Yawˇbaˆ 33:29 - Akha

²⁹ “Miˬyehˇ kʼoeˇ loꞈ-ehˇ tiˬ poˆ saˇ-iˬ tiˬ poˆ mˇ luꞈ meh.

Yawˇbaˆ 33:29 Referans Kwoze

Piˇliˇpiˆ 2:13

Aˬ jeˬ miˇ neh ehˇ naˇ, naw maꞈ nui ma keuˆ ni maˬ ehˇ, Miˬyehˇ-euˬ nui kʼahˇ mˇ nya ni maˬ ehˇ, naw maꞈ laꞈ kʼoeˇ Miˬyehˇ aˬ myah luꞈ gaˇ mˇ luꞈ meh.

Eˇpeˇsu 1:11

Dawˬ tawˆ luꞈ Miˬyehˇ neh noeˬ tsehˆ-awˇ lehˬ hmˬ taˬ-euˬ loꞈ-ehˇ pyeuꞈ laˇ-euˬ meh. Aˇ dahˬ beh ngeh neh Miˬyehˇ noeˬ tsehˆ-awˇ lehˬ hmˬ taˬ-euˬ jaˆ-eu miˇ neh, Ka li laꞈ kʼoeˇ aˬ yawꞈ-euˬ tsawˇ haˬ bi pyeuꞈ laˇ-eu gʼaˇ duˬ aˬ dui -ahˇ tseˇ doˆ-euˬ meh.

1 Gawˇliˬtu 12:6

Miˬyehˇ gaˇ mˇ ngeh, tiˬ gʼaˬ tiˇ gʼaˬ mˇ nya-eu jeˬ maˬ duˇ leˇ-a. Ehˇ kʼawꞈ, aˬ yawꞈ gʼaˬ yawꞈ-ahˇ geuˇ-eu bym-eu nya-eu jeˬ, Miˬyehˇ tiˬ gʼaˬ neh tehꞈ-ehˇ biꞈ taˬ-euˬ meh

HeˬByehˇ 13:21

naw maꞈ aˬ yawꞈ-euˬ nui kʼahˇ mˇ nya ni, naw maꞈ kʼaˇ loˬ-eu jeˬ dawˬ tawˆ luꞈ biꞈ nehˬ laꞈ-awˇ, Yeˬsuˇ Ka li-ahˇ gʼoe-awˇ aˬ dui laꞈ kʼoeˇ aˬ yawꞈ nui kʼahˇ shiˇ-eu jeˬ mˇ luꞈ-uˇ. Mˬ maˬ maˬ byaˆ zaˇ ziˇ Ka li yaw shehꞈ kʼahˬ sehˇ huiˬ luꞈ-uˇ.

2 Gawˇliˬtu 5:5

Aˬ dui kʼoeˇ loꞈ-ehˇ pyeuꞈ laˇ nya ni lehˬ hmˬ-euˬ gʼaˬ-aˬ, Miˬyehˇ pyeuꞈ-awˇ, aˬ yawꞈ kʼoeˇ loꞈ-ehˇ mˇ-eu lehˇ gʼeh-eu kʼoeˇ yaw duˬ yaw ciˇ baw ni, aˬ yawꞈ-euˬ Yaw sahˇ Miˬyehˇ aˬ dui-ahˇ biꞈ leꞈ-euˬ meh.

Gawˇlawˇsehˇ 1:29

Ngaˬ-euˬ laꞈ kʼoeˇ gaˇ mˇ luꞈ-eu Ka li neh biꞈ laꞈ-euˬ huiˬ dui dui-eu gʼaˬ-ahˇ gʼoe-eu laꞈ kʼoeˇ, kʼoeˇ loꞈ-ehˇ mˇ nya ni shaˬ shaˬ-ehˇ leh jeh luꞈ-eu ma.

2 Sahˬpaˬ 6:10

Kʼoeˇ naˇ, Iˇsaˬleˬlaˆ sahˬ paˬ neh, jawˇ duˬ kʼoeˇ tsahˇ-ahˇ jawˇ-eu tsawˇ haˬ deuˬ yaw muiˬ paˬ-ehˇ yahˇ ni dawˬ biꞈ-awˇ, lehˬ hmˬ-awˇ bi loꞈ-euˬ meh. Iˇsaˬleˬlaˆ sahˬ paˬ-ahˇ, Eˇliˇshehˇ neh kʼoeˇ loꞈ-ehˇ gʼawˬ mya poˆ ehˇ nehˬ-awˇ bi yahˇ-euˬ meh.

2 Gawˇliˬtu 12:8

Shaˬ zahˬ kʼoeˇ yuˇ dzeh nehˬ laꞈ-eu gʼaˇ duˬ, smˬ poˆ keuˆ ni Sahˬpaˬ Yeˬsuˇ-ahˇ ngaˇ shaˇ-euˬ ma.

Yawˇbaˆ 40:5

Ngehˬ paˬ tmˇ paˬ-ehˇ gʼeh-eu naˆ maˬ tseˇ ngaˇ ngehˬ dzeuˇ tmˇ dzeuˇ taˬ-euˬ ma.”