Uˬ duˬ 9:4 - Akha

⁴ Cawˬ cawˬ taꞈ-eu lawˇ-eu jeˬ lawˇ-eu gʼaˇ duˬ kʼawꞈ, mawˇ neˇ mawˇ gaw tiˬ mawˇ hawˇ-eu, yawˇ aˬ buˬ tiˬ mawˇ tsahˇ laꞈ-awˬ lehˇ aˬ yawꞈ maꞈ-ahˇ ehˇ nehˬ-awˬ. Jeˬ zaˬ kʼoeˇ deuˬ-ahˇ, tsiˇ keuˬ-euˬ dzaˬ dzaˬ dawˇ dawˇ lawˇ-eu jeˬ nehˬ-ehˇ, Sahˬpaˬ Miˬyehˇ-ahˇ aˬ yawꞈ maꞈ ya lawˇ nehˬ meh. Aˬ jeˬ miˇ neh ehˇ naˇ, iˬ nah aˬ yawꞈ maꞈ-euˬ mehˬ shi, Sahˬpaˬ Miˬyehˇ doˆ le tehꞈ-a.”

Uˬ duˬ 9:4 Referans Kwoze

Doˆ-iˇ 29:43

Kʼoeˇ gaˇ, Iˇsaˬleˬlaˆ tsawˇ haˬ deuˬ-ahˇ ngaˇ tahˬ puˬ-awˇ, ngaˬ-euˬ yaw shehꞈ baˬ da neh, jawˇ duˬ kʼoeˇ tsahˇ muiˬ laˇ shawˇ laˇ tehꞈ-a.

Uˬ duˬ 9:23

Kʼoeˇ naˇ, aˬ yawꞈ zaꞈ ka le-euˬ meh. Moˇseˬ hawˇ-eu Aˬloˬ aˬ nyaꞈ, Sahˬpaˬ miˬyehˇ jawˇ-eu sehˬ gʼawˆ laꞈ kʼoeˇ uˇ leˇ-awˇ doˆ le ngeh, Iˇsaˬleˬlaˆ tsawˇ haˬ deuˬ-ahˇ aˬ yawꞈ nyaꞈ dawˬ ngehˬ gʼeh nehˬ-euˬ meh. Kʼoeˇ ngeh, Iˇsaˬleˬlaˆ tsawˇ haˬ dawꞈ tawˆ luꞈ-euˬ mehˬ shi, Sahˬpaˬ Miˬyehˇ-euˬ yaw shehꞈ kʼahˬ sehˇ doˆ le-euˬ meh.

Uˬ duˬ 9:6

“Aˬ yawꞈ-euˬ yaw shehꞈ kʼahˬ sehˇ naw maꞈ-euˬ mehˬ shi doˆ le ni, heu deuˬ dawˬ tawˆ luꞈ-ahˇ naw maꞈ ya mˇ meh lehˇ Sahˬpaˬ Miˬyehˇ dawˬ biꞈ taˬ-euˬ meh” lehˇ aˬ yawꞈ maꞈ-ahˇ Moˇseˬ ehˇ nehˬ-euˬ meh.

Yeˬsaˬgeˬlaˇ 43:2

Kʼoeˇ tsahˇ-ahˇ, Iˇsaˬleˬlaˆ Miˬyehˇ-euˬ yaw shehꞈ kʼahˬ sehˇ nahˇ ma doˆ kʼehˬ paw neh oe gʼeh leꞈ gaˇ ngaˇ ya mawˇ-euˬ ma. Miˬyehˇ-euˬ teˇ saˇ-aˬ, iˬ ma laˆ shaˆ iˇ kʼawˇ mahˇ gaˇ duˇ-awˇ, guiˇ nyiˬ ni gʼeh-eu yaw shehꞈ kʼahˬ sehˇ miˇ tsaˬ-ahˇ bya-eu meh.

Bawˇtsahˬ 16:19

Kawˇlaˆ gʼeh, Iˇsaˬleˬlaˆ tsawˇ haˬ dawˬ tawˆ luꞈ kuˇ uiˬ-awˇ, sehˬ gʼawˆ gʼoˆ kʼehˬ dawˬ peh, Moˇseˬ hawˇ-eu Aˬloˬ-euˬ mehˬ shi aˬ yawꞈ maꞈ yawꞈ luꞈ-eu meh. Ja pyuˬ ni, Sahˬpaˬ Miˬyehˇ-euˬ yaw shehꞈ kʼahˬ sehˇ tsawˇ haˬ aˇ maꞈ dawˬ tawˆ luꞈ kʼoeˇ taˆ bya doˆ le-euˬ meh.

Bawˇtsahˬ 14:10

Ehˇ kʼawꞈ, tsawˇ haˬ aˇ maꞈ aˬ muˇ dawˬ tawˆ luꞈ aˬ yawꞈ nyaꞈ-ahˇ kʼaˬ lo neh bi sehꞈ-eu lehˇ lmˬ luꞈ-eu meh. Kʼoeˇ ngeh, Sahˬpaˬ Miˬyehˇ-euˬ yaw shehꞈ kʼahˬ sehˇ aˬ yawꞈ-euˬ Sehˬ gʼawˆ kʼoeˇ taˆ ja pyuˬ ni bya doˆ le-euˬ gaˇ aˬ yawꞈ maꞈ ya mawˇ-euˬ meh.

Uˬ duˬ 2:1

Tsawˇ haˬ tiˬ gʼaˬ na Sahˬpaˬ Miˬyehˇ-ahˇ dzaˬ la gʼo cehˇ lawˇ mawꞈ naˇ, cehˇ pyuˇ jeˬ hu ya lehˬ meuˇ-awˇ, saˬ loˬ tsiˇ hawˇ-eu yaw saw jeˬ ya keuˬ meh.

Doˆ-iˇ 24:16

Sahˬpaˬ Miˬyehˇ-euˬ yaw shehꞈ kʼahˬ sehˇ Siˇnaˆ gawˬ jawˬ kʼoeˇ taˆ zaꞈ le-awˇ, koꞈ nah keuˆ ni gawˬ jawˬ kʼoeˇ jawˬ-ahˇ mˬ dmˇ dehˬ kaˬ taˬ-euˬ meh. Shiꞈ nah tiˬ nah-ahˇ, mˬ dmˇ laꞈ kʼoeˇ neh, Moˇseˬ-ahˇ Sahˬpaˬ Miˬyehˇ kuˇ-euˬ meh.

Doˆ-iˇ 19:11

Saˇ pehˬ nah maˬ keuˆ laˇ miˇ naˆ-ehˇ, aˬ yawꞈ maꞈ ya lehˬ hmˬ dah meh. Aˬ jeˬ miˇ neh ehˇ naˇ, saˇ pehˬ nah tsawˇ haˬ dawˬ tawˆ luꞈ mawˇ nya gaˇ, Siˇnaˆ gawˬ jawˬ kʼoeˇ taˆ ngaˇ zaꞈ le ma.

Doˆ-iˇ 16:10

Iˇsaˬleˬlaˆ tsawˇ haˬ aˇ maꞈ-ahˇ Aˬloˬ dawˬ ngehˬ cawˬ luꞈ ngeh, aˬ yawꞈ maꞈ bawˇ tsahˬ bawˇ dahˇ paw haw gʼeh-awˇ, Sahˬpaˬ Miˬyehˇ-euˬ yaw shehꞈ kʼahˬ sehˇ mˬ dmˇ laꞈ kʼoeˇ doˆ le-euˬ gaˇ, ja pyuˬ ni ya mawˇ-euˬ meh.

Uˬ duˬ 9:3

Kʼoeˇ naˇ, iˬ baˇ shawˇ-eu lawˇ-eu jeˬ lawˇ-eu gʼaˇ duˬ, ciꞈ myehꞈ ciꞈ buˬ tiˬ mawˇ maˬ ehˇ, miˬ dzaˬ dzah puiˆ-awˇ lawˇ-eu jeˬ lawˇ-eu gʼaˇ duˬ, tiˬ myaˇ byah laˇ-euˬ maˇ byawꞈ maˬ baw-eu mawˇ neˇ mawˇ gaw zaˬ tiˬ mawˇ hawˇ-eu, tiˬ myaˇ byah laˇ-euˬ maˇ byawꞈ maˬ baw-eu yawˇ zaˬ aˬ buˬ tiˬ mawˇ maˬ ehˇ, tsahˇ laꞈ-awˬ lehˇ Iˇsaˬleˬlaˆ tsawˇ haˬ deuˬ-ahˇ ehˇ nehˬ-awˬ.

Uˬ duˬ 9:5

Moˇseˬ neh dawˬ kʼaˇ biꞈ-euˬ loꞈ-ehˇ, yawˬ jeˬ na luꞈ Sehˬ gʼawˆ mehˬ shi aˬ yawꞈ maꞈ yuˇ keuˆ laꞈ-awˇ, tsawˇ haˬ aˇ maꞈ aˇ muˇ dawˬ tawˆ luꞈ, Sahˬpaˬ Miˬyehˇ-ahˇ uˬ duˬ tahˬ-eu gʼaˇ duˬ uiˬ laˇ-euˬ meh.

Uˬ duˬ 3:1

Tsawˇ haˬ tiˬ gʼaˬ na, cawˬ cawˬ taꞈ-eu lawˇ-eu jeˬ gʼaˇ duˬ mawˇ neˇ lawˇ mawꞈ naˇ, maˇ byawꞈ maˬ baw-eu mawˇ gaw maˬ ngeuˇ naˇ, maˇ byawꞈ maˬ baw-eu mawˇ ma ya lawˇ meh.

Yeˬsaˬgeˬlaˇ 43:27

Kʼoeˇ shiꞈ nah dzeuˇ ngeh jawˇ, miˇ kʼahˬ zaˬ deuˬ neh yuˇ laꞈ-euˬ miˬ dzaˬ dzah puiˆ-awˇ lawˇ-eu jeˬ hawˇ-eu, cawˬ cawˬ taꞈ-eu lawˇ-eu jeˬ piˇ ma deuˬ ya lawˇ daˆ leꞈ meh. Kʼoeˇ ngeh jawˇ, naw maꞈ dawˬ tawˆ luꞈ-ahˇ ngaˇ ha geuꞈ ma lehˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ ehˇ-eu ma.”