Yawˇbaˆ 27:14 - Akha

¹⁴ Aˬ yawꞈ maꞈ aˬ li gʼawˬ mya gʼaˬ jawˇ kʼawꞈ, guiˇ deuˆ gaˇ shiˇ jiˇ-awˇ, aˬ yawꞈ maꞈ-euˬ aˬ buˇ aˬ li deuˬ maˬ dzaˬ maˬ dawˇ dehˆ ni ya shaˬ tehꞈ-a.

Yawˇbaˆ 27:14 Referans Kwoze

Dawˬmehˬ 28:41

Nawˇ aˬ buˇ aˬ li jawˇ kʼawꞈ, muiˇ-eu deuˬ guiˇ deuˆ le-awˇ bi nyehꞈ geuꞈ gʼeh-eu miˇ neh, aˬ buˇ aˬ li maˬ jawˇ ni pyeuꞈ-iˇ tehꞈ-a.

Luˇkaꞈ 23:29

Aˬ jeˬ miˇ neh ehˇ naˇ, ‘Maˬ baw aˬ ma hawˇ-eu aˬ nyiˇ maˬ pi haw-euˬ uˬ maˆ hawˇ-eu, zaˬ nahˬ neh tiˬ jawˇ-iˬ maˬ bi dawˇ haw-euˬ aˬ coeˇ deuˬ guiˬ lahˬ huiˬ-eu meh’ lehˇ ya ehˇ-eu aˇ nah keuˆ le luꞈ meh.

Yawˇbaˆ 20:10

iˇ shaˬ zaˬ deuˬ kʼoeˇ taˆ aˬ yawꞈ neh kʼaˆ dzaˬ taˬ-euˬ jeˬ-ahˇ, aˬ yawꞈ-euˬ aˬ li deuˬ paˇ ya mˇ tsoeˬ kʼoꞈ tehꞈ-a.

Jaceuq 109:13

Aˬ yawꞈ-euˬ zaˬ deuˬ uˆ deuˬ shiˇ jiˇ-awˇ, zaˬ ziˇ-ahˇ aˬ yawꞈ-euˬ tsawˇ myahˇ byoˆ-iˇ luꞈ-uˇ.

Yawˇbaˆ 15:22

Yaw zahˇ laꞈ kʼoeˇ aˬ yawꞈ ya buˬ-iˇ-eu gaˇ ma maˬ dahˇ-a. Aˬ jeˬ miˇ neh ehˇ naˇ, aˬ yawꞈ-ahˇ sehꞈ-eu mi cehˇ loꞈ luꞈ meh.

Iˇsaˬtaˆ 5:11

Aˬ yawꞈ aˇ naˆ ni smˇ muiˬ muiˬ-eu gaˇ kawˆ maˬ ehˇ, aˬ yawꞈ-euˬ aˬ li aˇ myaˆ li jawˇ-eu gaˇ kawˆ maˬ ehˇ, sahˬ paˬ neh aˬ yawꞈ-ahˇ aˬ joˆ-ehˇ aˇ yaˬ yuˇ daˆ nehˬ-euˬ gaˇ kawˆ maˬ ehˇ, sahˬ paˬ-euˬ gaˇ mˇ-eu yaw huiˬ yaw mahˇ dawˬ tawˆ luꞈ naˆ maˬ tseˇ aˬ yawꞈ aˇ naˆ ni gaˇ dahˇ tsoeˬ dzehˬ-eu gaˇ kawˆ maˬ ehˇ, aˬ yawꞈ maꞈ-euˬ mehˬ shi ja-awˇ kʼahˬ sehˇ jehˆ-euˬ meh.

1 Saˬmeuˬlaˆ 2:5

Yaw beh ya dzaˬ ya dawˇ-euˬ deuˬ, nymˬ-mˇ gʼaˬ mahˇ ya mahˇ dzaˬ-awˇ, yaw beh mehꞈ-euˬ shuꞈ-euˬ tsawˇ haˬ, nymˬ-mˇ maˬ paˇ dzaˬ jiˇ coeˇ meh. Maˬ baw aˬ ma zaˬ maˬ jawˇ-euˬ, nymˬ-mˇ zaˬ shiꞈ gʼaˬ jawˇ le-awˇ, zaˬ myaˬ dui dui-euˬ aˬ ma gʼaˬ, zaˬ tiˬ gʼaˬ-iˬ maˬ paˇ jawˇ meh.

Dawˬmehˬ 28:32

Nawˬ-euˬ aˬ buˇ aˬ li deuˬ-ahˇ, boeˇ miˬ shiˬ kʼaˬ deuˬ-euˬ zaˬ kʼaˆ bi geuꞈ-eu gʼaˇ duˬ biꞈ nehˬ gaˇ, nawˇ haw haw-ehˇ ya jawˇ tehꞈ-a. Aˬ yawꞈ nah yawꞈ, myaˆ nui gʼah dui dui laˇ ngeh keuˆ ni, nawˬ buˇ nawˬ li gʼoꞈ laˇ-eu baw le lehˇ nawˇ loꞈ-awˇ haw haw-ehˇ jawˇ kʼawꞈ, tiˬ jawˇ-iˬ gʼoꞈ laˇ-eu ma baw-aˇ.

Yawˇbaˆ 4:11

Kawꞈ sehꞈ dzaˬ-eu jeˬ nym le-awˇ, aˇ laˬ jaˬ shiˇ shiˇ-eu loꞈ-ehˇ, aˬ yawꞈ maꞈ ya shiˇ gaˇ keuˆ-awˇ, zaˬ deuˬ ya cehˆ byaˆ jiˇ-euˬ meh.

Yawˇbaˆ 18:19

Aˬ yawꞈ zaˬ tiˬ gʼaˬ-iˬ maˬ jawˇ yaꞈ-ehˇ tsuiꞈ dahˬ dahˬ-iˇ tehꞈ-a.

Jaceuq 109:10

Aˬ yawꞈ-euˬ zaˬ deuˬ nymˇ jiˇ maˬ baw ni hawˬ shaˇ shaˇ shaˇ-ehˇ cah-awˇ, aˬ yawꞈ maꞈ jawˇ luꞈ-eu nymˇ nymˇ cehˇ laꞈ kʼoeˇ neh bi teh dzeh luꞈ-uˇ.