Yawˇbaˆ 34:20 - Akha

²⁰ Tsawˇ haˬ zaˬ uˬ ciꞈ paw ja pyuˬ ni shiˇ nya-eu meh. Miˬyehˇ neh tsawˇ haˬ zaˬ-ahˇ diˬ naˇ, aˬ yawꞈ maꞈ ya shiˇ-eu meh. Baoˬ huiˬ-eu tsawˇ haˬ-ahˇ kʼawꞈ, aˬ yawꞈ gʼaˬ tiˬ pawꞈ-iˬ maˬ shaˇ ni laˆ sehꞈ nya-eu meh.

Yawˇbaˆ 34:20 Referans Kwoze

2 Beˬtuˆluˆ 2:3

Maˬ ngeuˇ-eu mehˬ-eu tsoˆ-eu saˬ laˬ kʼoeˇ deuˬ pyuˇ shuiˇ myawˬ gahˬ-ahˇ nui kʼahˇ jaˆ-eu miˇ neh, naw maꞈ-ahˇ maˬ ngeuˇ gaˇ keuˆ ni ja mehˬ-awˇ aˬ yawꞈ maꞈ gʼaˇ duˬ jiˇ jeuˬ ahˇ ni mˇ tehꞈ-a. Aˬ yawꞈ maꞈ-ahˇ Yaˇ kʼaˬ daˇ nehˬ-eu gʼaˬ aˇ hu ba neh lehˬ hmˬ dah taˬ-awˇ, aˬ yawꞈ maꞈ-ahˇ laˆ cawˆ-eu gʼaˬ maˬ yuꞈ kʼaˆ ni yaw noeˬ-ehˇ jawˇ luꞈ meh.

1 Teˇsaˬloˇni 5:2

Aˬ jeˬ miˇ neh ehˇ naˇ, Sahˬpaˬ Yeˬsuˇ-euˬ Aˇ nah-aˬ, uˬ ciꞈ sehˇ gʼahˇ smˇ kʼoeˬ tahˇ joe oe-eu loꞈ-ehˇ maˬ noeˬ maˬ duˇ-ehˇ jawˇ ngeh keuˆ le tehꞈ-a lehˇ naw maꞈ siˬ duˬ taˬ-euˬ meh.

Gʼaˬkʼehˇ 12:23

Ja pyuˬ ni, Sahˬpaˬ Miˬyehˇ-euˬ gʼaˬ kʼehˇ neh Heˬloˆ-ahˇ kʼehˬ-euˬ meh. Aˬ jeˬ miˇ neh ehˇ naˇ, Miˬyehˇ-ahˇ aˬ yawꞈ maˬ taˬ huiˬ-a. Kʼoeˇ miˇ neh, aˇ boeˬ aˇ mawˇ neh bi dzaˬ sehꞈ-euˬ meh.

Luˇkaꞈ 12:20

Ehˇ kʼawꞈ, aˬ yawꞈ-ahˇ Miˬyehˇ ehˇ nehˬ-eu, ‘Aˬ dzawˬ aˇ gah-oˇ, nymˇ ciꞈ neh nawˬ-euˬ saꞈ laˇ ngaˇ yuˇ kʼoꞈ ma. Nymˬ-mˇ poˆ jawˇ-aˬ, nawˬ neh poˆ uiˬ taˬ-euˬ myawˬ gahˬ deuˬ aˬ suˇ gʼaˬ-euˬ pyeuꞈ-iˇ nmˇ.’

Daˬyeˬlaˇ 5:30

Kʼoeˇ ngeh miˇ, Baˬbuˇloˬ sahˬ paˬ Beˬlaˇshaˬzaˬ-ahˇ aˬ cawˬ sehꞈ-euˬ meh.

Daˬyeˬlaˇ 2:34

Nawˇ kʼoeˇ gaˇ haw haw-ehˇ jawˇ ngeh, tsawˇ haˬ tiˬ gʼaˬ-iˬ maˬ toeˬ ciˆ-euˬ gaˇ, lo guˇ-ahˇ neh kʼaˬ lo lo ma tiˬ siˬ poˆ ka leꞈ-awˇ, shmˇ hawˇ-eu miˇ tsaˬ neh jahˇ taˬ-euˬ aˬ kuiˇ-ahˇ poˆ daˆ-awˇ lehˬ paˆ-euˬ meh.

Iˇsaˬyaˇ 37:38

Tiˬ nah keuˆ laˇ ngeh, aˬ yawꞈ-euˬ miˬ yehˇ pyeuꞈ-eu Niˇsaˬloˆ miˬ yehˇ-euˬ uˬ duˬ tahˬ nymˇ-ahˇ aˬ yawꞈ uˬ duˬ tahˬ luꞈ ngeh, aˬ yawꞈ-euˬ aˬ li Aˬdaˬlaˬmeˬlehˆ hawˇ-eu Shaˬleˬzaˬ aˬ nyaꞈ nmˇ, aˬ yawꞈ-ahˇ mi cehˇ neh sehꞈ-awˇ, Aˬyaˬyaˇ miˇ kʼahˬ-ahˇ cehˆ-euˬ meh. Kʼoeˇ naˇ, aˬ yawꞈ-euˬ aˬ li Eˇsaˬhaˬdoˬ gʼaˬ aˬ yawꞈ-euˬ dah zaˇ sahˬ paˬ geuꞈ-euˬ meh.

Iˇsaˬyaˇ 37:36

Sahˬpaˬ Miˬyehˇ-euˬ mˬ taˆ gʼaˬ kʼehˇ tiˬ gʼaˬ Aˬshuˇliˆ taˆ-ahˇ uˇ-iˇ-awˇ, yehˇ tiˬ seh yehꞈ muiˇ ngaˬ heˇ gʼaˬ-ahˇ sehꞈ-euˬ meh. Yawˬ shawˬ yawˬ uˬ bya bya laˇ ngeh, aˬ yawꞈ maꞈ dawˬ tawˆ luꞈ yaw shiˇ-ehˇ ga-eu meh.

Iˇsaˬyaˇ 30:13

Naw maꞈ iˬ baˇ huiˬ dui dui meh. Tsawˬ nga taˬ-euˬ meuˬ lahˇ lahˇ goˇ loꞈ-ehˇ, ja pyuˬ ni coˬ pyaˆ coˬ shaˆ jiˇ tehꞈ-a.

Jaceuq 73:19

Aˬ yawꞈ maꞈ ja pyuˬ ni ya dehꞈ byoˆ leꞈ-awˇ, aˇ saˬ saˬ laˇ jawˬ-ehˇ ya noeˬ shaˬ dui dui tehꞈ-a.

Yawˇbaˆ 36:20

Tsawˇ jeuˬ dawˬ tawˆ luꞈ ya luˬ ya seˇ-iˇ-eu, uˬ ciꞈ aˇ yamˬ keuˆ le gaˇ taˬ paˇ noeˬ tmˬ.

Yawˇbaˆ 12:19

Piˇ ma deuˬ hawˇ-eu baoˬ jaˆ-eu tsawˇ haˬ deuˬ-ahˇ aˬ yawꞈ dehˬ awˆ-eu meh.

1 Saˬmeuˬlaˆ 26:10

Daˬbiˇ paˇ ehˇ-eu, “Shiˇ yamˬ tsaˬ laˇ ngeh maˬ ngeuˇ naˇ, guiˇ deuˆ luꞈ ngeh Sawˇluˆ-ahˇ Sahˬpaˬ Miˬyehˇ bi shiˇ tehꞈ-a lehˇ, dehꞈ luꞈ-eu Sahˬpaˬ Miˬyehˇ laꞈ kʼoeˇ ngaˇ siˬ nya ma.

Maꞈtehˬ 25:6

“‘Miˬ zaˬ sheuˬ le-eu gʼaˬ oe keuˆ-euˬ meh. Ha laˬ laˇ-awˬ’ lehˇ guˇ doˆ laˇ ngeh, sehˇ gʼahˇ ceh laˇ-euˬ meh.

Zaˬkaˬliˇ 4:6

Kʼoeˇ naˇ, aˬ yawꞈ ehˇ-eu, “Heu-aˬ, Zeˬluˇbaˬbeˬlaˇ-ahˇ Sahˬpaˬ Miˬyehˇ neh ehˇ nehˬ-eu dawˬ pyeuꞈ-awˇ, ‘Baoˬ hawˇ-eu gʼaˬ neh gʼaˬ leˇ nya-eu maˬ ngeuˇ-a. Ngaˬ-euˬ yaw sahˇ baˬ da neh tehꞈ-ehˇ gʼaˬ leˇ nya-eu meh’ lehˇ ehˇ-eu meh.

Yawˇbaˆ 27:20

Ja pyuˬ ni oe-euˬ iˇ jeuˬ loꞈ-ehˇ aˬ yawꞈ maꞈ kʼoeˇ taˆ guˆ-eu gaˆ-eu jeˬ keuˆ le-awˇ, uˬ ciꞈ paw baw-eu jaˬ lehˇ aˬ yawꞈ maꞈ-ahˇ baw byoˆ gʼeh tehꞈ-a.

Yawˇbaˆ 34:25

Aˬ yawꞈ maꞈ mˇ luꞈ-eu jeˬ aˬ yawꞈ siˬ nya-eu miˇ neh, uˬ ciꞈ paw neh aˬ yawꞈ maꞈ-ahˇ aˇ yaˬ yuˇ ka-awˇ nawˬ pahˬ nehˬ-eu meh.

Daˬyeˬlaˇ 8:25

Aˬ yawꞈ tsawˇ gahˇ gahˇ-awˇ jaˬ myawꞈ mehˇ shuiˇ zmˬ-eu laꞈ kʼoeˇ, gʼawˬ mya jeˬ mˇ doˆ laꞈ tehꞈ-a. Aˬ yawˆ yawꞈ huiˬ dui mahˇ dui dui miˇ-a lehˇ noeˬ-awˇ, tsawˇ haˬ gʼawˬ mya ni-ahˇ maˬ noeˬ maˬ duˇ-ehˇ jawˇ gaˇ tiˬ jeˬ-iˬ maˬ ehˇ ni sehꞈ tehꞈ-a. Sahˬ paˬ dawˬ tawˆ kʼoeˇ taˆ huiˬ-eu Sahˬpaˬ-ahˇ kʼawꞈ, aˬ yawꞈ yehˬ bawˬ sehˇ lu-ehˇ ehˇ-eu meh. Laˆ luˬ laˆ seˇ nehˬ gaˇ aˬ yawꞈ ya daˬ tehꞈ-a. Ehˇ kʼawꞈ, tsawˇ haˬ zaˬ-euˬ baoˬ neh laˆ luˬ laˆ seˇ nehˬ-eu jeˬ maˬ ngeuˇ-a.

Iˇsaˬyaˇ 40:23

Dzoeˬ dzaˬ sahˬ paˬ-ahˇ aˬ yawꞈ gʼeu ka-awˇ, zaˬ coeˬ zaˬ bi pyeuꞈ-iˇ-euˬ meh.