Yawˇbaˆ 1:16 - Akha

¹⁶ Tsawˇ haˬ kʼoeˇ gʼaˬ kʼoeˇ loꞈ-ehˇ ehˇ gʼaˬ-eu maˬ dah ni, zaˬ kʼaˆ tiˬ gʼaˬ paˇ cehˆ keuˆ laꞈ-awˇ ehˇ-eu, “Yawˇ deuˬ hawˇ-eu yawˇ bo-eu deuˬ dawˬ tawˆ luꞈ tsoꞈ bi deh sehꞈ jiˇ-awˇ, gaˇ kawˆ heu nawˬ-ahˇ tsaꞈ gaˬ laˇ nya ni ngaˇ tiˬ gʼaˬ dzeuˇ-iˇ-euˬ tehꞈ ma.”

Yawˇbaˆ 1:16 Referans Kwoze

2 Sahˬpaˬ 1:12

Eˇliˇyaˆ ehˇ-eu, “Ngaˇ Miˬyehˇ-euˬ tsawˇ haˬ ngeuˇ lawˬ naˇ, mˬ kʼoeˇ taˆ neh miˬ dza ga le-awˇ, nawˇ hawˇ-eu nawˬ-euˬ tsawˇ haˬ deuˬ-ahˇ puiˆ sehꞈ luꞈ-uˇ.” Kʼoeˇ loꞈ-ehˇ ehˇ gʼaˬ ngeh, ja pyuˬ ni mˬ kʼoeˇ taˆ neh miˬ dzaˬ ga le -awˇ, yaw huiˬ yaw mahˇ kʼoeˇ gʼaˬ hawˇ-eu aˬ yawꞈ-euˬ tsawˇ ha deuˬ-ahˇ puiˆ sehꞈ-euˬ meh.

Aˇ dahˬ 19:24

Tiˬ poˆ tehꞈ-ehˇ, miˬ dzaˬ doꞈ luꞈ-eu miˬ dzaˇ dzaˇ shuiˇ deuˬ, uˬ yehˇ yehˇ-eu loꞈ-ehˇ, Sawˇdoˬ meuˬ hawˇ-eu Gawˇmawˇlaˆ meuˬ kʼoeˇ taˆ Sahˬpaˬ Miˬyehˇ bi ga le-euˬ meh.

Panmaeq 13:13

Jeˬ zaˬ yaw haiˬ nyiˬ mawˇ tiˬ mawˇ-aˬ, zahˬ leˇ paˬ-ehˇ gʼeh-eu gʼawˬ mya jeˬ mˇ mehˬ-euˬ meh. Tsawˇ haˬ yawˬ gʼaˬ na luꞈ mawˇ-eu mehˬ shi, mˬ-ahˇ neh miˇ tsaˬ kʼoeˇ taˆ miˬ dzaˬ ga le ni aˬ yawꞈ jahˇ mehˬ-euˬ meh.

Aˬmoˆ 7:4

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ-aˬ, yaw sahˇ laꞈ kʼoeˇ ngaˬ-ahˇ heu loꞈ-ehˇ paˇ bi mawˇ laꞈ-euˬ meh. Aˬ yawꞈ-euˬ tsawˇ haˬ deuˬ-ahˇ miˬ dzaˬ neh kʼehˬ nehˬ kʼaˆ nehˬ-eu lehˇ aˬ yawꞈ lehˬ hmˬ luꞈ-eu meh. Miˇ tsaˬ dawˬ dah jaˆ-eu iˬ ma laˆ shaˆ-ahˇ miˬ dzaˬ puiˆ dzaˬ-awˇ, miˇ tsaˬ-ahˇ doꞈ nyawˬ-euˬ meh.

2 Sahˬpaˬ 1:10

Eˇliˇyaˆ ehˇ-eu, “Ngaˇ Miˬyehˇ-euˬ tsawˇ haˬ ngeuˇ lawˬ naˇ, mˬ kʼoeˇ taˆ neh miˬ dzaˬ ga le-awˇ, nawˇ hawˇ-eu nawˬ-euˬ tsawˇ haˬ deuˬ-ahˇ puiˆ sehꞈ luꞈ-uˇ” lehˇ, Eˇliˇyaˆ ehˇ kʼoꞈ nehˬ-euˬ meh. Kʼoeˇ ngeh, ja pyuˬ ni mˬ kʼoeˇ taˆ neh miˬ dzaˬ ga le-awˇ, yaw huiˬ yaw mahˇ kʼoeˇ gʼaˬ hawˇ-eu aˬ yawꞈ-euˬ tsawˇ haˬ deuˬ-ahˇ puiˆ sehꞈ-euˬ meh.

1 Sahˬpaˬ 18:38

Kʼoeˇ ngeh, Sahˬpaˬ Miˬyehˇ miˬ dzaˬ pyehˬ ka leꞈ-awˇ, lawˇ-euˬ jeˬ-ahˇ maˬ ehˇ, miˬ dzaˬ miˬ kawˬ-ahˇ maˬ ehˇ, kʼaˬ lo-ahˇ maˬ ehˇ, miˇ tsaˬ-ahˇ maˬ ehˇ, doꞈ leˇ-awˇ, kʼawˇ lawˬ duˬ caˬ taˬ-euˬ gaˇ dahˬ-eu iˇ cuꞈ gui-iˇ-euˬ meh.

Uˬ duˬ 10:2

Ja pyuˬ ni, Sahˬpaˬ Miˬyehˇ miˬ dzaˬ pyehˬ gʼeh leꞈ-awˇ, Sahˬpaˬ Miˬyehˇ-euˬ mehˬ shi, aˬ yawꞈ nyaꞈ-ahˇ miˬ dzaˬ puiˆ sehꞈ-euˬ meh.

2 Sahˬpaˬ 1:14

Yaw huiˬ yaw mahˇ kʼoeˇ nyiˬ gʼaˬ hawˇ-eu aˬ yawꞈ nyaꞈ-euˬ tsawˇ haˬ deuˬ-ahˇ, mˬ kʼoeˇ taˆ neh miˬ dzaˬ ga le-awˇ puiˆ sehꞈ-euˬ meh. Ehˇ kʼawꞈ, ngaˬ-ahˇ gʼawˬ shaˬ gaˬ neh laꞈ-awˬ.”

1 Saˬmeuˬlaˆ 14:15

Meuˬ meuˬ dzeˇ kʼaˇ jawˇ-eu Piˇliˇtiˆ tsawˇ haˬ deuˬ hawˇ-eu, taˆ laꞈ kʼoeˇ kʼaˇ jawˇ-eu Piˇliˇtiˆ yehˇ deuˬ uˬ taꞈ, Iˇsaˬleˬlaˆ tsawˇ haˬ deuˬ-ahˇ guiˇ deuˆ le-eu lehˇ lehˬ hmˬ taˬ-euˬ kʼaˬ dui dui-eu aˬ yawꞈ maꞈ-euˬ yehˇ deuˬ kʼawꞈ, guˆ dui dui-eu laꞈ kʼoeˇ yaw dzuˬ dzuˬ-euˬ meh. Miˇluˆluˆ laˇ-awˇ, guˆ dui dui-eu jeˬ keuˆ le-euˬ meh.

Uˬ duˬ 9:24

Ja pyuˬ ni, Sahˬpaˬ Miˬyehˇ miˬ dzaˬ pyehˬ gʼeh leꞈ-awˇ, miˬ dzaˬ dzah puiˆ-awˇ lawˇ-eu jeˬ-ahˇ maˬ ehˇ, lawˇ duˬ kʼoeˇ taˆ tsiˇ kʼaˇ lehꞈ-eu tsahˇ-ahˇ maˬ ehˇ, miˬ dzaˬ doꞈ leˇ-euˬ meh. Iˇsaˬleˬlaˆ tsawˇ haˬ deuˬ kʼoeˇ gaˇ ya mawˇ ngeh, aˬ yawꞈ maꞈ dawˬ tawˆ luꞈ guˇ-awˇ, baˬ ba miˇ tsaˬ-ahˇ tuˆ ni awˆ byaˆ jiˇ-euˬ meh.

Doˆ-iˇ 9:28

Sahˬpaˬ Miˬyehˇ-ahˇ guiˬ lahˬ shaˇ-awˬ. Mˬ jeˬ tsawˬ tehˆ hawˇ-eu uˬ yehˇ aˇ siˬ heu deuˬ-ahˇ nga maꞈ maˬ paˇ daˬ coeˇ miˇ-a. Naw maꞈ-ahˇ pyehˬ nehˬ ma lehˇ ngaˇ saˇ jaˇ dzaˬ-eu ma. Naw maꞈ heu gaˇ maˬ paˇ ya jawˇ-aˇ.”

Jaceuq 45:3

Baoˬ huiˬ-eu sahˬ paˬ-oˇ, nawˬ-euˬ mi cehˇ shaꞈ-awˇ, baoˬ hawˇ-eu yaw shehꞈ kʼahˬ sehˇ-ahˇ dm-awˬ.