Yawˇbaˆ 36:19 - Akha

¹⁹ Caw ba nehˬ laꞈ-awˬ lehˇ nawˇ guˇ kʼawꞈ tiˬ jeˬ-iˬ gaˇ dahˇ maˬ tsoeˬ-a. Nawˇ gʼaˬ kʼaˇ jaˆ-eu yuˇ doˆ kʼawꞈ yawꞈ ngehꞈ meh.

Yawˇbaˆ 36:19 Referans Kwoze

Dawqdaq 11:4

Dehꞈ-eu shiˇ-eu jeˬ puˬ le ngeh, pyuˇ shuiˇ myawˬ gahˬ nawˬ-ahˇ ngehˬ maˬ gʼeh nehˬ nya-a. Yaw tsaˬ yaw dawˇ jeˬ tehꞈ-ehˇ nawˬ-ahˇ ka kʼoꞈ nya meh.

Dawqdaq 11:21

Haiˬ-eu tsawˇ haˬ kʼehˬ-eu kʼaˆ-eu jeˬ-ahˇ maˬ dzeuˇ-iˇ nya-ehˇ, yaw tsaˬ yaw dawˇ tsawˇ haˬ ka kʼoꞈ-eu jeˬ za meh lehˇ siˬ duˬ-awˬ.

Yaˬkoˆ 5:3

Naw maꞈ-euˬ pyuˇ shuiˇ shmˇ kaw kaw leˇ jiˇ-awˇ, shmˇ kaw kʼoeˇ naw maꞈ-euˬ iˬ baˇ gaˇ kawˆ saˇ kiˇ pyeuꞈ-eu uˬ taꞈ, miˬ dzaˬ puiˆ-eu loꞈ-ehˇ naw maꞈ-euˬ shaˬ jiˇ dzaˬ byoˆ jiˇ tehꞈ-a. Aˇ saˬ saˬ-eu aˇ yamˬ heu laꞈ kʼoeˇ naw maꞈ-euˬ pyuˇ shuiˇ myawˬ gahˬ pu cu cu laˇ taˬ-euˬ meh.

Zeˬpaˬniˇ 1:18

Sahˬpaˬ Miˬyehˇ nui ma pehˇ-eu, aˇ nah nah huiˬ kʼoeˇ keuˆ le ngeh, yawˬ ha-euˬ pyuˇ kʼoˇ shuiˇ kʼoˇ neh, yawˬ ha-ahˇ maˬ ka kʼoꞈ nya-a. Nui ma pehˇ-eu miˬ dzaˬ miˬ lmˇ, miˇ tsaˬ tahˬ kʼawˇ-ahˇ myoꞈ ahˇ-awˇ, miˇ tsaˬ kʼoeˇ taˆ kʼaˇ jawˇ-eu deuˬ, ja pyuˬ ni ya cawˆ jiˇ tehꞈ-a.

Iˇsaˬyaˇ 37:36

Sahˬpaˬ Miˬyehˇ-euˬ mˬ taˆ gʼaˬ kʼehˇ tiˬ gʼaˬ Aˬshuˇliˆ taˆ-ahˇ uˇ-iˇ-awˇ, yehˇ tiˬ seh yehꞈ muiˇ ngaˬ heˇ gʼaˬ-ahˇ sehꞈ-euˬ meh. Yawˬ shawˬ yawˬ uˬ bya bya laˇ ngeh, aˬ yawꞈ maꞈ dawˬ tawˆ luꞈ yaw shiˇ-ehˇ ga-eu meh.

Iˇsaˬyaˇ 2:20

Aˇ nah kʼoeˇ nah keuˆ laˇ ngeh, yawˬ ha neh tehˆ-euˬ pyuˇ hawˇ-eu shuiˇ tahˬ pahˬ aˬ ma mawˇ kawˇ deuˬ-ahˇ, ho kʼaˬ, boeˇ kʼaˬ jawˇ duˬ-ahˇ baꞈ dzeh yaꞈ jiˇ tehꞈ-a.

Dawqdaq 10:2

Maˬ tsaˬ maˬ dawˇ-eu laꞈ kʼoeˇ laˆ za-euˬ pyuˇ shuiˇ gaˇ dahˇ maˬ tsoeˬ-a. Ehˇ kʼawꞈ, yaw tsaˬ yaw dawˇ jeˬ-aˬ, shiˇ gaˇ ka kʼoꞈ nya-eu meh.

Yawˇbaˆ 9:13

Miˬyehˇ nui ma pehˇ-eu jeˬ maˬ byoˆ-iˇ nya-a. Iˬ ma laˆ shaˆ byaˆ yahˬ Laˬhaˇ-ahˇ caw ba le-eu aˬ yawꞈ-ahˇ muiˇ-eu deuˬ-ahˇ aˬ yawꞈ deh pyehˆ-eu meh.

Yawˇbaˆ 34:20

Tsawˇ haˬ zaˬ uˬ ciꞈ paw ja pyuˬ ni shiˇ nya-eu meh. Miˬyehˇ neh tsawˇ haˬ zaˬ-ahˇ diˬ naˇ, aˬ yawꞈ maꞈ ya shiˇ-eu meh. Baoˬ huiˬ-eu tsawˇ haˬ-ahˇ kʼawꞈ, aˬ yawꞈ gʼaˬ tiˬ pawꞈ-iˬ maˬ shaˇ ni laˆ sehꞈ nya-eu meh.

Yawˇbaˆ 36:18

Laꞈ nmꞈ nmꞈ-eu jeˬ neh nawˬ-ahˇ mehˇ shuiˇ bi shuiˇ-awˇ, pyuˇ shuiˇ myawˬ gahˬ neh gaˇ ma maˬ bi sheuˬ bah ni yahˇ-awˬ.

Yawˇbaˆ 36:20

Tsawˇ jeuˬ dawˬ tawˆ luꞈ ya luˬ ya seˇ-iˇ-eu, uˬ ciꞈ aˇ yamˬ keuˆ le gaˇ taˬ paˇ noeˬ tmˬ.

Jaceuq 49:7

Tsawˇ haˬ tiˬ gʼaˬ-iˬ yawˬ haˇ yawˬ ha maˬ ka kʼoꞈ nya-a. Aˬ yawꞈ-euˬ saꞈ laˇ aˇ poeˬ Miˬyehˇ-ahˇ maˬ biꞈ tsehˆ nya-a.