Yawˇbaˆ 31:25 - Akha

²⁵ ngaˬ-euˬ pyuˇ shuiˇ-ahˇ ngaˇ nui ma maˬ huiˬ haw-aˬ.

Yawˇbaˆ 31:25 Referans Kwoze

Jaceuq 62:10

Nawˬ dzaˬ kʼaˆ dzaˬ gaˇ gʼaˬ taˬ huiˬ. Kʼoeˬ dzaˬ joe dzaˬ gaˇ taˬ noeˬ tmˬ. Nawˬ-euˬ pyuˇ shuiˇ myawˬ gahˬ myaˬ laˇ luꞈ kʼawꞈ, kʼoeˇ deuˬ-ahˇ nawˇ taˬ gʼoe.

Luˇkaꞈ 16:25

Ehˇ kʼawꞈ, Aˬbyaˬhaˬ ehˇ-eu, ‘Aˬ li-oˇ, miˇ tsaˬ kʼoeˇ taˆ dehꞈ ngeh, nawˇ yaw nuiˬ jeˬ-ahˇ za-awˇ, Laˬzaˬluˇ maˬ muiˬ-eu jeˬ zaˬ-euˬ gaˇ noeˬ mawˇ-awˬ. Ehˇ kʼawꞈ, nymˬ-mˇ poˆ jawˇ-aˬ, Laˬzaˬluˇ heu gaˇ saˇ lehˆ ni ya jawˇ luꞈ-awˇ, nawˇ ya daˬ dui dui luꞈ meh.

Luˇkaꞈ 16:19

“Smˇ muiˬ smˇ baw tiˬ gʼaˬ jawˇ-eu meh. Aˬ yawꞈ-aˬ, aˇ poeˬ kʼaˆ dui dui-eu mehˬ tsoeˬ yaw pyuˇ yaw neˇ dm-awˇ, yawˬ nah na luꞈ dzaˬ-awˇ dawˇ-awˇ byawˬ gʼa luꞈ-eu meh.

Luˇkaꞈ 12:19

Kʼoeˇ naˇ, ngaˇ yawˬ haˇ yawˬ ha heu loꞈ-ehˇ ehˇ ma. Guiˬ lahˬ huiˬ-eu gʼaˬ-oˇ, nawˇ-aˬ, gʼawˬ mya kʼoꞈ gʼawˬ mya la gʼaˇ duˬ pyuˇ shuiˇ myawˬ gahˬ poˆ uiˬ taˬ-euˬ meh. Saˇ lehˆ ni dehꞈ-awˬ. Dzaˬ-awˇ dawˇ-awˇ byawˬ gʼa-awˬ lehˇ ehˇ ma.’

Haˬbaˬkuˆ 1:16

Za baˬ da neh smˇ muiˬ muiˬ-awˇ, yaw kuiˇ ya dzaˬ dehˆ-eu miˇ neh, za-ahˇ aˬ yawꞈ uˬ duˬ tahˬ-awˇ, lawˇ-eu shehˇ-eu jeˬ mˇ-euˬ meh.

Hawˇseˬ 12:8

‘Nga maꞈ smˇ muiˬ muiˬ dui dui ma. Maˬ sui maˬ dawˇ-eu jeˬ laꞈ kʼoeˇ, pyuˇ shuiˇ laˆ jaˆ taˬ-euˬ meh lehˇ, tsawˇ haˬ tiˬ gʼaˬ-iˬ nga maꞈ-ahˇ, maˬ ngehˬ nya-a’ lehˇ ehˇ-eu meh.

Daˬyeˬlaˇ 4:30

“Haw sheˇ, Baˬbuˇloˬ meuˬ heu aˇ naˆ ni huiˬ-eu mahˇ-eu meuˬ nga. Ngaˬ-euˬ baoˬ hawˇ-eu ngaˬ-euˬ yaw shehꞈ kʼahˬ sehˇ bi doˆ laˇ-eu gʼaˇ duˬ, sahˬ paˬ jawˇ-eu meuˬ pyeuꞈ laˇ ni, ngaˬ neh tsoˆ-euˬ ma” lehˇ aˬ yawꞈ ehˇ-eu meh.

Yeˬsaˬgeˬlaˇ 28:5

Gaꞈ-eu tsawˇ gahˇ byah-eu miˇ neh, jiˇ jeuˬ jeuˬ dui za dui dui-awˇ, Nawˬ-euˬ pyuˇ shuiˇ myawˬ gahˬ kʼoeˇ taˆ, nawˇ nui ma huiˬ laˇ taˬ-eu meh.

Yeˬlaˬmiˇ 9:23

Sahˬpaˬ Miˬyehˇ ehˇ-eu, “Tsawˇ gahˇ ahˇ-eu tsawˇ haˬ tsawˇ gahˇ kʼahˬ sehˇ taˬ jehˆ. Baoˬ ahˇ-eu tsawˇ haˬ baoˬ kʼahˬ sehˇ taˬ jehˆ. Pyuˇ shuiˇ jaˆ-eu tsawˇ haˬ pyuˇ shuiˇ kʼahˬ sehˇ taˬ jehˆ.

Dawqdaq 23:5

Nawˬ-euˬ pyuˇ shuiˇ myawˬ gahˬ myaˆ tiˬ miˆ laꞈ kʼoeˇ tehꞈ-ehˇ byoˆ jiˇ nya meh. Kʼaˬ dzeˇ loꞈ-ehˇ aˬ dahˇ tsoꞈ laˇ-awˇ zaw byoˆ gʼeh nya-eu meh. -8-

Iˇsaˬtaˆ 5:11

Aˬ yawꞈ aˇ naˆ ni smˇ muiˬ muiˬ-eu gaˇ kawˆ maˬ ehˇ, aˬ yawꞈ-euˬ aˬ li aˇ myaˆ li jawˇ-eu gaˇ kawˆ maˬ ehˇ, sahˬ paˬ neh aˬ yawꞈ-ahˇ aˬ joˆ-ehˇ aˇ yaˬ yuˇ daˆ nehˬ-euˬ gaˇ kawˆ maˬ ehˇ, sahˬ paˬ-euˬ gaˇ mˇ-eu yaw huiˬ yaw mahˇ dawˬ tawˆ luꞈ naˆ maˬ tseˇ aˬ yawꞈ aˇ naˆ ni gaˇ dahˇ tsoeˬ dzehˬ-eu gaˇ kawˆ maˬ ehˇ, aˬ yawꞈ maꞈ-euˬ mehˬ shi ja-awˇ kʼahˬ sehˇ jehˆ-euˬ meh.

Yawˇbaˆ 1:3

Yawˇ shiꞈ heˇ mawˇ, law taw smˬ heˇ mawˇ, mawˇ neˇ ngaˬ yaˇ gu hawˇ-eu, mahˬ tahˬ laˆ ngaˬ yaˇ mawˇ jawˇ-eu meh. Aˬ yawꞈ-aˬ, zaˬ kʼaˆ kʼawꞈ gʼawˬ mya ni jawˇ-awˇ, nahˇ ma doˆ kʼehˬ paw coeˇ-ahˇ aˬ cawˬ naˆ maˬ tseˇ smˇ muiˬ muiˬ-eu gʼaˬ pyeuꞈ-eu meh.

Yawˇbaˆ 1:10

Aˬ yawꞈ-ahˇ maˬ ehˇ, aˬ yawꞈ-euˬ nymˇ jiˇ-ahˇ maˬ ehˇ, aˬ yawꞈ kʼaˇ jaˆ-eu yawˬ jeˬ na luꞈ-ahˇ maˬ ehˇ, nawˇ yaw muiˬ paˬ-ehˇ haw piˇ nehˬ-euˬ meh. Aˬ yawꞈ kʼaˇ mˇ kʼaˇ shaˇ-eu yawˬ jeˬ na luꞈ laꞈ kʼoeˇ nawˇ guiˬ lahˬ biꞈ-awˇ, miˇ kʼahˬ kʼoeˇ kʼahˬ tiˬ byah ni jawˇ-eu jeˬ zaˬ kʼoeˇ deuˬ aˬ yawꞈ-ahˇ nawˇ biꞈ taˬ-euˬ meh.

Yawˇbaˆ 22:24

Nawˬ-euˬ shuiˇ biˬ dzeh-awˬ. Muiˬ dui dui-eu nawˬ-euˬ shuiˇ deuˬ-ahˇ gui coˇ ni gʼeh-eu lawˇ baˬ dawˬ dah tahˬ dzeh-awˬ.

Iˇsaˬyaˇ 39:2

Baˬbuˇloˬ sahˬ paˬ neh pyehˬ gʼeh leꞈ-euˬ tsawˇ kaˬ kʼoeˇ deuˬ-ahˇ Heˬsaˬgiˇ yaw muiˬ paˬ-ehˇ ha geuꞈ-awˇ, aˬ yawꞈ-euˬ pyuˇ shuiˇ myawˬ gahˬ deuˬ jeˬ hmˬ taˬ-euˬ gaˇ sheuˬ haw nehˬ-euˬ meh. Aˬ yawꞈ-euˬ pyuˇ hawˇ-eu shuiˇ deuˬ, aˬ yawꞈ-euˬ tsiˇ yaw saw gʼawˬ mya jeˬ hawˇ-eu, aˬ yawꞈ-euˬ guiˇ deuˆ-eu keu ka deuˬ mehˬ nehˬ-euˬ meh. Aˬ yawꞈ-euˬ myawˬ jeˬ hmˬ-eu nymˇ deuˬ hawˇ-eu, aˬ yawꞈ-euˬ miˇ kʼahˬ laꞈ kʼoeˇ kʼaˇ jaˆ-eu yawˬ jeˬ na luꞈ, tiˬ jeˬ-iˬ maˬ bi dzeuˇ-iˇ ni mehˬ nehˬ jiˇ-euˬ meh.

1 Saˬmeuˬlaˆ 10:7

Kʼoeˇ loꞈ-ehˇ pyeuꞈ laˇ naˇ, Miˬyehˇ neh nawˬ-ahˇ kʼaˇ bi mˇ laꞈ-euˬ loꞈ-ehˇ mˇ-awˬ.