15 Pyuˇ hawˇ-eu shuiˇ neh zaˬ siˬ tsawˇ gahˇ maˬ zeuˇ za nya-a.
Zaˬ siˬ tsawˇ gahˇ poˆ-eu-aˬ, shuiˇ-ahˇ poˆ-eu naˆ maˬ tseˇ poeˬ-awˇ, noeˬ siˬ noeˬ mawˇ nya-eu jeˬ-ahˇ za-eu-aˬ, pyuˇ poˆ za-euˬ naˆ maˬ tseˇ gaˇ dahˇ tsoeˬ-eu meh.
Muiˬ dui dui-eu shuiˇ naˆ maˬ tseˇ poeˬ-eu jeˬ hawˇ-eu, shawˇ jehˆ ni gʼeh-eu pyuˇ naˆ maˬ tseˇ poeˬ-eu jeˬ, naw maꞈ-ahˇ ngaˇ biꞈ nya ma.
Ngaˬ-ahˇ gaˬ-eu deuˬ-ahˇ ngaˇ gaˬ-awˇ, ngaˬ-ahˇ leh jeh-awˇ poˆ-eu deuˬ, ngaˬ-ahˇ poˆ mawˇ-eu meh.
Zaˬ siˬ tsawˇ gahˇ-aˬ, laˆ shaˆ sehˇ, aˇ caˇ caˇ kʼawꞈ sehˇ hawˇ-eu, yaw neˇ neˇ-eu kʼaˬ lo sehˇ naˆ maˬ tseˇ poeˬ-eu meh.
Iˬ ma laˆ shaˆ naꞈ dui dui-eu tsahˇ kʼawꞈ, zaˬ siˬ tsawˇ gahˇ kʼoeˇ gaˇ maˬ jaˆ-a lehˇ ehˇ luꞈ meh.
Muiˬ dui dui-eu shuiˇ hawˇ-eu kʼaˬ lo sehˇ deuˬ, kʼoeˇ naˆ ni maˬ poeˬ-a.
