Yawˇbaˆ 42:8 - Akha

⁸ Nymˬ-mˇ, mawˇ neˇ mawˇ gaw shiꞈ mawˇ hawˇ-eu yawˇ aˬ buˬ shiꞈ mawˇ Yawˇbaˆ jawˇ gaˇ tsahˇ gʼeh-awˇ, naw maꞈ-euˬ gʼaˇ duˬ lawˇ-awˬ, shehˇ-awˬ. Naw maꞈ gʼaˇ duˬ Yawˇbaˆ guiˬ lahˬ shaˇ gaˇ ngaˇ naˇ haˬ-awˇ, naw maꞈ-ahˇ geuˇ-eu loꞈ-ehˇ shaꞈ dawˇ-eu jeˬ ngaˇ maˬ bi keuˆ le. Naw maꞈ-aˬ, Yawˇbaˆ loꞈ-ehˇ ngaˬ-euˬ gaˇ kawˆ yaw tsaˬ yaw dawˇ dawˇ-ehˇ maˬ ehˇ-a.”

Yawˇbaˆ 42:8 Referans Kwoze

Bawˇtsahˬ 23:1

Baˬlehˇ-ahˇ Baˬlamˬ ehˇ nehˬ-eu, “Heu gaˇ lawˇ duˬ shiꞈ hmˬ tsoˆ-awˇ, Mawˇ neˇ mawˇ gaw shiꞈ mawˇ hawˇ-eu yawˇ aˬ buˬ shiꞈ mawˇ ngaˇ jawˇ gaˇ tsahˇ laꞈ-awˬ.”

Yaˬkoˆ 5:16

Kʼoeˇ miˇ neh, naw maꞈ naˇ-eu gawˇ-eu taˬ leˇ nya ni tiˬ gʼaˬ tiˇ gʼaˬ iˬ baˇ ja doˆ-awˇ, tiˬ gʼaˬ tiˇ gʼaˬ guiˬ lahˬ shaˇ nehˬ-awˬ. Yaw tsaˬ yaw dawˇ tsawˇ haˬ tiˬ gʼaˬ neh guiˬ lahˬ shaˇ-euˬ-aˬ, baoˬ jaˆ-eu meh.

1 Laˬsaˬbaˬ 15:26

Dawˬ ma saˇ jaˇ Bahˬ keuˆ baꞈ-eu Leˬbiˇ tsawˇ haˬ deuˬ-ahˇ Miˬyehˇ ngehˬ gʼeh nehˬ laꞈ ni , mawˇ neˇ mawˇ gaw shiꞈ mawˇ hawˇ-eu yawˇ shiꞈ mawˇ aˬ yawꞈ maꞈ lawˇ-euˬ meh.

Jaceuq 103:10

Aˬ dui-euˬ iˬ baˇ-ahˇ geuˇ ni aˬ yawꞈ maˬ kʼehˬ maˬ kʼaˆ-ehˇ, aˬ dui-euˬ yaw lehˬ kʼaˇ ngeuˇ-eu loꞈ-ehˇ maˬ daˇ-a.

Yawˇbaˆ 22:30

Nawˇ iˬ baˇ maˬ mˇ ni yaw tsaˬ yaw dawˇ jeˬ mˇ naˇ, aˬ yawꞈ nawˬ-ahˇ ka kʼoꞈ tehꞈ-a.”

Yeˬsaˬgeˬlaˇ 14:14

Noˇaˬ, Daˬneˬlaˇ hawˇ-eu Yawˇbaˆ aˬ ha smˇ gʼaˬ paˇ dehꞈ law hawˇ kʼawꞈ, aˬ yawꞈ ha neh mˇ-euˬ yaw muiˬ jeˬ baˬ da neh, aˬ yawꞈ ha smˇ gʼaˬ-ahˇ maˬ ngeuˇ naˇ, aˬ cawˬ-ahˇ maˬ ka kʼoꞈ nehˬ nya-aˇ” lehˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ ehˇ-eu meh.

Aˇ dahˬ 20:17

Aˬbyaˬhaˬ-euˬ miˬ zaˬ Saˬlaˇ kʼoeˇ taˆ kʼoeˇ loꞈ-ehˇ keuˆ le-euˬ baˬ da neh, Aˬbiˇmaˬlehˆ-euˬ nymˇ laꞈ kʼoeˇ kʼaˇ jawˇ-eu zaˬ mi zaˬ dawˬ tawˆ luꞈ, maˬ baw aˬ ma pyeuꞈ jiˇ ni Sahˬpaˬ Miˬyehˇ jahˇ nehˬ-euˬ meh. Kʼoeˇ ngeh, Aˬbiˇmaˬlehˆ-euˬ gʼaˇ duˬ Aˬbyaˬhaˬ guiˬ lahˬ shaˇ nehˬ-awˇ, Aˬbiˇmaˬlehˆ-ahˇ Miˬyehˇ laˆ taˬ nehˬ-euˬ meh. Aˬbiˇmaˬlehˆ-euˬ miˬ zaˬ hawˇ-eu zaˬ miˬ zaˬ zaˬ kʼaˆ deuˬ kʼawꞈ zaˬ paˇ jawˇ le nya ni, Miˬyehˇ neh laˆ saˆ muiˬ kʼoꞈ nehˬ-euˬ meh.

Yaˬkoˆ 5:14

Ti gʼaˬ na naˇ luꞈ gawˇ luꞈ ta loˇ. Aˬ yawꞈ-euˬ gʼaˇ duˬ guiˬ lahˬ bi shaˇ nehˬ-awˇ, Sahˬpaˬ Yeˬsuˇ-euˬ tsawˇ myahˇ uˬ moˆ aˬ yawꞈ-ahˇ saˬ loˬ tsiˇ bi lehꞈ-eu gʼaˇ duˬ, Ka li zaˬ aˇ muˇ-euˬ aˬ yuiꞈ aˬ tsu deuˬ-ahˇ bi kuˇ-iˇ-eu tsaˬ meh.

Maꞈtehˬ 3:17

“Heu-aˬ, ngaˇ gaˬ dui dui-awˇ nui kʼahˇ shiˇ dui dui-eu ngaˬ-euˬ Zaˬmaˇ ma” lehˇ ehˇ-eu teˇ saˇ, mˬ-ahˇ neh gaˬ doˆ le-euˬ meh.

Yawˇbaˆ 42:9

Eˇliˇpaˬ, Biˇlaˬdaˇ, Zoˇpaˬ aˬ ha smˇ gʼaˬ-aˬ, Sahˬpaˬ Miˬyehˇ neh kʼaˇ ehˇ nehˬ-euˬ loꞈ-ehˇ mˇ-awˇ, Yawˇbaˆ-euˬ guiˬ lahˬ shaˇ dawˬ-ahˇ Sahˬpaˬ Miˬyehˇ naˇ haˬ nehˬ-euˬ meh.

Bawˇtsahˬ 23:29

Baˬlehˇ-ahˇ Baˬlamˬ ehˇ nehˬ-eu, “Heu gaˇ lawˇ duˬ shiꞈ hmˬ tsoˆ-awˇ, mawˇ neˇ mawˇ gaw shiꞈ mawˇ hawˇ-eu yawˇ aˬ buˬ shiꞈ mawˇ ngaˇ jawˇ gaˇ tsahˇ laꞈ-awˬ.”

Panmaeq 3:9

Naˇ haˬ-awˬ. Yuˇdaˆ tsawˇ haˬ maˬ ngeuˇ gaˇ yawˬ haˇ yawˬ ha ngeuˇ ma lehˇ ehˇ-eu nehꞈ Saˬdaˬ-ahˇ taꞈ-eu aˇ muˇ kʼoeˇ muˇ-ahˇ, nawˬ-euˬ aˬ kuiˇ dawˬ peh uˬ duˬ bi shaˇ tahˬ laˇ ma. Ngaˇ nawˬ-ahˇ gaˬ-eu gaˇ kawˆ aˬ yawꞈ maꞈ dawˬ tawˆ luꞈ ya siˬ tehꞈ-a.

1 Yoˇhaˬ 5:16

Yawˬ ha-euˬ cawˬ Ka li zaˬ tiˬ gʼaˬ na shiˇ gaˇ maˬ keuˆ-eu iˬ baˇ mˇ-euˬ ya mawˇ naˇ, Miˬyehˇ-ahˇ guiˬ lahˬ shaˇ-eu tsaˬ meh. Miˬyehˇ aˬ yawꞈ-ahˇ dehꞈ-eu saꞈ laˇ biꞈ nehˬ tehꞈ-a. Heu-aˬ, shiˇ gaˇ maˬ keuˆ-eu iˬ baˇ mˇ-euˬ jeˬ-ahˇ ehˇ-eu ma. Shiˇ gaˇ keuˆ-eu iˬ baˇ mˇ-euˬ jeˬ kʼawꞈ jaˆ-eu meh. Kʼoeˇ-euˬ gʼaˇ duˬ naw maꞈ Miˬyehˇ-ahˇ guiˬ lahˬ shaˇ-awˬ lehˇ ngaˇ maˬ ehˇ.

1 Yoˇhaˬ 5:6

Iˇ cuꞈ hawˇ-eu shiˬ nehˬ-ehˇ oe-euˬ gʼaˬ-aˬ, Yeˬsuˇ Ka li meh. Iˇ cuꞈ nehˬ-ehˇ tehꞈ-ehˇ aˬ yawꞈ oe-euˬ maˬ ngeuˇ-a. Iˇ cuꞈ hawˇ-eu shiˬ heu nyi jeˬ luꞈ nehˬ-ehˇ oe-euˬ meh. Kʼoeˇ loꞈ-ehˇ oe-euˬ maˇ maˇ ni ngeuˇ meh lehˇ Yaw sahˇ Miˬyehˇ saˇ kiˇ kamˬ-eu meh. Aˬ jeˬ miˇ neh ehˇ naˇ, Yaw sahˇ Miˬyehˇ-aˬ yaw tsaˬ yaw dawˇ meh.

Yeˬsaˬgeˬlaˇ 45:23

Bawˬ-iˬ gʼeh luꞈ-eu kʼoeˇ shiꞈ nah laꞈ kʼoeˇ, aˬ yawꞈ nah yawꞈ maˇ byawꞈ maˬ baw-eu mawˇ neˇ mawˇ gaw shiꞈ mawˇ hawˇ-eu yawˇ aˬ buˬ shiꞈ mawˇ, mawˇ lah-ehˇ miˬ dzaˬ-ahˇ dzah puiˆ-awˇ, Sahˬpaˬ Miˬyehˇ-ahˇ aˬ yawꞈ ya lawˇ nehˬ meh. Iˬ baˇ shawˇ-eu lawˇ-eu jeˬ gʼaˇ duˬ kʼawꞈ, aˬ yawꞈ nah yawꞈ ciꞈ myehꞈ ciꞈ buˬ tiˬ mawˇ aˬ yawꞈ ya lawˇ meh.

Yawˇbaˆ 1:5

Dzaˬ byawˇ kʼaˇ lawˇ ngeh, yawˬ shawˬ yawˬ uˬ shawˬ yaw naꞈ-ehˇ Yawˇbaˆ tuˇ-awˇ, aˬ yawꞈ-euˬ zaˬ aˬ yawꞈ gʼaˬ yawꞈ gʼaˇ duˬ lawˇ-eu shehˇ-eu jeˬ mˇ-awˇ, shawˇ nehˬ-eu meh. Aˬ yawꞈ-euˬ zaˬ tiˬ gʼaˬ na maˬ noeˬ maˬ duˇ-ehˇ Miˬyehˇ-ahˇ mˇ bahˬ-euˬ baw le lehˇ aˬ yawꞈ kʼahˬ lahˇ-eu baˬ da neh, kʼoeˇ loꞈ-ehˇ mˇ-euˬ meh.

2 Laˬsaˬbaˬ 29:21

Sahˬ paˬ-euˬ nymˇ jiˇ hawˇ-eu Yuˇdaˆ miˇ kʼahˬ zaˬ deuˬ-euˬ iˬ baˇ buˬ-iˇ ni maˬ ehˇ, Uˬ duˬ tahˬ nymˇ nymˇ ma bi shawˇ laˇ ni lawˇ-eu gʼaˇ duˬ maˬ ehˇ, mawˇ neˇ mawˇ gaw shiꞈ mawˇ, yawˇ aˬ buˬ shiꞈ mawˇ, yawˇ zaˬ shiꞈ mawˇ hawˇ-eu, ciꞈ myehꞈ ciꞈ buˬ shiꞈ mawˇ aˬ yawꞈ maꞈ tsahˇ laꞈ-euˬ meh. Jeˬ zaˬ kʼoeˇ deuˬ-ahˇ lawˇ duˬ kʼoeˇ taˆ lawˇ-eu gʼaˇ duˬ, Aˬloˬ-euˬ zaˬ deuˬ uˆ deuˬ pyeuꞈ-eu piˇ ma deuˬ-ahˇ sahˬ paˬ Heˬsaˬgiˇ dawˬ biꞈ-euˬ meh.

1 Saˬmeuˬlaˆ 25:35

Kʼoeˇ naˇ, Aˬbiˇgeˬlaˆ neh yuˇ laꞈ-euˬ laꞈ sawˬ deuˬ-ahˇ Daˬbiˇ ha geuꞈ-gʼaˬ ngeh, Gʼoꞈ-iˇ-awˇ maˬ noeˬ shaˬ ni jawˇ-awˬ. Nawˬ neh kʼaˇ ehˇ-euˬ loꞈ-ehˇ ngaˇ geuꞈ ma” lehˇ ehˇ nehˬ-euˬ meh.

Bawˇtsahˬ 23:14

Piˇsaˬgaˬ gawˬ jawˬ uˬ du jaˆ-eu Zoˇpymˬ deh yaˇ-ahˇ, Baˬlamˬ-ahˇ Baˬlehˇ sheuˬ gʼeh-euˬ meh. Kʼoeˇ gaˇ kʼawꞈ, lawˇ duˬ shiꞈ hmˬ aˬ yawꞈ tsoˆ-awˇ, aˬ yawꞈ hmˬ yawꞈ kʼoeˇ taˆ, mawˇ neˇ mawˇ gaw tiˬ mawˇ hawˇ-eu yawˇ aˬ buˬ tiˬ mawˇ lawˇ-euˬ meh.

Doˆ-iˇ 18:12

Kʼoeˇ ngeh, Moˇseˬ-euˬ tsawˇ mawˬ Yeˬdaˬyoˇ-aˬ, Miˬyehˇ-ahˇ lawˇ nehˬ-eu gʼaˇ duˬ, jeˬ zaˬ mawˇ lah-ehˇ miˬ dzaˬ-ahˇ dzah puiˆ-awˇ lawˇ nehˬ-eu jeˬ hawˇ-eu, aˬ nah aˬ dzeˇ lawˇ nehˬ-eu jeˬ yuˇ laꞈ-euˬ meh. Aˬloˬ hawˇ-eu Iˇsaˬleˬlaˆ tsawˇ haˬ aˬ yuiꞈ aˬ tsu deuˬ aˬ yawꞈ nehˬ-ehˇ le-awˇ, zahˇ jahˇ-eu dzaˬ byawˇ tiˬ kawˆ loꞈ-ehˇ dzaˬ taꞈ dawˇ taꞈ-eu laꞈ kʼoeˇ, Miˬyehˇ-ahˇ uˬ duˬ tahˬ-euˬ meh.

HeˬByehˇ 10:4

Aˬ jeˬ miˇ neh ehˇ naˇ, mawˇ neˇ hawˇ-eu ciꞈ myehꞈ-euˬ shiˬ-aˬ, tsawˇ haˬ zaˬ-ahˇ iˬ baˇ tiˬ jawˇ-iˬ maˬ shawˇ nehˬ nya-a.

2 Tiˆmoˇseˬ 4:14

Ba jiˬ geuꞈ-eu Aˬleˬsaˬduˇ kʼoeˇ gʼaˬ ngaˬ-ahˇ yaw kʼaˆ-ehˇ jahˇ doeˇ nehˬ laꞈ-euˬ meh. Aˬ yawꞈ neh kʼaˇ jahˇ nehˬ laꞈ-euˬ loꞈ-ehˇ, Sahˬpaˬ Yeˬsuˇ aˬ yawꞈ-ahˇ jahˇ kʼoꞈ nehˬ tehꞈ-a.

Yeˬlaˬmiˇ 15:1

Sahˬpaˬ Miˬyehˇ ngaˬ-ahˇ ehˇ-eu, “Moˇseˬ hawˇ-eu Saˬmeuˬlaˆ aˬ ha nyaꞈ ngaˬ-euˬ mehˬ shi yawꞈ laˇ-awˇ shaˇ ju kʼawꞈ, tsawˇ haˬ heu deuˬ-ahˇ ngaˇ gʼawˬ shaˬ maˬ gaˬ. Ngaˇ mawˇ gaˇ aˬ yawꞈ maꞈ maˬ bi jawˇ ni, gaˇ mahˇ kaˬ gaˇ bi iˇ byoˆ-awˬ.

Yeˬlaˬmiˇ 14:11

Sahˬpaˬ Miˬyehˇ ngaˬ-ahˇ ehˇ-eu, “Tsawˇ haˬ heu deuˬ-ahˇ caw ba nehˬ-awˬ lehˇ ngaˬ-ahˇ taˬ shaˇ.

Iˇsaˬyaˇ 60:14

Nawˬ-ahˇ kʼehˬ-euˬ tsawˇ haˬ deuˬ-euˬ aˬ li deuˬ laˇ keuˆ-awˇ, awˆ byaˆ-awˇ nawˬ-ahˇ yaw zeu baw tehꞈ-a. Yaw beh nawˬ-ahˇ yehˬ bawˬ-ehˇ gʼeh-euˬ deuˬ, nawˬ-euˬ aˬ kuiˇ dawˬ peh uˬ duˬ tahˬ laˇ tehꞈ-a. Aˬ yawꞈ maꞈ nawˬ-ahˇ Sahˬpaˬ Miˬyehˇ-euˬ meuˬ lehˇ kuˇ-awˇ, Iˇsaˬleˬlaˆ-euˬ muiˬ-eu shawˇ-eu Miˬyehˇ-euˬ meuˬ lehˇ kuˇ tehꞈ-a.

HeˬByehˇ 7:25

Kʼoeˇ miˇ neh, nymˬ-mˇ maˬ ehˇ, aˬ kaˇ mehˬ hu paw aˬ geu yamˬ-ahˇ maˬ ehˇ, aˬ yawꞈ-ahˇ gʼoe-awˇ Miˬyehˇ jawˇ gaˇ kʼaˇ laˇ-eu tsawˇ haˬ-ahˇ aˬ yawꞈ ka kʼoꞈ nehˬ nya-eu meh. Aˬ jeˬ miˇ neh ehˇ naˇ, tsawˇ haˬ zaˬ-euˬ dah zaˇ Miˬyehˇ-ahˇ tahˬ shaˇ -eu gʼaˇ duˬ aˬ yawꞈ mˬ maˬ maˬ byaˆ zaˇ ziˇ dehꞈ-eu meh.

Eˇpeˇsu 1:6

Aˬ yawꞈ-euˬ huiˬ dui muiˬ dui dui-eu gʼawˬ shaˬ gaˬ-eu guiˬ lahˬ kʼoeˇ, aˬ yawꞈ gaˬ dui dui-eu aˬ yawꞈ-euˬ Zaˬmaˇ laꞈ kʼoeˇ aˬ dui-ahˇ biꞈ laꞈ-euˬ miˇ neh, Miˬyehˇ-ahˇ ja ceuˬ kaˇ-euˇ.

Aˇ dahˬ 20:7

Ehˇ kʼawꞈ, nymˬ-mˇ mi naˆ-ehˇ, zaˬ miˬ zaˬ heu gʼaˬ aˬ yawꞈ-euˬ kʼaˬ dzeˇ zaˬ-ahˇ a kʼoꞈ nehˬ-awˬ. Aˬ yawꞈ-euˬ kʼaˬ dzeˇ zaˬ-aˬ, Miˬyehˇ gʼaˇ duˬ ngehˬ dah-eu tsawˇ haˬ pyeuꞈ-eu meh. Nawˇ maˬ ya shiˇ-eu gʼaˇ duˬ aˬ yawꞈ guiˬ lahˬ shaˇ nehˬ laꞈ tehꞈ-a. Ehˇ kʼawꞈ, ngaˇ nawˬ-ahˇ heu loꞈ-ehˇ ehˇ-eu ma. Zaˬ miˬ zaˬ heu gʼaˬ-ahˇ, aˬ yawꞈ-euˬ kʼaˬ dzeˇ zaˬ-euˬ aˬ laꞈ laꞈ kʼoeˇ maˬ a kʼoꞈ nehˬ naˇ, nawˇ ya shiˇ tehꞈ-a. Nawˇ hawˇ-eu nawˬ-euˬ tsawˇ haˬ dawˬ tawˆ luꞈ ya shiˇ jiˇ tehꞈ-a.”

Yawˇbaˆ 1:8

Sahˬpaˬ Miˬyehˇ ehˇ-eu, “Ngaˬ-euˬ zaˬ kʼaˆ Yawˇbaˆ-ahˇ nawˇ siˬ nya ma loˇ. Aˬ yawꞈ loꞈ-ehˇ saˇ jaˇ ziꞈ-eu muiˬ-eu jaˬ-eu tsawˇ haˬ miˇ tsaˬ kʼoeˇ taˆ tiˬ gʼaˬ-iˬ maˬ jawˇ-a. Aˬ yawꞈ ngaˬ-ahˇ uˬ duˬ tahˬ-awˇ, yaw lehˬ yaw ca jeˬ maˬ ya mˇ ni yahˇ dui dui-eu laꞈ kʼoeˇ dehꞈ luꞈ meh.”

Yawˇbaˆ 35:8

Nawˇ iˬ baˇ mˇ-eu baˬ da neh nawˬ-euˬ tsawˇ haˬ deuˬ ya daˬ-awˇ, nawˇ yaw muiˬ jeˬ mˇ ngeh, aˬ yawꞈ maꞈ gʼaˇ duˬ gaˇ dahˇ tsoeˬ-euˬ tehꞈ meh.