Uˬ duˬ 26:43 - Akha

⁴³ Ehˇ kʼawꞈ, miˇ kʼahˬ kʼoeˇ kʼahˬ laꞈ kʼoeˇ tsawˇ haˬ maˬ jawˇ ni, miˇ tsaˬ-ahˇ gʼaˬ naˬ ya bi naˬ meh. Aˬ yawꞈ maꞈ ngaˬ-euˬ zahˇ dawˬ kʼoꞈ dawˬ-ahˇ maˬ naˇ haˬ geuꞈ ni ngaˬ-ahˇ puiˬ-euˬ miˇ neh, iˬ baˇ aˇ poeˬ dziˇ dzoˆ tiˬ byah tiˬ loꞈ ya tsoeˬ meh.

Uˬ duˬ 26:43 Referans Kwoze

Lormav 8:7

Tsawˇ haˬ ti gʼaˬ yawˬ ha-euˬ shiˬ shaˬ jiˇ nui noeˬ neh bi uˆ lahˇ shaw naˇ, Miˬyehˇ-ahˇ muiˇ-eu tsawˇ haˬ pyeuꞈ laˇ-eu meh. Aˬ jeˬ miˇ neh ehˇ naˇ, Miˬyehˇ-euˬ zahˇ dawˬ kʼoꞈ dawˬ-ahˇ aˬ yawꞈ maˬ caw teh-a. Caw teh-eu gʼaˇ duˬ maˇ maˇ ni maˬ gʼeh nya-a.

Uˬ duˬ 26:15

Ngaˬ-euˬ zahˇ dawˬ kʼoꞈ dawˬ deuˬ-ahˇ maˬ naˇ haˬ geuꞈ ni, ngaˬ nehˬ-ehˇ dzaˬ taˬ-euˬ saˇ jaˇ-ahˇ naw maꞈ puiˬ naˇ,

Yoˇhaˬ 7:7

Miˇ tsaˬ zaˬ deuˬ nawˬ ha mehˇ nmˇ-ahˇ muiˇ-eu gaˇ kawˆ maˬ jaˆ-a. Ehˇ kʼawꞈ, ngaˬ-ahˇ muiˇ meh. Aˬ jeˬ miˇ neh ehˇ naˇ, aˬ yawꞈ maꞈ-euˬ dehꞈ jeˬ dehꞈ kawˆ maˬ muiˬ gaˇ ngaˇ maˬ tsehˆ leˇ ni ehˇ luꞈ-eu miˇ neh meh.

Zaˬkaˬliˇ 11:8

Yawˇ bo-eu yaw sahˇ smˇ gʼaˬ nehˬ-ehˇ ngaˇ maˬ tsaˬ leˇ-ehˇ, ba la tiˬ siˬ laꞈ kʼoeˇ aˬ yawꞈ maꞈ-ahˇ ngaˇ byehˇ dzeh-euˬ ma.

Aˬmoˆ 5:10

Maˬ tsaˬ maˬ dawˇ-eu jeˬ-ahˇ ceh-awˇ, yaˇ kʼaˬ daˇ-eu saˇ naˇ laꞈ kʼoeˇ yaw tsaˬ yaw dawˇ jeˬ tehꞈ-ehˇ ngehˬ-eu deuˬ-ahˇ naw maꞈ bye-eu meh.

Daˬyeˬlaˇ 9:14

Nga maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-oˇ, nawˇ aˬ myah luꞈ yaw tsaˬ yaw dawˇ dawˇ-ehˇ mˇ-eu gʼaˬ pyeuꞈ-eu loꞈ-ehˇ, nawˬ-euˬ ehˇ dawˬ-ahˇ nga maꞈ maˬ naˇ haˬ-euˬ miˇ neh, nga maꞈ-ahˇ kʼehˬ-eu kʼaˆ-eu gʼaˇ duˬ nawˬ neh lehˬ hmˬ taˬ-euˬ loꞈ-ehˇ, kʼehˬ nehˬ kʼaˆ nehˬ laꞈ-euˬ meh.

Yeˬlaˬmiˇ 31:19

Nawˬ-ahˇ byehˇ dzeh-awˇ gʼoˆ doˆ-iˇ-euˬ kʼawꞈ, nymˬ-mˇ nga maꞈ noeˬ poˆ-euˬ ma. Nawˇ nga maꞈ-ahˇ kʼehˬ nehˬ laꞈ ngeh, nui ma zahˇ tsui ni shaˬ-euˬ ma. Zaˬ guˬ pyeuꞈ ngeh mˇ lehˬ-euˬ iˬ baˇ baˬ da neh, daˬ ga-awˇ shaꞈ dawˇ dui dui nya.

Iˇsaˬyaˇ 26:16

Sahˬpaˬ Miˬyehˇ nawˇ nawˬ-euˬ tsawˇ haˬ-ahˇ, kʼehˬ nehˬ kʼaˆ nehˬ-euˬ baˬ da neh, aˬ yawꞈ maꞈ noeˬ shaˬ dui dui-eu laꞈ kʼoeˇ, nawˬ-ahˇ guiˬ lahˬ shaˇ luꞈ-eu meh.

Jaceuq 119:75

Sahˬpaˬ Miˬyehˇ-oˇ, nawˇ yaˇ kʼaˬ daˇ-eu jeˬ yaw tsaˬ yaw dawˇ meh lehˇ ngaˇ siˬ nya ma. Nawˇ saˇ jaˇ ziꞈ-eu miˇ neh ngaˬ-ahˇ kʼehˬ nehˬ laꞈ-euˬ meh lehˇ ngaˇ siˬ nya ma.

Jaceuq 119:71

Ngaˬ-ahˇ kʼehˬ nehˬ kʼaˆ nehˬ laꞈ-euˬ jeˬ muiˬ-eu meh. Aˬ jeˬ miˇ neh ehˇ naˇ, nawˬ-euˬ dawˬ-ahˇ ngaˇ siˬ nya laˇ ni jahˇ nehˬ laꞈ-euˬ meh.

Jaceuq 119:67

Nawˇ ngaˬ-ahˇ maˬ kʼehˬ mi naˆ-ehˇ ngaˇ dehꞈ lehˬ-euˬ kʼawꞈ, nymˬ-mˇ ngaˇ nawˬ-euˬ dawˬ-ahˇ naˇ haˬ-eu ma.

Jaceuq 50:17

Ngaˬ neh mehˬ nehˬ tsoˆ nehˬ-euˬ jeˬ-ahˇ naw maꞈ maˬ naˇ haˬ geuꞈ-ehˇ, ngaˬ-euˬ zahˇ sahˇ kʼoꞈ-ahˇ naw maꞈ bye-eu meh.

Jaceuq 50:15

Shaˬ-eu zahˬ-eu jeˬ keuˆ le ngeh ngaˬ-ahˇ kuˇ-awˬ. Ngaˇ naw maꞈ-ahˇ ka kʼoꞈ nehˬ-awˇ, naw maꞈ ngaˬ-ahˇ ja ceuˬ tehꞈ-a.”

Yawˇbaˆ 5:17

“Miˬyehˇ neh bi tsiˬ shawˇ-euˬ tsawˇ haˬ guiˬ lahˬ huiˬ-eu meh. Kʼoeˇ miˇ neh aˬ yawꞈ lawˬ haw-eu jeˬ-ahˇ nui ma taˬ pehˇ.

2 Laˬsaˬbaˬ 33:12

Aˬ yawꞈ kʼoeˇ loꞈ-ehˇ ya daˬ ngeh, nui ma nahˬ laˇ-awˇ, aˬ yawꞈ-euˬ Miˬyehˇ pyeuꞈ-eu Sahˬpaˬ Miˬyehˇ jawˇ paw noeˬ pyawˇ kʼoꞈ laˇ-awˇ, caw ba nehˬ laꞈ-awˬ lehˇ shaˇ-euˬ meh.

Uˬ duˬ 26:41

Aꞈ yawꞈ maꞈ-euˬ aˬ poeˬ aˬ bawˇ deuˬ kʼoeˇ loꞈ-ehˇ mˇ-euˬ miˇ neh, ngaˬ neh aˬ yawꞈ maꞈ-ahˇ, muiˇ-eu deuˬ-euˬ miˇ kʼahˬ-ahˇ bi nyehꞈ gʼeh-euˬ gaˇ kawˆ, aˬ yawꞈ maꞈ ehˇ doˆ tehꞈ-a. Aˇ saˬ saˬ laˇ ngeh, naw maꞈ-euˬ zaˬ deuˬ uˆ deuˬ nui ma nahˬ yu ni taˬ-awˇ, aˬ yawꞈ maꞈ-euˬ iˬ baˇ aˇ poeˬ hawˇ-eu, ngaˬ-ahˇ puiˬ-euˬ aˇ poeˬ biꞈ tsoeˬ gʼaˬ ngeh,

Uˬ duˬ 26:30

Gawˬ jawˬ gawˬ duˇ kʼoeˇ taˆ jaˆ-eu naw maꞈ-euˬ uˬ duˬ tahˬ-eu jawˇ duˬ-ahˇ ngaˇ laˆ cawˆ-awˇ, yaw saw jeˬ doꞈ-awˇ damˬ-eu lawˇ duˬ kʼawꞈ ngaˇ laˆ pyaˆ ma. Shiˇ taˬ-euˬ naw maꞈ-euˬ gʼawˇ mawˇ deuˬ-ahˇ, coˬ dzeh taˬ-euˬ tahˬ pahˬ aˬ ma mawˇ kawˇ deuˬ kʼoeˇ taˆ gahˬ daˆ-awˇ, naw maꞈ-ahˇ ngaˇ nui daˆ daˆ dui dui ma.

Uˬ duˬ 26:11

Muiˬ-eu shawˇ-eu Sehˬ gʼawˆ laꞈ kʼoeˇ, naw maꞈ nehˬ-ehˇ ngaˇ jawˇ-awˇ, naw maꞈ-ahˇ ngaˇ maˬ byehˇ dzeh.

Dawˬmehˬ 32:36

Yawꞈ-euˬ tsawˇ haˬ gʼaˬ juˬ-iˇ ngeh, Sahˬpaˬ Miˬyehˇ ka kʼoꞈ tehꞈ-a. Yawꞈ-ahˇ saˇ jaˇ ziꞈ luꞈ-eu deuˬ, caw ba nehˬ-eu gʼaˬ maˬ jawˇ ngeh, aˬ yawꞈ gʼawˬ shaˬ gaˬ nehˬ tehꞈ-a.

2 Laˬsaˬbaˬ 36:21

Miˬyehˇ gʼaˇ duˬ ngehˬ dah-eu Yeˬlaˬmiˇ-ahˇ gʼoe-awˇ, Sahˬpaˬ Miˬyehˇ neh ehˇ taˬ-euˬ dawˬ deuˬ kʼoeˇ loꞈ-ehˇ byah laˇ-euˬ meh. “Jawˇ nah maˬ tawˬ-euˬ miˇ kʼahˬ kʼoeˇ kʼahˬ, tsawˇ haˬ maˬ jawˇ-ehˇ ciˬ cuˇ ni jaˆ-eu laꞈ kʼoeˇ, shiꞈ tseˇ kʼoꞈ jawˇ nah tawˬ-awˇ gʼaˬ naˬ ya naˬ dehˆ tehꞈ-a” lehˇ ehˇ taˬ-euˬ meh.