Yawˇbaˆ 36:26 - Akha

²⁶ Aˬ yawꞈ aˇ naˆ ni huiˬ-eu mahˇ-eu aˬ dui maˬ siˬ duˬ nya-ehˇ, aˬ yawꞈ-euˬ aˇ kʼoꞈ aˇ la aˬ dui maˬ toꞈ nya-a.

Yawˇbaˆ 36:26 Referans Kwoze

Jaceuq 90:2

Gawˬ jawˬ gawˬ duˇ deuˬ-ahˇ nawˇ maˬ beh mi naˆ-ehˇ, miˇ tsaˬ tahˬ kʼawˇ-ahˇ nawˇ maˬ beh mi naˆ-ehˇ, nawˇ Miˬyehˇ pyeuꞈ luꞈ-awˇ, mˬ maˬ maˬ byaˆ zaˇ ziˇ Miˬyehˇ pyeuꞈ tehꞈ-a.

Jaceuq 145:3

Sahˬpaˬ Miˬyehˇ huiˬ dui mahˇ dui dui-awˇ, ja ceuˬ dui dui paˬ-ehˇ gʼeh-eu meh. Aˬ yawꞈ huiˬ dui mahˇ dui dui-eu gaˇ kawˆ, aˬ dui maˬ noeˬ miˇ coeˇ-a.

1 Gawˇliˬtu 13:12

Nymˬ-mˇ aˬ dui ya mawˇ luꞈ-eu heu-aˬ, pyawˬ haw-ahˇ haw-eu loꞈ-ehˇ duˇ-awˇ, maˬ mawˇ shawˇ laˇ-a. Aˇ yamˬ kʼoeˇ keuˆ le ngeh, myaˆ pyawˬ ciˬ daˬ-awˇ ya mawˇ duˬ tehꞈ-a. Nymˬ-mˇ ngaˇ siˬ nya-eu heu-aˬ, maˬ byah maˬ loꞈ-a siˬ. Ehˇ kʼawꞈ, aˇ yamˬ kʼoeˇ keuˆ le ngeh, byah laˇ loꞈ laˇ tehꞈ-a. Miˬyehˇ ngaˬ-ahˇ tiˬ byah tiˬ loꞈ siˬ nya-eu loꞈ-ehˇ byah laˇ loꞈ laˇ tehꞈ-a.

Yawˇbaˆ 37:23

Miˬyehˇ-euˬ baoˬ huiˬ dui dui-eu miˇ neh, aˬ yawꞈ dawˬ peh aˬ dui maˬ nyiˬ leˇ nya-a. Aˬ yawꞈ tsawˇ haˬ zaˬ-ahˇ yaw tsaˬ yaw dawˇ laꞈ kʼoeˇ cawˬ cawˬ taꞈ-eu meh.

Yawˇbaˆ 37:5

Miˬyehˇ dawˬ biꞈ ngeh aˬ dui zahˬ leˇ paˬ-ehˇ gʼeh-eu kʼaˆ jeˬ-ehˇ gʼeh-eu jeˬ pyeuꞈ doˆ laˇ-eu meh.

1 Sahˬpaˬ 8:27

“Ehˇ kʼawꞈ, Miˬyehˇ-oˇ, miˇ tsaˬ kʼoeˇ taˆ nawˇ aˬ diˇ jawˇ nya ma loˇ. Mˬ siˬ lah-ehˇ nawˇ jawˇ kʼaˇ maˬ deˇ-eu-aˬ, ngaˬ neh tsoˆ taˬ-euˬ Uˬ duˬ tahˬ nymˇ nymˇ ma heu nymˇ laꞈ kʼoeˇ aˬ joˆ-ehˇ jawˇ kʼaˇ deˇ nmˇ.

Yawˇbaˆ 26:14

Ehˇ kʼawꞈ, heu deuˬ-aˬ aˬ yawꞈ-euˬ baoˬ aˇ kʼawꞈ tehꞈ-a siˬ. Aˬ yawꞈ jaˬ cehˇ cehˇ-eu ya gaˬ-eu naˆ ni tehꞈ-a siˬ. Aˬ diˇ aˬ maˇ Miˬyehˇ aˇ naˆ ni huiˬ-eu mahˇ-eu aˬ suˇ gʼaˬ siˬ nya nmˇ.”

HeˬByehˇ 1:12

Pehˇ kʼahˬ byaˆ dmˇ kʼoꞈ-eu loꞈ-ehˇ, kʼoeˇ deuˬ-ahˇ nawˇ byaˆ dmˇ kʼoꞈ-awˇ, mehˬ tsoeˬ dzeˇ paˇ paˇ-eu loꞈ-ehˇ, yaw shuiꞈ bi beˬ paˇ jiˇ tehꞈ-a. Ehˇ kʼawꞈ nawˇ maˬ poˆ maˬ paˇ-ehˇ, nawˬ-euˬ ziˇ maˬ jiˇ le nya-a.

2 Beˬtuˆluˆ 3:8

Ehˇ kʼawꞈ, ngaˇ gaˬ dui dui-eu cawˬ deuˬ-oˇ, naw maꞈ maˬ ngehˇ kʼmˬ-eu gaˇ kawˆ tiˬ hmˬ heu loꞈ-ehˇ jaˆ meh. Sahˬpaˬ Miˬyehˇ-euˬ mehˬ shi, tiˬ nah hawˇ-eu tiˬ heˇ kʼoꞈ beu gaˇ duˬ maˬ jaˆ-a. Aˬ yawꞈ tiˬ kawˆ meh.

Yawˇbaˆ 10:5

Nawˬ-euˬ aˇ nah aˇ yamˬ tsawˇ haˬ zaˬ-euˬ aˇ nah aˇ yamˬ-ahˇ duˇ-awˇ, nawˬ-euˬ aˇ kʼoꞈ aˇ la kʼawꞈ tsawˇ haˬ zaˬ-euˬ aˇ kʼoꞈ aˇ la-ahˇ duˇ ma loˇ.

Yawˇbaˆ 36:25

Aˬ yawꞈ neh mˇ-euˬ gaˇ-ahˇ yawˬ gʼaˬ na luꞈ ya mawˇ kʼawꞈ, tiˬ gʼaˬ-iˬ maˬ haw siˬ duˬ nya-a.

Yawˇbaˆ 36:27

“Miˇ tsaˬ-ahˇ dahˬ-eu iˇ cuꞈ yuˇ-awˇ, uˬ yehˇ jahˇ pyeuꞈ-eu gʼaˬ Miˬyehˇ meh.