Yawˇbaˆ 6:10 - Akha

¹⁰ Aˬ yawꞈ ngaˬ-ahˇ sehꞈ tehꞈ-a lehˇ ngaˇ ya siˬ duˬ law nmˇ-aˬ, aˇ naˆ ni ya naˇ ya gawˇ kʼawꞈ ehˬ-ehˇ ngeuˇ-iˬ. Ngaˇ laˬ kʼaˬ cehˇ cehˇ-ehˇ tsawˬ ma. Miˬyehˇ-aˬ, muiˬ meh shawˇ meh lehˇ ngaˇ siˬ nya ma. Aˬ yawꞈ-euˬ dawˬ-ahˇ ngaˇ tiˬ jawˇ-iˬ maˬ leuˇ haw-aˬ.

Yawˇbaˆ 6:10 Referans Kwoze

Yawˇbaˆ 23:12

Aˬ yawꞈ-euˬ ehˇ dawˬ-ahˇ ngaˇ aˬ myah luꞈ naˇ haˬ geuꞈ-awˇ, ngaˬ-euˬ nui kʼahˇ maˬ mˇ ni aˬ yawꞈ-euˬ nui noeˬ-ahˇ caw teh luꞈ-eu ma.

Iˇsaˬyaˇ 57:15

“Huiˬ-eu goˇ-eu muiˬ-eu shawˇ-eu Miˬyehˇ ngaˇ ma. Mˬ maˬ maˬ byaˆ zaˇ ziˇ ziꞈ-eu ngaˇ ma. Muiˬ-eu shawˇ-eu jawˇ duˬ yaw goˇ-ahˇ ngaˇ jawˇ kʼawꞈ, iˬ baˇ noeˬ poˆ-awˇ nahˬ yu ni gʼeh-eu deuˬ nehˬ-ehˇ ngaˇ jawˇ-awˇ, aˬ yawꞈ maꞈ noeˬ tmˬ kʼaˇ bi za-eu ma.

Uˬ duˬ 19:2

“Iˇsaˬleˬlaˆ tsawˇ haˬ deuˬ-ahˇ heu loꞈ-ehˇ ehˇ nehˬ-awˬ. Naw maꞈ yaw muiˬ yaw shawˇ shawˇ-ehˇ dehꞈ-awˬ. Aˬ jeˬ miˇ neh ehˇ naˇ, naw maꞈ-euˬ Miˬyehˇ, Sahˬpaˬ Miˬyehˇ pyeuꞈ-eu ngaˇ-aˬ, yaw muiˬ yaw shawˇ ma.

Panmaeq 4:8

Jeˬ zaˬ aˬ yawꞈ mawˇ yawꞈ aˬ dahˇ koꞈ dahˇ tsoꞈ-awˇ, aˬ dahˇ kʼoeˇ deuˬ-euˬ laꞈ kʼoeˇ laꞈ nyiˇ nyiˬ pyawˬ luꞈ myaˆ nuiˆ tiˬ byah ni tsoꞈ gʼoeˬ taˬ-euˬ meh. Jeˬ zaˬ kʼoeˇ deuˬ uˬ ciꞈ nah gʼahˇ maˬ ehˇ heu loꞈ-ehˇ caˇ-eu meh. “Baoˬ huiˬ-eu Sahˬpaˬ Miˬyehˇ-aˬ, muiˬ meh shawˇ meh, muiˬ meh shawˇ meh, muiˬmeh shawˇ meh. Aˇ hu maˬ ehˇ, nymˬ-mˇ maˬ ehˇ, mˬ maˬ maˬ byaˆ zaˇ ziˇ dehꞈ meh.”

Panmaeq 3:7

“Piˇlaˬdeˬpiˇ Ka li zaˬ aˇ muˇ-euˬ mˬ taˆ gʼaˬ kʼehˇ-ahˇ heu loꞈ-ehˇ boꞈ nehˬ-awˬ. “Heu-aˬ, muiˬ-eu shawˇ-eu tsaˬ-eu dawˇ-eu gʼaˬ pyeuꞈ-awˇ, Daˬbiˇ-euˬ mahˬ tawꞈ kahˬ tuˆ tehˬ taˬ-awˇ, aˬ yawꞈ laˇ gʼoˆ pah ngeh tsawˇ haˬ tiˬ gʼaˬ-iˬ maˬ piˬ tehꞈ kʼoꞈ nya-eu uˬ taꞈ, aˬ yawꞈ laˇ gʼoˆ piˬ tehˬ ngeh tsawˇ haˬ tiˬ gʼaˬ-iˬ maˬ pah nya-eu gʼaˬ-euˬ dawˬ meh.

Lormav 8:32

Yawˬ ha-euˬ Zaˬmaˇ-ahˇ keuˆ ni ciˇ kʼoꞈ maˬ kʼoꞈ ni aˬ dui dawˬ tawˆ luꞈ gʼaˇ duˬ biꞈ nehˬ leꞈ-euˬ Miˬyehˇ-aˬ, aˬ yawꞈ kʼaˇ jaˆ-eu jeˬ dawˬ tawˆ luꞈ aˬ dui-ahˇ maˬ biꞈ laꞈ-aˇ loˇ.

Gʼaˬkʼehˇ 20:27

Aˬ jeˬ miˇ neh ehˇ naˇ, Miˬyehˇ-euˬ nui noeˬ dawˬ tawˆ luꞈ, naw maꞈ-ahˇ ngaˇ maˬ zaꞈ taˬ ni ja mehˬ jiˇ gʼaˬ-euˬ ma.

Gʼaˬkʼehˇ 20:20

Miˇ kʼahˬ zaˬ mehˬ shi maˬ ehˇ, nymˇ jiˇ laꞈ kʼoeˇ maˬ ehˇ, naw maꞈ-ahˇ ngaˇ dawˬ mehˬ mehˬ ngeh, naw maꞈ gʼaˇ duˬ gaˇ dahˇ tsoeˬ-eu jeˬ tiˬ jeˬ-iˬ maˬ zaꞈ taˬ ni mehˬ nehˬ-euˬ naw maꞈ siˬ nya meh.

Haˬbaˬkuˆ 3:3

Eˬdoˬ paw neh Miˬyehˇ oe meh. Muiˬ-eu shawˇ-eu aˬ dui Miˬyehˇ, Paˬlaˬ gawˬ jawˬ paw neh oe meh. Mˬ-ahˇ yaw shehꞈ kʼahˬ sehˇ byah-awˇ, miˇ tsa ja ceuˬ-eu dawˬ byah meh.

Haˬbaˬkuˆ 1:12

Mˬ ga miˇ seu dahˬ beh ngeh neh, Sahˬpaˬ Miˬyehˇ nawˇ Miˬyehˇ meh. Ngaˬ-euˬ Miˬyehˇ Yaw shawˇ Gʼaˬ-oˇ, nga maꞈ bi shiˇ-eu gʼeh te loˇ. Nga maꞈ-ahˇ yaˇ kʼaˬ bi daˇ-awˇ, bi muiˬ bi shawˇ laˇ-eu gʼaˇ duˬ, Baˬbuˇloˬ-ahˇ nawˇ tseˇ doˆ-awˇ, baoˬ tiˬ byah ni biꞈ taˬ teˬ loˇ.

Hawˇseˬ 11:9

Ngaˬ-euˬ nui pehˇ huiˬ-eu baˬ da, nawˬ-ahˇ ngaˇ maˬ paˇ kʼehˬ nehˬ ma. Iˇsaˬleˬlaˆ-oˇ, nawˬ-ahˇ ngaˇ, tiˬ jawˇ-iˬ maˬ paˇ laˆ cawˆ ma. Aˬ jeˬ miˇ neh ehˇ naˇ, ngaˇ Miˬyehˇ ma. Tsawˇ haˬ maˬ ngeuˇ. Muiˬ-eu shawˇ-eu gʼaˬ pyeuꞈ-eu ngaˇ, naw maꞈ nehˬ-ehˇ jawˇ-eu gʼaˬ ma. Nui naꞈ nui pehˇ ahˇ-eu laꞈ kʼoeˇ, naw maꞈ jawˇ gaˇ maˬ paˇ oe ma.

Jaceuq 119:13

Nawˬ neh biꞈ laꞈ-euˬ zahˇ dawˬ kʼoꞈ dawˬ dawˬ tawˆ luꞈ, ngaˇ gui poˆ poˆ ma.

Jaceuq 37:30

Tsawˇmuiˬtiˬgʼaˬ-euˬkʼaˬmeh-ahˇ, tsawˇgahˇahˇ-eu dawˬdoˆle-awˇ, mehˬlaˇneh kʼaˇngehˬ-euˬdawˬdeuˬ, tsaˬ-eu dawˇ-eu dawˬ pyeuꞈ-eu meh.

Yawˇbaˆ 22:22

Aˬ yawꞈ mehˬ-eu tsoˆ-eu jeˬ-ahˇ naˇ haˬ geuꞈ-awˇ, aˬ yawꞈ-euˬ dawˬ nawˬ-euˬ nui ma laꞈ kʼoeˇ bi ahˇ-awˬ.

Yawˇbaˆ 21:33

tsawˇ haˬ aˇ heˇ gʼaˬ sheuˬ ha-eu jawˇ-awˇ, miˇ tsaˬ tahˬ kʼawˇ kʼawꞈ aˬ yawꞈ kʼoeˇ taˆ aˬ za za lehˇ kʼawˬ tehˬ nehˬ-eu meh.

Yawˇbaˆ 9:4

Miˬyehˇ-aˬ, tsawˇ gahˇ ahˇ dui dui-awˇ baoˬ huiˬ-eu meh. Tsawˇ haˬ zaˬ tiˬ gʼaˬ-iˬ aˬ yawꞈ-ahˇ maˬ ciˬ daˬ peuˬ-a.

Yawˇbaˆ 3:22

Shiˇ gʼaˬ-awˇ maˬ bi duˬ pahˬ dzeuˇ kʼoeˇ keuˆ ni, aˬ yawꞈ maꞈ laˬ kʼaˬ maˬ cehˇ-a.

1 Saˬmeuˬlaˆ 2:2

“Sahˬpaˬ Miˬyehˇ loꞈ-ehˇ shawˇ-eu, nui gʼaˬ tiˬ gʼaˬ-iˬ maˬ jawˇ-a. Yawꞈ-ahˇ duˇ-eu gʼaˬ maˬ jawˇ-a. Miˬyehˇ loꞈ-ehˇ haw piˇ nya-eu, nui gʼaˬ tiˬ gʼaˬ-iˬ maˬ jawˇ-a.

Dawˬmehˬ 29:20

Kʼoeˇ loꞈ-ehˇ gʼeh-eu tsawˇ haˬ-ahˇ Sahˬpaˬ Miˬyehˇ iˬ baˇ maˬ pyehˬ nehˬ-ehˇ, Sahˬpaˬ Miˬyehˇ-euˬ nui ma pehˇ-eu miˬ dzaˬ aˬ yawꞈ-ahˇ zaw leˇ-awˇ, geuꞈ-eu jeˬ maˬ ahˇ gaˇ keuˆ ni aˬ yawꞈ-ahˇ laˆ luˬ laˆ seˇ nehˬ ngeh keuˆ ni, sahˬ boꞈ heu taꞈ laꞈ kʼoeˇ kʼaˇ boꞈ taˬ-euˬ luˬ-iˇ seˇ-iˇ-eu jeˬ aˬ yawꞈ kʼoeˇ taˆ keuˆ le tehꞈ-a.

Yawˇbaˆ 11:4

Nawˬ neh ngehˬ-euˬ tsaˬ ma lehˇ nawˇ ehˇ-eu meh. Miˬyehˇ mehˬ shi nawˇ yaw muiˬ yaw shawˇ ma lehˇ ehˇ-eu meh.

Yawˇbaˆ 15:11

“Miˬyehˇ nawˬ-ahˇ gʼawˬ shaˬ gaˬ nehˬ laꞈ gaˇ, nawˇ aˬ jeˬ gʼeh maˬ ha geuꞈ te. Aˬ yawꞈ dawˬ nahˬ yu ni ngehˬ gaˇ, nawˇ aˬ jeˬ gʼeh maˬ naˇ haˬ te.

Yawˇbaˆ 23:11

Aˬ yawꞈ neh tseˇ doˆ taˬ-euˬ gaˇ ma-ahˇ ngaˇ saˇ jaˇ ziꞈ-awˇ, gaˇ oˆ gaˇ taˆ maˬ uˇ-iˇ ni cah luꞈ-eu ma.

Jaceuq 119:50

Nawˬ-euˬ saˇ jaˇ baˬ da neh ngaˇ ya dehꞈ-eu loꞈ-ehˇ, shaˬ zahˬ naꞈ ngeh nui saˇ za duˬ jaˆ-eu ma.