Yawˇbaˆ 34:27 - Akha

²⁷ Aˬ yawꞈ maꞈ aˬ yawꞈ mehˬ nah maˬ caw teh ni byehˇ-awˇ, aˬ yawꞈ-euˬ dawˬ-ahˇ maˬ naˇ haˬ ni jawˇ ngeh, kʼoeˇ loꞈ-ehˇ jahˇ nehˬ-eu meh.

Yawˇbaˆ 34:27 Referans Kwoze

1 Saˬmeuˬlaˆ 15:11

“Ngaˬ neh Sawˇluˆ-ahˇ sahˬ paˬ bi geuꞈ-euˬ gaˇ kawˆ-ahˇ ngaˇ nui ma maˬ saˇ nya. Aˬ yawꞈ ngaˬ-ahˇ byehˇ dzeh-awˇ, ngaˬ-euˬ zahˇ dawˬ kʼoꞈ dawˬ deuˬ-ahˇ maˬ naˇ haˬ geuꞈ-a.” Saˬmeuˬlaˆ nui ma pehˇ-eu laꞈ kʼoeˇ, uˬ ciꞈ miˇ lah-ehˇ Sahˬpaˬ Miˬyehˇ-ahˇ guiˬ lahˬ shaˇ-euˬ meh.

Iˇsaˬyaˇ 5:12

Aˬ yawꞈ maꞈ dzaˬ byawˬ dawˇ byawˬ byawˬ gaˇ, deuˇ-mˬ, bawˬ law, cehˇ lehˇ hawˇ-eu jiˇ baˬ jaˆ kʼawꞈ, Sahˬpaˬ Miˬyehˇ neh mˇ-euˬ gaˇ-ahˇ maˬ shaˇ sawˇ-ehˇ, aˬ yawꞈ-euˬ kuiˇ zaˇ laꞈ zaˇ maˬ siˬ nya-a.

Jaceuq 28:5

SahˬpaˬMiˬyehˇ mˇ-euˬ gaˇ-ahˇ, yawꞈmaꞈ shaˇsawˇ-eu maˬbaw-ehˇ, SahˬpaˬMiˬyehˇ-euˬlaꞈzaˇ-ahˇ, yaw zeu maˬbaw nehˬ-eu miˇneh, aˬyawꞈneh bi kʼehˬbi kʼaˆ-awˇ, mˬmaˬmaˬbyaˆ cawˆ-iˇtehꞈ-a.

HeˬByehˇ 10:39

Ehˇ kʼawꞈ, aˬ dui-aˬ, mehˬ nah paw zeuˆ pyawˇ-awˇ luˬ-iˇ seˇ-iˇ-eu paw iˇ luꞈ-eu tsawˇ haˬ maˬ ngeuˇ. Jah-eu nui ma ahˇ-awˇ, ka kʼoꞈ-eu jeˬ za-euˬ tsawˇ haˬ ma.

2 Tiˆmoˇseˬ 4:10

Deˬmaˆ-aˬ, heu ziˇ-ahˇ taꞈ-eu miˇ tsaˬ heu-ahˇ gaˬ-eu miˇ neh, ngaˬ-ahˇ byehˇ dzeh yaꞈ-awˇ Teˇsaˬloˇni meuˬ-ahˇ iˇ-euˬ meh. Gaˬleˬgeˬ gʼaˬ-aˬ, Gaˬlaˬtiˆ miˇ kʼahˬ-ahˇ iˇ-awˇ, Tiˇtuˆ gʼaˬ-aˬ, Daˬlaˬmaˬdiˇ miˇ kʼahˬ-ahˇ iˇ-euˬ meh.

Gʼaˬkʼehˇ 15:38

Ehˇ kʼawꞈ, aˬ yawꞈ-ahˇ sheuˬ gʼeh-eu maˬ tsaˬ-a lehˇ Pawˇluˆ noeˬ-eu meh. Aˬ jeˬ miˇ neh ehˇ naˇ, yaw beh Miˬyehˇ dawˬ kawˬ mehˬ-eu cah ngeh jawˇ, aˇ saˬ saˬ ngeh keuˆ ni maˬ cah-ehˇ, Paˬbuˇliˇ miˇ kʼahˬ-ahˇ iˇ keuˆ ngeh aˬ yawꞈ nyaꞈ-ahˇ byehˇ dzeh-awˇ aˬ yawꞈ tiˬ gʼaˬ tehꞈ-ehˇ gʼoꞈ le-euˬ meh.

Zeˬpaˬniˇ 1:6

Sahˬpaˬ Miˬyehˇ-ahˇ byehˇ dzeh-awˇ, aˬ yawꞈ-ahˇ maˬ gʼoe-eu tsawˇ haˬ, laˆ cawˆ nehˬ gaˇ ya daˬ tehꞈ-a.”

Iˇsaˬyaˇ 1:3

Mawˇ neˇ kʼawꞈ yawˬ ha-euˬ yaw sahˇ-ahˇ siˬ nya-awˇ, mahˬ tahˬ laˆ kʼawꞈ, yaw sahˇ gʼaˬ-euˬ mahˬ dzaˇ kʼawˇ lawˬ siˬ nya meh. Ehˇ kʼawꞈ, Iˇsaˬleˬlaˆ kʼoeˇ loꞈ-ehˇ maˬ siˬ nya-a. Ngaˬ-euˬ tsawˇ haˬ deuˬ maˬ noeˬ siˬ nya-a.”

Jaceuq 125:5

Ehˇ kʼawꞈ haiˬ-eu tsawˇ haˬ deuˬ-ahˇ nawˇ kʼehˬ nehˬ ngeh, nawˬ-euˬ zahˇ sahˇ kʼoꞈ-ahˇ byehˇ-eu deuˬ-ahˇ kʼawꞈ kʼehˬ nehˬ-awˬ. Iˇsaˬleˬlaˆ miˇ kʼahˬ laꞈ kʼoeˇ nui saˇ oꞈ-eu jeˬ jaˆ luꞈ-uˇ.

Jaceuq 107:43

Zaˬ siˬ tsawˇ gahˇ kʼaˇ ahˇ-eu tsawˇ haˬ deuˬ, gaˇ kawˆ kʼoeˇ shaˇ sawˇ haw luꞈ-uˇ. Sahˬpaˬ Miˬyehˇ-euˬ maˬ tsehˆ leˇ-eu gʼoeˇ-eu gaˬ-eu jeˬ-ahˇ aˬ yawꞈ maꞈ shaˇ noeˬ doˆ luꞈ-uˇ.

Yawˇbaˆ 21:14

Haiˬ-eu tsawˇ haˬ Miˬyehˇ-ahˇ teh dzeh-eu meh. Aˬ yawꞈ maꞈ yaw dehꞈ dehꞈ-eu gʼaˇ duˬ Miˬyehˇ nui kʼahˇ aˬ joˆ-ehˇ jaˆ-eu aˬ yawꞈ maꞈ maˬ siˬ mawꞈ-a.

2 Laˬsaˬbaˬ 28:6

Leˬmaˬliˇ-euˬ aˬ li Iˇsaˬleˬlaˆ sahˬ paˬ Peˬkah neh, tiˬ nah laꞈ kʼoeˇ tehꞈ-ehˇ kʼaˬ dui dui-eu Yuˇdaˆ yehˇ tiˬ seh nyiˬ muiˇ gʼaˬ bi deuˆ sehꞈ-euˬ meh. Aˬ jeˬ miˇ neh ehˇ naˇ, aˬ yawꞈ maꞈ-euˬ aˬ poeˬ aˬ bawˇ deuˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ aˬ yawꞈ maꞈ byehˇ dzeh-euˬ miˇ neh kʼoeˇ loꞈ-ehˇ ya daˬ-euˬ meh.

Dawqdaq 15:10

Dehꞈ bahˬ-eu tsawˇ haˬ-ahˇ yaw kʼaˆ-ehˇ kʼehˬ nehˬ-awˇ, maˬ mehˬ paˇ nya-eu deuˬ ya shiˇ tehꞈ-a.

Iˇsaˬyaˇ 1:28

Ehˇ kʼawꞈ, puiˬ-eu deuˬ hawˇ-eu iˬ baˇ mˇ-eu deuˬ, tiˬ kawˆ loꞈ-ehˇ bi laˆ cawˆ-awˇ Sahˬpaˬ Miˬyehˇ-ahˇ byehˇ dzeh-euˬ deuˬ, bi laˆ meh jiˇ tehꞈ-a.

Yeˬlaˬmiˇ 2:17

Iˇsaˬleˬlaˆ-oˇ, gaˇ kawˆ heu nawˬ-euˬ uˬ duˬ-ahˇ daˇ laˇ ni, nawˇ yawˬ haˇ yawˬ ha mˇ-euˬ meh. Nawˬ-ahˇ ngaˇ sheuˬ gʼeh nehˬ luꞈ ngeh, nawˬ-euˬ Miˬyehˇ pyeuꞈ-eu ngaˇ Sahˬpaˬ Miˬyehˇ-ahˇ, nawˇ byehˇ dzeh yaꞈ-euˬ meh.