˇ-eu meh. “Kʼoeˇ ngeh jawˇ, nawˬ-euˬ tsawˇ jeuˬ-ahˇ haw piˇ-eu gʼaˬ pyeuꞈ-eu Miˇkeˬlaˇ lehˇ myahˇ-euˬ huiˬ-eu mahˇ-eu mˬ taˆ gʼaˬ kʼehˇ kʼoeˇ gʼaˬ doˆ le tehꞈ-a. Kʼoeˇ naˇ, miˇ kʼahˬ tsawˇ jeuˬ deuˬ dehꞈ le jawˇ le ngeh neh tiˬ jawˇ-iˬ maˬ mawˇ haw-euˬ shaˬ dui zahˬ dui dui-eu aˇ yamˬ keuˆ le tehꞈ-a. Aˇ yamˬ kʼoeˇ yamˬ keuˆ le ngeh, Miˬyehˇ-euˬ tsawˇ haˬ laꞈ kʼoeˇ tsawˇ myahˇ ahˇ-eu nawˬ-euˬ tsawˇ haˬ deuˬ ka kʼoꞈ-eu jeˬ za tehꞈ-a.

Yeˬlaˬmiˇ 5:21

Myaˆ nuiˆ tsoꞈ-awˇ maˬ mawˇ nya-eu, naˬ bawˇ tsoꞈ-awˇ maˬ gaˬ nya-eu, aˬ dzawˬ aˇ gah deuˬ naˇ haˬ sheˇ.

Iˇsaˬyaˇ 34:1

Tsawˇ jeuˬ dawˬ tawˆ luꞈ-oˇ, laˇ-awˇ naˇ haˬ laˇ-awˬ. Tsawˇ haˬ dawˬ tawˆ luꞈ-oˇ, naˬ bawˇ ciˬ kʼmˇ laˇ-awˬ. Miˇ tsaˬ tahˬ kʼawˇ hawˇ-eu miˇ tsaˬ zaˬ dawˬ tawˆ luꞈ, laˇ-awˇ naˇ haˬ laˇ-awˬ.

Iˇsaˬyaˇ 7:17

“Iˇsaˬleˬlaˆ miˇ kʼahˬ hawˇ-eu Yuˇdaˆ miˇ kʼahˬ biˇ paˆ ngeh nah neh dahˬ beh-awˇ, iˬ nah keuˆ ni kʼaˇ ya tahˬ puˬ haw-euˬ shaˬ zahˬ dawˬ tawˆ luꞈ naˆ maˬ tseˇ doeˇ dui dui-eu jeˬ, nawˬ-euˬ kʼoeˇ taˆ maˬ ehˇ, nawˬ-euˬ tsawˇ haˬ deuˬ kʼoeˇ taˆ maˬ ehˇ, nawˬ-euˬ aˇ jeuˬ aˇ ca dawˬ tawˆ luꞈ kʼoeˇ taˆ maˬ ehˇ, Sahˬpaˬ Miˬyehˇ bi keuˆ le tehꞈ-a. Aˬshuˇliˆ sahˬ paˬ-ahˇ aˬ yawꞈ sheuˬ ahˇ leꞈ tehꞈ-a.

Jaceuq 49:1

Tsawˇ haˬ dawˬ tawˆ luꞈ naˇ haˬ sheˇ. Miˇ tsaˬ zaˬ dawˬ tawˆ luꞈ naˬ bawˇ ciˬ kʼmˇ sheˇ.

Yawˇbaˆ 21:7

Aˬ jeˬ miˇ neh haiˬ-eu tsawˇ haˬ deuˬ-ahˇ Miˬyehˇ bi dehꞈ ta. Mawˬ le-awˇ pyuˇ shuiˇ jaˆ myaˬ laˇ ngeh keuˆ ni aˬ jeˬ gʼeh bi dehꞈ ta.

Yawˇbaˆ 15:10

Nawˬ da maˬ dehꞈ le mi naˆ-ehˇ jawˇ luꞈ-eu, uˬ duˬ pyuˇ laˇ-euˬ tsawˇ haˬ deuˬ jawˇ gaˇ nga maꞈ tsawˇ gahˇ dzaw nya taˬ-euˬ ma.

Yawˇbaˆ 12:12

“Aˇ kʼoꞈ kʼawˆ laˇ-euˬ deuˬ nehˬ-ehˇ zaˬ siˬ tsawˇ gahˇ jawˇ-awˇ, dehꞈ myahˇ laꞈ-euˬ deuˬ nehˬ-ehˇ noeˬ siˬ noeˬ mawˇ nya-eu jeˬ jaˆ-eu meh.

Panmaeq 2:7

“Nawˇ naˬ bawˇ tsoꞈ-eu ngeuˇ naˇ, Ka li zaˬ aˇ muˇ deuˬ-ahˇ Yaw sahˇ Miˬyehˇ neh ehˇ nehˬ-euˬ dawˬ-ahˇ naˇ haˬ-awˬ. “Gʼaˬ leˇ-euˬ tsawˇ haˬ deuˬ-ahˇ, Miˬyehˇ-euˬ Eˬdeˬ yaˇ kmˇ laꞈ kʼoeˇ bawˇ-eu dehꞈ-eu saꞈ laˇ biꞈ-eu aˇ bawˇ kʼoeˇ bawˇ-euˬ aˇ siˬ ngaˇ bi dzaˬ ma.