10 Aˬ yawꞈ ngaˬ-ahˇ yawˬ pyawˬ na luꞈ ciˬ tahˬ laˇ-awˇ, Ngaˬ-euˬ noeˬ tmˬ duˬ gʼeu lehˆ dzeh-awˇ, nyoeˬ-iˇ koˆ-iˇ-awˇ bi shiˇ-eu lehˇ byehˇ dzeh nehˬ laꞈ-euˬ meh.
Aˬ yawꞈ-euˬ zaˬ baw aˬ ma kʼawꞈ aˬ yawꞈ-ahˇ ngehˇ-euˬ meh. Aˬ yawꞈ-euˬ gʼawˇ mawˇ-ahˇ buˬ joe neh bi dzaˬ jiˇ-awˇ, lawˇ-iˇ-euˬ aˇ bawˇ loꞈ-ehˇ cawˆ-iˇ-eu meh.
Miˬyehˇ neh laˆ pyaˆ-euˬ jeˬ-ahˇ aˬ suˇ gʼaˬ laˆ muiˬ nya-awˇ, Miˬyehˇ neh paꞈ tawꞈ-euˬ gʼaˬ-ahˇ aˬ suˇ gʼaˬ puiˇ pyehˬ nya nmˇ.
Ngaˇ yaw dehꞈ dehꞈ-eu uˬ ciꞈ uˬ taw paw naˇ shmˇ shmˇ gaˇ duˇ-awˇ, yaˇ moꞈ koˆ-iˇ gaˇ duˇ miˇ-a.
Ngaˬ-euˬ noeˬ tmˬ duˬ aˬ geu tsahˇ-ahˇ jaˆ ta. Ngaˬ-euˬ noeˬ tmˬ duˬ-ahˇ aˬ suˇ gʼa mawˇ ta.
Ngaˬ-euˬ aˇ nah aˇ yamˬ dzeuˇ-iˇ-awˇ, ngaˬ neh noeˬ taˬ-euˬ jeˬ maˬ paˇ mˇ pyeuꞈ nya miˇ-a. Noeˬ tmˬ duˬ kʼawꞈ tiˬ jeˬ-iˬ maˬ paˇ jaˆ miˇ-a.
Ngaˬ-euˬ aˇ nah aˇ yamˬ deuˬ noeˬ tmˬ kʼaˇ maˬ za ni dzeuˇ-iˇ luꞈ-awˇ, shaˬ nmˇ zaꞈ-eu sehˬ naˆ maˬ tseˇ kawˇ-eu meh.
Mehˬ hu paw dehꞈ daˆ leꞈ-eu gʼaˇ duˬ ngaˬ-euˬ gʼaˬ aˬ gaˇ paˇ ahˇ ta. Noeˬ tmˬ duˬ maˬ jaˆ gaˇ aˬ jeˬ gʼeh yaw dehꞈ paˇ dehꞈ nmˇ.
Kʼoeˇ naˇ, Saˬdaˬ gʼaˬ, Sahˬpaˬ Miˬyehˇ jawˇ gaˇ neh doˆ-iˇ-awˇ, Yawˇbaˆ-euˬ gʼawˇ mawˇ mawˇ lah-ehˇ, aˬ kuiˇ pehˬ zaˬ-ahˇ neh uˬ duˬ-ahˇ doˆ ni maˇ naˇ naˇ byah jiˇ ni jahˇ-euˬ meh.
Kʼaˬ lo-ahˇ iˇ cuꞈ dehˬ dzaˬ-awˇ, uˬ yehˇ yehˇ ma yehˇ le-awˇ miˇ tsaˬ hehˇ dzaˬ gʼeh tehꞈ-a. Tsawˇ haˬ zaˬ-euˬ noeˬ tmˬ duˬ-ahˇ nawˇ kʼoeˇ loꞈ-ehˇ laˆ cawˆ nehˬ tehꞈ-a.