Yawˇlaˆ 1:19 - Akha

¹⁹ Jeˬ zaˬ gaˆ kʼahˬ, aˇ bawˇ sahˬ kʼaˆ, miˬ dzaˬ neh bi puiˆ-euˬ loꞈ-ehˇ, nyoeˬ jiˇ kʼoˆ jiˇ-euˬ baˬ da neh, Sahˬpaˬ Miˬyehˇ-oˇ nawˬ-ahˇ ngaˇ, gaˇ kawˆ heu guˇ gaˬ luꞈ-eu ma.

Yawˇlaˆ 1:19 Referans Kwoze

Yeˬlaˬmiˇ 9:10

Ngaˇ heu loꞈ-ehˇ ehˇ-euˬ ma. “Gawˬ jawˬ hawˇ-eu jeˬ zaˬ gaˆ kʼahˬ deuˬ-euˬ gʼaˇ duˬ, ngaˇ tsawˇ ngoeˇ ngoeˇ-eu ma. Gawˬ jawˬ hawˇ-eu jeˬ zaˬ gaˆ kʼahˬ deuˬ koˆ jiˇ-awˇ, tsawˇ haˬ maˬ iˇ maˬ laˇ tsehˆ-a. Jeˬ zaˬ teˇ saˇ maˬ ya gaˬ ni ciˬ cuˇ ni pyeuꞈ-iˇ-awˇ, bawˇ tsahˬ jeˬ zaˬ aˇ jiˇ deuˬ pawˇ byoˆ jiˇ-euˬ meh.”

Jaceuq 50:15

Shaˬ-eu zahˬ-eu jeˬ keuˆ le ngeh ngaˬ-ahˇ kuˇ-awˬ. Ngaˇ naw maꞈ-ahˇ ka kʼoꞈ nehˬ-awˇ, naw maꞈ ngaˬ-ahˇ ja ceuˬ tehꞈ-a.”

Aˬmoˆ 7:4

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ-aˬ, yaw sahˇ laꞈ kʼoeˇ ngaˬ-ahˇ heu loꞈ-ehˇ paˇ bi mawˇ laꞈ-euˬ meh. Aˬ yawꞈ-euˬ tsawˇ haˬ deuˬ-ahˇ miˬ dzaˬ neh kʼehˬ nehˬ kʼaˆ nehˬ-eu lehˇ aˬ yawꞈ lehˬ hmˬ luꞈ-eu meh. Miˇ tsaˬ dawˬ dah jaˆ-eu iˬ ma laˆ shaˆ-ahˇ miˬ dzaˬ puiˆ dzaˬ-awˇ, miˇ tsaˬ-ahˇ doꞈ nyawˬ-euˬ meh.

Miˇkaˬ 7:7

Ehˇ kʼawꞈ, Sahˬpaˬ Miˬyehˇ-ahˇ ngaˇ loꞈ luꞈ ma. Ngaˬ-ahˇ ka kʼoꞈ-eu gʼaˬ pyeuꞈ-eu Miˬyehˇ-ahˇ ngaˇ ziꞈ dah ni dawˬ luꞈ ma. Ngaˬ-euˬ Miˬyehˇ ngaˬ-ahˇ ngehˬ gʼeh laꞈ tehꞈ-a.

Luˇkaꞈ 18:7

Toˆ-ehˇ ngeuˇ naˇ, uˬ ciꞈ nah gʼahˇ maˬ ehˇ caw ba nehˬ laꞈ lehˇ shaˇ luꞈ-eu, Miˬyehˇ neh tseˇ doˆ-euˬ tsawˇ haˬ deuˬ-euˬ gʼaˇ duˬ, Miˬyehˇ yaˇ kʼaˬ maˬ daˇ nehˬ-aˇ loˇ. Aˬ yawꞈ nyi naˬ nyi naˬ-ehˇ jawˇ tehꞈ-a loˇ.

Yawˇlaˆ 2:3

Miˬ dzaˬ puiˆ dzaˬ jiˇ-euˬ loꞈ-ehˇ, aˇ bawˇ kʼaˇ ngeuˇ-eu dzaˬ jiˇ-awˇ, aˬ yawꞈ maꞈ iˇ luꞈ-eu mehˬ hu, Eˬdeˬ yaˇ kmˇ loꞈ-ehˇ muiˬ kʼawꞈ, aˬ yawꞈ maꞈ iˇ dzeuˇ-euˬ naˇ kʼah, kʼaˇ shuiꞈ deh yaˇ pyeuꞈ jiˇ-eu meh. Tiˬ jeˬ-iˬ maˬ dzeuˇ-iˇ nya-a.

Jaceuq 91:15

Aˬ yawꞈ maꞈ ngaˬ-ahˇ kuˇ ngeh ngaˇ naˇ haˬ nehˬ ma. Aˬ yawꞈ maꞈ shaˬ ngeh zahˬ ngeh ngaˇ aˬ yawꞈ maꞈ nehˬ-ehˇ jawˇ-awˇ, ka kʼoꞈ-awˇ ciˬ huiˬ ciˬ mahˇ nehˬ ma.

Luˇkaꞈ 18:1

Zaˬ lahˇ deuˬ aˬ myah luꞈ guiˬ lahˬ shaˇ-awˇ, tiˬ jawˇ-iˬ nui ma maˬ ya cawˆ-eu gʼaˇ duˬ, Yeˬsuˇ yaw jeˬ ma jeˬ ja-awˇ, mehˬ nehˬ tsoˆ nehˬ-euˬ meh.

Yeˬlaˬmiˇ 14:4

Uˬ yehˇ maˬ jaˆ-ehˇ miˇ tsaˬ koˆ-iˇ-euˬ miˇ neh, mˇ dzaˬ-eu tsawˇ haˬ deuˬ nui ma cawˆ dui dui-awˇ, myaˆ pyawˬ ciꞈ zaꞈ-euˬ meh.

Aˬmoˆ 1:2

Aˬmoˆ ehˇ-eu, “Ziˇoˬ meuˬ-euˬ gawˬ jawˬ kʼoeˇ taˆ, Sahˬpaˬ Miˬyehˇ lmˬ luꞈ-eu meh. Yeˬluˇsaˬlehˬ meuˬ laꞈ kʼoeˇ neh, yawꞈ-euˬ teˇ saˇ gaˬ doˆ laˇ-eu, mˬ jeˬ tsawˬ tehˆ tehˆ gaˇ duˇ meh. Jeˬ zaˬ gaˆ kʼahˬ gui-iˇ jiˇ-awˇ, Gaˬlaˬmeˬlaˇ gawˬ jawˬ uˬ du, yaˇ moꞈ nyoeˬ jiˇ koˆ jiˇ-euˬ meh.”

Yeˬlaˬmiˇ 3:9

Aˬ yawꞈ shaꞈ dawˇ-eu nui ma tiˬ pawꞈ-iˬ maˬ ahˇ ni, kʼaˬ lo hawˇ-eu daˇ kawˬ-ahˇ uˬ duˬ tahˬ-eu laꞈ kʼoeˇ, aˬ cawˬ nehˬ-ehˇ dehꞈ bahˬ-euˬ meh.

Yeˬlaˬmiˇ 9:9

Aˬ yawꞈ maꞈ kʼoeˇ loꞈ-ehˇ dehꞈ doeˇ-eu baˬ da neh, ngaˇ maˬ kʼehˬ ni jawˇ coeˇ nmˇ loˇ. Kʼoeˇ naˆ ni doeˇ-eu tsawˇ jeuˬ-ahˇ, ngaˇ laꞈ poˆ maˬ poˆ ni dzahˬ tehˬ coeˇ nmˇ loˇ lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”