Yawˇbaˆ 2:10 - Akha

¹⁰ Yawˇbaˆ ehˇ-eu, “Nawˇ tsawˇ uˬ-euˬ dawˬ ngehˬ luꞈ te loˇ. Miˬyehˇ aˬ dui-ahˇ muiˬ-eu jeˬ biꞈ laꞈ ngeh aˬ dui ha geuꞈ-euˬ maˬ ngeuˇ loˇ. Shaˬ-eu zahˬ-eu jeˬ bi keuˆ le ngeh jawˇ tehꞈ-ehˇ aˬ dui maˬ ha geuꞈ ni byehˇ nya ta loˇ.” Yawˇbaˆ-aˬ, kʼoeˇ naˆ naˆ-ehˇ gʼeh-eu jeˬ-ahˇ ya daˬ luꞈ kʼawꞈ, Miˬyehˇ-ahˇ iˬ baˇ taˬ-eu dawˬ tiˬ dawˬ-iˬ maˬ ngehˬ-a.

Yawˇbaˆ 2:10 Referans Kwoze

Yaˬkoˆ 1:12

Lawˬ haw-eu jeˬ-ahˇ ya daˬ ngeh saˇ jaˇ ziꞈ-eu tsawˇ haˬ guiˬ lahˬ huiˬ-eu meh. Aˬ jeˬ miˇ neh ehˇ naˇ, lawˬ haw-eu jeˬ-ahˇ aˬ yawꞈ daˬ dzeuˇ oˇ dzeuˇ gʼaˬ ngeh jawˇ, Miˬyehˇ-ahˇ gaˬ-eu tsawˇ haˬ deuˬ gʼaˇ duˬ Miˬyehˇ neh lehˬ hmˬ taˬ-euˬ dehꞈ-eu jeˬ-euˬ shuiˇ uˬ kʼoˆ laꞈ sawˬ za tehꞈ-a.

Lormav 12:12

Noeˬ tmˬ-eu laꞈ kʼoeˇ laˬ kʼaˬ cehˇ-awˬ. Shaˬ-eu zahˬ-eu jeˬ laꞈ kʼoeˇ nui ma gʼawˬ mahˇ ni taˬ-awˬ. Aˬ myah luꞈ guiˬ lahˬ shaˇ-awˬ.

Maꞈtehˬ 16:23

Yeˬsuˇ Beˬtuˆluˇ jawˇ paw ciˬ pyawˇ-awˇ ehˇ nehˬ-eu, “Saˬdaˬ-oˇ, ngaˇ jawˇ gaˇ neh doˆ-iˇ-awˬ. Nawˇ-aˬ, ngaˬ-ahˇ laˆ tsoeˬ-eu gʼaˬ meh. Nawˇ teu loꞈ-ehˇ ehˇ-eu teu, Miˬyehˇ neh bi noeˬ doˆ-euˬ jeˬ maˬ ngeuˇ-a. Tsawˇ haˬ neh bi noeˬ doˆ-euˬ jeˬ meh.”

Yoˇhaˬ 18:11

Beˬtuˆluˆ-ahˇ Yeˬsuˇ ehˇ nehˬ-eu, “Nawˬ-euˬ mi cehˇ paˇ soeˬ ahˇ kʼoꞈ-awˬ. Nga Da neh ngaˬ-ahˇ bi dawˇ laꞈ-euˬ kʼaˬ dui dui-eu kʼmˬ maˬ heu-ahˇ ngaˇ maˬ dawˇ-aˇ lehˇ nawˇ noeˬ te loˇ.”

2 Saˬmeuˬlaˆ 24:10

Ehˇ kʼawꞈ, Daˬbiˇ tsawˇ seˬ yuˇ gʼaˬ ngeh, aˬ yawꞈ-euˬ nui ma laꞈ kʼoeˇ kʼahˬ lahˇ laˇ-awˇ, “Ngaˇ heu loꞈ-ehˇ jahˇ-eu laꞈ kʼoeˇ, huiˬ dui dui-eu iˬ baˇ mˇ-euˬ law hawˇ miˇ-a. Ngaˬ-ahˇ iˬ baˇ pyehˬ nehˬ laꞈ-awˬ. Aˬ dzawˬ aˇ gah loꞈ-ehˇ ngaˇ mˇ dzeuˇ gʼaˬ nga” lehˇ, Sahˬpaˬ Miˬyehˇ-ahˇ aˬ yawꞈ ehˇ nehˬ-euˬ meh.

Jaceuq 39:1

Ngaˇ heu loꞈ-ehˇ ehˇ-euˬ ma. “Mehˬlaˇ iˬbaˇmaˬya mˇni, yahˇ-eu laꞈkʼoeˇyaw dehꞈdehꞈma. Muiˇ-eu deuˬjawˇluꞈ-eu mehˬshi, dawˬmaˬngehˬdoˆni dzahˬtehˬma.

Yaˬkoˆ 3:2

Aˬ dui dawˬ tawˆ luꞈ tiˬ kʼehˬ maˬ taˬ ni mˇ lehˬ-eu meh. Ehˇ kʼawꞈ, tsawˇ haˬ tiˬ gʼaˬ na ngehˬ lehˬ tmˇ lehˬ-eu maˬ baw naˇ, byah-eu loꞈ-eu tsawˇ haˬ pyeuꞈ-awˇ, yawˬ ha-euˬ nui ma gʼawˇ mawˇ dawˬ tawˆ luꞈ-ahˇ yaw muiˬ paˬ-ehˇ gʼaˬ leˇ-eu tsawˇ haˬ pyeuꞈ-eu meh.

2 Saˬmeuˬlaˆ 13:13

Ngaˇ aˬ joˆ-ehˇ jahˇ-awˇ, aˬ cawˬ-eu mehˬ shi myaˆ pyawˬ ciˬ doˆ saˇ nmˇ. Nawˇ kʼawꞈ Iˇsaˬleˬlaˆ miˇ kʼahˬ laꞈ kʼoeˇ daˬ ga dui dui tehꞈ-a. Sahˬpaˬ-ahˇ yaw muiˬ paˬ-ehˇ ehˇ mehˬ nehˬ naˇ, nawˇ ngaˬ-ahˇ ya sheuˬ-eu yaw duˬ baw tehꞈ-a.”

Aˇ dahˬ 3:17

Miˬyehˇ pyeuꞈ-eu Sahˬpaˬ Miˬyehˇ-aˬ, kʼaˬ dzeˇ zaˬ gʼaˬ-ahˇ kʼawꞈ heu loꞈ-ehˇ ehˇ nehˬ-euˬ meh. “Nawˬ-euˬ miˬ zaˬ-euˬ ehˇ dawˬ naˇ haˬ-awˇ, ngaˬ neh taˬ dzaˬ lehˇ ehˇ taˬ-euˬ aˇ siˬ-ahˇ nawˇ dzaˬ-euˬ meh. Nawˇ kʼoeˇ loꞈ-ehˇ mˇ-euˬ miˇ neh, miˇ tsaˬ-aˬ, yaˬ kʼehˇ yaˬ nehˬ-eu jeˬ-ahˇ ya daˬ tehꞈ-a. Nawˇ ya dzaˬ ya dawˇ-eu gʼaˇ duˬ, nawˬ-euˬ tiˬ ziˇ maˬ naˬ leˇ ni miˇ tsaˬ-ahˇ ya beuˬ tehꞈ-a.

2 Laˬsaˬbaˬ 16:9

Miˇ tsaˬ dawˬ tawˆ luꞈ-ahˇ Sahˬpaˬ Miˬyehˇ yaw muiˬ paˬ-ehˇ haw luꞈ-awˇ, aˬ yawꞈ-ahˇ saˇ jaˇ ziꞈ-eu deuˬ-ahˇ gʼaˬ biꞈ luꞈ-eu meh. Nawˇ yaw muiˬ paˬ-ehˇ maˬ shaˇ noeˬ ni kʼoeˇ loꞈ-ehˇ mˇ lehˬ-euˬ miˇ neh, iˬ nah neh aˇ dahˬ beh-awˇ mehˬ hu paw dehꞈ daˆ leꞈ ngeh, nawˇ aˬ myah luꞈ guiˇ ya deuˆ tehꞈ-a.”

Maꞈtehˬ 25:2

Aˬ buˇ zaˬ guˬ kʼoeˇ deuˬ-aˬ, yaw laiꞈ ngaˬ gʼaˬ hawˇ-eu noeˬ dahˇ doe-eu ngaˬ gʼaˬ meh.

Jaceuq 59:12

Aˬ yawꞈ maꞈ-euˬ mehˬ laˇ kʼoeˇ taˆ iˬ baˇ jaˆ meh. Aˬ yawꞈ maꞈ kʼaˇ ngehˬ-eu dawˬ iˬ baˇ ahˇ meh. Aˬ yawꞈ maꞈ nui ma huiˬ-eu jeˬ-ahˇ aˬ yawꞈ maꞈ paˇ bi teuˆ paꞈ-awˬ. Aˬ yawꞈ maꞈ yaˬ kʼehˇ yaˬ-awˇ jaˬ myawꞈ myawꞈ-eu miˇ neh,

2 Saˬmeuˬlaˆ 19:28

Ngaˬ da-euˬ nymˇ kʼahˬ zaˬ dawˬ tawˆ luꞈ nawˬ-euˬ mehˬ shi ya shiˇ jiˇ paˬ-ehˇ tsaˬ laˇ ngeh, nawˬ-euˬ hawˬ jeh-ahˇ nawˬ nehˬ-ehˇ ya dzaˬ ya dawˇ taꞈ-eu guiˬ lahˬ, nawˇ ngaˬ-ahˇ biꞈ laꞈ-euˬ meh. Kʼoeˇ uˬ taꞈ, nawˬ-ahˇ ngaˇ aˬ geu jeˬ paˇ shaˇ kʼmˬ nmˇ.”

2 Saˬmeuˬlaˆ 19:22

Ehˇ kʼawꞈ, Aˬbiˇshaiˇ hawˇ-eu aˬ yawꞈ-euˬ aˇ doˆ Yoˇbaˬ-ahˇ Daˬbiˇ ehˇ nehˬ-eu, “Naw nyaꞈ-ahˇ aˬ jeˬ taꞈ ta. Iˬ nah naw nyaꞈ ngaˬ-ahˇ laˆ bahˬ-eu gʼeh te loˇ. Nymˬ-mˇ ngaˇ Iˇsaˬleˬlaˆ miˇ kʼahˬ-euˬ sahˬ paˬ pyeuꞈ-eu ma. Iˇsaˬleˬlaˆ tsawˇ haˬ tiˬ gʼaˬ-iˬ maˬ ya bi sehꞈ-a.”

Dawqdaq 9:13

Aˬ dzawˬ aˇ gah gah-eu jeˬ-aˬ, dawˬ ja myaˬ-awˇ shaꞈ dawˇ-eu maˬ siˬ nya-eu zaˬ miˬ zaˬ-ahˇ duˇ-eu meh.

Dawqdaq 9:6

Dawˇ ga ga-eu tsawˇ haˬ deuˬ-ahˇ byehˇ dzeh-awˇ, zaˬ siˬ tsawˇ gahˇ mehˬ nah caw teh-awˇ dehꞈ-awˬ.”

Yawˇbaˆ 1:10

Aˬ yawꞈ-ahˇ maˬ ehˇ, aˬ yawꞈ-euˬ nymˇ jiˇ-ahˇ maˬ ehˇ, aˬ yawꞈ kʼaˇ jaˆ-eu yawˬ jeˬ na luꞈ-ahˇ maˬ ehˇ, nawˇ yaw muiˬ paˬ-ehˇ haw piˇ nehˬ-euˬ meh. Aˬ yawꞈ kʼaˇ mˇ kʼaˇ shaˇ-eu yawˬ jeˬ na luꞈ laꞈ kʼoeˇ nawˇ guiˬ lahˬ biꞈ-awˇ, miˇ kʼahˬ kʼoeˇ kʼahˬ tiˬ byah ni jawˇ-eu jeˬ zaˬ kʼoeˇ deuˬ aˬ yawꞈ-ahˇ nawˇ biꞈ taˬ-euˬ meh.

1 Saˬmeuˬlaˆ 3:18

Kʼoeˇ ngeh, Sahˬpaˬ Miˬyehˇ neh kʼaˇ ehˇ nehˬ-euˬ jeˬ dawˬ tawˆ luꞈ, tiˬ jeˬ-iˬ maˬ zaꞈ taˬ ni, Eˇliˆ-ahˇ Saˬmeuˬlaˆ dzawˇ nehˬ jiˇ-euˬ meh. Eˇliˆ ehˇ-eu, “Aˬ yawꞈ Sahˬpaˬ Miˬyehˇ pyeuꞈ-eu miˇ neh, aˬ yawꞈ neh muiˬ meh lehˇ kʼaˇ noeˬ-euˬ jeˬ aˬ yawꞈ mˇ tehꞈ-a.”

Yawˇbaˆ 2:9

Aˬ yawꞈ-euˬ miˬ zaˬ aˬ yawꞈ-ahˇ ehˇ-eu, “Nawˇ iˬ nah keuˆ ni saˇ jaˇ ziꞈ ziꞈ-ehˇ jawˇ luꞈ te siˬ loˇ. Nawˬ-euˬ Miˬyehˇ-ahˇ yaˬ kʼehˇ yaˬ-awˇ shiˇ-awˬ tawˇ.”

Jaceuq 39:9

Ngaˬ-euˬshaˬzahˬnaꞈ-eu heu-aˬ, nawˬneh jahˇnehˬlaꞈ-euˬmiˇneh, dawˬmaˬngehˬni ciˬcuˇjawˇma.

Dawˬ tsoˆ 7:14

Guiˬ lahˬ baw ngeh laˬ kʼaˬ cehˇ-awˇ, guiˬ lahˬ doeˇ ngeh yehˬ cehˬ cehˬ-awˬ. Nyiˬ jeˬ luꞈ Miˬyehˇ beh-euˬ meh. Ni shawˬ gaˇ kawˆ siˬ duˬ nya-eu, tsawˇ haˬ tiˬ gʼaˬ-iˬ maˬ jawˇ-a.

Jaceuq 39:10

Nawˇngaˬ-ahˇtaˬpaˇkʼehˬnehˬlaꞈ. Nawˬ-euˬaˬlaꞈzuiˆ-eu miˇneh, shiˇtaw tehˬni deuˬlaˇ-eu nya.

Ngoeˇ dawˬ 3:37

Sahˬpaˬ Miˬyehˇ maˬ bi pyeuꞈ gaˇ, aˬ suˇ gʼaˬ neh dawˬ biꞈ nehˬ-awˇ, mˇ pyeuꞈ shaˇ pyeuꞈ nya-eu jawˇ ta.