Yawˇbaˆ 28:24 - Akha

²⁴ Mˬ dzeˇ miˇ dzeˇ keuˆ ni aˬ yawꞈ haw mawˇ nya-eu miˇ neh, mˬ-euˬ laꞈ oˆ kʼaˇ jaˆ-eu yawˬ jeˬ na luꞈ-ahˇ aˬ yawꞈ mawˇ-eu meh.

Yawˇbaˆ 28:24 Referans Kwoze

Dawqdaq 15:3

Miˬyehˇ mehˬ shi baˇ zaꞈ maˬ jaˆ. Muiˬ muiˬ doeˇ doeˇ yehˇ mawˇ jiˇ meh.

Panmaeq 5:6

Kʼoeˇ naˇ, jeˬ zaˬ kʼoeˇ oeˬ mawˇ hawˇ-eu aˬ yuiꞈ aˬ tsu kʼoeˇ deuˬ tiˬ jawˬ jawˇ luꞈ-eu gʼahˇ ceh jaˆ-eu dzoeˬ dzaˬ nuiˇ mahˬ kʼoeˇ taˆ, Yawˇzaˬ yawꞈ luꞈ gaˇ ya mawˇ-euˬ ma. Yawˇzaˬ kʼoeˇ-aˬ, bi sehꞈ-euˬ gaˇ duˇ-eu meh. Uˬ coeˇ shiꞈ coeˇ tsoꞈ-awˇ, myaˆ nuiˆ shiꞈ nuiˆ tsoꞈ-eu meh. Kʼoeˇ-aˬ, miˇ tsaˬ doe ni pyehˬ taˬ-euˬ Miˬyehˇ-euˬ yaw sahˇ shiꞈ sahˇ pyeuꞈ-eu meh.

2 Laˬsaˬbaˬ 16:9

Miˇ tsaˬ dawˬ tawˆ luꞈ-ahˇ Sahˬpaˬ Miˬyehˇ yaw muiˬ paˬ-ehˇ haw luꞈ-awˇ, aˬ yawꞈ-ahˇ saˇ jaˇ ziꞈ-eu deuˬ-ahˇ gʼaˬ biꞈ luꞈ-eu meh. Nawˇ yaw muiˬ paˬ-ehˇ maˬ shaˇ noeˬ ni kʼoeˇ loꞈ-ehˇ mˇ lehˬ-euˬ miˇ neh, iˬ nah neh aˇ dahˬ beh-awˇ mehˬ hu paw dehꞈ daˆ leꞈ ngeh, nawˇ aˬ myah luꞈ guiˇ ya deuˆ tehꞈ-a.”

Yawˇbaˆ 10:4

Nawˇ shiˬ shaˬ jiˇ myaˆ nuiˆ tsoꞈ ma loˇ. Tsawˇ haˬ zaˬ kʼaˇ haw mawˇ-eu loꞈ-ehˇ nawˇ haw mawˇ ma loˇ.

Yawˇbaˆ 11:11

Tsawˇ haˬ aˬ geu deuˬ gaˇ dahˇ maˬ tsoeˬ-eu Miˬyehˇ siˬ nya-awˇ, aˬ yawꞈ maꞈ yaw haiˬ jeˬ mˇ-eu Miˬyehˇ mawˇ luꞈ meh.

Yawˇbaˆ 31:4

Ngaˇ kʼaˇ mˇ-eu yawˬ jeˬ na luꞈ-ahˇ Miˬyehˇ siˬ nya-awˇ, ngaˬ-euˬ kuiˇ toꞈ yawˬ toꞈ na luꞈ-ahˇ aˬ yawꞈ mawˇ luꞈ meh.

Yawˇbaˆ 37:3

Miˇ tsaˬ tahˬ kʼawˇ heu dzeˇ kʼoeˇ dzeˇ doˆ ni, mˬ kʼoeˇ taˆ aˬ yawꞈ mˬ myawꞈ bi myawꞈ-eu meh.

Yawˇbaˆ 38:13

Uˬ bya yaw shehꞈ neh miˇ tsaˬ tahˬ kʼawˇ-ahˇ tsuˆ tehˬ-awˇ, dzuˇ zaꞈ taˬ-euˬ haiˬ-eu tsawˇ haˬ deuˬ-ahˇ byuˬ kʼaˇ doˆ-awˬ lehˇ nawˇ dawˬ biꞈ haw teˬ loˇ.

Yawˇbaˆ 38:18

Miˇ tsaˬ tahˬ kʼawˇ heu aˇ hui ni ahˇ-eu nawˇ siˬ nya naˇ, ngaˬ-ahˇ ehˇ mehˬ nehˬ laꞈ haw sheˇ.

Yawˇbaˆ 41:11

Aˬ yawꞈ-ahˇ ceh leˇ-eu tsawˇ haˬ yaw dehꞈ-ehˇ ya jawˇ tehꞈ-a loˇ. Miˇ tsaˬ kʼoeˇ taˆ jawˇ-eu tsawˇ haˬ tiˬ gʼaˬ-iˬ kʼoeˇ loꞈ-ehˇ maˬ jahˇ nya-a.

Jaceuq 11:4

Uˬduˬtahˬnymˇyaw shawˇlaꞈkʼoeˇ, SahˬpaˬMiˬyehˇjawˇluꞈ-eu meh. Dzoeˬdzaˬnuiˇmahˬmˬ-ahˇjaˆ-awˇ, tsawˇhaˬzaˬ-ahˇhaw-eu laꞈkʼoeˇ, yawꞈmaꞈkʼaˇmˇkʼaˇshaˇ-eu jeˬ, yawˬjeˬna luꞈsiˬnya luꞈmeh.

Jaceuq 66:7

Aˬ yawꞈ-euˬ baoˬ-ahˇ gʼoe-awˇ mˬ maˬ maˬ byaˆ zaˇ ziˇ uˆ lahˇ-eu laꞈ kʼoeˇ, tsawˇ jeuˬ dawˬ tawˆ luꞈ-ahˇ myaˆ nuiˆ haw luꞈ-awˇ, tsawˇ haˬ tiˬ gʼaˬ-iˬ aˬ yawꞈ-ahˇ maˬ bi puiˬ-a.

Jaceuq 113:6

mˬ hawˇ-eu miˇ tsaˬ-ahˇ ya mawˇ ni, aˬ yawꞈ awˆ kʼoꞈ-awˇ haw-eu meh.