Yawˇbaˆ 31:34 - Akha

³⁴ Aˬ cawˬ ngaˬ-ahˇ ehˇ laˇ gaˇ ngaˇ maˬ guˆ-ehˇ, aˬ cawˬ ja doeˇ gaˇ maˬ gaˬ peuˬ-eu miˇ neh iˇ kahˇ laꞈ kʼoeˇ ciˬ cuˇ ni jawˇ byoˆ-euˬ maˬ jaˆ haw-aˬ.

Yawˇbaˆ 31:34 Referans Kwoze

Doˆ-iˇ 23:2

Tsawˇ haˬ myaˬ tiˬ paˆ yaw lehˬ jeˬ mˇ ngeh maˬ ehˇ, yaw tsaˬ yaw dawˇ jeˬ-ahˇ bahˬ-eu saˇ kiˇ kamˬ ngeh maˬ ehˇ, nawˇ maˬ ya caw teh-a.

2 Gawˇliˬtu 5:16

Iˬ nah taꞈ naˇ, shiˬ shaˬ jiˇ myaˆ nuiˆ neh aˬ cawˬ-ahˇ nga maꞈ maˬ paˇ haw ma. Dzeuˇ laˇ ngeh Ka li-ahˇ shiˬ shaˬ jiˇ myaˆ nuiˆ neh haw-euˬ kʼawꞈ, aˬ kaˇ naˇ kʼoeˇ loꞈ-ehˇ maˬ paˇ haw ma.

Miˇkaˬ 7:3

Aˬ yawꞈ maꞈ dawˬ tawˆ luꞈ yaw haiˬ jeˬ mˇ-eu nya dui dui meh. Yaw huiˬ yaw mahˇ deuˬ hawˇ-eu yaˇ kʼaˬ daˇ-eu deuˬ laꞈ nmꞈ nmꞈ laˇ-awˬ lehˇ ehˇ-eu meh. Myaˆ pyawˬ naˇ mehˇ jaˆ-eu tsawˇ haˬ-aˬ, yawˬ ha kʼaˇ geuꞈ mawꞈ-eu jeˬ yaw huiˬ yaw mahˇ deuˬ-ahˇ ehˇ nehˬ-awˇ tiˬ kawˆ loꞈ-ehˇ laˆ dzaˬ-eu meh.

Yeˬlaˬmiˇ 38:19

Sahˬ paˬ Zeˬdaˬkiˇ ehˇ-eu, “Baˬbuˇloˬ tsawˇ haˬ deuˬ jawˇ paw cehˆ ahˇ-iˇ-euˬ aˬ dui -euˬ miˇ kʼahˬ zaˬ deuˬ-ahˇ ngaˇ guˆ nya. Ngaˬ-ahˇ aˬ yawꞈ maꞈ-euˬ laꞈ-ahˇ a ahˇ nehˬ-awˇ bi kʼehˬ laꞈ-eu maˬ siˬ.”

Yeˬlaˬmiˇ 38:16

Kʼoeˇ ngeh, sahˬ paˬ Zeˬdaˬkiˇ ngaˬ-ahˇ ciˬ cuˇ ni kʼoeˬ saˆ-awˇ, “Nawˬ-ahˇ ngaˇ maˬ sehꞈ-eu uˬ taꞈ, nawˬ-ahˇ sehꞈ mawꞈ-eu deuˬ-euˬ laꞈ-ahˇ kʼawꞈ maˬ bi ahˇ leˇ lehˇ, aˬ dui-ahˇ dehꞈ-eu saꞈ laˇ biꞈ laꞈ-euˬ Miˬyehˇ pyeuꞈ-eu, dehꞈ luꞈ-eu Miˬyehˇ mehˬ shi ngaˇ kamˬ-eu ma.”

Dawqdaq 29:25

Tsawˇ haˬ zaˬ neh maˬ bi noeˬ doeˇ ni dehꞈ-eu jeˬ guˆ kʼaˇ za-awˇ, Sahˬpaˬ Miˬyehˇ-euˬ nui kʼahˇ dehꞈ byah-eu jeˬ nui saˇ oꞈ-eu meh.

Yawˇbaˆ 34:19

Sahˬ paˬ sahˬ ma deuˬ-ahˇ aˬ yawꞈ gʼaˬ baꞈ maˬ baꞈ-ehˇ, yaw shaˬ zaˬ mehˬ shi smˇ muiˬ deuˬ jawˇ paw maˬ pyawˬ-a. Aˬ jeˬ miˇ neh ehˇ naˇ, yawˬ gʼaˬ na luꞈ-ahˇ aˬ yawꞈ neh beh taˬ-euˬ meh.

Yawˇbaˆ 22:8

Nawˬ-euˬ baoˬ hawˇ-eu gʼaˬ-ahˇ nawˇ gʼoe-awˇ, miˇ tsaˬ gʼawˬ mya ni laˆ za geuꞈ-euˬ meh.

Iˇsaˬtaˆ 4:14

Heu loꞈ-ehˇ keuˆ le teuˇ le-euˬ aˇ yamˬ-ahˇ nawˇ maˬ ngehˬ maˬ tmˇ ni jawˇ te lehˇ ngeuˇ naˇ, Yuˇdaˆ tsawˇ haˬ-ahˇ ngehˬ gʼeh dah teˬ-eu jeˬ mˬ kʼoeˇ taˆ neh oe-awˇ, aˬ yawꞈ maꞈ-ahˇ ka kʼoꞈ tehꞈ-a. Ehˇ kʼawꞈ, nawˇ gʼaˬ-aˬ ya shiˇ-awˇ, nawˬ da-euˬ tsuiꞈ dahˬ-iˇ tehꞈ-a. Ehˇ kʼawꞈ aˬ suˇ gʼaˬ ehˇ nya nmˇ. Heu loꞈ-ehˇ gʼeh-eu aˇ yamˬ aˇ law-ahˇ gaˇ dahˇ bi tsoeˬ-eu gʼaˇ duˬ nawˬ-ahˇ sahˬ paˬ-euˬ miˬ zaˬ bi pyeuꞈ laˇ-euˬ maˬ siˬ tawˇ.”

Iˇsaˬtaˆ 4:11

“Zaˬ miˬ zaˬ maˬ ehˇ, kʼaˬ dzeˇ zaˬ maˬ ehˇ, tsawˇ haˬ aˬ geu gʼaˬ maˬ kaˬ, sahˬ paˬ neh maˬ bi kuˇ-euˬ gaˇ sahˬ paˬ jawˇ-eu laꞈ kʼoeˇ lawˆ-ahˇ uˇ leˇ naˇ, sehꞈ gaˇ ya daˬ-eu meh. Zahˇ sahˇ kʼoꞈ kʼoeˇ loꞈ-ehˇ jaˆ-eu gaˇ kawˆ-ahˇ, sahˬ paˬ-ahˇ nui noeˬ nui duˇ biꞈ-eu yaw huiˬ tiˬ gʼaˬ-ahˇ neh, miˇ kʼahˬ zaˬ tiˬ gʼaˬ-ahˇ keuˆ ni, huiˬ zaˬ nyiˇ zaˬ dawˬ tawˆ luꞈ siˬ nya luꞈ-eu meh. Kʼoeˇ loꞈ-ehˇ pyeuꞈ laˇ ngeh, maˬ bi sehꞈ ni dzeuˇ-iˇ nya-eu gaˇ kawˆ tiˬ kawˆ tehꞈ-ehˇ jaˆ-eu meh. Sahˬ paˬ neh aˬ yawꞈ-euˬ shuiˇ gawˬ yoeˬ cawˬ nehˬ-euˬ gʼaˬ-aˬ, maˬ bi sehꞈ ni ya buˬ-iˇ-eu meh. Ngaˬ-euˬ gʼawˇ mawˇ sahˬ paˬ jawˇ gaˇ ya le-eu gʼaˇ duˬ smˬ tseˇ nah ca-a siˬ.”

Neˬhaˬmiˇ 13:28

Yawˇyaˬdaˇ-aˬ, Piˇ ma yaw huiˬ gʼaˬ pyeuꞈ-eu Eˇlaˬshiˆ-euˬ aˬ li meh. Ehˇ kʼawꞈ, Yawˇyaˬdaˇ-euˬ aˬ li tiˬ li-aˬ, Behˬhawˇleuˬ meuˬ-ahˇ jawˇ-eu Sahˬbaˬlaˆ-euˬ aˬ buˇ-ahˇ sheuˬ-euˬ meh. Kʼoeˇ miˇ neh, Yawˇyaˬdaˇ-ahˇ Yeˬluˇsaˬlehˬ meuˬ-ahˇ neh ngaˇ teh doˆ-euˬ ma.

Neˬhaˬmiˇ 5:7

Gaˇ kawˆ kʼoeˇ-ahˇ ngaˬ-euˬ nui ma laꞈ kʼoeˇ saˇ sawˇ haw-awˇ, aˬ yuiꞈ aˬ tsu deuˬ hawˇ-eu yaw huiˬ yaw mahˇ deuˬ-ahˇ ngaˇ iˬ baˇ taˬ-awˇ, “Naw maꞈ, yawˬ ha tsawˇ jeuˬ kʼoeˇ taˆ kʼaˆ dzaˬ nga” lehˇ ehˇ nehˬ-euˬ ma. Gaˇ kawˆ kʼoeˇ hmˬ-ahˇ taꞈ leˇ-awˇ, tsawˇ haˬ dawˬ tawˆ luꞈ-ahˇ ngaˇ kuˇ uiˬ-eu laꞈ kʼoeˇ,

Doˆ-iˇ 32:27

Aˬ yawꞈ maꞈ-ahˇ Moˇseˬ ehˇ nehˬ-eu, “Naw maꞈ yawˬ gʼaˬ na luꞈ, yawˬ ha-euˬ mi cehˇ shaꞈ-awˇ, dzahˇ huˬ-ahˇ neh dzahˇ dahˬ-ahˇ doˆ ni, yawˬ ha-euˬ aˬ yuiꞈ aˬ nyiˇ deuˬ, yawˬ ha-euˬ cawˬ deuˬ, yawˬ ha-euˬ dawˬ peh jawˇ-euˬ tsawˇ haˬ deuˬ-ahˇ sehꞈ-awˬ lehˇ, Iˇsaˬleˬlaˆ tsawˇ haˬ deuˬ-euˬ Miˬyehˇ pyeuꞈ-eu Sahˬpaˬ Miˬyehˇ naw maꞈ-ahˇ dawˬ biꞈ-eu meh.”

2 Laˬsaˬbaˬ 32:18

Meuˬ meuˬ lahˇ kʼoeˇ taˆ daˆ luꞈ-eu Yeˬluˇsaˬlehˬ tsawˇ haˬ deuˬ bi guˆ-iˇ-awˇ, Yeˬluˇsaˬlehˬ meuˬ-ahˇ yaw awˇ laꞈ-ehˇ deuˆ gʼaˬ nya ni, Aˬshuˇliˆ tsawˇ haˬ yaw huiˬ yaw mahˇ kʼoeˇ deuˬ Aˬshuˇliˆ sahˬ paˬ neh boꞈ taˬ-euˬ dawˬ kʼoeˇ deuˬ-ahˇ Heˬbyehˇ dawˬ-ahˇ neh yaw kʼaˆ-ehˇ guˇ guˇ-ehˇ dzawˇ gaˬ nehˬ-euˬ meh.