Uˬ duˬ 5:7 - Akha

⁷ Tsawˇ haˬ tiˬ gʼaˬ na, yawˬ ha-euˬ iˬ baˇ aˇ poeˬ lawˇ kʼoꞈ nehˬ-eu gʼaˇ duˬ, yawˇ hawˇ-eu ciꞈ myehꞈ maˬ jawˇ naˇ, kʼaˬ kʼoeˬ nyiˬ mawˇ, maˬ ngeuˇ naˇ, kʼaˬ guˬ nyiˬ mawˇ yuˇ laꞈ-awˇ, iˬ baˇ shawˇ-eu lawˇ-eu jeˬ gʼaˇ duˬ tiˬ mawˇ hawˇ-eu, miˬ dzaˬ-ahˇ dzah puiˆ-awˇ lawˇ-eu jeˬ gʼaˇ duˬ tiˬ mawˇ ya lawˇ meh.

Uˬ duˬ 5:7 Referans Kwoze

Uˬ duˬ 12:8

Zaˬ miˬ zaˬ kʼoeˇ gʼaˬ yawˇ zaˬ maˬ jawˇ naˇ, kʼaˬ kʼoeˬ nyiˬ mawˇ, maˬ ngeuˇ naˇ kʼaˬ guˬ nyiˬ mawˇ ya yuˇ laꞈ meh. Miˬ dzaˬ dzah puiˆ-awˇ lawˇ-eu jeˬ lawˇ-eu gʼaˇ duˬ tiˬ mawˇ lawˇ-awˇ, iˬ baˇ shawˇ-eu lawˇ-eu jeˬ gʼaˇ duˬ tiˬ mawˇ ya lawˇ meh. Kʼoeˇ naˇ, aˬ yawꞈ laꞈ kʼoeˇ maˬ shawˇ-eu jeˬ bi shawˇ laˇ-eu zahˇ piˇ ma gʼaˬ mˇ-awˇ, ya bi shawˇ laˇ-eu meh.

Maꞈtehˬ 10:16

“Naˇ haˬ sheˇ. Kʼaˬ yehˇ yehˇ maꞈ jawˇ gaˇ yawˇ-ahˇ pyehˬ uˇ gʼeh-eu loꞈ-ehˇ, naw maꞈ-ahˇ ngaˇ pyehˬ gʼeh-eu ma. Aˇ lawˇ loꞈ-ehˇ yaw gahˇ gahˇ-ehˇ dehꞈ-awˇ, kʼaˬ kʼoeˬ loꞈ-ehˇ aˬ cawˬ-ahˇ maˬ coeˬ maˬ ciˆ ni yahˇ yahˇ-ehˇ jawˇ-awˬ.

2 Gawˇliˬtu 8:12

Damˬ mawꞈ-eu nui ma ahˇ naˇ, naw maꞈ kʼaˇ gʼeh nya-eu loꞈ-ehˇ damˬ-euˬ gaˇ Miˬyehˇ ha geuꞈ nehˬ laꞈ tehꞈ-a. Maˬ gʼeh nya gaˇ keuˆ ni damˬ-awˬ lehˇ maˬ ehˇ-a.

Maꞈtehˬ 3:16

Yeˬsuˇ iˇ cuꞈ shawˇ gʼaˬ-awˇ, iˇ cuꞈ laꞈ kʼoeˇ neh doˆ laˇ ngeh, mˬ pah le-awˇ, Miˬyehˇ-euˬ Yaw sahˇ kʼaˬ kʼoeˬ loꞈ-ehˇ zaꞈ le-awˇ, aˬ yawꞈ kʼoeˇ taˆ ga dawꞈ le gaˇ ya mawˇ-euˬ meh.

Uˬ duˬ 14:31

Iˬ baˇ shawˇ-eu lawˇ-eu jeˬ gʼaˇ duˬ tiˬ mawˇ hawˇ-eu, miˬ dzaˬ dzah puiˆ-awˇ lawˇ-eu jeˬ gʼaˇ duˬ tiˬ mawˇ, dzaˬ la gʼo cehˇ lawˇ-eu jeˬ nehˬ-ehˇ ya lawˇ meh. Piˇ ma gʼaˬ kʼoeˇ loꞈ-ehˇ, bi muiˬ bi shawˇ laˇ-eu zahˇ ya jahˇ meh.

Luˇkaꞈ 2:24

Kʼoeˇ uˬ taꞈ, Sahˬpaˬ Miˬyehˇ-euˬ Zahˇ dawˬ kʼoꞈ dawˬ laꞈ kʼoeˇ boꞈ taˬ-euˬ loꞈ-ehˇ, kʼaˬ kʼoeˬ tiˬ gu maˬ ngeuˇ naˇ, yaˇ miˇ kʼaˬ kʼoeˬ zaˬ nyiˬ mawˇ ya lawˇ nehˬ leˇ-eu meh.

Uˬ duˬ 16:5

Iˬ baˇ shawˇ-eu lawˇ-eu jeˬ lawˇ-eu gʼaˇ duˬ, ciꞈ myehꞈ ciꞈ buˬ nyiˬ mawˇ hawˇ-eu, miˬ dzaˬ dzah puiˆ-awˇ lawˇ-eu jeˬ lawˇ-eu gʼaˇ duˬ yawˇ aˬ buˬ tiˬ mawˇ, Aˬloˬ-ahˇ Iˇsaˬleˬlaˆ tsawˇ haˬ deuˬ ya biꞈ nehˬ meh.

Uˬ duˬ 15:30

Piˇ ma gʼaˬ aˇ jiˇ kʼoeˇ nyiˬ mawˇ yuˇ-awˇ, iˬ baˇ shawˇ-eu lawˇ-eu jeˬ gʼaˇ duˬ, tiˬ mawˇ hawˇ-eu, miˬ dzaˬ dzah puiˆ-awˇ lawˇ-eu jeˬ gʼaˇ duˬ tiˬ mawˇ ya lawˇ meh. Zaˬ miˬ zaˬ kʼoeˇ gʼaˬ bi shawˇ laˇ-eu gʼaˇ duˬ, piˇ ma gʼaˬ kʼoeˇ loꞈ-ehˇ zahˇ ya jahˇ meh.

Uˬ duˬ 9:3

Kʼoeˇ naˇ, iˬ baˇ shawˇ-eu lawˇ-eu jeˬ lawˇ-eu gʼaˇ duˬ, ciꞈ myehꞈ ciꞈ buˬ tiˬ mawˇ maˬ ehˇ, miˬ dzaˬ dzah puiˆ-awˇ lawˇ-eu jeˬ lawˇ-eu gʼaˇ duˬ, tiˬ myaˇ byah laˇ-euˬ maˇ byawꞈ maˬ baw-eu mawˇ neˇ mawˇ gaw zaˬ tiˬ mawˇ hawˇ-eu, tiˬ myaˇ byah laˇ-euˬ maˇ byawꞈ maˬ baw-eu yawˇ zaˬ aˬ buˬ tiˬ mawˇ maˬ ehˇ, tsahˇ laꞈ-awˬ lehˇ Iˇsaˬleˬlaˆ tsawˇ haˬ deuˬ-ahˇ ehˇ nehˬ-awˬ.

Uˬ duˬ 5:11

Tsawˇ haˬ tiˬ gʼaˬ na, kʼaˬ kʼoeˬ nyiˬ mawˇ maˬ ehˇ, kʼaˬ guˬ nyiˬ mawˇ maˬ ehˇ, maˬ jawˇ naˇ, iˬ baˇ shawˇ-eu lawˇ-eu jeˬ lawˇ-eu gʼaˇ duˬ, cehˇ meu tiˬ pehˬ ya yuˇ laꞈ meh. Saˬ loˬ tsiˇ maˬ ehˇ, yaw saw jeˬ maˬ ehˇ, cehˇ meu-ahˇ aˬ yawꞈ maˬ ya keuˬ-a. Aˬ jeˬ miˇ neh ehˇ naˇ, kʼoeˇ-aˬ, dzaˬ la gʼo cehˇ lawˇ-eu gʼaˇ duˬ maˬ ngeuˇ-a. Iˬ baˇ shawˇ-eu lawˇ-eu jeˬ gʼaˇ duˬ pyeuꞈ-eu meh.

Maꞈtehˬ 21:12

Uˬ duˬ tahˬ nymˇ nymˇ ma laꞈ kʼoeˇ Yeˬsuˇ uˇ leˇ-awˇ, ahˬ taꞈ zeuˇ taꞈ luꞈ-eu tsawˇ haˬ dawˬ tawˆ luꞈ-ahˇ teh doˆ-euˬ meh. Pyuˇ dawˬ paˇ-eu tsawˇ haˬ deuˬ-euˬ hawˬ jeh hawˇ-eu, lawˇ-eu shehˇ-eu yaˇ miˇ kʼaˬ kʼoeˬ ahˬ-eu tsawˇ haˬ deuˬ-euˬ nuiˇ mahˬ deuˬ, aˬ yawꞈ ngawˬ dzeh nehˬ-euˬ meh.

Uˬ duˬ 7:1

Heu-aˬ, dziˇ dzoˆ tsoeˬ-eu lawˇ-eu jeˬ-ahˇ taꞈ leˇ-eu, muiˬ dui shawˇ dui dui-eu zahˇ sahˇ kʼoꞈ deuˬ pyeuꞈ-eu meh.

Uˬ duˬ 12:6

Aˬ li ciˬ-euˬ maˬ ehˇ, aˬ buˇ ciˬ-euˬ maˬ ehˇ, shawˇ laˇ-eu aˇ nah aˇ yamˬ keuˆ laˇ ngeh, miˬ dzaˬ dzah puiˆ-awˇ lawˇ-eu jeˬ lawˇ-eu gʼaˇ duˬ, tiˬ myaˇ byah laˇ-euˬ yawˇ zaˬ tiˬ mawˇ hawˇ-eu, iˬ baˇ shawˇ-eu lawˇ-eu jeˬ lawˇ-eu gʼaˇ duˬ, kʼaˬ kʼoeˬ maˬ ngeuˇ naˇ kʼaˬ guˬ tiˬ mawˇ Sahˬpaˬ Miˬyehˇ jawˇ-eu Sehˬ gʼawˆ gʼoˆ kʼehˬ-ahˇ, piˇ ma jawˇ gaˇ aˬ yawꞈ ya yuˇ laꞈ-eu meh.

Uˬ duˬ 14:30

Kʼoeˇ naˇ, tsawˇ haˬ kʼoeˇ gʼaˬ kʼaˇ gʼeh nya-eu loꞈ-ehˇ, kʼaˬ kʼoeˬ nyiˬ mawˇ maˬ ngeuˇ naˇ, kʼaˬ guˬ nyiˬ mawˇ yuˇ-awˇ, heu loꞈ-ehˇ ya lawˇ meh.

Bawˇtsahˬ 5:6

“Iˇsaˬleˬlaˆ tsawˇ haˬ deuˬ-ahˇ heu loꞈ-ehˇ ehˇ nehˬ-awˬ. Tsawˇ haˬ tiˬ gʼaˬ na Sahˬpaˬ Miˬyehˇ-ahˇ saˇ jaˇ puiˬ-awˇ, aˬ cawˬ-ahˇ yaw lehˬ jeˬ mˇ naˇ, tsawˇ haˬ kʼoeˇ gʼaˬ iˬ baˇ ahˇ-eu meh.

Bawˇtsahˬ 6:10

Yehꞈ nah tiˬ nah-ahˇ, kʼaˬ kʼoeˬ nyiˬ mawˇ maˬ ngeuˇ naˇ kʼaˬ guˬ nyiˬ mawˇ, Sahˬpaˬ Miˬyehˇ jawˇ-eu Sehˬ gʼawˆ gʼoˆ kʼehˬ-ahˇ piˇ ma jawˇ gaˇ aˬ yawꞈ ya yuˇ laꞈ meh.

Bawˇtsahˬ 6:11

Iˬ baˇ shawˇ-eu lawˇ-eu jeˬ gʼaˇ duˬ tiˬ mawˇ hawˇ-eu miˬ dzaˬ-ahˇ dzah puiˆ-awˇ lawˇ-eu jeˬ gʼaˇ duˬ tiˬ mawˇ, piˇ ma gʼaˬ lawˇ-awˇ, aˬ yawꞈ bi shawˇ laˇ-eu zahˇ ya jahˇ nehˬ meh. Kʼoeˇ ngeh nah laꞈ kʼoeˇ tsawˇ haˬ kʼoeˇ gʼaˬ aˬ yawꞈ-euˬ uˬ duˬ tsehˇ kahˇ paˇ ya a nehˬ meh.

Uˬ duˬ 27:8

Saˇ jaˇ dzaˬ-eu laꞈ kʼoeˇ, tsawˇ haˬ damˬ nehˬ mawꞈ-eu tsawˇ haˬ tiˬ gʼaˬ na, aˇ dzehˬ-ehˇ shaˬ-eu miˇ neh, aˬ cawˬ neh daˇ tsehˆ taˬ-euˬ aˇ poeˬ maˬ biꞈ keuˆ nya naˇ, aˬ yawꞈ damˬ nehˬ mawꞈ-eu tsawˇ haˬ-ahˇ, piˇ ma jawˇ gaˇ sheuˬ gʼeh-awˇ, piˇ ma gʼaˬ tsawˇ haˬ kʼoeˇ gʼaˬ biꞈ tsehˆ coeˇ ni shaˇ noeˬ-awˇ, aˇ poeˬ yaw yaˇ yaˇ-ehˇ ya daˇ nehˬ meh.