Yawˇbaˆ 29:13 - Akha

¹³ Noeˬ dui noeˬ duiˇ-euˬ tsawˇ haˬ deuˬ ngaˬ-ahˇ ya ja ceuˬ-awˇ, miˬ coeˬ miˬ ma deuˬ nui saˇ oꞈ ni ngaˇ caw ba nehˬ-euˬ ma.

Yawˇbaˆ 29:13 Referans Kwoze

Piˇleˇmoˬ 1:7

Gaˬ-eu aˬ nyiˇ Piˇleˇmoˬ-oˇ, nawˬ-euˬ gʼoeˇ-eu gaˬ-eu jeˬ baˬ da neh, ngaˇ laˬ kʼaˬ cehˇ dui dui-awˇ, nui ma laꞈkʼoeˇ gʼaˬ paˇ ahˇ dzehˬ laˇ-eu miˇ-a. Nawˇ baˬ da neh Miˬyehˇ-euˬ tsawˇ haˬ dawˬ tawˆ luꞈ laˬ kʼaˬ cehˇ-eu meh.

Iˇsaˬyaˇ 27:13

Aˇ nah kʼoeˇ nah keuˆ le ngeh, Aˬshuˇliˆ miˇ kʼahˬ hawˇ-eu Iˇjiˇtuˆ miˇ kʼahˬ-ahˇ bi nyehꞈ gʼeh-awˇ jawˇ byoˆ taˬ-euˬ Iˇsaˬleˬlaˆ tsawˇ haˬ deuˬ-ahˇ kuˇ kʼoꞈ-eu daˇ heh baw laˇ tehꞈ-a. Aˬ yawꞈ maꞈ gʼoꞈ laˇ-awˇ, Sahˬpaˬ Miˬyehˇ-euˬ muiˬ-eu shawˇ-eu gawˬ jawˬ-ahˇ jaˆ-eu Yeˬluˇsaˬlehˬ meuˬ-ahˇ, Sahˬpaˬ Miˬyehˇ-ahˇ uˬ duˬ tahˬ laˇ tehꞈ-a.

Yawˇbaˆ 22:9

Miˬ coeˬ miˬ ma deuˬ-ahˇ nawˇ ngehˬ maˬ gʼeh ni byehˇ taˬ-euˬ uˬ taꞈ, muˇ coeˬ aˬ nmˇ deuˬ-ahˇ nawˇ kʼaˆ dzaˬ-awˇ yehˬ bawˬ-ehˇ gʼeh nehˬ-euˬ meh.

Iˇsaˬyaˇ 65:14

Aˬ yawꞈ maꞈ laˬ kʼaˬ cehˇ-eu caˇ luꞈ ngeh, naw maꞈ-euˬ nui ma tsawˬ paˆ-awˇ ya ngoeˇ tehꞈ-a.

Jaceuq 67:4

Tsawˇ haˬ zaˬ-ahˇ nawˇ dawˇ coe ni yaˇ kʼaˬ daˇ-awˇ, tsawˇ jeuˬ yawˬ jeuˬ na luꞈ-ahˇ gaˇ ma sheuˬ mehˬ-eu miˇ neh, tsawˇ jeuˬ dawˬ tawˆ luꞈ laˬ kʼaˬ cehˇ-eu caˇ dawˬ caˇ luꞈ-uˇ.

Dawˬmehˬ 26:5

Kʼoeˇ naˇ, Sahˬpaˬ Miˬyehˇ mehˬ shi nawˇ heu loꞈ-ehˇ ya ehˇ meh. ‘Ngaˬ-euˬ aˬ poeˬ-aˬ, jawˇ duˬ maˬ baw-euˬ Aˬlamˬ tsawˇ haˬ pyeuꞈ-awˇ, aˬ yawꞈ-euˬ miˬ sawˇ zaˬ deuˬ sheuˬ-awˇ Iˇjiˇtuˆ miˇ kʼahˬ-ahˇ jawˇ-iˇ-euˬ meh. Aˬ yawꞈ kʼoeˇ gaˇ jawˇ-iˇ ngeh, tsawˇ haˬ ui cuiˆ tehꞈ kʼawꞈ, tsawˇ haˬ myaˬ laˇ-awˇ baoˬ ahˇ-eu tsawˇ jeuˬ tiˬ jeuˬ pyeuꞈ laˇ-euˬ meh.

Dawˬmehˬ 24:13

Aˬ yawꞈ dm-awˇ yuꞈ-eu gʼaˇ duˬ, uˬ ciꞈ aˬ yawꞈ miˇ yawꞈ biꞈ kʼoꞈ nehˬ-awˬ. Kʼoeˇ loꞈ-ehˇ jahˇ naˇ, tsawˇ haˬ kʼoeˇ gʼaˬ nawˬ-ahˇ guiˬ lahˬ huiˬ tehꞈ-a. Nawˬ-euˬ Miˬyehˇ pyeuꞈ-eu Sahˬpaˬ Miˬyehˇ kʼawꞈ, nawˬ-ahˇ nui ma tsaˬ tehꞈ-a.

Dawˬmehˬ 16:11

Nawˬ-euˬ zaˬ deuˬ, nawˬ-euˬ zaˬ kʼaˆ deuˬ, naw maꞈ-euˬ meuˬ deuˬ-ahˇ jawˇ luꞈ-eu Leˬbiˇ tsawˇ haˬ deuˬ, boeˇ miˬ siˬ kʼaˬ deuˬ, muˇ coe aˬ nmˇ deuˬ hawˇ-eu miˬ coeˬ miˬ ma deuˬ nehˬ-ehˇ, uˬ duˬ tahˬ-eu jawˇ duˬ-ahˇ Sahˬpaˬ Miˬyehˇ-euˬ mehˬ shi laˬ kʼaˬ cehˇ-awˬ.

Dawqdaq 11:26

Cehˇ poeˬ kʼaˆ laˇ gaˇ dawˬ-awˇ cehˇ maˬ ahˬ-eu gʼaˬ-ahˇ aˬ cawˬ yaˬ kʼehˇ yaˬ-awˇ, cehˇ ahˬ nehˬ-eu gʼaˬ-ahˇ aˬ cawˬ ja ceuˬ-eu meh.

Luˇta 2:20

Nawˇmi ehˇ-eu, “Shiˇ dzeuˇ-euˬ tsawˇ haˬ-ahˇ maˬ ehˇ, dehꞈ luꞈ-eu tsawˇ haˬ-ahˇ maˬ ehˇ, aˬ myah luꞈ saˇ jaˇ ziꞈ-eu Sahˬpaˬ Miˬyehˇ, aˬ yawꞈ-ahˇ guiˬ lahˬ biꞈ luꞈ-uˇ.” Nawˇmi paˇ ehˇ-eu, “Tsawˇ haˬ kʼoeˇ gʼaˬ-aˬ, aˬ dui pehˬ-ahˇ haw piˇ paˬ-ehˇ tsaˬ-eu aˬ dui pehˬ-euˬ aˬ yuiꞈ aˬ nyiˇ meh.”