Yawˇbaˆ 12:21 - Akha

²¹ Baoˬ jaˆ-eu tsawˇ haˬ deuˬ-ahˇ aˬ yawꞈ baoˬ bi byoˆ-iˇ-awˇ, uˆ lahˇ-eu tsawˇ haˬ deuˬ-ahˇ gʼaˬ bi juˬ-iˇ-eu meh.

Yawˇbaˆ 12:21 Referans Kwoze

Jaceuq 107:40

Aˬ yawꞈ maꞈ-ahˇ kʼehˬ-eu deuˬ-ahˇ aˬ yawꞈ bye-awˇ, kʼaˇ shuiꞈ deh ga ga ma laꞈ kʼoeˇ, iˇ tsaˬ laˇ tsaˬ maˬ siˬ ni bi shaˬ-euˬ meh.

Eˇpeˇsu 6:14

Kʼoeˇ miˇ neh, yaw sui yaw dawˇ jeˬ joꞈ paꞈ paꞈ-awˇ, yaw tsaˬ yaw dawˇ jeˬ kʼahˬ-ahˇ dehˬ kaˬ-awˇ yawꞈ-awˬ.

Eˇpeˇsu 6:10

Aˇ saˬ saˬ-eu dawˬ heu loꞈ-ehˇ ehˇ-eu ma. Sahˬpaˬ Yeˬsuˇ-euˬ huiˬ-eu baoˬ-ahˇ gʼoe-awˇ, aˬ yawꞈ laꞈ kʼoeˇ gʼaˬ ahˇ laˇ-awˬ.

Gʼaˬkʼehˇ 12:23

Ja pyuˬ ni, Sahˬpaˬ Miˬyehˇ-euˬ gʼaˬ kʼehˇ neh Heˬloˆ-ahˇ kʼehˬ-euˬ meh. Aˬ jeˬ miˇ neh ehˇ naˇ, Miˬyehˇ-ahˇ aˬ yawꞈ maˬ taˬ huiˬ-a. Kʼoeˇ miˇ neh, aˇ boeˬ aˇ mawˇ neh bi dzaˬ sehꞈ-euˬ meh.

Iˇsaˬyaˇ 37:38

Tiˬ nah keuˆ laˇ ngeh, aˬ yawꞈ-euˬ miˬ yehˇ pyeuꞈ-eu Niˇsaˬloˆ miˬ yehˇ-euˬ uˬ duˬ tahˬ nymˇ-ahˇ aˬ yawꞈ uˬ duˬ tahˬ luꞈ ngeh, aˬ yawꞈ-euˬ aˬ li Aˬdaˬlaˬmeˬlehˆ hawˇ-eu Shaˬleˬzaˬ aˬ nyaꞈ nmˇ, aˬ yawꞈ-ahˇ mi cehˇ neh sehꞈ-awˇ, Aˬyaˬyaˇ miˇ kʼahˬ-ahˇ cehˆ-euˬ meh. Kʼoeˇ naˇ, aˬ yawꞈ-euˬ aˬ li Eˇsaˬhaˬdoˬ gʼaˬ aˬ yawꞈ-euˬ dah zaˇ sahˬ paˬ geuꞈ-euˬ meh.

Iˇsaˬyaˇ 23:9

Aˬ yawꞈ maꞈ-euˬ kʼahˬ sehˇ dawˬ tawˆ byoˆ le jiˇ-awˇ, myaˆ pyawˬ naˇ mehˇ jaˆ-eu deuˬ ya shaꞈ dawˇ ni, Baoˬ huiˬ-eu Sahˬpaˬ Miˬyehˇ neh jahˇ nehˬ-euˬ meh.

Iˇsaˬyaˇ 22:21

Nawˇ dm luꞈ-eu yaw huiˬ yaw mahˇ-euˬ pehˇ kʼahˬ hawˇ-eu nawˇ paꞈ luꞈ-eu joꞈ paꞈ-ahˇ aˬ yawꞈ-ahˇ ngaˇ bi dm bi paꞈ-awˇ, nawˬ-euˬ baoˬ dawˬ tawˆ luꞈ aˬ yawꞈ-ahˇ biꞈ ma. Aˬ yawꞈ-aˬ, Yeˬluˇsaˬlehˬ meuˬ hawˇ-eu Yuˇdaˆ miˇ kʼahˬ laꞈ kʼoeˇ jawˇ-eu tsawˇ haˬ deuˬ-euˬ aˬ da loꞈ-ehˇ pyeuꞈ tehꞈ-a.

Iˇsaˬyaˇ 11:5

Yaw tsaˬ yaw dawˇ jeˬ-ahˇ aˬ yawꞈ joꞈ paꞈ paꞈ-awˇ, saˇ jaˇ ziꞈ-eu jeˬ joꞈ-ahˇ lahˇ tehꞈ-a.

Iˇsaˬyaˇ 5:27

Aˬ yawꞈ maꞈ tiˬ gʼaˬ-iˬ gʼaˬ doeˇ maˬ doeˇ-ehˇ, tiˬ gʼaˬ-iˬ sahˬ tiꞈ maˬ tiꞈ-a. Tiˬ gʼaˬ-iˬ yuꞈ yoeˇ maˬ ngeuˇ-ehˇ, tiˬ gʼaˬ-iˬ maˬ yuꞈ-a. Joꞈ paꞈ yaw juˬ tiˬ gʼaˬ-iˬ maˬ ahˇ-ehˇ, sehˬ nawˆ aˇ caˆ tiˬ gʼaˬ-iˬ maˬ tsehˆ-a.

2 Sahˬpaˬ 9:26

‘Miˇ nah Naˬboˆ hawˇ-eu aˬ yawꞈ-euˬ aˬ li-ahˇ sehꞈ-euˬ ngaˇ mawˇ-euˬ ma. Deh yaˇ heu kawˬ laꞈ kʼoeˇ nawˬ-ahˇ kʼawꞈ, heu gaˇ kʼehˬ nehˬ ma’ lehˇ ehˇ-euˬ maˬ ngeuˇ-a loˇ. Kʼoeˇ miˇ neh, Sahˬpaˬ Miˬyehˇ neh saˇ jaˇ dzaˬ taˬ-euˬ loꞈ-ehˇ byah laˇ ni, Yoˇlamˬ-ahˇ Naˬboˆ-euˬ deh yaˇ laꞈ kʼoeˇ baꞈ dzeh-awˬ.”

Doˆ-iˇ 16:24

Moˇseˬ neh aˬ yawꞈ maꞈ-ahˇ ehˇ nehˬ-euˬ loꞈ-ehˇ, kʼaˇ dzeˇ laˇ-euˬ jeˬ yawˬ nah yawˬ uˬ shawˬ paw keuˆ ni aˬ yawꞈ maꞈ bi jaˆ-euˬ meh. Dzaˇ kʼoeˇ deuˬ maˬ buꞈ-iˇ ni jaˆ-awˇ, luˆ tahˬ kʼawꞈ maˬ uˇ leˇ-a.

Doˆ-iˇ 8:2

Aˬ yawꞈ maꞈ-ahˇ maˬ pyehˬ nehˬ naˇ, miˇ kʼahˬ kʼahˬ lah ni kʼaˬ paˬ bi byah laˇ-eu laꞈ kʼoeˇ, nawˬ-euˬ miˇ kʼahˬ-ahˇ ngaˇ kʼehˬ nehˬ ma.

Yawˇbaˆ 3:15

Nymˇ laꞈ kʼoeˇ shuiˇ hawˇ-eu pyuˇ tawˬ byah taˬ-euˬ sahˬ paˬ zaˬ yo deuˬ loꞈ-ehˇ, ngaˇ ya yuꞈ luꞈ tehꞈ-a.

Yawˇbaˆ 12:18

Sahˬ paˬ deuˬ-ahˇ aˬ yawꞈ aˇ yaˬ yuˇ dzeh-awˇ tawˬ-ahˇ nyehꞈ uˇ-eu meh.

Yawˇbaˆ 34:19

Sahˬ paˬ sahˬ ma deuˬ-ahˇ aˬ yawꞈ gʼaˬ baꞈ maˬ baꞈ-ehˇ, yaw shaˬ zaˬ mehˬ shi smˇ muiˬ deuˬ jawˇ paw maˬ pyawˬ-a. Aˬ jeˬ miˇ neh ehˇ naˇ, yawˬ gʼaˬ na luꞈ-ahˇ aˬ yawꞈ neh beh taˬ-euˬ meh.

Iˇsaˬyaˇ 40:23

Dzoeˬ dzaˬ sahˬ paˬ-ahˇ aˬ yawꞈ gʼeu ka-awˇ, zaˬ coeˬ zaˬ bi pyeuꞈ-iˇ-euˬ meh.

Iˇsaˬyaˇ 45:1

Guˇluˆ-ahˇ sahˬ paˬ bi geuꞈ-eu gʼaˇ duˬ, Sahˬpaˬ Miˬyehˇ tseˇ doˆ-euˬ meh. Aˬ cawˬ miˇ kʼahˬ-ahˇ guiˇ bi deuˆ gʼaˬ-eu gʼaˇ duˬ, Guˇluˆ-ahˇ tseˇ doˆ taˬ-euˬ meh. Miˇ kʼahˬ sahˬ paˬ deuˬ-euˬ baoˬ lehˆ dzeh-eu gʼaˇ duˬ, aˬ yawꞈ-ahˇ pyehˬ gʼeh leꞈ-euˬ meh. Aˬ yawꞈ gʼaˇ duˬ Sahˬpaˬ Miˬyehˇ, meuˬ lahˇ kʼehˬ laˇ gʼoˆ deuˬ pah dzeh tehꞈ-a.

Aˬmoˆ 2:3

Mawˇbaˆ miˇ kʼahˬ-ahˇ uˆ lahˇ-eu gʼaˬ hawˇ-eu aˬ yuiꞈ aˬ tsu deuˬ dawˬ tawˆ luꞈ-ahˇ ngaˇ sehꞈ jiˇ ma.”

Yawˇbaˆ 30:11

Miˬyehˇ ngaˬ-ahˇ gʼaˬ bi baˬ-iˇ-awˇ, juˆ lehˆ ni pyeuꞈ-iˇ-euˬ miˇ neh, aˬ yawꞈ maꞈ ngaˬ-ahˇ nui kʼahˇ tiˬ shiˇ jahˇ gʼeh haw-eu meh.