Yawˇbaˆ 36:27 - Akha

²⁷ “Miˇ tsaˬ-ahˇ dahˬ-eu iˇ cuꞈ yuˇ-awˇ, uˬ yehˇ jahˇ pyeuꞈ-eu gʼaˬ Miˬyehˇ meh.

Yawˇbaˆ 36:27 Referans Kwoze

Jaceuq 147:8

Mˬ kʼoeˇ taˆ mˬ dmˇ-ahˇ aˬ yawꞈ sheu taw-awˇ, miˇ tsaˬ kʼoeˇ taˆ uˬ yehˇ bi yehˇ le-eu laꞈ kʼoeˇ, gawˬ duˇ uˬ du yaˇ moꞈ bi dehꞈ laˇ-eu meh.

Yeˬlaˬmiˇ 14:22

Aˬ cawˬ tsawˇ jeuˬ-euˬ tahˬ pahˬ aˬ ma mawˇ kawˇ deuˬ, uˬ yehˇ maˬ bi yehˇ le nya-a. Uˬ yehˇ ga doˆ le ni mˬ kʼawꞈ maˬ gʼeh nya-a. Nga maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-oˇ, kʼoeˇ deuˬ dawˬ tawˆ luꞈ-ahˇ nawˇ mˇ nya-eu miˇ neh, nawˬ-ahˇ nga maꞈ noeˬ tmˬ-eu ma.

Iˇsaˬyaˇ 5:6

Yaˇ kmˇ kʼoeˇ ngaˇ maˬ laˆ saˆ nehˬ ni byehˇ tsehˆ-awˇ, yaˇ moꞈ bi uˆ byoˆ ma. kʼoeˇ gaˇ uˬ yehˇ taˬ yehˇ shehˬ lehˇ, mˬ dmˇ-ahˇ ngaˇ dawˬ biꞈ ma.”

Jaceuq 148:8

mˬ jeˬ tsawˬ tehˆ hawˇ-eu uˬ yehˇ aˇ siˬ maˬ ehˇ, ngehˇ hawˇ-eu mˬ dmˇ deuˬ maˬ ehˇ, aˬ yawꞈ-euˬ dawˬ naˇ haˬ-eu mˬ jeˬ jaˬ lehˇ maˬ ehˇ, aˬ yawꞈ-ahˇ ja ceuˬ-awˬ.

Yawˇbaˆ 38:34

Mˬ dmˇ-ahˇ nawˇ guˇ gaˬ-awˇ, nawˬ-ahˇ uˬ yehˇ bi yehˇ shehˬ le ni dawˬ biꞈ nya ma loˇ.

Yawˇbaˆ 36:33

Jaˬ lehˇ lehˇ ma oe luꞈ meh lehˇ mˬ jeˬ guˇ gaˬ-awˇ, jeˬ zaˬ deuˬ gʼoˆ siˬ nya-eu meh.

Yawˇbaˆ 5:9

Aˬ yawꞈ neh mˇ-euˬ huiˬ-eu gaˇ deuˬ-ahˇ aˬ dui maˬ siˬ duˬ nya-a. Aˬ yawꞈ neh mˇ-euˬ zahˬ leˇ paˬ-ehˇ gʼeh-eu jeˬ maˬ gui jiˇ coeˇ ni jaˆ-eu meh.

Yawˇbaˆ 5:10

Miˇ tsaˬ kʼoeˇ taˆ uˬ yehˇ biꞈ-awˇ, deh yaˇ-ahˇ iˇ cuꞈ shehˬ-eu meh.

Yawˇbaˆ 36:26

Aˬ yawꞈ aˇ naˆ ni huiˬ-eu mahˇ-eu aˬ dui maˬ siˬ duˬ nya-ehˇ, aˬ yawꞈ-euˬ aˇ kʼoꞈ aˇ la aˬ dui maˬ toꞈ nya-a.

Yawˇbaˆ 36:28

Tsawˇ haˬ zaˬ dawˬ tawˆ luꞈ gʼaˇ duˬ, mˬ dmˇ-ahˇ aˬ yawꞈ uˬ yehˇ bi yehˇ doˆ le-eu meh.

Yawˇbaˆ 37:6

Ngehˇ hawˇ-eu uˬ yehˇ miˇ tsaˬ kʼoeˇ taˆ ga le ni aˬ yawꞈ dawˬ biꞈ-eu meh.

Yawˇbaˆ 37:11

Mˬ dmˇ-ahˇ uˬ yehˇ dzuiꞈ tiˬ byah ni bi tawˬ-awˇ, mˬ dmˇ kʼaˇ jaˆ gaˇ mˬ myawꞈ bi myawꞈ-eu meh.

Yeˬlaˬmiˇ 10:13

Aˬ yawꞈ dawˬ biꞈ nehˬ ngeh mˬ taˆ iˇ cuꞈ teˇ saˇ mahˇ-awˇ, mˬ dzeˇ jaˆ-eu mˬ dmˇ-ahˇ aˬ yawꞈ hehˇ ahˇ laꞈ-eu meh. Uˬ yehˇ yehˇ gaˇ mˬ myawꞈ bi myawꞈ laˇ-awˇ, kuˆ lawˆ laꞈ kʼoeˇ piˬ lahˇ taˬ-euˬ jaˬ lehˇ pyehˬ leꞈ-eu meh.

Yawˇbaˆ 28:26

Uˬ yehˇ bi yehˇ le-eu pehˇ tsahˇ aˬ yawꞈ laˆ baw-awˇ, mˬ jeˬ tsawˬ tehˆ-euˬ gaˇ ma beh nehˬ ngeh,

Dawqdaq 3:20

Aˬ yawꞈ-euˬ zaˬ siˬ tsawˇ gahˇ baˬ da neh lawˇ baˬ yoeˇ le-awˇ, mˬ dmˇ laꞈ kʼoeˇ uˬ yehˇ ga doˆ le-eu meh.

Zaˬkaˬliˇ 10:1

Yeˇ gʼahˇ jiˇ taw uˬ yehˇ jaˆ ni, Sahˬpaˬ Miˬyehˇ-ahˇ shaˇ geuꞈ-awˬ. Jaˬ lehˇ lehˇ ma hawˇ-eu mˬ dmˇ, Sahˬpaˬ Miˬyehˇ neh beh-euˬ meh. Uˬ yehˇ aˬ yawꞈ neh bi yehˇ-awˇ, tsawˇ haˬ-euˬ yaˇ yawˬ kawˬ na luꞈ, nyoeˇ laˇ ni aˬ yawꞈ jahˇ-eu meh.