Yawˇbaˆ 29:22 - Akha

²² Ngaˬ neh ngehˬ gʼaˬ tmˇ gʼaˬ-euˬ gaˇ, aˬ yawꞈ maꞈ ja kʼaˇ maˬ za-a. Ngaˬ-euˬ dawˬ uˬ yehˇ deh-euˬ loꞈ-ehˇ nyiꞈ leˇ-eu meh.

Yawˇbaˆ 29:22 Referans Kwoze

Dawˬmehˬ 32:2

Ngaˬ-euˬ dawˬ mehˬ uˬ yehˇ yehˇ-awˇ, ngaˬ-euˬ dawˬ tsoˆ ceuˬ ga ga-awˬ. Jaˆ gaˆ koeˇ taˆ yehˇ muˆ muˆ-awˇ, sahˬ lahˬ kʼoeˇ taˆ yehˇ ma ma-awˬ.

Maꞈtehˬ 22:46

Kʼoeˇ ngeh, tsawˇ haˬ tiˬ gʼaˬ-iˬ Yeˬsuˇ-ahˇ dawˬ maˬ ngehˬ kʼoꞈ nya ni tsoˆ leˇ jiˇ-euˬ meh. Kʼoeˇ ngeh nah neh naˇ, tsawˇ haˬ tiˬ gʼaˬ-iˬ aˬ yawꞈ-ahˇ dawˬ tiˬ dawˬ-iˬ maˬ paˇ naˇ haˬ leˇ peuˬ ni pyeuꞈ-iˇ-euˬ meh.

Yeˬsaˬgeˬlaˇ 20:46

“Tsawˇ haˬ zaˬ-oˇ, laꞈ oˆ paw kʼahˬ-ahˇ haw gʼeh-iˬ sheˇ. Laꞈ oˆ paw kʼahˬ-ahˇ zaw leˇ-eu dawˬ ngehˬ-awˇ, laꞈ oˆ paw kʼahˬ-euˬ aˇ bawˇ sahˬ kʼaˆ-ahˇ ngaˬ-euˬ gʼaˇ duˬ ngehˬ dah nehˬ sheˇ.

Iˇsaˬyaˇ 52:15

Ehˇ kʼawꞈ, nymˬ-mˇ miˇ kʼahˬ tsawˇ jeuˬ dawˬ tawˆ, aˬ yawꞈ-ahˇ zahˬ leˇ-awˇ, sahˬ paˬ deuˬ dawˬ maˬ ngehˬ nya ni tsoˆ leˇ tehꞈ-a. Aˇ hu ba neh maˬ siˬ maˬ mawˇ haw-euˬ jeˬ-ahˇ, aˬ yawꞈ maꞈ ya siˬ ya mawˇ duˬ tehꞈ-a.”

Dawˬ caˇ 4:11

Ngaˬ-euˬ zaˬ kʼaˬ-oˇ, nawˬ-euˬ mehˬ luˬ byaˬ byaˬ uiˇ loꞈ-ehˇ coeˇ nya. Nawˬ-euˬ mehˬ laˇ-aˬ, mawˇ neˇ aˬ coeˇ hawˇ-eu byaˬ byaˬ uiˇ-ahˇ duˇ nya. Nawˬ-euˬ mehˬ tsoeˬ-aˬ, Leˬbaˬnoˬ gawˬ jawˬ-ahˇ kʼaˇ jaˆ-eu yaw saw jeˬ loꞈ-ehˇ saw dui dui nya.

Miˇkaˬ 2:6

Ngaˬ neh ehˇ-euˬ dawˬ-ahˇ gaˬ-euˬ deuˬ ngaˬ-ahˇ dawˬ mehˬ mehˬ laˇ-awˇ ehˇ-eu, “Nga maꞈ-ahˇ dawˬ mehˬ taˬ mehˬ. Gaˇ kawˆ heu deuˬ maˬ mehˬ ni jawˇ-awˬ. Nga maꞈ daˬ ga ni Miˬyehˇ maˬ mˇ-aˇ.

Aˬmoˆ 7:16

Nymˬ-mˇ Sahˬpaˬ Miˬyehˇ ehˇ gaˇ naˇ haˬ sheˇ. Miˬyehˇ gʼaˇ duˬ ngehˬ dah ngehˬ dah-ehˇ Iˇsaˬleˬlaˆ tsawˇ haˬ deuˬ-ahˇ bi coeˬ leˇ-eu dawˬ taˬ paˇ ngehˬ lehˇ nawˇ ngaˬ-ahˇ ehˇ-eu meh.

Yawˇbaˆ 29:10

huiˬ dui mahˇ dui dui-eu deuˬ kʼawꞈ ciˬ cuˇ ni jawˇ-eu meh.

Yawˇbaˆ 29:23

Mˇ dzaˬ-eu tsawˇ haˬ deuˬ jawˇ la yamˬ-ahˇ yehˇ le-eu uˬ yehˇ-ahˇ laˬ kʼaˬ cehˇ-eu loꞈ-ehˇ, ngaˬ-euˬ dawˬ-ahˇ yawˬ gʼaˬ na luꞈ laˬ kʼaˬ cehˇ-eu meh.

Yeˬsaˬgeˬlaˇ 21:2

“Tsawˇ haˬ zaˬ-oˇ, Yeˬluˇsaˬlehˬ meuˬ paw ciˬ pyawˇ-awˇ, aˬ yawꞈ-ahˇ zaw leˇ-eu dawˬ ngehˬ nehˬ-awˬ. Meuˬ-ahˇ jawˇ-eu deuˬ uˬ duˬ tahˬ-eu jawˇ duˬ deuˬ-ahˇ zaw leˇ ni dawˬ mehˬ mehˬ-awˬ. Iˇsaˬleˬlaˆ miˇ kʼahˬ-ahˇ yaw kʼaˆ kʼaˆ-ehˇ ehˇ nehˬ-awˬ.

Hawˇseˬ 13:1

Eˇpaˬleˬ tsawˇ jeuˬ dawˬ ngehˬ ngeh, Iˇsaˬleˬlaˆ tsawˇ jeuˬ nui deuˬ, guˆ-awˇ taˬ huiˬ taˬ mahˇ-euˬ meh. Ehˇ kʼawꞈ ni Baˬlaˇ miˬ yehˇ-ahˇ, uˬ duˬ tahˬ-euˬ baˬ da baˇ neh. Aˬ yawꞈ maꞈ ya shiˇ gaˇ keuˆ meh.

Miˇkaˬ 5:6

Guiˇ deuˆ-eu keu ka neh Aˬshuˇliˆ miˇ kʼahˬ-ahˇ aˬ yawꞈ maꞈ deuˆ gʼaˬ-awˇ, Aˬshuˇliˆ tsawˇ haˬ deuˬ aˬ dui-euˬ miˇ kʼahˬ-ahˇ uˇ le ngeh, Aˬshuˇliˆ tsawˇ jeuˬ-euˬ laꞈ-ahˇ neh aˬ dui maꞈ-ahˇ aˬ yawꞈ maꞈ ka kʼoꞈ tehꞈ-a.