Yaˬkoˆ 2:15 - Akha

¹⁵ Aˬ yuiꞈ aˬ nyiˇ Ka li zaˬ deuˬ laꞈ kʼoeˇ, kʼaˬ dzeˇ zaˬ maˬ ehˇ, zaˬ miˬzaˬ maˬ ehˇ, tiˬ gʼaˬ na dm gʼaˬ dm lmˇ hawˇ-eu dzaˬ dzaˬ dawˇ dawˇ maˬ jaˆ ni shaˬ luꞈ-eu ehˇ-awˬ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁵ Aqyuif aqnyir tiqghaqnav zaqmiq aqbur maqaer, zaqyo aqli maqkaq, dmghaq dmlmr maqjav-aer, nan-anr nae dzaq-awr dawr-eu jeq maqjavni shaq ngae,

Yaˬkoˆ 2:15 Referans Kwoze

Luˇkaꞈ 3:11

Aˬ yawꞈ ehˇ-eu, “Pehˇ kʼahˬ nyiˬ kahˇ jaˆ-eu tsawˇ haˬ, maˬ jaˆ-eu tsawˇ haˬ-ahˇ tiˬ kahˇ biˇ nehˬ-awˇ, dzaˬ dzaˬ dawˇ dawˇ jaˆ-eu tsawˇ haˬ kʼawꞈ, maˬ jaˆ-eu deuˬ-ahˇ biˇ nehˬ-awˬ.”

Iˇsaˬyaˇ 58:7

Hawˬ mehꞈ shaˬ-eu deuˬ-ahˇ hawˬ biˇ nehˬ-awˇ, nymˇ jiˇ maˬ baw-eu tsawˇ haˬ deuˬ gʼaˇ duˬ, nawˬ-euˬ nymˇ laˇ gʼoˆ pah taˬ-awˬ. Mehˬ tsoeˬ maˬ jaˆ-eu deuˬ-ahˇ mehˬ tsoeˬ biꞈ nehˬ-awˇ, yawˬ ha-euˬ aˬ yuiꞈ aˬ nyiˇ-ahˇ ngehˬ maˬ gʼeh ni taˬ byehˇ.

Yaˬkoˆ 2:5

Ngaˇ gaˬ-euˬ aˬ yuiꞈ aˬ nyiˇ Ka li zaˬ deuˬ-oˇ, ngaˇ ehˇ gaˇ naˇ haˬ sheˇ. Jah-eu jeˬ laꞈ kʼoeˇ smˇ muiˬ muiˬ-eu tsawˇ haˬ pyeuꞈ laˇ-awˇ, Miˬyehˇ-ahˇ gaˬ-eu tsawˇ haˬ deuˬ-ahˇ biꞈ-eu gʼaˇ duˬ aˬ yawꞈ neh saˇ jaˇ dzaˬ taˬ-euˬ miˇ kʼahˬ-ahˇ bi uˇ leˇ-eu lehˇ, miˇ tsaˬ heu kʼoeˇ taˆ dehꞈ luꞈ-eu shaˬ-eu zahˬ-eu tsawˇ haˬ deuˬ-ahˇ Miˬyehˇ neh tseˇ doˆ taˬ-euˬ meh.

Iˇsaˬyaˇ 58:10

mehꞈ-eu shuꞈ-eu deuˬ-ahˇ naw maꞈ dzaˬ dzaˬ dawˇ dawˇ biꞈ-awˇ, shaˬ-eu zahˬ-eu tsawˇ haˬ deuˬ-ahˇ ngehˬ gʼeh nehˬ naˇ, naw maꞈ tiˬ jawˬ jaˆ-eu yaw zahˇ dawˬ tawˆ, nah gʼahˇ loꞈ-ehˇ bya laˇ tehꞈ-a.

HeˬByehˇ 11:37

Kʼaˬ lo neh bi biˬ sehꞈ-euˬ meh. Yehˬ ma neh bi yehˬ tsehˆ-euˬ meh. Mi cehˇ neh bi deuˆ sehꞈ-euˬ meh. Yawˇ baˆ kʼoˆ hawˇ-eu ciꞈ myehꞈ baˆ kʼoˆ dm dm-ehˇ cah-euˬ meh. Shaˬ dui dui-awˇ, kʼehˬ dui kʼaˆ dui bi dui-euˬ uˬ taꞈ, kʼaˇ gʼeh mawꞈ-eu jeˬ bi gʼeh-euˬ meh.

Maˬkuˆ 14:7

Shaˬ zaˬ zahˬ zaˬ deuˬ naw maꞈ nehˬ-ehˇ aˬ myah luꞈ jawˇ-awˇ, naw maꞈ kʼaˇ caw ba nehˬ mawꞈ ngeh caw ba nehˬ nya tehꞈ-a. Ehˇ kʼawꞈ, ngaˇ-aˬ, naw maꞈ nehˬ-ehˇ aˬ myah luꞈ jawˇ-eu maˬ ngeuˇ.

Yeˬsaˬgeˬlaˇ 18:7

Tsawˇ haˬ tiˬ gʼaˬ-ahˇ-iˬ aˬ yawꞈ maˬ myawꞈ maˬ shuiˇ dzaˬ-ehˇ, tahˇ joe kʼawꞈ maˬ joe dzaˬ-a. Aˬ cawˬ neh aˬ yawꞈ-ahˇ kʼaˇ biꞈ daˇ taˬ-euˬ jeˬ aˬ yawꞈ biꞈ kʼoꞈ nehˬ-eu meh. Mehꞈ-eu shuꞈ-eu deuˬ-ahˇ aˬ yawꞈ bi dzaˬ bi dawˇ-awˇ, dm gʼaˬ dm lmˇ maˬ jaˆ-eu deuˬ-ahˇ dm gʼaˬ dm lmˇ biꞈ-eu meh.

Gʼaˬkʼehˇ 9:29

Heˬlaˬsaˇ dawˬ ngehˬ-eu Yuˇdaˆ tsawˇ haˬ deuˬ nehˬ-ehˇ kʼawꞈ, aˬ yawꞈ dawˬ ja ja-awˇ tsawˇ pyehˇ pyehˇ-euˬ meh. Ehˇ kʼawꞈ, aˬ yawꞈ maꞈ aˬ yawꞈ-ahˇ sehꞈ-eu lehˇ gʼeh-eu meh.

1 Yoˇhaˬ 3:17

Smˇ muiˬ smˇ baw tiˬ gʼaˬ-aˬ, shaˬ-eu zahˬ-eu aˬ yuiꞈ aˬ nyiˇ tiˬ gʼaˬ-ahˇ mawˇ luꞈ kʼawꞈ, gʼawˬ shaˬ gaˬ-eu nui ma maˬ ahˇ naˇ, Ka li zaˬ ma lehˇ aˬ joˆ-ehˇ ehˇ nya nmˇ.