Yawˇbaˆ 11:6 - Akha

⁶ Zaˬ siˬ nui gahˇ-ahˇ taꞈ leˇ-awˇ gʼawˬ mya pyawˬ jaˆ-eu gaˇ kawˆ aˬ yawꞈ nawˬ-ahˇ ehˇ tehꞈ-a. Tsawˇ haˬ zaˬ-euˬ nui gahˇ maˬ teh miˇ coeˇ gaˇ keuˆ ni naꞈ dui dui-eu gʼawˬ mya jeˬ jaˆ meh. Nawˇ ya daˬ geuˇ-eu naˆ maˬ tseˇ sawˇ teˬ-eu laꞈ kʼoeˇ, Miˬyehˇ nawˬ-ahˇ kʼehˬ-euˬ meh lehˇ nawˇ siˬ nya-awˬ.

Yawˇbaˆ 11:6 Referans Kwoze

Eˇzaˬlaˬ 9:13

Nga maꞈ-euˬ iˬ baˇ baˬ da neh nawˇ nga maꞈ-ahˇ kʼehˬ nehˬ kʼaˆ nehˬ laꞈ-eu laꞈ kʼoeˇ nga maꞈ ya daˬ dzeuˇ laꞈ-euˬ jeˬ-ahˇ haw ngeh jawˇ, nga maꞈ-ahˇ geuˇ-eu kʼehˬ-eu kʼaˆ-eu jeˬ naˆ maˬ tseˇ teˬ dui nyiˇ dui dui-eu kʼehˬ-eu kʼaˆ-eu jeˬ nawˇ nga maꞈ kʼoeˇ taˆ bi keuˆ le-awˇ, nga maꞈ-ahˇ heu loꞈ-ehˇ bi dehꞈ bi jawˇ dzeuˇ laꞈ-euˬ meh.

Ngoeˇ dawˬ 3:22

Sahˬpaˬ Miˬyehˇ gʼoeˇ-eu gaˬ-eu, tiˬ jawˇ-iˬ maˬ tsehˆ leˇ nya-ehˇ, aˬ yawꞈ-euˬ gʼawˬ shaˬ gaˬ-eu jeˬ, tiˬ jawˇ-iˬ maˬ tsiˇ leˇ nya-ehˇ,

Eˇpeˇsu 3:5

Dzeuˇ laˇ ngeh, zaꞈ taˬ-euˬ gaˇ kawˆ heu tsawˇ haˬ zaˬ-ahˇ maˬ bi siˬ-aˬ. Ehˇ kʼawꞈ nymˬ-mˇ-aˬ, Yaw sahˇ Miˬyehˇ-ahˇ gʼoe-eu laꞈ kʼoeˇ aˬ yawꞈ-euˬ muiˬ-eu shawˇ-eu gʼaˬ kʼehˇ deuˬ hawˇ-eu Miˬyehˇ gʼaˇ duˬ ngehˬ dah-eu deuˬ-ahˇ Miˬyehˇ pah mehˬ nehˬ-euˬ meh.

Maꞈtehˬ 13:35

Miˬyehˇ gʼaˇ duˬ ngehˬ dah-eu deuˬ neh ehˇ taˬ-euˬ dawˬ heu deuˬ byah laˇ ni, aˬ yawꞈ kʼoeˇ loꞈ-ehˇ mehˬ nehˬ-euˬ meh. “Ngaˬ-euˬ kʼaˬ meh ngaˇ mˇ nga-awˇ, yaw jeˬ ma jeˬ ja mehˬ nehˬ-awˇ, Miˇ beh ngeh neh zaꞈ taˬ-euˬ jeˬ, aˬ yawꞈ maꞈ-ahˇ dzawˇ duˬ nehˬ ma.”

Daˬyeˬlaˇ 2:28

Ehˇ kʼawꞈ, naꞈ dui dui-eu gaˇ kawˆ pah mehˬ nya-eu, mˬ kʼoeˇ taˆ Miˬyehˇ jawˇ meh. Mehˬ hu paw pyeuꞈ laˇ-eu gaˇ kawˆ deuˬ, aˬ yawꞈ nawˬ-ahˇ mehˬ nehˬ laꞈ-euˬ meh. Nawˬ neh yaw sahˇ laꞈ kʼoeˇ ya siˬ ya mawˇ-euˬ jeˬ pyeuꞈ-eu nawˬ neh yuꞈ maˆ maˆ-euˬ gaˇ kawˆ, ngaˇ nawˬ-ahˇ dzawˇ mehˬ ma.

Yawˇbaˆ 15:8

Miˬyehˇ gaˇ mˇ-eu lehˇ gaˇ kawˆ kawˆ-euˬ nawˇ ya gaˬ te loˇ. Tsawˇ haˬ zaˬ-euˬ zaˬ siˬ tsawˇ gahˇ nawˇ tehꞈ-ehˇ jaˆ jiˇ te loˇ.

Daˬyeˬlaˇ 2:47

Sahˬ paˬ ehˇ-eu, “Nawˬ-euˬ Miˬyehˇ-aˬ, miˬ yehˇ dawˬ tawˆ kʼoeˇ taˆ huiˬ-eu Miˬyehˇ pyeuꞈ-awˇ, sahˬ paˬ dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu uˬ taꞈ, naꞈ dui dui-eu gaˇ kawˆ deuˬ pah mehˬ nehˬ nya-eu gʼaˬ meh. Naꞈ dui dui-eu gaˇ kawˆ heu nawˇ dawˬ tsuiꞈ pah mehˬ nya-euˬ miˇ neh, ngaˇ heu loꞈ-ehˇ siˬ duˬ-eu ma.”

Jaceuq 25:14

Yehˇdawˬnaˇ-eu tsawˇhaˬdeuˬ-aˬ, SahˬpaˬMiˬyehˇ-euˬcawˬpyeuꞈ-awˇ, Dawˬma saˇjaˇguiˬlahˬdawˬtawˆ, aˬyawꞈmaꞈkʼoeˇtaˆziꞈtehꞈ-a.

Yawˇbaˆ 15:11

“Miˬyehˇ nawˬ-ahˇ gʼawˬ shaˬ gaˬ nehˬ laꞈ gaˇ, nawˇ aˬ jeˬ gʼeh maˬ ha geuꞈ te. Aˬ yawꞈ dawˬ nahˬ yu ni ngehˬ gaˇ, nawˇ aˬ jeˬ gʼeh maˬ naˇ haˬ te.

Yawˇbaˆ 15:5

Nawˇ haiˬ-eu tsawˇ haˬ pyeuꞈ-eu gaˇ kawˆ, nawˬ neh ngehˬ-euˬ dawˬ deuˬ saˇ kiˇ kamˬ luꞈ meh. Tsawˇ gahˇ gahˇ-eu deuˬ-euˬ dawˬ nawˇ ngehˬ-eu meh.

Yawˇbaˆ 9:4

Miˬyehˇ-aˬ, tsawˇ gahˇ ahˇ dui dui-awˇ baoˬ huiˬ-eu meh. Tsawˇ haˬ zaˬ tiˬ gʼaˬ-iˬ aˬ yawꞈ-ahˇ maˬ ciˬ daˬ peuˬ-a.

Dawˬmehˬ 29:29

“Aˬ dui-euˬ Miˬyehˇ pyeuꞈ-eu Sahˬpaˬ Miˬyehˇ neh zaꞈ taˬ-euˬ jeˬ jaˆ-eu meh. Ehˇ kʼawꞈ, aˬ yawꞈ-euˬ Zahˇ dawˬ kʼoꞈ dawˬ deuˬ aˬ dui-ahˇ pah mehˬ laꞈ-euˬ loꞈ-ehˇ, aˬ dui hawˇ-eu aˬ dui-euˬ zaˬ deuˬ mˬ maˬ maˬ byaˆ zaˇ ziˇ ya naˇ haˬ geuꞈ tehꞈ-a.

Jaceuq 103:10

Aˬ dui-euˬ iˬ baˇ-ahˇ geuˇ ni aˬ yawꞈ maˬ kʼehˬ maˬ kʼaˆ-ehˇ, aˬ dui-euˬ yaw lehˬ kʼaˇ ngeuˇ-eu loꞈ-ehˇ maˬ daˇ-a.

Yawˇbaˆ 28:28

“Kʼoeˇ naˇ, Sahˬpaˬ Miˬyehˇ-ahˇ guˆ-eu jeˬ-aˬ, zaˬ siˬ tsawˇ gahˇ pyeuꞈ-awˇ, yaw haiˬ jeˬ-ahˇ gaˇ jaw jaw-eu jeˬ-aˬ, gʼoˆ siˬ gʼoˆ shaw nya-eu jeˬ pyeuꞈ-eu meh lehˇ, tsawˇ haˬ zaˬ-ahˇ Miˬyehˇ ehˇ taˬ-euˬ meh.”

Yawˇbaˆ 11:5

Miˬyehˇ nawˬ-ahˇ ehˇ kʼoꞈ nehˬ law nmˇ-aˬ lehˇ ngaˇ noeˬ miˇ-a.

Yawˇbaˆ 12:13

Ehˇ kʼawꞈ, Miˬyehˇ laꞈ kʼoeˇ zaˬ siˬ tsawˇ gahˇ hawˇ-eu dawˬ tawˆ luꞈ-ahˇ siˬ nya mawˇ nya-eu jeˬ uˬ taꞈ, dawˬ tawˆ luꞈ mˇ pyeuꞈ nya-eu baoˬ jaˆ-eu meh.

Yawˇbaˆ 22:5

Nawˇ iˬ baˇ aˇ dzehˬ mˇ dzeuˇ-euˬ miˇ neh, nawˬ neh mˇ-euˬ yaw haiˬ jeˬ dawˬ tawˆ luꞈ gʼaˇ duˬ aˬ yawꞈ nawˬ-ahˇ kʼehˬ-eu meh.

Yawˇbaˆ 33:12

Ehˇ kʼawꞈ, nawˇ yaw lehˬ meh lehˇ nawˬ-ahˇ ngaˇ ehˇ-eu ma. Miˬyehˇ-aˬ, tsawˇ haˬ yawˬ gʼaˬ na luꞈ naˆ maˬ tseˇ huiˬ dzehˬ meh.