Uˬ duˬ 8:2 - Akha

² “Aˬloˬ hawˇ-eu aˬ yawꞈ-euˬ aˬ li deuˬ-ahˇ, ngaˇ jawˇ-eu Sehˬ gʼawˆ-ahˇ sheuˬ laꞈ-awˇ, piˇ ma-euˬ dm gʼaˬ dm lmˇ deuˬ, tseˇ doˆ-euˬ deuˬ-ahˇ lehꞈ-eu tsiˇ, iˬ baˇ shawˇ-eu lawˇ-eu jeˬ lawˇ-eu gʼaˇ duˬ mawˇ neˇ mawˇ gaw zaˬ, yawˇ aˬ buˬ nyiˬ mawˇ, dehˬ tseˬ maˬ ahˇ-eu kaˬ muˇ dawˆ ahˇ taˬ-euˬ kʼa sa, heu deuˬ yuˇ laꞈ-awˬ.

Uˬ duˬ 8:2 Referans Kwoze

HeˬByehˇ 7:27

Piˇ ma yaw huiˬ nui deuˬ-ahˇ aˬ yawꞈ maˬ duˇ-a. Aˬ yawꞈ maꞈ loꞈ-ehˇ yawˬ nah na luꞈ yawˬ ha-euˬ iˬ baˇ gʼaˇ duˬ jeˬ hu lawˇ gʼaˬ shehˇ gʼaˬ ngeh, aˬ cawˬ-euˬ i baˇ gʼaˇ duˬ ya lawˇ ya shehˇ-eu heu deuˬ-ahˇ aˬ yawꞈ mˇ-eu maˬ loˬ-a. Aˬ yawꞈ-euˬ gʼawˇ mawˇ lawˇ nehˬ-euˬ kʼoeˇ-aˬ, tiˬ poˆ lawˇ-awˇ mˬ maˬ maˬ byaˆ zaˇ ziˇ gmˬ-eu lawˇ-euˬ jeˬ pyeuꞈ-eu meh.

Doˆ-iˇ 39:41

piˇ ma Aˬloˬ hawˇ-eu aˬ yawꞈ-euˬ aˬ li deuˬ bi dm-eu gʼaˇ duˬ, piˇ ma deuˬ muiˬ-eu shawˇ-eu jawˇ duˬ-ahˇ uˇ leˇ ngeh dm-eu haw muiˬ dui dui-eu pehˇ kʼahˬ deuˬ, heu deuˬ-ahˇ aˬ yawꞈ maꞈ yuˇ laꞈ-euˬ meh.

Doˆ-iˇ 28:40

“Bi haw muiˬ-eu gʼaˇ duˬ maˬ ehˇ, aˬ cawˬ yaw zeu bi baw-eu gʼaˇ duˬ maˬ ehˇ, Aˬloˬ-euˬ aˬ li deuˬ gʼaˇ duˬ, pehˇ kʼahˬ, joꞈ tsiˬ hawˇ-eu, uˬ dzahˬ guꞈ-awˬ.

Doˆ-iˇ 28:1

“Nawˬ-euˬ aˇ doˆ Aˬloˬ hawˇ-eu aˬ yawꞈ-euˬ aˬ li Naˬdehˇ, Aˬbiˇhuˬ, Eˇlaˬzaˬ hawˇ-eu Iˇdaˬmaˬ-ahˇ kuˇ-awˬ. Iˇsaˬleˬlaˆ tsawˇ haˬ laꞈ kʼoeˇ, aˬ yawꞈ maꞈ-ahˇ kuˇ doˆ-awˇ, ngaˬ-euˬ gaˇ mˇ-eu piˇ ma deuˬ bi geuꞈ-awˬ.

Uˬ duˬ 6:10

Kʼoeˇ naˇ, shawˇ jehˆ ni gʼeh-eu pehˇ kʼahˬ pehˇ mahˇ hawˇ-eu, laꞈ kʼoeˇ dm-eu mehˬ tsoeˬ deuˬ-ahˇ piˇ ma gʼaˬ dm-awˇ, lawˇ duˬ kʼoeˇ taˆ jaˆ-eu tsiˇ lehꞈ-eu kʼaˬ lehˇ deuˬ-ahˇ, lawˇ duˬ gaˇ dzeˇ ya tawˆ taˬ meh.

Uˬ duˬ 8:1

Moˇseˬ-ahˇ Sahˬpaˬ Miˬyehˇ heu loꞈ-ehˇ ehˇ nehˬ-euˬ meh.

Uˬ duˬ 8:3

Kʼoeˇ naˇ, Iˇsaˬleˬlaˆ tsawˇ haˬ aˇ maꞈ aˇ muˇ dawˬ tawˆ luꞈ-ahˇ kʼoeˇ gaˇ kuˇ uiˬ-awˬ.”

Uˬ duˬ 8:10

Kʼoeˇ naˇ, Sahˬpaˬ Miˬyehˇ jawˇ-eu Sehˬ gʼawˆ kʼoeˇ taˆ maˬ ehˇ, Sehˬ gʼawˆ laꞈ kʼoeˇ jaˆ-eu keu ka deuˬ-ahˇ maˬ ehˇ, tseˇ doˆ-euˬ deuˬ-ahˇ lehꞈ-eu tsiˇ kʼoeˇ neh Moˇseˬ lehꞈ-awˇ, Sahˬpaˬ Miˬyehˇ-ahˇ a nehˬ-euˬ meh.

Uˬ duˬ 8:18

Kʼoeˇ naˇ, miˬ dzaˬ-ahˇ dzah puiˆ-awˇ lawˇ-eu jeˬ lawˇ-eu gʼaˇ duˬ yawˇ aˬ buˬ yawˬ mawˇ yawˬ Moˇseˬ tsahˇ laꞈ-awˇ, Aˬloˬ hawˇ-eu aˬ yawꞈ-euˬ aˬ li deuˬ yawˇ kʼoeˇ mawˇ-euˬ uˬ duˬ kʼoeˇ taˆ aˬ laꞈ baꞈ daˆ-euˬ meh.

Uˬ duˬ 8:22

Kʼoeˇ naˇ, piˇ ma deuˬ Miˬyehˇ-ahˇ a nehˬ-eu gʼaˇ duˬ, yawˇ aˬ buˬ yawˬ mawˇ yawˬ Moˇseˬ tsahˇ-awˇ, Aˬloˬ hawˇ-eu aˬ yawꞈ-euˬ aˬ li deuˬ, yawˇ kʼoeˇ mawˇ-euˬ uˬ duˬ kʼoeˇ taˆ aˬ laꞈ baꞈ daˆ-euˬ meh.