Yawˇbaˆ 31:13 - Akha

¹³ “Ngaˬ-euˬ zaˬ kʼaˆ tiˬ gʼaˬ na ngaˬ-ahˇ iˬ baˇ taˬ-eu dawˬ ngehˬ naˇ, aˬ yawꞈ-euˬ dawˬ-ahˇ naˇ haˬ-awˇ jahˇ tsaˬ nehˬ ma.

Yawˇbaˆ 31:13 Referans Kwoze

Gawˇlawˇsehˇ 4:1

Baw leˬ deuˬ-oˇ, yawˬ ha-euˬ zaˬ kʼaˆ deuˬ-ahˇ yawˬ tsaˬ yaw dawˇ dawˇ-ehˇ haw nehˬ-awˬ. Naw maꞈ kʼawꞈ, mˬ kʼoeˇ taˆ naw maꞈ-euˬ Baw leˬ jawˇ ma lehˇ nui ma laꞈ kʼoeˇ noeˬ taˬ-awˬ.

Eˇpeˇsu 6:9

Baw leˬ deuˬ-oˇ, kʼoeˇ loꞈ-ehˇ duˇ ni, naw maꞈ kʼawꞈ zaˬ kʼaˆ deuˬ gʼaˇ duˬ shaˇ noeˬ nehˬ-awˬ. Aˬ yawꞈ maꞈ-ahˇ guˆ tsiˬ taˬ nyehꞈ. Naw maꞈ maˬ ehˇ, naw maꞈ-euˬ zaˬ kʼaˆ deuˬ maˬ ehˇ, dawˬ tawˆ luꞈ tiˬ kawˆ loꞈ-ehˇ mˬ kʼoeˇ taˆ jawˇ-eu Baw leˬ kʼoeˇ gʼaˬ-euˬ zaˬ kʼaˆ pyeuꞈ-eu ma lehˇ siˬ nya-awˬ. Aˬ yawꞈ-aˬ, yawˬ gʼaˬ na luꞈ-ahˇ myaˆ pyawˬ huiˬ nyiˇ maˬ tseˇ-ehˇ tiˬ kawˆ di ni yaˇ kʼaˬ daˇ-eu meh.

Uˬ duˬ 25:46

Aˬ yawꞈ maꞈ ziˇ jiˇ ngeh keuˆ ni, naw maꞈ-euˬ aˬ li deuˬ-euˬ zaˬ kʼaˆ bi geuꞈ-eu gʼaˇ duˬ, naw maꞈ-euˬ aˬ li deuˬ-ahˇ jeˬ biˇ loꞈ-ehˇ a nehˬ yaꞈ nya meh. Ehˇ kʼawꞈ, naw maꞈ-euˬ tsawˇ jeuˬ pyeuꞈ-eu Iˇsaˬleˬlaˆ tsawˇ haˬ deuˬ-ahˇ naw maꞈ maˬ ya kʼehˬ-a.

Uˬ duˬ 25:43

Aˬ yawꞈ maꞈ-ahˇ taˬ kʼehˬ taˬ kʼaˆ nehˬ. Ehˇ kʼawꞈ, Miˬyehˇ-euˬ ehˇ dawˬ-ahˇ naˇ haˬ geuꞈ-awˬ.

Yawˇbaˆ 31:14

Kʼoeˇ loꞈ-ehˇ maˬ jahˇ naˇ Miˬyehˇ-ahˇ ngaˇ aˬ joˆ-ehˇ tahˬ puˬ nmˇ. Miˬyehˇ ngaˬ-ahˇ yaˇ kʼaˬ daˇ le ngeh ngaˇ aˬ jeˬ ehˇ nya nmˇ.