Yawˇbaˆ 33:17 - Akha

¹⁷ Aˬ yawꞈ maꞈ iˬ baˇ mˇ-eu byehˇ dzeh-awˇ, nui ma huiˬ-eu mahˇ-eu jeˬ laꞈ kʼoeˇ aˬ yawꞈ maꞈ-ahˇ ka kʼoꞈ-eu gʼaˇ duˬ, Miˬyehˇ dawˬ ngehˬ luꞈ-eu meh.

Yawˇbaˆ 33:17 Referans Kwoze

Yaˬkoˆ 4:10

Sahˬpaˬ Miˬyehˇ-euˬ mehˬ shi nui ma nahˬ yu ni taˬ-awˬ. Aˬ yawꞈ naw maꞈ-ahˇ ciˬ huiˬ ciˬ mahˇ nehˬ laꞈ tehꞈ-a.

2 Gawˇliˬtu 12:7

Yaw sahˇ laꞈ kʼoeˇ pah mehˬ nehˬ laꞈ-euˬ gʼawˬ mya jeˬ-ahˇ ngaˇ ya mawˇ-euˬ baˬ da neh, ngaˇ nui ma maˬ ya huiˬ maˬ ya mahˇ ni, ngaˬ-euˬ shiˬ shaˬ jiˇ gʼawˇ mawˇ-ahˇ daˇ ceh tsawˆ ahˇ nehˬ laꞈ-euˬ meh. Kʼoeˇ-aˬ, ngaˇ nui ma maˬ ya huiˬ maˬ ya mahˇ ni nehꞈ Saˬdaˬ-euˬ gʼaˬ kʼehˇ neh ngaˬ-ahˇ kʼehˬ nehˬ kʼaˆ nehˬ laꞈ-euˬ jeˬ pyeuꞈ-eu meh.

Maꞈtehˬ 27:19

Yaˇ kʼaˬ daˇ-eu nuiˇ mahˬ kʼoeˇ taˆ sahˬ paˬ Piˇlaˆ nuiˇ luꞈ ngeh, aˬ yawꞈ-euˬ nymˇ dahˬ heu loꞈ-ehˇ dawˬ tsaꞈ tsaꞈ ahˇ leꞈ-euˬ meh. “Iˬ baˇ maˬ ahˇ-eu tsawˇ haˬ kʼoeˇ gʼaˬ-ahˇ tiˬ jeˬ-iˬ taˬ jahˇ. Miˇ ciꞈ ngaˇ yuꞈ maˆ maˆ-eu laꞈ kʼoeˇ, aˬ yawꞈ baˬ da neh shaˬ zahˬ mˇ dui dui-euˬ ma.”

Iˇsaˬyaˇ 2:11

Aˬ cawˬ-ahˇ zuiˆ gʼaˬ-euˬ myaˆ nuiˆ ga juˬ-iˇ-awˇ, tsawˇ haˬ zaˬ nui ma huiˬ-eu jeˬ bi nawˬ awˆ tehꞈ-a. Aˇ nah aˇ yamˬ kʼoeˇ keuˆ laˇ ngeh, Sahˬpaˬ Miˬyehˇ tiˬ gʼaˬ tehꞈ-ehˇ, ciˬ huiˬ ciˬ mahˇ nehˬ gaˇ ya daˬ tehꞈ-a.

Yawˇbaˆ 17:11

Ngaˬ-euˬ aˇ nah aˇ yamˬ dzeuˇ-iˇ-awˇ, ngaˬ neh noeˬ taˬ-euˬ jeˬ maˬ paˇ mˇ pyeuꞈ nya miˇ-a. Noeˬ tmˬ duˬ kʼawꞈ tiˬ jeˬ-iˬ maˬ paˇ jaˆ miˇ-a.

2 Laˬsaˬbaˬ 32:25

Ehˇ kʼawꞈ, Heˬsaˬgiˇ-aˬ, nui ma huiˬ-eu mahˇ-eu jeˬ ahˇ-awˇ, Sahˬpaˬ Miˬyehˇ neh aˬ yawꞈ-ahˇ caw ba nehˬ-euˬ guiˬ lahˬ-ahˇ maˬ noeˬ keuˆ-a. Kʼoeˇ miˇ neh, Sahˬpaˬ Miˬyehˇ nui ma pehˇ-eu jeˬ-ahˇ Yuˇdaˆ miˇ kʼahˬ hawˇ-eu Yeˬluˇsaˬlehˬ meuˬ ya daˬ-euˬ meh.

Aˇ dahˬ 20:6

Yuꞈ maˆ laꞈ kʼoeˇ, Aˬbiˇmaˬlehˆ-ahˇ Miˬyehˇ heu loꞈ-ehˇ paˇ ehˇ nehˬ-euˬ meh. “Ngeuˇ meh. Nawˇ nui ma shawˇ jehˆ ni taˬ-eu laꞈ kʼoeˇ, kʼoeˇ loꞈ-ehˇ mˇ-euˬ meh lehˇ ngaˇ siˬ nya ma. Kʼoeˇ miˇ neh, ngaˬ-euˬ mehˬ shi nawˇ iˬ baˇ maˬ ya mˇ ni, zaˬ miˬ zaˬ heu gʼaˬ nehˬ-ehˇ nawˬ-ahˇ ngaˇ maˬ bi jawˇ taꞈ-aˬ.

Hawˇseˬ 2:6

Kʼoeˇ baˬ da neh, yawꞈ-euˬ gaˇ ma. Aˬ gah duˬ gahˬ ngaˇ sheu uiˬ-awˇ, yawꞈ iˇ gaˇ ma maˬ bi mawˇ ni, lahˇ goˇ gawˬ -awˇ ciˬ tsoeˬ nehˬ ma.

Iˇsaˬyaˇ 23:9

Aˬ yawꞈ maꞈ-euˬ kʼahˬ sehˇ dawˬ tawˆ byoˆ le jiˇ-awˇ, myaˆ pyawˬ naˇ mehˇ jaˆ-eu deuˬ ya shaꞈ dawˇ ni, Baoˬ huiˬ-eu Sahˬpaˬ Miˬyehˇ neh jahˇ nehˬ-euˬ meh.

Dawˬmehˬ 8:16

Bawˇ tsahˬ bawˇ dahˇ laꞈ kʼoeˇ, naw maꞈ bi dzaˬ-eu gʼaˇ duˬ, naw maꞈ-euˬ aˬ poeˬ aˬ bawˇ deuˬ tiˬ jawˇ-iˬ maˬ dzaˬ haw-euˬ maˬ naˆ kaˬ muˇ, naw maꞈ-ahˇ aˬ yawꞈ biꞈ-euˬ meh. Aˇ saˬ saˬ laˇ jawˬ-ehˇ, muiˬ-eu jeˬ guiˬ lahˬ naw maꞈ-ahˇ aˬ yawꞈ biꞈ nehˬ mawꞈ-eu miˇ neh, naw maꞈ kʼoeˇ taˆ shaˬ-eu zahˬ-eu jeˬ bi keuˆ le-eu laꞈ kʼoeˇ, aˬ yawꞈ naw maꞈ-ahˇ lawˬ haw-euˬ meh.

Yawˇbaˆ 33:16

Aˬ yawꞈ-euˬ dawˬ-ahˇ tsawˇ haˬ zaˬ naˇ haˬ ni aˬ yawꞈ jahˇ ngeh, aˬ yawꞈ mehˬ-eu dawˬ-ahˇ aˬ yawꞈ maꞈ tsawˬ guˆ-iˇ-eu meh.

Yawˇbaˆ 33:18

Aˬ yawꞈ maꞈ-ahˇ maˬ bi luˬ maˬ bi seˇ-iˇ ni haw lahˇ-awˇ, shiˇ-eu jeˬ laꞈ kʼoeˇ aˬ yawꞈ maꞈ-ahˇ ka kʼoꞈ-eu meh.

Aˇ dahˬ 20:3

Tiˬ miˇ keuˆ laˇ ngeh, Aˬbiˇmaˬlehˆ yuꞈ maˆ maˆ-eu laꞈ kʼoeˇ, aˬ yawꞈ jawˇ gaˇ Miˬyehˇ oe-awˇ, “Zaˬ miˬ zaˬ heu gʼaˬ-ahˇ sheuˬ-euˬ baˬ da neh nawˇ ya shiˇ tehꞈ-a. Aˬ yawꞈ aˬ cawˬ-euˬ miˬ zaˬ meh” lehˇ ehˇ nehˬ le-euˬ meh.

Dawˬ tsoˆ 8:6

Aˬ yawꞈ jeˬ yawꞈ mˇ-eu gʼaˇ duˬ yamˬ law baw-eu meh. Aˬ dui maˬ siˬ nya-eu miˇ neh ya shaˬ luꞈ-eu tehꞈ meh.