Uˬ duˬ 26:4 - Akha

⁴ dzaˬ la gʼo cehˇ deuˬ bi muiˬ laˇ-awˇ, aˇ siˬ aˇ bawˇ deuˬ aˇ siˬ bi siˬ laˇ-eu gʼaˇ duˬ, aˇ yamˬ tsaˬ tsaˬ ni uˬ yehˇ bi yehˇ le ma.

Uˬ duˬ 26:4 Referans Kwoze

Zaˬkaˬliˇ 8:12

Aˬ yawꞈ maꞈ nui saˇ oꞈ-eu laꞈ kʼoeˇ siˬ yoeˬ ya sehˬ dzaˬ tehꞈ-a. Aˬ yawꞈ maꞈ-euˬ aˬ gaꞈ baw duˆ aˇ siˬ siˬ le-awˇ, dzaˬ la gʼo cehˇ za le-eu uˬ taꞈ, uˬ yehˇ jaˆ tehꞈ-a. Ngaˬ-euˬ miˇ kʼahˬ heu laꞈ kʼoeˇ kʼaˇ dzeˇ-eu tsawˇ haˬ deuˬ-ahˇ, guiˬ lahˬ kʼoeˇ deuˬ dawˬ tawˆ luꞈ ngaˇ biꞈ ma.

Jaceuq 67:6

Miˇ tsaˬ neh dzaˬ la gʼo cehˇ bi keuˆ le-euˬ meh. Aˬ dui-euˬ Miˬyehˇ pyeuꞈ-eu Miˬyehˇ, aˬ dui-ahˇ guiˬ lahˬ biꞈ laꞈ-euˬ meh.

Yeˬsaˬgeˬlaˇ 36:30

Aˬ cawˬ tsawˇ jeuˬ heu myaˆ ni gʼeh-eu mehˬ shi, naw maꞈ hawˬ mehꞈ shaˬ-awˇ daˬ maˬ ya ga ni, naw maꞈ-euˬ aˇ siˬ aˇ bawˇ deuˬ aˇ siˬ bi sahˇ le-awˇ, naw maꞈ-euˬ deh yaˇ deuˬ dzaˬ la gʼo cehˇ bi za le ma.

Iˇsaˬyaˇ 30:23

Naw maꞈ neh siˬ yoeˬ kʼaˇ sehˬ-euˬ gaˇ, Sahˬpaˬ Miˬyehˇ uˬ yehˇ bi yehˇ le-awˇ, bi dehꞈ muiˬ laˇ-eu laꞈ kʼoeˇ, dzaˬ la gʼo cehˇ za dui dui le-eu uˬ taꞈ, naw maꞈ-euˬ mawˇ nyoˬ jeˬ kaˇ deuˬ gʼaˇ duˬ, jeˬ zaˬ gaˆ kʼahˬ jeˇ dui dui tehꞈ-a.

Yawˇbaˆ 5:10

Miˇ tsaˬ kʼoeˇ taˆ uˬ yehˇ biꞈ-awˇ, deh yaˇ-ahˇ iˇ cuꞈ shehˬ-eu meh.

Dawˬmehˬ 28:12

Tsawˇ jeuˬ gʼawˬ mya jeuˬ nawˬ-ahˇ ya shaˇ ngaˬ ya shaˇ paˇ laˇ kʼawꞈ, aˬ cawˬ tsawˇ jeuˬ-ahˇ nawˇ ya shaˇ paˇ-iˇ gaˇ maˬ bi keuˆ ni, mˬ kʼoeˇ taˆ guiˬ lahˬ yaw dzahˇ laˇ gʼoˆ aˬ yawꞈ pah-awˇ, aˇ yamˬ tsaˬ tsaˬ ni uˬ yehˇ bi yehˇ le-awˇ, nawˇ kʼaˇ mˇ kʼaˇ shaˇ-eu jeˬ laꞈ kʼoeˇ aˬ yawꞈ nawˬ-ahˇ guiˬ lahˬ biꞈ nehˬ laꞈ tehꞈ-a.

Dawˬmehˬ 11:14

Naw maꞈ kʼoeˇ loꞈ-ehˇ mˇ naˇ, dzaˬ la gʼo cehˇ, aˬ gaꞈ dzaˇ uiˇ hawˇ-eu, saˬ loˬ tsiˇ za le ni, yehˇ gʼahˇ ahˇ dahˬ beh ngeh maˬ ehˇ, yehˇ gʼahˇ jiˇ le ngeh maˬ ehˇ, kʼaˇ loˬ-eu loꞈ-ehˇ, miˇ kʼahˬ kʼoeˇ kʼahˬ laꞈ kʼoeˇ uˬ yehˇ bi yehˇ le tehꞈ-a.

Uˬ duˬ 25:21

Koꞈ kʼoꞈ tiˬ kʼoꞈ laꞈ kʼoeˇ, miˇ tsaˬ-ahˇ Sahˬpaˬ Miˬyehˇ guiˬ lahˬ biꞈ-awˇ, nyiˬ kʼoꞈ dzaˬ loꞈ-eu dzaˬ la gʼo cehˇ bi za le tehꞈ-a.

Gʼaˬkʼehˇ 14:17

Ehˇ kʼawꞈ, aˬ yawꞈ neh mˇ-euˬ yaw muiˬ jeˬ laꞈ kʼoeˇ, aˬ yawꞈ dehꞈ luꞈ jawˇ luꞈ-eu gaˇ kawˆ aˬ myah luꞈ bi siˬ bi mawˇ-euˬ meh. Aˬ yawꞈ naw maꞈ-ahˇ mˬ kʼoeˇ taˆ neh uˬ yehˇ bi yehˇ le-awˇ, aˇ yamˬ tsaˬ ngeh dzaˬ la gʼo cehˇ bi keuˆ le-euˬ meh. Naw maꞈ-ahˇ dzaˬ dzaˬ dawˇ dawˇ biꞈ-awˇ, naw maꞈ-euˬ nui ma laꞈ kʼoeˇ laˬ kʼaˬ cehˇ-eu jeˬ bi byah laˇ-euˬ meh.”

Maꞈtehˬ 5:45

Kʼoeˇ loꞈ-ehˇ jahˇ naˇ, naw maꞈ-aˬ, mˬ kʼoeˇ taˆ jawˇ-eu naw maꞈ-euˬ Aˬ da-euˬ zaˬ pyeuꞈ laˇ tehꞈ-a. Aˬ jeˬ miˇ neh ehˇ naˇ, aˬ yawꞈ-aˬ, tsawˇ muiˬ tsawˇ doeˇ maˬ tseˇ ni, dawˬ tawˆ luꞈ kʼoeˇ taˆ aˬ yawꞈ-euˬ nahˇ ma bi doˆ laˇ-awˇ, yaw tsaˬ yaw dawˇ tsawˇ haˬ hawˇ-eu maˬ tsaˬ maˬ dawˇ-eu tsawˇ haˬ maˬ tseˇ paˆ ni, dawˬ tawˆ luꞈ kʼoeˇ taˆ uˬ yehˇ bi yehˇ le-eu meh.

Jaceuq 85:12

Muiˬ-eu guiˬ lahˬ yaw dzahˇ deuˬ Sahˬpaˬ Miˬyehˇ biꞈ leꞈ-awˇ, aˬ dui-euˬ miˇ kʼahˬ baw le za le tehꞈ-a.

Jaceuq 68:9

Nawˇ uˬ yehˇ yehˇ ma bi ma le-awˇ, koˆ kaˆ ni gʼeh-eu nawˬ-euˬ miˇ tsaˬ bi jmˬ laˇ-eu meh.

Panmaeq 11:6

Aˬ yawꞈ nyaꞈ Miˬyehˇ dawˬ kawˬ mehˬ luꞈ-eu aˇ yamˬ laꞈ kʼoeˇ, mˬ-ahˇ piˬ tehˬ taˬ nya-eu baoˬ, aˬ yawꞈ nyaꞈ-euˬ aˬ laꞈ laꞈ kʼoeˇ jaˆ-eu meh. Lawˇ gawˆ iˇ cuꞈ-ahˇ shiˬ bi pyeuꞈ-iˇ nya-eu baoˬ kʼawꞈ jaˆ-eu meh. Miˇ tsaˬ heu kʼoeˇ taˆ kʼawꞈ, aˬ yawꞈ nyaꞈ kʼaˇ bi keuˆ le mawꞈ-eu shaˬ zahˬ naˇ gawˇ gawˇ ma bi keuˆ le nya-eu baoˬ jaˆ-eu meh.

Yaˬkoˆ 5:7

Aˬ yuiꞈ aˬ nyiˇ Ka li zaˬ deuˬ-oˇ, Sahˬpaˬ Yeˬsuˇ zaꞈ le ngeh keuˆ ni oˇ oˇ-ehˇ jawˇ-awˬ. Deh ma mˇ-eu tsawˇ haˬ tiˬ gʼaˬ aˇ poeˬ kʼaˆ dui dui-eu cehˇ deuˬ keuˆ le ngeh keuˆ ni, aˬ yawꞈ-euˬ deh ma-ahˇ aˬ joˆ-ehˇ dawˬ-eu gaˇ kawˆ shaˇ sawˇ-awˬ. Yehˇ gʼahˇ ahˇ dahˬ beh le ngeh neh yehˇ gʼahˇ jiˇ le ngeh keuˆ ni oˇ oˇ-ehˇ dawˬ-eu meh.

Yeˬlaˬmiˇ 14:22

Aˬ cawˬ tsawˇ jeuˬ-euˬ tahˬ pahˬ aˬ ma mawˇ kawˇ deuˬ, uˬ yehˇ maˬ bi yehˇ le nya-a. Uˬ yehˇ ga doˆ le ni mˬ kʼawꞈ maˬ gʼeh nya-a. Nga maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-oˇ, kʼoeˇ deuˬ dawˬ tawˆ luꞈ-ahˇ nawˇ mˇ nya-eu miˇ neh, nawˬ-ahˇ nga maꞈ noeˬ tmˬ-eu ma.

Iˇsaˬyaˇ 5:6

Yaˇ kmˇ kʼoeˇ ngaˇ maˬ laˆ saˆ nehˬ ni byehˇ tsehˆ-awˇ, yaˇ moꞈ bi uˆ byoˆ ma. kʼoeˇ gaˇ uˬ yehˇ taˬ yehˇ shehˬ lehˇ, mˬ dmˇ-ahˇ ngaˇ dawˬ biꞈ ma.”

Jaceuq 104:13

Mˬ-ahˇ neh gawˬ jawˬ kʼoeˇ taˆ nawˇ uˬ yehˇ bi yehˇ le-awˇ, nawˬ-euˬ guiˬ lahˬ yaw dzahˇ miˇ tsaˬ kʼoeˇ taˆ byah luꞈ meh.

1 Sahˬpaˬ 17:1

Giˇlaˆ miˇ kʼahˬ Tiˇshaˬbeˬ meuˬ-ahˇ jawˇ-eu Eˇliˇyaˆ lehˇ myahˇ-euˬ Miˬyehˇ gʼaˇ duˬ ngehˬ dah-eu gʼaˬ neh, sahˬ paˬ Aˬhaˆ-ahˇ heu loꞈ-ehˇ ehˇ nehˬ-euˬ meh. “Ngaˇ dawˬ maˬ ngehˬ maˬ tmˇ kʼoeˇ keuˆ ni, smˇ kʼoꞈ byah ni ceuˬ maˬ ga le, uˬ yehˇ maˬ yehˇ le ni jaˆ tehꞈ-a lehˇ, ngaˇ uˬ duˬ tahˬ luꞈ-eu Iˇsaˬleˬlaˆ-euˬ Dehꞈ luꞈ-eu Miˬyehˇ pyeuꞈ-eu Sahˬpaˬ Miˬyehˇ-euˬ tsawˇ myahˇ uˬ moˆ, nawˬ-ahˇ ngaˇ ehˇ-eu ma.”

Uˬ duˬ 25:19

Naw maꞈ loˬ-eu dzaˬ la gʼo cehˇ deuˬ, miˇ kʼahˬ kʼoeˇ kʼahˬ naw maꞈ-ahˇ bi za le-awˇ, yaw muiˬ paˬ-ehˇ ya dehꞈ ya jawˇ tehꞈ-a.

Dawˬmehˬ 11:13

“Kʼoeˇ miˇ neh, iˬ nah ngaˇ naw maꞈ-ahˇ biꞈ-euˬ zahˇ dawˬ kʼoꞈ dawˬ deuˬ-ahˇ naˇ haˬ geuꞈ-awˬ. Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ gaˬ-awˇ, naw maꞈ-euˬ nui ma dawˬ tawˆ luꞈ aˬ yawꞈ-euˬ gaˇ mˇ-awˬ.

Jaceuq 67:7

Miˬyehˇ aˬ dui-ahˇ guiˬ lahˬ biꞈ laꞈ-euˬ meh. Miˇ tsaˬ kʼoeˇ taˆ kʼaˇ jawˇ-eu tsawˇ haˬ dawˬ tawˆ luꞈ, aˬ yawꞈ-ahˇ taˬ huiˬ taˬ mahˇ luꞈ-uˇ.

Jaceuq 85:13

Yaw tsaˬ yaw dawˇ jeˬ Sahˬpaˬ Miˬyehˇ-euˬ mehˬ hu oe-awˇ, aˬ yawꞈ oe-eu gaˇ ma laˆ saˆ nehˬ le tehꞈ-a.

Yawˇlaˆ 2:22

Jeˬ zaˬ deuˬ-oˇ naw maꞈ taˬ guˆ. Gaˆ kʼahˬ nyoeˇ jawꞈ ni jaˆ luꞈ-awˇ, aˇ bawˇ aˇ siˬ sahˇ dui dui-awˇ, siˬ guˬ aˇ siˬ hawˇ-eu aˬ gaꞈ, maˬ dzaˬ jiˇ coeˇ ni jaˆ luꞈ meh.