Yawˇbaˆ 34:21 - Akha

²¹ Tsawˇ haˬ zaˬ-euˬ kuiˇ toꞈ yawˬ toꞈ na luꞈ-ahˇ aˬ yawꞈ haw luꞈ-eu meh.

Yawˇbaˆ 34:21 Referans Kwoze

Dawqdaq 15:3

Miˬyehˇ mehˬ shi baˇ zaꞈ maˬ jaˆ. Muiˬ muiˬ doeˇ doeˇ yehˇ mawˇ jiˇ meh.

Yawˇbaˆ 31:4

Ngaˇ kʼaˇ mˇ-eu yawˬ jeˬ na luꞈ-ahˇ Miˬyehˇ siˬ nya-awˇ, ngaˬ-euˬ kuiˇ toꞈ yawˬ toꞈ na luꞈ-ahˇ aˬ yawꞈ mawˇ luꞈ meh.

Yeˬlaˬmiˇ 16:17

Aˬ yawꞈ maꞈ kʼaˇ mˇ kʼaˇ shaˇ-eu jeˬ ngaˇ mawˇ luꞈ ma. Ngaˬ-euˬ mehˬ shi zaꞈ taˬ-euˬ tiˬ jeˬ-iˬ maˬ jaˆ. Ngaˇ maˬ mawˇ ni aˬ yawꞈ maꞈ iˬ baˇ maˬ mˇ dzeuˇ nya-a.

Dawqdaq 5:21

Tsawˇ haˬ zaˬ-euˬ iˇ jeˬ laˇ kawˆ-ahˇ Sahˬ paˬ Miˬ yehˇ mawˇ-awˇ, aˬ yawꞈ-euˬ kuiˇ toꞈ-ahˇ haw luꞈ meh.

Yeˬlaˬmiˇ 32:19

Nawˬ-euˬ nui noeˬ nui duˇ zahˬ dui dui leˇ paˬ-ehˇ gʼeh-awˇ, nawˬ neh mˇ-euˬ gaˇ deuˬ huiˬ dui dui-eu meh. Tsawˇ haˬ zaˬ kʼaˇ mˇ kʼaˇ shaˇ-eu jeˬ-ahˇ nawˇ mawˇ nya-awˇ, aˬ yawꞈ maꞈ neh kʼaˇ mˇ-euˬ loꞈ-ehˇ nawˇ guiˬ lahˬ biꞈ-eu meh.

Jaceuq 139:23

Miˬyehˇ-oˇ, ngaˬ-ahˇ pyehˆ tseˇ-awˇ ngaˬ-euˬ nui ma poˆ duˬ-awˬ. Ngaˬ-ahˇ lawˬ haw-awˇ ngaˬ-euˬ nui noeˬ nui duˇ tseˇ duˬ-awˬ.

Aˇ dahˬ 16:13

Kʼoeˇ ngeh, “Miˬyehˇ-ahˇ ngaˇ aˬ diˇ aˬ maˇ ya mawˇ gʼaˬ-euˬ kʼawꞈ, maˬ ya shiˇ-ehˇ, gaˇ kawˆ kʼoeˇ aˬ cawˬ-ahˇ dzawˇ mehˬ dzawˇ mehˬ-ehˇ paˇ ya dehꞈ ta siˬ loˇ” lehˇ, Haˬgaˬlaˇ yawˬ haˇ yawˬ ha ehˇ-eu meh. Kʼoeˇ miˇ neh, aˬ yawꞈ-ahˇ dawˬ ngehˬ cawˬ le-euˬ Sahˬpaˬ Miˬyehˇ-ahˇ, “Siˬ luꞈ mawˇ luꞈ-eu Miˬyehˇ” lehˇ aˬ yawꞈ kuˇ-euˬ meh.

Yeˬlaˬmiˇ 17:10

Sahˬpaˬ Miˬyehˇ pyeuꞈ-eu ngaˇ-aˬ, tsawˇ haˬ zaˬ-euˬ nui ma-ahˇ pyehˆ tseˇ-awˇ, yaw gʼoꞈ yaw dawˇ lawˬ haw-eu ma. Tsawˇ haˬ zaˬ-euˬ dehꞈ jeˬ dehꞈ kawˆ-ahˇ ngaˇ haw-awˇ, yawˬ gʼaˬ na luꞈ-ahˇ kʼaˇ oꞈ kʼaˇ geuˇ-eu loꞈ-ehˇ, yaw muiˬ yaw doeˇ guiˬ lahˬ ngaˇ biꞈ-eu ma.”

Jaceuq 34:15

Yaw tsaˬyaw dawˇtsawˇhaˬdeuˬ-ahˇ, SahˬpaˬMiˬyehˇhaw piˇluꞈ-awˇ, aˬyawꞈmaꞈguˇ-eu teˇsaˇ-ahˇ, aˬyawꞈnaˬbawˇciˬkʼmˇ-eu meh.

2 Laˬsaˬbaˬ 16:9

Miˇ tsaˬ dawˬ tawˆ luꞈ-ahˇ Sahˬpaˬ Miˬyehˇ yaw muiˬ paˬ-ehˇ haw luꞈ-awˇ, aˬ yawꞈ-ahˇ saˇ jaˇ ziꞈ-eu deuˬ-ahˇ gʼaˬ biꞈ luꞈ-eu meh. Nawˇ yaw muiˬ paˬ-ehˇ maˬ shaˇ noeˬ ni kʼoeˇ loꞈ-ehˇ mˇ lehˬ-euˬ miˇ neh, iˬ nah neh aˇ dahˬ beh-awˇ mehˬ hu paw dehꞈ daˆ leꞈ ngeh, nawˇ aˬ myah luꞈ guiˇ ya deuˆ tehꞈ-a.”

Aˬmoˆ 9:8

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ-aˬ, iˬ baˇ ahˇ dui dui-eu Iˇsaˬleˬlaˆ miˇ kʼahˬ-ahˇ haw luꞈ-awˇ, miˇ kʼahˬ heu kʼahˬ miˇ tsaˬ kʼoeˇ taˆ maˬ jaˆ-ehˇ pyeuꞈ-iˇ ni ngaˇ laˆ cawˆ ma. Ehˇ kʼawꞈ, Yaˬkoˆ-euˬ zaˬ deuˬ uˆ deuˬ dawˬ tawˆ luꞈ-ahˇ ngaˇ maˬ laˆ cawˆ nehˬ.”

Yawˇbaˆ 10:4

Nawˇ shiˬ shaˬ jiˇ myaˆ nuiˆ tsoꞈ ma loˇ. Tsawˇ haˬ zaˬ kʼaˇ haw mawˇ-eu loꞈ-ehˇ nawˇ haw mawˇ ma loˇ.

Yawˇbaˆ 11:11

Tsawˇ haˬ aˬ geu deuˬ gaˇ dahˇ maˬ tsoeˬ-eu Miˬyehˇ siˬ nya-awˇ, aˬ yawꞈ maꞈ yaw haiˬ jeˬ mˇ-eu Miˬyehˇ mawˇ luꞈ meh.

Yawˇbaˆ 13:16

Haiˬ-eu tsawˇ haˬ Miˬyehˇ-ahˇ maˬ tahˬ puˬ leˇ peuˬ-eu-aˬ, ngaˬ-euˬ nui kʼaˬ ngaˬ-ahˇ ka kʼoꞈ-eu maˬ siˬ.

Yawˇbaˆ 14:16

Kʼoeˇ ngeh, ngaˬ-euˬ kuiˇ toꞈ yawˬ toꞈ na luꞈ-ahˇ nawˇ haw kʼawꞈ, ngaˬ-euˬ iˬ baˇ-ahˇ nawˇ pehˬ zaˇ maˬ caw-aˇ.

Yawˇbaˆ 24:23

Miˬyehˇ aˬ yawꞈ-ahˇ saˇ lehˆ ni bi dehꞈ tawˬ luꞈ kʼawꞈ, myaˆ nuiˆ tiˬ pyawˬ aˬ yawꞈ-ahˇ haw tsoˆ taˬ-euˬ meh.

Jaceuq 33:15

Nui noeˬdawˬtawˆyawꞈneh beh-awˇ, kʼaˇmˇ-eu jeˬ siˬjiˇluꞈmeh.

Yeˬlaˬmiˇ 23:24

Tiˬ tsahˇ tehꞈ-ehˇ jawˇ-eu Miˬyehˇ maˬ ngeuˇ. Tsawˇ haˬ tiˬ gʼaˬ-iˬ ngaˇ maˬ mawˇ gaˇ maˬ cehˆ zaꞈ nya-a. Mˬ hawˇ-eu miˇ tsaˬ yawˬ gaˇ na luꞈ doe ni, ngaˇ jawˇ luꞈ-eu gaˇ kawˆ naw maꞈ maˬ siˬ nya te loˇ.