Yawˇbaˆ 7:9 - Akha

⁹ Mˬ dmˇ zaw gʼeh-awˇ zaw byoˆ jiˇ-eu loꞈ-ehˇ, shiˇ dzeuˇ-euˬ tsawˇ haˬ maˬ paˇ gʼoꞈ doˆ laˇ nya meh.

Yawˇbaˆ 7:9 Referans Kwoze

2 Saˬmeuˬlaˆ 14:14

Aˬ dui dawˬ tawˆ luꞈ ya shiˇ tehꞈ-a. Aˬ dui-aˬ, miˇ tsaˬ-ahˇ shehˆ dzeh-awˇ maˬ paˇ tawˆ kʼoꞈ geuꞈ nya-eu iˇ cuꞈ-ahˇ duˇ-eu meh. Shiˇ dzeuˇ-euˬ tsawˇ haˬ deuˬ-ahˇ, Miˬyehˇ maˬ bi gʼoꞈ dehꞈ laˇ-a. Ehˇ kʼawꞈ, aˬ cawˬ miˇ kʼahˬ-ahˇ cehˆ jawˇ-iˇ-euˬ tsawˇ haˬ tiˬ gʼaˬ gʼoꞈ laˇ nya ni, sahˬ paˬ gaˇ ma pah nehˬ nya tehꞈ-a.

Jaceuq 39:13

Tiˬjawˇ-iˬ maˬpaˇgʼoꞈlaˇ ni, ngaˇmaˬya iˇbyoˆ-euˬnmˇkaˬ, laˬkʼaˬcehˇ-eu tiˬkʼehˬ oꞈ ni, nawˇmaˬhaw tsoˆni bi dehꞈlaꞈ.

Yawˇbaˆ 30:15

Ngaˇ aˇ dzehˬ guˆ dzeuˇ-euˬ miˇ-a. Ngaˬ-euˬ kʼahˬ sehˇ jaˬ lehˇ neh baw byoˆ gʼeh-awˇ, ngaˬ-euˬ pyuˇ shuiˇ myawˬ gahˬ mˬ dmˇ loꞈ-ehˇ zaw byoˆ jiˇ-euˬ miˇ-a.

Yawˇbaˆ 16:22

Ngaˬ-euˬ aˇ kʼoꞈ aˇ la deuˬ dzeuˇ-iˇ luꞈ-awˇ, gʼoꞈ dmˇ dzeh laˇ-eu maˬ baw-eu gaˇ ma-ahˇ ngaˇ cah luꞈ-eu ma.

Yawˇbaˆ 10:21

Ngaˇ nymˬ-mˇ ya iˇ byoˆ gʼeh-awˇ maˬ paˇ ya gʼoꞈ doˆ laˇ meh. Zahˇ tsui ni gʼeh-eu miˇ kʼahˬ-ahˇ ngaˇ ya iˇ meh.

2 Saˬmeuˬlaˆ 12:23

Ehˇ kʼawꞈ, nymˬ-mˇ aˬ yawꞈ shiˇ dzeuˇ shaw-euˬ-aˬ, aˬ jeˬ miˇ neh ngaˇ maˬ dzaˬ maˬ dawˇ ni paˇ lah-eu. Aˬ li paˇ gʼoꞈ dehꞈ laˇ ni ngaˇ jahˇ nya ta loˇ. Tiˬ nah keuˆ laˇ naˇ, aˬ yawꞈ jawˇ gaˇ ngaˇ ya le meh.”

Iˇsaˬyaˇ 38:11

Yaw dehꞈ dehꞈ-eu miˇ tsaˬ heu siˬ kʼoeˇ taˆ, Sahˬpaˬ Miˬyehˇ-ahˇ maˬ paˇ ya mawˇ-ehˇ, dehꞈ luꞈ-eu tsawˇ haˬ maˬ paˇ ya mawˇ haw miˇ-a lehˇ noeˬ-euˬ ma.

Yawˇbaˆ 37:11

Mˬ dmˇ-ahˇ uˬ yehˇ dzuiꞈ tiˬ byah ni bi tawˬ-awˇ, mˬ dmˇ kʼaˇ jaˆ gaˇ mˬ myawꞈ bi myawꞈ-eu meh.

Yawˇbaˆ 11:8

Miˬyehˇ-aˬ, mˬ mah maˬ tseˇ goˇ-eu meh. Mˬ-ahˇ nawˇ beuˬ miˇ coeˇ ma loˇ. Shiˇ-eu miˇ kʼahˬ-ahˇ Miˬyehˇ siˬ nya meh. Ehˇ kʼawꞈ nawˇ noeˬ mawˇ coeˇ ma loˇ.

Yawˇbaˆ 3:13

Ngaˇ kʼoeˇ ngeh neh shiˇ dzeuˇ-euˬ law nmˇ-aˬ, nymˬ-mˇ saˇ lehˆ ni ya naˬ luꞈ-awˇ,

Yawˇbaˆ 17:13

Ngaˇ noeˬ tmˬ duˬ tiˬ tsahˇ jaˆ-eu tehꞈ ma. Kʼoeˇ-aˬ, zahˇ tsui ni gʼeh gaˇ ngaˇ ya coˬ yuꞈ-eu, shiˇ-eu miˇ kʼahˬ kʼoeˇ tsahˇ meh.

Yawˇbaˆ 17:16

Shiˇ-eu miˇ kʼahˬ-ahˇ ngaˇ iˇ gʼeh ngeh, noeˬ tmˬ duˬ kʼoeˇ ngaˬ nehˬ-ehˇ tiˬ kawˆ loꞈ-ehˇ iˇ nya meh loˇ.”

Iˇsaˬyaˇ 26:14

Nymˬ-mˇ aˬ yawꞈ maꞈ shiˇ dzeuˇ-awˇ, maˬ paˇ gʼoꞈ dehꞈ doˆ laˇ nya-ehˇ, nawˬ neh kʼehˬ-awˇ laˆ cawˆ nehˬ-euˬ miˇ neh, aˬ yawꞈ maꞈ-euˬ yaw sahˇ maˬ paˇ tuˇ laˇ nya-ehˇ, mˬ maˬ maˬ byaˆ zaˇ ziˇ byoˆ tsehˆ tehꞈ-a.