Yawˇbaˆ 34:29 - Akha

²⁹ Miˬyehˇ tiˬ jeˬ-iˬ maˬ paˇ mˇ ma lehˇ noeˬ tsehˆ shaw naˇ, tiˬ gʼaˬ-iˬ aˬ yawꞈ-ahˇ iˬ baˇ maˬ taˬ nya-a. Aˬ yawꞈ-euˬ myaˆ pyawˬ-ahˇ aˬ yawꞈ dehˬ kaˬ taˬ naˇ, tsawˇ haˬ zaˬ neh maˬ paˇ laˆ luˆ nya meh.

Yawˇbaˆ 34:29 Referans Kwoze

Iˇsaˬyaˇ 26:3

Nui ma ziꞈ dah ni gʼeh-awˇ, nawˬ-ahˇ jah-eu tsawˇ haˬ deuˬ-ahˇ, byah dui dui-eu nui saˇ oꞈ-eu jeˬ, Sahˬpaˬ Miˬyehˇ nawˇ biꞈ nehˬ-awˬ.

Yawˇbaˆ 23:13

Aˬ yawꞈ tiˬ jawˇ-iˬ poˆ laˇ paˇ laˇ-eu maˬ baw-ehˇ, tsawˇ haˬ tiˬ gʼaˬ-iˬ aˬ yawꞈ-ahˇ maˬ ciˬ daˬ leˇ peuˬ-a. Aˬ yawꞈ mˇ mawꞈ-eu jeˬ mˇ gaˇ kʼawꞈ, tiˬ gʼaˬ-iˬ maˬ laˆ tsoeˬ leˇ nya-a.

Yoˇhaˬ 14:27

“Ngaˬ neh naw maꞈ-ahˇ biꞈ taˬ yaꞈ-euˬ jeˬ-aˬ, nui saˇ oꞈ-eu jeˬ pyeuꞈ-eu ma. Ngaˇ nui saˇ oꞈ-eu jeˬ biꞈ-eu-aˬ, miˇ tsaˬ zaˬ deuˬ nui saˇ oꞈ-eu jeˬ biꞈ gaˇ maˬ duˇ. Naw maꞈ nui ma shaˬ zahˬ taˬ mˇ. Taˬ guˆ.

Iˇsaˬyaˇ 32:17

Tsawˇ haˬ yawˬ gʼaˬ na luꞈ yaw tsaˬ yaw dawˇ jeˬ-ahˇ poˆ-eu miˇ neh, nui saˇ oꞈ-awˇ coꞈ ngehˇ ni gʼeh-eu jeˬ, mˬ maˬ maˬ byaˆ zaˇ ziˇ keuˆ le tehꞈ-a.

Jaceuq 27:9

Nawˬ-euˬmyaˆpyawˬ taˬciˬzaꞈlaꞈ. Nawˬ-euˬzaˬkʼaˆpyeuꞈ-eu ngaˬ-ahˇ, nui ma pehˇ-awˇ taˬteh dzeh laꞈ. Ngaˬ-ahˇngehˬgʼeh-eu gʼaˬnawˇmeh. Ngaˬ-ahˇka kʼoꞈ-eu Miˬyehˇ-oˇ, Byehˇdzeh-awˇtaˬbi shaˬnehˬlaꞈ.

Piˇliˇpiˆ 4:7

Yeˬsuˇ Ka li laꞈ kʼoeˇ naw maꞈ nui saˇ oꞈ-eu jeˬ za nya ni, tsawˇ haˬ zaˬ maˬ noeˬ doˆ coeˇ-eu Miˬyehˇ-euˬ nui saˇ oꞈ-eu jeˬ naw maꞈ-ahˇ caw ba tehꞈ-a.

Yeˬlaˬmiˇ 27:8

“Ehˇ kʼawꞈ, tsawˇ jeuˬ tiˬ jeuˬ na maˬ ehˇ, miˇ kʼahˬ tiˬ kʼahˬ na maˬ ehˇ, aˬ yawꞈ uˆ lahˇ-eu uˬ moˆ maˬ jawˇ naˇ, Neˬbuˬkaˬneˬzaˬ neh maˬ bi laˆ byoˆ leꞈ kʼoeˇ keuˆ ni, guiˇ deuˆ-eu jeˬ, mehꞈ-eu shuꞈ-eu jeˬ hawˇ-eu, naˇ-eu gawˇ-eu jeˬ-ahˇ gʼoe-awˇ, ngaˇ kʼehˬ nehˬ kʼaˆ nehˬ ma.

Jaceuq 143:7

Sahˬpaˬ Miˬyehˇ-oˇ, ngaˬ-euˬ shaˇ dawˬ naˇ haˬ nehˬ laꞈ. Noeˬ tmˬ kʼaˇ maˬ za miˇ-a. Shiˇ-eu miˇ kʼahˬ-ahˇ iˇ dzeuˇ-euˬ tsawˇ haˬ deuˬ jawˇ gaˇ, ngaˇ ya iˇ-eu keuˆ laˇ taˬ-euˬ miˇ neh, nawˬ-euˬ myaˆ pyawˬ taˬ ciˬ zaꞈ nehˬ laꞈ.

Jaceuq 30:7

SahˬpaˬMiˬyehˇnawˬneh ngaˬ-ahˇ, gʼawˬshaˬgaˬ-awˇlaˆziꞈlaꞈ-euˬ, gawˬjawˬloꞈ-ehˇziꞈdah jaˆma. Ehˇkʼawꞈnawˇmyaˆpyawˬciˬzaꞈngeh, Nui ma shaˬzahˬnaꞈdui dui nya.

Jaceuq 13:1

SahˬpaˬMiˬyehˇ-oˇ nawˇngaˬ-ahˇ, aˇmyah keuˆni ngehˇ-eu gʼeh te. Mˬmaˬmaˬbyaˆngehˇ-eu ma loˇ. Nawˬ-euˬmyaˆpyawˬmaˬciˬmawˇni, aˇmyah keuˆ ni jawˇ-eu gʼeh te.

Yawˇbaˆ 12:14

Miˬyehˇ neh laˆ pyaˆ-euˬ jeˬ-ahˇ aˬ suˇ gʼaˬ laˆ muiˬ nya-awˇ, Miˬyehˇ neh paꞈ tawꞈ-euˬ gʼaˬ-ahˇ aˬ suˇ gʼaˬ puiˇ pyehˬ nya nmˇ.

2 Saˬmeuˬlaˆ 7:1

Sahˬ paˬ Daˬbiˇ-aˬ, aˬ yawꞈ-euˬ hawˇ nymˇ laꞈ kʼoeˇ jawˇ luꞈ-awˇ, aˬ yawꞈ-euˬ tiˬ jawˬ jawˇ-eu aˬ yawꞈ-ahˇ muiˇ-eu deuˬ-euˬ aˬ laꞈ laꞈ kʼoeˇ, Sahˬpaˬ Miˬyehˇ aˬ yawꞈ-ahˇ haw piˇ nehˬ-euˬ miˇ neh, saˇ lehˆ ni dehꞈ luꞈ-eu meh.

Yawˇbaˆ 34:28

Iˇ shaˬ zaˬ deuˬ Miˬyehˇ-ahˇ guˇ gaˇ keuˆ ni aˬ yawꞈ maꞈ kʼaˆ dzaˬ-awˇ, caw ba le-awˬ lehˇ iˇ shaˬ zaˬ deuˬ guˇ gaˇ Miˬyehˇ gaˬ-eu meh.

Yawˇbaˆ 34:30

Miˬyehˇ maˬ baw-eu tsawˇ haˬ deuˬ neh bi uˆ lahˇ-awˇ maˬ bi kʼehˬ ni, miˇ kʼahˬ tsawˇ jeuˬ deuˬ tiˬ jeˬ-iˬ maˬ jahˇ nya-a.

Jaceuq 94:13

Maˬ tsaˬ maˬ dawˇ-eu tsawˇ haˬ deuˬ bi ga ahˇ-eu gʼaˇ duˬ duˬ kʼahˬ maˬ kʼahˬ gʼaˬ kʼoeˇ keuˆ ni, guˆ-eu gaˆ-eu aˇ yamˬ laꞈ kʼoeˇ aˬ yawꞈ-ahˇ nawˇ nui saˇ bi za-euˬ meh.

Doˆ-iˇ 33:14

Sahˬpaˬ Miˬyehˇ ehˇ-eu, “Naw maꞈ nehˬ-ehˇ ngaˇ le-awˇ, naw maꞈ aˬ cawˬ-ahˇ gʼaˬ leˇ-eu tsawˇ jeuˬ bi pyeuꞈ laˇ ma.”

2 Laˬsaˬbaˬ 20:30

Yeˬhawˇshaˬpaˇ-euˬ miˇ kʼahˬ coꞈ ngehˇ ni jaˆ-awˇ, aˬ yawꞈ-euˬ miˇ kʼahˬ yawˬ paw yawˬ coeˇ na luꞈ-ahˇ, Sahˬpaˬ Miˬyehˇ haw piˇ nehˬ-euˬ meh.

Jaceuq 94:10

Tsawˇ jeuˬ dawˬ tawˆ luꞈ-ahˇ haw luꞈ pyaˆ luꞈ-eu gʼaˬ aˬ yawꞈ maꞈ-ahˇ maˬ kʼehˬ maˬ kʼaˆ nehˬ nya ta loˇ. Tsawˇ haˬ dawˬ tawˆ luꞈ-ahˇ mehˬ luꞈ tsoˆ luꞈ-eu gʼaˬ tsawˇ gahˇ maˬ ahˇ nmˇ loˇ.

Yeˬsaˬgeˬlaˇ 34:15

Ngaˬ-euˬ gʼawˇ mawˇ ngaˬ-euˬ yawˇ deuˬ-ahˇ bo-eu gʼaˬ geuꞈ-awˇ, muiˬ-eu gʼaˬ naˬ naˬ duˬ-ahˇ bi naˬ ma lehˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ ehˇ-eu ma.