Yawˇbaˆ 31:8 - Akha

⁸ ngaˬ-euˬ dzaˬ la gʼo cehˇ deuˬ cawˆ-iˇ jiˇ-awˇ, ngaˬ neh kʼaˇ ka-euˬ jeˬ aˬ cawˬ dzaˬ luꞈ-uˇ.

Yawˇbaˆ 31:8 Referans Kwoze

Uˬ duˬ 26:16

naw maꞈ-ahˇ ngaˇ kʼehˬ nehˬ kʼaˆ nehˬ ma. Naw maꞈ kʼoeˇ taˆ shaˬ zahˬ guˆ gaˆ bi keuˆ le ma. Naw maꞈ-euˬ myaˆ nuiˆ myaˆ behꞈ behꞈ-iˇ-awˇ, tsawˇ shiˇ uˬ kʼawˇ-ahˇ deuˬ leˇ gaˇ keuˆ ni kʼaˆ-eu maˬ laˆ taˬ nya-eu naˇ gawˇ deuˬ, naw maꞈ kʼoeˇ taˆ ngaˇ bi keuˆ le ma. Naw maꞈ siˬ yoeˬ sehˬ kʼawꞈ, guiˬ lahˬ maˬ baw-aˇ. Aˬ jeˬ miˇ neh ehˇ naˇ, naw maꞈ-ahˇ muiˇ-eu deuˬ naw maꞈ-ahˇ deuˆ gʼaˬ-awˇ, naw maꞈ neh kʼaˇ ka taˬ-euˬ deuˬ yuˇ dzaˬ jiˇ tehꞈ-a.

Miˇkaˬ 6:15

Naw maꞈ cehˇ ka kʼawꞈ, maˬ ya yehˬ dzaˬ-aˇ. Saˬ loˬ tsiˇ lehˬ doˆ kʼawꞈ, maˬ ya zmˬ-aˇ. Aˬ gaꞈ dzaˇ uiˇ jahˇ kʼawꞈ, maˬ ya dawˇ haw-aˇ.

Dawˬmehˬ 28:38

“Nawˇ siˬ yoeˬ gʼawˬ mya ni sehˬ kʼawꞈ, nyehˇ bahˇ deuˬ laˆ caw le-eu miˇ neh, ui cuiˆ tehꞈ-ehˇ ya yehˬ dzaˬ tehꞈ-a.

Jaceuq 109:13

Aˬ yawꞈ-euˬ zaˬ deuˬ uˆ deuˬ shiˇ jiˇ-awˇ, zaˬ ziˇ-ahˇ aˬ yawꞈ-euˬ tsawˇ myahˇ byoˆ-iˇ luꞈ-uˇ.

Yawˇbaˆ 24:6

Yawˬ ha-ahˇ maˬ oꞈ-eu deh ma-ahˇ aˬ yawꞈ maꞈ cehˇ ya yehˬ-awˇ, haiˬ-eu tsawˇ haˬ deuˬ-euˬ aˬ gaꞈ yaˇ kmˇ laꞈ kʼoeˇ aˬ gaꞈ aˇ siˬ ya pyaˆ uiˬ nehˬ-eu meh.

Yawˇbaˆ 20:18

Yawˬ ha neh mˇ za-euˬ jeˬ-ahˇ byehˇ dzeh-awˇ, yawˬ ha-euˬ pyuˇ shuiˇ myawˬ gahˬ ya zmˬ byawˬ gaˇ maˬ keuˆ leˇ-a.

Yawˇbaˆ 18:19

Aˬ yawꞈ zaˬ tiˬ gʼaˬ-iˬ maˬ jawˇ yaꞈ-ehˇ tsuiꞈ dahˬ dahˬ-iˇ tehꞈ-a.

Yawˇbaˆ 15:30

Kʼoeˇ naˇ yaw zahˇ laꞈ kʼoeˇ aˬ yawꞈ maˬ doˆ-iˇ nya-ehˇ ya shaˬ tehꞈ-a. Uˬ laꞈ deuˬ bi puiˆ sehꞈ jiˇ-awˇ, aˇ yehˆ deuˬ jaˬ lehˇ bi baw byoˆ jiˇ-euˬ aˇ bawˇ tiˬ bawˇ-ahˇ aˬ yawꞈ duˇ leˇ tehꞈ-a.

Dawˬmehˬ 28:51

Nawˬ-euˬ mawˇ neˇ hawˇ-eu dzaˬ la gʼo cehˇ deuˬ-ahˇ aˬ yawꞈ maꞈ dzaˬ-awˇ, nawˇ gʼaˬ-aˬ, ya mehꞈ sehꞈ leꞈ tehꞈ-a. Dzaˬ la gʼo cehˇ maˬ ehˇ, aˬ gaꞈ dzaˇ uiˇ maˬ ehˇ, saˬ loˬ tsiˇ maˬ ehˇ, mawˇ neˇ maˬ ehˇ, aˬ yawꞈ maꞈ tiˬ pawꞈ-iˬ maˬ bi jaˆ yaꞈ-eu miˇ neh, nawˇ ya shiˇ tehꞈ-a.

Yoˇhaˬ 4:37

‘Tiˬ gʼaˬ sehˬ-awˇ tiˬ gʼaˬ yehˬ-eu’ lehˇ dawˬ daˬ daˬ taˬ-euˬ kʼoeˇ tsaˬ meh.

Yawˇbaˆ 31:12

Kʼoeˇ-aˬ, laˆ luˬ laˆ seˇ-eu shiˬ buiˇ lah ma miˬ dzaˬ-ahˇ duˇ-awˇ, ngaˇ kʼaˇ jaˆ-eu jeˬ-ahˇ puiˆ dzaˬ jiˇ tehꞈ-a.

Yawˇshuˆ 22:22

“Baoˬ huiˬ dui dui-eu gʼaˬ-aˬ Miˬyehˇ meh. Aˬ yawꞈ-aˬ, Sahˬpaˬ Miˬyehˇ pyeuꞈ-eu meh. Baoˬ huiˬ dui dui-eu gʼaˬ-aˬ Miˬyehˇ meh. Aˬ yawꞈ-aˬ, Sahˬpaˬ Miˬyehˇ pyeuꞈ-eu meh. Nga maꞈ aˬ jeˬ baˬ da neh heu loꞈ-ehˇ jahˇ-eu aˬ yawꞈ siˬ nya meh. Naw maꞈ-ahˇ kʼawꞈ gaˇ kawˆ heu bi siˬ mawꞈ-eu ma. Nga maꞈ Sahˬpaˬ Miˬyehˇ-ahˇ maˬ jah ni puiˬ-euˬ jeˬ ngeuˇ naˇ, nga maꞈ-ahˇ taˬ paˇ bi dehꞈ laꞈ.