Yawˇbaˆ 36:29 - Akha

²⁹ Miˬyehˇ jawˇ-eu mˬ kʼoeˇ taˆ yaw goˇ-ahˇ, mˬ dmˇ aˬ joˆ-ehˇ zaw-awˇ, mˬ jeˬ aˬ joˆ-ehˇ jeˬ-eu gaˇ kawˆ, tsawˇ haˬ tiˬ gʼaˬ-iˬ maˬ siˬ nya-a.

Yawˇbaˆ 36:29 Referans Kwoze

Yawˇbaˆ 37:16

Zahˬ leˇ dui dui paˬ-ehˇ tsawˇ gahˇ ahˇ-eu Miˬyehˇ neh, mˬ dmˇ deuˬ mˬ kʼoeˇ taˆ jaˆ nya ni aˬ joˆ-ehˇ jahˇ taˬ-euˬ nawˇ siˬ nya ma loˇ.

Haˬbaˬkuˆ 3:10

Gawˬ jawˬ deuˬ nawˬ-ahˇ ya mawˇ ngeh, guˆ dui dui-awˇ yaw dzuˬ dzuˬ meh. Mˬ-ahˇ iˇ cuꞈ shehˆ dzeh leꞈ-awˇ, miˇ oˆ iˇ cuꞈ teˇ saˇ mahˇ-awˇ, iˇ luˆ dzeh goˇ daˆ leꞈ-eu meh.

Naˬhmˬ 1:3

Sahˬpaˬ Miˬyehˇ baoˬ zawˇ huiˬ-awˇ, nui ma pehˇ laˇ-eu maˬ kawˇ-a. Ehˇ kʼawꞈ iˬ baˇ mˇ-eu deuˬ-ahˇ, maˬ kʼehˬ-ehˇ maˬ bi dzeuˇ-iˇ-a. Sahˬpaˬ Miˬyehˇ iˇ-eu gaˇ ma, mˬ jeˬ jaˬ lehˇ oe gʼeh leꞈ-awˇ, mˬ kʼoeˇ taˆ tmˬ luꞈ-eu mˬ dmˇ, aˬ yawꞈ cah pyuˬ-euˬ kʼaˬ lehˇ meh.

Jaceuq 104:7

Iˇ cuꞈ-ahˇ nawˇ dehˬ ngeh iˇ cuꞈ cehˆ byoˆ-awˇ, nawˇ yaw kʼaˆ-ehˇ guˇ-awˇ dawˬ biꞈ ngeh cehˆ byaˆ jiˇ-eu meh.

Jaceuq 104:3

mˬ taˆ iˇ cuꞈ kʼoeˇ taˆ nawˬ-euˬ nymˇ tsoˆ daˆ taˬ-euˬ meh. Mˬ dmˇ-ahˇ nawˬ-euˬ mahˬ laˆ lawˬ bi geuꞈ-awˇ, jaˬ lehˇ-euˬ aˬ dahˇ kʼoeˇ taˆ nawˇ dziˬ-eu meh.

Jaceuq 18:13

SahˬpaˬMiˬyehˇmˬjeˬjeˬ-awˇ, Huiˬdui mahˇdui dui-eu gʼaˬ-euˬ, teˇsaˇbi gaˬkeuˆle-euˬ meh.

Yawˇbaˆ 38:37

Mˬ dmˇ-ahˇ gui jiˇ nya ni zaˬ siˬ tsawˇ gahˇ ahˇ-eu aˬ suˇ gʼaˬ-a. Uˬ yehˇ ga doˆ le ni mˬ dmˇ-ahˇ ngawˬ kʼaˇ nya-eu aˬ suˇ gʼaˬ-a.

Yawˇbaˆ 38:9

Iˬ ma laˆ shaˆ-ahˇ mˬ dmˇ neh dehˬ kaˬ-awˇ, yaw zahˇ neh lahˇ cuꞈ-euˬ gʼaˬ ngaˇ ma.

Yawˇbaˆ 26:14

Ehˇ kʼawꞈ, heu deuˬ-aˬ aˬ yawꞈ-euˬ baoˬ aˇ kʼawꞈ tehꞈ-a siˬ. Aˬ yawꞈ jaˬ cehˇ cehˇ-eu ya gaˬ-eu naˆ ni tehꞈ-a siˬ. Aˬ diˇ aˬ maˇ Miˬyehˇ aˇ naˆ ni huiˬ-eu mahˇ-eu aˬ suˇ gʼaˬ siˬ nya nmˇ.”

2 Saˬmeuˬlaˆ 22:12

Aˬ yawꞈ yaw zahˇ tsahˇ lahˇ taˬ-awˇ, yaw zahˇ mˬ dmˇ kʼoeˇ-euˬ laꞈ kʼoeˇ, iˇ cuꞈ uiˬ leˇ-awˇ jaˆ-eu meh.

Yawˇbaˆ 36:28

Tsawˇ haˬ zaˬ dawˬ tawˆ luꞈ gʼaˇ duˬ, mˬ dmˇ-ahˇ aˬ yawꞈ uˬ yehˇ bi yehˇ doˆ le-eu meh.

Yawˇbaˆ 36:30

Mˬ doe ni aˬ yawꞈ mˬ myawꞈ bi myawꞈ kʼawꞈ, iˬ ma laˆ shaˆ dawˬ dah zahˇ tsui ni jaˆ-eu meh.

Yawˇbaˆ 37:11

Mˬ dmˇ-ahˇ uˬ yehˇ dzuiꞈ tiˬ byah ni bi tawˬ-awˇ, mˬ dmˇ kʼaˇ jaˆ gaˇ mˬ myawꞈ bi myawꞈ-eu meh.

Iˇsaˬyaˇ 40:22

Miˇ tsa haw ka leꞈ ngeh tsawˇ haˬ aˇ ho hui ni tehꞈ-ehˇ mawˇ-eu, mˬ taˆ goˇ dui dui gaˇ jaˆ-eu dzoeˬ dzaˬ nuiˇ mahˬ-ahˇ nuiˇ-eu gʼaˬ, miˇ tsaˬ tahˬ kʼawˇ-ahˇ beh-euˬ meh. Lawˆ kaˬ taw-euˬ loꞈ-ehˇ mˬ-ahˇ aˬ yawꞈ gʼeu taw-awˇ, saˬ paˇ sehˬ gʼawˆ loꞈ-ehˇ sheu joe-euˬ meh.

Yawˇbaˆ 28:26

Uˬ yehˇ bi yehˇ le-eu pehˇ tsahˇ aˬ yawꞈ laˆ baw-awˇ, mˬ jeˬ tsawˬ tehˆ-euˬ gaˇ ma beh nehˬ ngeh,