Yawˇbaˆ 8:3 - Akha

³ Miˬyehˇ-aˬ, yaw tsaˬ yaw dawˇ jeˬ-ahˇ maˬ yuˇ pyawˆ-ehˇ, tsaˬ-eu jeˬ-ahˇ maˬ byehˇ ni mˇ-eu meh.

Yawˇbaˆ 8:3 Referans Kwoze

2 Laˬsaˬbaˬ 19:7

Naw maꞈ Sahˬpaˬ Miˬyehˇ-ahˇ guˆ-eu laꞈ kʼoeˇ yaw muiˬ paˬ-ehˇ mˇ-awˬ. Aˬ jeˬ miˇ neh ehˇ naˇ, aˬ dui-euˬ Miˬyehˇ pyeuꞈ-eu Sahˬpaˬ Miˬyehˇ-aˬ, jaˬ myawꞈ myawꞈ-eu jeˬ-ahˇ maˬ ehˇ, myaˆ pyawˬ huiˬ nyiˇ tseˇ-eu jeˬ-ahˇ maˬ ehˇ, laꞈ nmꞈ nmꞈ-eu jeˬ-ahˇ maˬ ehˇ, iˬ baˇ maˬ pyehˬ nehˬ-a.”

Dawˬmehˬ 32:4

“Aˬ dui lo guˇ Sahˬpaˬ Miˬyehˇ, yawꞈ mˇ-euˬ jeˬ tsaˬ meh byah meh. Aˬ dui Miˬyehˇ saˇ jaˇ ziꞈ-awˇ, tsaˬ dui, sui dui, dawˇ dui dui meh.

Aˇ dahˬ 18:25

Iˬ baˇ maˬ mˇ-eu tsawˇ haˬ deuˬ-ahˇ, iˬ baˇ mˇ-eu tsawˇ haˬ deuˬ nehˬ-ehˇ tiˬ kawˆ loꞈ-ehˇ, nawˇ aˬ diˇ aˬ maˇ maˬ laˆ sehꞈ nehˬ-aˇ. Kʼoeˇ loꞈ-ehˇ maˬ jahˇ kʼmˬ-eu uˬ taꞈ, jahˇ-eu kʼawꞈ maˬ tsaˬ-aˇ. Kʼoeˇ loꞈ-ehˇ jahˇ naˇ, iˬ baˇ maˬ mˇ-eu deuˬ-ahˇ kʼawꞈ, iˬ baˇ mˇ-eu deuˬ nehˬ-ehˇ tiˬ kawˆ loꞈ-ehˇ shehˆ keuˬ-awˇ kʼehˬ nehˬ kʼaˆ nehˬ gaˇ duˇ tehꞈ-a. Heu-aˬ, maˬ jahˇ kʼmˬ-eu tiˬ jeˬ meh. Miˇ kʼahˬ dawˬ tawˆ luꞈ kʼoeˇ taˆ yaˇ kʼaˬ daˇ-eu yaw sahˇ gʼaˬ-aˬ, dawˇ coe ni mˇ-eu tsaˬ tehꞈ-a.”

Daˬyeˬlaˇ 9:14

Nga maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-oˇ, nawˇ aˬ myah luꞈ yaw tsaˬ yaw dawˇ dawˇ-ehˇ mˇ-eu gʼaˬ pyeuꞈ-eu loꞈ-ehˇ, nawˬ-euˬ ehˇ dawˬ-ahˇ nga maꞈ maˬ naˇ haˬ-euˬ miˇ neh, nga maꞈ-ahˇ kʼehˬ-eu kʼaˆ-eu gʼaˇ duˬ nawˬ neh lehˬ hmˬ taˬ-euˬ loꞈ-ehˇ, kʼehˬ nehˬ kʼaˆ nehˬ laꞈ-euˬ meh.

Panmaeq 16:7

Kʼoeˇ naˇ, lawˇ duˬ jaˆ gaˇ neh heu loꞈ-ehˇ ehˇ doˆ laꞈ gaˇ ngaˇ ya gaˬ-euˬ ma. “Baoˬhuiˬ-eu Sahˬpaˬ Miˬyehˇ-oˇ, nawˬ neh yaˇ kʼaˬ daˇ-euˬ heu-aˬ, tsaˬ dui dawˇdui dui meh.”

Panmaeq 15:3

Miˬyehˇ-euˬ zaˬ kʼaˆ pyeuꞈ-eu Moˇseˬ-euˬ caˇ dawˬ hawˇ-eu Yawˇzaˬ-euˬ caˇ dawˬ aˬ yawꞈ maꞈ caˇ luꞈ-eu meh. “Baoˬ huiˬ-eu Sahˬpaˬ Miˬyehˇ-oˇ, nawˬ neh mˇ-euˬ shaˇ-euˬ gaˇ deuˬ, aˇ naˆ ni zahˬ leˇ duˬ jaˆ nga. Tsawˇ jeuˬ dawˬ tawˆ-euˬ Sahˬpaˬ-oˇ, nawˬ-euˬ gaˇ ma tsaˬ meh dawˇ meh.

Lormav 2:5

Ehˇ kʼawꞈ, nawˇ nui ma gʼahˇ dui dui-awˇ, naˬ bawˇ tuˇ-eu miˇ neh, Miˬyehˇ nui ma pehˇ-eu jeˬ hawˇ-eu dawˇ coe ni yaˇ kʼaˬ daˇ-eu jeˬ pah mehˬ le ngeh Nah, kʼoeˇ naˆ maˬ tseˇ gʼeh-eu kʼehˬ-eu kʼaˆ-eu jeˬ nawˬ-euˬ kʼoeˇ taˆ keuˆ le ni yawˬ haˇ yawˬ ha mˇ luꞈ gaˇ duˇ-eu meh.

Yeˬsaˬgeˬlaˇ 33:20

Ehˇ kʼawꞈ, Iˇsaˬleˬlaˆ-oˇ, ngaˇ mˇ-eu maˬ tsaˬ nga lehˇ naw maꞈ ehˇ-eu meh. Naw maꞈ mˇ gaˇ shaˇ gaˇ haw-awˇ, naw maꞈ-ahˇ ngaˇ yaˇ kʼaˬ daˇ ma.”

Yeˬsaˬgeˬlaˇ 33:17

“Ngaˇ mˇ-eu maˬ tsaˬ nga lehˇ nawˬ-euˬ tsawˇ haˬ deuˬ ehˇ-eu meh. Maˬ ngeuˇ-a. Maˬ tsaˬ-eu-aˬ, aˬ yawꞈ maꞈ-euˬ dehꞈ jeˬ dehꞈ kawˆ kʼoeˇ meh.

Yeˬsaˬgeˬlaˇ 18:25

“Sahˬpaˬ Miˬyehˇ gaˇ mˇ-eu maˬ tsaˬ nga lehˇ naw maꞈ ehˇ-eu meh. Iˇsaˬleˬlaˆ tsawˇ haˬ deuˬ-oˇ, ngaˇ ehˇ gaˇ naˇ haˬ sheˇ. Ngaˇ mˇ-eu maˬ tsaˬ nga lehˇ naw maꞈ noeˬ-eu meh. Maˬ tsaˬ-eu-aˬ, naw maꞈ neh mˇ-euˬ gaˇ meh.

Jaceuq 99:4

Baoˬ huiˬ dui dui-eu sahˬ paˬ-oˇ, Iˇsaˬleˬlaˆ miˇ kʼahˬ laꞈ kʼoeˇ yaw tsaˬ yaw dawˇ jeˬ nawˇ bi jaˆ-euˬ meh. Yaw sui yaw dawˇ jeˬ nawˇ bi keuˆ le-euˬ meh.

Jaceuq 89:14

Yaw tsaˬ yaw dawˇ jeˬ kʼoeˇ taˆ, nawˬ-euˬ miˇ kʼahˬ nawˇ bi ziꞈ-euˬ meh. Nawˇ kʼaˇ mˇ kʼaˇ shaˇ-eu jeˬ laꞈ kʼoeˇ, gʼoeˇ-eu gaˬ-eu jeˬ hawˇ-eu saˇ jaˇ ziꞈ-eu jeˬ ya mawˇ-eu meh.

Yawˇbaˆ 40:8

Ngaˇ maˬ tsaˬ maˬ dawˇ-a lehˇ nawˇ ja duˬ mawꞈ te loˇ. Ngaˇ lehˬ-eu gʼaˬ pyeuꞈ-awˇ, nawˇ yaw tsaˬ ma lehˇ ehˇ mawꞈ te loˇ.

Yawˇbaˆ 40:2

“Yawˇbaˆ-oˇ, Baoˬ huiˬ-eu Miˬyehˇ nehˬ-ehˇ ja haw mawꞈ nya lehˇ nawˇ ehˇ-eu meh. Nawˇ maˬ paˇ ja ni byehˇ nmˇ loˇ. Maˬ ngeuˇ naˇ ngaˬ neh kʼaˇ naˇ haˬ-euˬ jeˬ-ahˇ ehˇ kʼoꞈ nmˇ loˇ.”

Yawˇbaˆ 35:13

Aˬ yawꞈ maꞈ yaw kʼaˆ-ehˇ guˇ-awˇ shaˇ kʼawꞈ, yawꞈ ngehꞈ meh. Baoˬ huiˬ-eu Miˬyehˇ maˬ siˬ maˬ mawˇ-euˬ geuꞈ-awˇ jawˇ-eu meh.

Yawˇbaˆ 34:5

Yawˇbaˆ aˬ yawꞈ iˬ baˇ maˬ ahˇ gaˇ, Miˬyehˇ yaw tsaˬ yaw dawˇ dawˇ-ehˇ maˬ jahˇ nehˬ laꞈ nga lehˇ ehˇ luꞈ-eu meh.

Yawˇbaˆ 21:20

Iˬ baˇ mˇ-eu tsawˇ haˬ deuˬ yawˬ ha-euˬ iˬ baˇ yawˬ ha pi luꞈ-uˇ. Baoˬ huiˬ-eu Miˬyehˇ nui ma pehˇ-eu jeˬ-ahˇ aˬ yawꞈ maꞈ ya daˬ luꞈ-uˇ.

Yawˇbaˆ 21:15

Miˬyehˇ-euˬ nui kʼahˇ mˇ-eu maˬ loˬ-ehˇ, aˬ yawꞈ-ahˇ guiˬ lahˬ shaˇ-eu gaˇ dahˇ maˬ tsoeˬ-a lehˇ aˬ yawꞈ maꞈ noeˬ luꞈ meh.

Yawˇbaˆ 19:7

Aˬ yawꞈ ngaˬ-ahˇ mˇ nehˬ laꞈ-euˬ heu maˬ tsaˬ-a lehˇ ngaˇ ehˇ kʼawꞈ, naˇ haˬ nehˬ laꞈ-eu gʼaˬ maˬ jawˇ-a. Yaw tsaˬ yaw dawˇ jeˬ bi keuˆ le-awˬ lehˇ ngaˇ guˇ gaˇ, naˬ bawˇ gaˬ leˇ-eu tiˬ gʼaˬ-iˬ maˬ jawˇ-a.

Yawˇbaˆ 10:3

Nawˇ gʼawˬ shaˬ gaˬ-eu nui ma tiˬ pawꞈ-iˬ maˬ ahˇ ni, nawˬ neh beh-euˬ jeˬ-ahˇ yaw zeu maˬ baw-ehˇ, haiˬ-eu tsawˇ haˬ deuˬ-euˬ gaˇ kawˆ-ahˇ nui kʼahˇ shiˇ-eu tsaˬ tehꞈ-a loˇ.

Yawˇbaˆ 9:2

“Gaˇ kawˆ kʼoeˇ deuˬ dawˬ tawˆ luꞈ ngaˇ siˬ nya ma. Ehˇ kʼawꞈ, tsawˇ haˬ zaˬ Miˬyehˇ-ahˇ aˬ joˆ-ehˇ ja gʼaˬ nya nmˇ.

Yawˇbaˆ 4:17

“Tsawˇ haˬ zaˬ Miˬyehˇ mehˬ shi yaw tsaˬ yaw dawˇ dawˇ-ehˇ dehꞈ nya meh loˇ. Beh-euˬ yaw sahˇ mehˬ shi shawˇ jehˆ ni dehꞈ nya meh loˇ.

Yawˇbaˆ 36:3

Ngaˬ-euˬ zaˬ siˬ tsawˇ gahˇ-aˬ, naꞈ dui dui-eu ma. Ngaˬ-ahˇ beh-euˬ yaw sahˇ pyeuꞈ-eu Miˬyehˇ tsaˬ-eu dawˇ-eu gaˇ kawˆ, ngaˇ kʼaˇ siˬ kʼaˇ nya-eu loꞈ-ehˇ ja mehˬ ma.

Yawˇbaˆ 36:23

Miˬyehˇ gaˇ mˇ gaˇ tiˬ gʼaˬ-iˬ maˬ mehˬ maˬ tsoˆ nya-a. Aˬ yawꞈ yaw haiˬ jeˬ mˇ nga lehˇ tiˬ gʼaˬ-iˬ maˬ ehˇ leˇ nya-a.

Yawˇbaˆ 37:23

Miˬyehˇ-euˬ baoˬ huiˬ dui dui-eu miˇ neh, aˬ yawꞈ dawˬ peh aˬ dui maˬ nyiˬ leˇ nya-a. Aˬ yawꞈ tsawˇ haˬ zaˬ-ahˇ yaw tsaˬ yaw dawˇ laꞈ kʼoeˇ cawˬ cawˬ taꞈ-eu meh.

Yawˇbaˆ 19:6

Heu loꞈ-ehˇ pyeuꞈ laˇ ni mˇ-euˬ gʼaˬ Miˬyehˇ meh lehˇ, naw maꞈ-ahˇ maˬ siˬ laˇ nya loˇ. Ngaˇ bi paꞈ leˇ-eu lehˇ aˬ yawꞈ lahˇ ju kʼmˇ-euˬ maˬ ngeuˇ-a loˇ.