Yawˇbaˆ 42:9 - Akha

⁹ Eˇliˇpaˬ, Biˇlaˬdaˇ, Zoˇpaˬ aˬ ha smˇ gʼaˬ-aˬ, Sahˬpaˬ Miˬyehˇ neh kʼaˇ ehˇ nehˬ-euˬ loꞈ-ehˇ mˇ-awˇ, Yawˇbaˆ-euˬ guiˬ lahˬ shaˇ dawˬ-ahˇ Sahˬpaˬ Miˬyehˇ naˇ haˬ nehˬ-euˬ meh.

Yawˇbaˆ 42:9 Referans Kwoze

HeˬByehˇ 11:8

Miˬyehˇ neh Aˬbyaˬhaˬ-ahˇ biꞈ-eu lehˇ saˇ jaˇ dzaˬ taˬ-euˬ miˇ kʼahˬ-ahˇ iˇ-eu gʼaˇ duˬ Miˬyehˇ kuˇ ngeh, Aˬbyaˬhaˬ naˇ haˬ geuꞈ-euˬ kʼoeˇ-aˬ, jah-eu jeˬ baˬ da neh meh. Yawˬ ha aˬ gaˇ ya iˇ-eu maˬ siˬ nya kʼawꞈ, aˬ yawꞈ-euˬ miˇ kʼahˬ-ahˇ byehˇ dzeh yaꞈ-awˇ doˆ-iˇ-euˬ meh.

Gʼaˬkʼehˇ 9:6

Teˇ saˇ kʼoeˇ saˇ aˬ yawꞈ-ahˇ ehˇ-eu, “Ngaˇ-aˬ, nawˇ kʼehˬ luꞈ-eu Yeˬsuˇ ma. Tuˇ-awˇ meuˬ-ahˇ le uˇ-awˬ. Nawˇ aˬ joˆ-ehˇ ya jahˇ-eu gaˇ kawˆ kʼoeˇ gaˇ ehˇ nehˬ laꞈ tehꞈ-a.”

Gʼaˬkʼehˇ 10:33

Kʼoeˇ miˇ neh, tiˬ poˆ tehꞈ-ehˇ nawˬ-ahˇ bi kuˇ laˬ le-euˬ ma. Nawˇ nui ma keuˆ-awˇ laˇ nehˬ laꞈ-euˬ guiˬ lahˬ huiˬ miˇ-a. Nymˬ-mˇ nga maꞈ dawˬ tawˆ luꞈ, heu gaˇ Miˬyehˇ mehˬ shi uiˬ laˇ taˬ-awˇ, Sahˬpaˬ Miˬyehˇ neh nawˬ-ahˇ mehˬ nehˬ tsoˆ nehˬ-awˇ bi ngehˬ-euˬ dawˬ deuˬ-ahˇ naˇ haˬ-eu lehˇ dawˬ luꞈ-eu ma.”

Maꞈtehˬ 7:24

“Ngaˬ neh mehˬ-euˬ dawˬ-ahˇ ya gaˬ-awˇ naˇ haˬ geuꞈ-eu tsawˇ haˬ yawˬ gʼaˬ na luꞈ, kʼaˬ lo kʼoeˇ taˆ nymˇ tsoˆ-eu noeˬ dahˇ doe-eu tsawˇ haˬ-ahˇ duˇ-eu meh.

Yoˇhaˬ 2:5

Kʼoeˇ ngeh, “Ngaˬ li kʼaˇ ehˇ-eu loꞈ-ehˇ mˇ-awˬ” lehˇ, zaˬ kʼaˆ deuˬ-ahˇ Yeˬsuˇ-euˬ aˬ ma ehˇ nehˬ-euˬ meh.

Iˇsaˬyaˇ 60:14

Nawˬ-ahˇ kʼehˬ-euˬ tsawˇ haˬ deuˬ-euˬ aˬ li deuˬ laˇ keuˆ-awˇ, awˆ byaˆ-awˇ nawˬ-ahˇ yaw zeu baw tehꞈ-a. Yaw beh nawˬ-ahˇ yehˬ bawˬ-ehˇ gʼeh-euˬ deuˬ, nawˬ-euˬ aˬ kuiˇ dawˬ peh uˬ duˬ tahˬ laˇ tehꞈ-a. Aˬ yawꞈ maꞈ nawˬ-ahˇ Sahˬpaˬ Miˬyehˇ-euˬ meuˬ lehˇ kuˇ-awˇ, Iˇsaˬleˬlaˆ-euˬ muiˬ-eu shawˇ-eu Miˬyehˇ-euˬ meuˬ lehˇ kuˇ tehꞈ-a.

Dawˬ tsoˆ 9:7

Tsawˬ tuˇ-awˇ, nawˬ-euˬ dzaˇ nui kʼahˇ tiˬ shiˇ dzaˬ-awˇ, nawˬ-euˬ aˬ gaꞈ dzaˇ uiˇ tiˬ dehˆ dawˇ-eu laꞈ kʼoeˇ, laˬ kʼaˬ cehˇ taˆ ni dehꞈ-awˬ. Miˬyehˇ-ahˇ tiˬ jeˬ-iˬ maˬ bahˬ-aˇ.

Yawˇbaˆ 42:8

Nymˬ-mˇ, mawˇ neˇ mawˇ gaw shiꞈ mawˇ hawˇ-eu yawˇ aˬ buˬ shiꞈ mawˇ Yawˇbaˆ jawˇ gaˇ tsahˇ gʼeh-awˇ, naw maꞈ-euˬ gʼaˇ duˬ lawˇ-awˬ, shehˇ-awˬ. Naw maꞈ gʼaˇ duˬ Yawˇbaˆ guiˬ lahˬ shaˇ gaˇ ngaˇ naˇ haˬ-awˇ, naw maꞈ-ahˇ geuˇ-eu loꞈ-ehˇ shaꞈ dawˇ-eu jeˬ ngaˇ maˬ bi keuˆ le. Naw maꞈ-aˬ, Yawˇbaˆ loꞈ-ehˇ ngaˬ-euˬ gaˇ kawˆ yaw tsaˬ yaw dawˇ dawˇ-ehˇ maˬ ehˇ-a.”

Yawˇbaˆ 22:27

Nawˇ guiˬ lahˬ shaˇ ngeh aˬ yawꞈ naˇ haˬ geuꞈ nehˬ laꞈ-awˇ, nawˬ-euˬ saˇ jaˇ-ahˇ nawˇ ziꞈ tehꞈ-a.

Yawˇbaˆ 2:11

Yawˇbaˆ-euˬ cawˬ smˇ gʼaˬ-aˬ, Teˬmaˬ meuˬ-ahˇ jawˇ-euˬ Eˇliˇpaˬ, Shuˇaˬ miˇ kʼahˬ-ahˇ jawˇ-eu Biˇlaˬdaˇ hawˇ-eu Naˬmaˬ miˇ kʼahˬ-ahˇ jawˇ-eu Zoˇpaˬ meh. Yawˇbaˆ shaˬ zahˬ naꞈ dui dui luꞈ-eu gaˇ kawˆ aˬ ha smˇ gʼaˬ ya gaˬ ngeh, iˇ-awˇ gʼaˬ biꞈ-iˇ ma lehˇ aˬ yawꞈ maꞈ noeˬ tsehˆ-euˬ meh.

Yawˇbaˆ 42:10

Kʼoeˇ naˇ, aˬ yawꞈ-euˬ cawˬ kʼoeˇ smˇ gʼaˬ gʼaˇ duˬ Yawˇbaˆ guiˬ lahˬ shaˇ gʼaˬ ngeh, Sahˬpaˬ Miˬyehˇ neh aˬ yawꞈ-ahˇ baw le za le-eu guiˬ lahˬ paˇ biꞈ nehˬ-awˇ, yaw beh myaˆ maˬ tseˇ nyiˬ bymˇ paˇ bi jaˆ dzehˬ laˇ-euˬ meh.

Yeˬsaˬgeˬlaˇ 14:14

Noˇaˬ, Daˬneˬlaˇ hawˇ-eu Yawˇbaˆ aˬ ha smˇ gʼaˬ paˇ dehꞈ law hawˇ kʼawꞈ, aˬ yawꞈ ha neh mˇ-euˬ yaw muiˬ jeˬ baˬ da neh, aˬ yawꞈ ha smˇ gʼaˬ-ahˇ maˬ ngeuˇ naˇ, aˬ cawˬ-ahˇ maˬ ka kʼoꞈ nehˬ nya-aˇ” lehˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ ehˇ-eu meh.

Aˇ dahˬ 20:17

Aˬbyaˬhaˬ-euˬ miˬ zaˬ Saˬlaˇ kʼoeˇ taˆ kʼoeˇ loꞈ-ehˇ keuˆ le-euˬ baˬ da neh, Aˬbiˇmaˬlehˆ-euˬ nymˇ laꞈ kʼoeˇ kʼaˇ jawˇ-eu zaˬ mi zaˬ dawˬ tawˆ luꞈ, maˬ baw aˬ ma pyeuꞈ jiˇ ni Sahˬpaˬ Miˬyehˇ jahˇ nehˬ-euˬ meh. Kʼoeˇ ngeh, Aˬbiˇmaˬlehˆ-euˬ gʼaˇ duˬ Aˬbyaˬhaˬ guiˬ lahˬ shaˇ nehˬ-awˇ, Aˬbiˇmaˬlehˆ-ahˇ Miˬyehˇ laˆ taˬ nehˬ-euˬ meh. Aˬbiˇmaˬlehˆ-euˬ miˬ zaˬ hawˇ-eu zaˬ miˬ zaˬ zaˬ kʼaˆ deuˬ kʼawꞈ zaˬ paˇ jawˇ le nya ni, Miˬyehˇ neh laˆ saˆ muiˬ kʼoꞈ nehˬ-euˬ meh.

Yawˇbaˆ 22:30

Nawˇ iˬ baˇ maˬ mˇ ni yaw tsaˬ yaw dawˇ jeˬ mˇ naˇ, aˬ yawꞈ nawˬ-ahˇ ka kʼoꞈ tehꞈ-a.”