Uˬ duˬ 23:4 - Akha

⁴ Aˇ nah kʼoeˇ nah-ahˇ, naw maꞈ gaˇ maˬ mˇ ni, tiˬ gaˇ uiˬ leˇ-awˇ uˬ duˬ ya tahˬ meh. Naw maꞈ aˬ geu gaˇ jawˇ-eu maˬ kaˬ, jawˇ nah ngeh nah-aˬ, Sahˬpaˬ Miˬyehˇ-euˬ aˇ nah pyeuꞈ-eu meh. Aˇ yamˬ tsaˬ laˇ ngeh, bawˬ-iˬ heu deuˬ gaˇ kawˆ naw maꞈ guˇ-awˇ bi siˬ bi gaˬ-awˬ.

Uˬ duˬ 23:4 Referans Kwoze

Uˬ duˬ 23:2

Iˇsaˬleˬlaˆ tsawˇ haˬ deuˬ-ahˇ heu loꞈ-ehˇ ehˇ nehˬ-awˬ. Heu-aˬ, Sahˬpaˬ Miˬyehˇ neh tseˇ doˆ taˬ-euˬ uˬ duˬ tahˬ-eu zahˇ-ahˇ taꞈ leˇ-eu bawˬ-iˬ gʼeh-eu zahˇ sahˇ kʼoꞈ deuˬ meh. Heu deuˬ-ahˇ naw maꞈ ya caw teh meh.

Doˆ-iˇ 23:14

“Ngaˬ-ahˇ taˬ huiˬ taˬ mahˇ-eu laꞈ kʼoeˇ, tiˬ kʼoꞈ laꞈ kʼoeˇ, huiˬ-eu bawˬ-iˬ smˇ bawˬ-iˬ naw maˬ ya gʼeh meh.

Uˬ duˬ 23:37

(Heu deuˬ-aˬ, zahˇ sahˇ kʼoꞈ-ahˇ taꞈ leˇ-eu bawˬ-iˬ deuˬ pyeuꞈ-eu meh. Bawˬ-iˬ heu deuˬ jahˇ ngeh, Sahˬpaˬ Miˬyehˇ-ahˇ naw maꞈ taˬ huiˬ taˬ mahˇ-eu laꞈ kʼoeˇ, tiˬ kawˆ loꞈ-ehˇ uiˬ leˇ-awˇ uˬ duˬ ya tahˬ meh. Dzaˬ dzaˬ dawˇ dawˇ lawˇ-eu, miˬ dzaˬ dzah puiˆ-awˇ lawˇ-eu, dzaˬ la gʼo cehˇ lawˇ-eu, nui jeˬ lawˇ-eu hawˇ-eu, aˬ gaꞈ dzaˇ uiˇ lawˇ-eu heu deuˬ-ahˇ, aˬ yawꞈ nah yawꞈ loˬ-eu loꞈ-ehˇ, naw maꞈ ya lawˇ meh.

Doˆ-iˇ 12:14

Aˇ nah heu nah-ahˇ, Sahˬpaˬ Miˬyehˇ pyeuꞈ-eu ngaˇ mˇ-eu gaˇ-ahˇ noeˬ keuˆ-awˇ, lah-eu daw-eu laꞈ kʼoeˇ, ngaˬ-ahˇ uˬ duˬ tahˬ-eu jeˬ-ahˇ taꞈ leˇ-eu bawˬ-iˬ naw maꞈ ya gʼeh tehꞈ-a. Tiˬ ziˇ saˇ-iˬ tiˬ ziˇ, bawˬ-iˬ heu hmˬ naw maꞈ ya jahˇ daˆ leꞈ meh.”

Uˬ duˬ 23:21

Aˇ nah kʼoeˇ nah-ahˇ gaˇ maˬ mˇ ni, tiˬ gaˇ uiˬ leˇ-awˇ uˬ duˬ ya tahˬ meh. Mehˬ hu paw dehꞈ daˆ leꞈ-eu aˇ yamˬ laꞈ kʼoeˇ, naw maꞈ-euˬ zaˬ deuˬ uˆ deuˬ aˬ geu gaˇ jawˇ keuˆ-euˬ maˬ kaˬ, zahˇ sahˇ kʼoꞈ heu hmˬ-ahˇ aˬ yawꞈ maꞈ aˬ myah luꞈ ya caw teh meh.

Neˬhaˬmiˇ 8:15

Kʼoeˇ miˇ neh, zahˇ dawˬ kʼoꞈ dawˬ laꞈ kʼoeˇ ehˇ taˬ-euˬ loꞈ-ehˇ sehˬ gʼawˆ gʼawˆ-eu gʼaˇ duˬ, gawˬ jawˬ-ahˇ daˆ leˇ-awˇ miˬ shuˬ uˬ laꞈ, saˬ loˬ aˇ bawˇ uˬ laꞈ, meuˬ laˬ tuˇ uˬ laꞈ hawˇ-eu daoˇ uˬ laꞈ deuˬ deuˆ laˬ leˇ-awˬ lehˇ, Yeˬluˇsaˬlehˬ meuˬ hawˇ-eu meuˬ yawˬ meuˬ na luꞈ doe ni bi tsaꞈ gaˬ-iˇ-euˬ meh.

Yeˬsaˬgeˬlaˇ 44:24

Dawˬ ja kʼaˇ laˆ doˆ ngeh, ngaˬ-euˬ zahˇ dawˬ kʼoꞈ dawˬ-ahˇ tsaˬ ni piˇ ma deuˬ yaˇ kʼaˬ ya daˇ nehˬ meh. Ngaˬ-euˬ zahˇ sahˇ kʼoꞈ-ahˇ tsaˬ ni, uˬ duˬ tahˬ-eu zahˇ sahˇ kʼoꞈ-ahˇ taꞈ-eu bawˬ-iˬ deuˬ aˬ yawꞈ maꞈ ya gʼeh-awˇ, jawˇ nah ngeh nah muiˬ-eu shawˇ-eu aˇ nah pyeuꞈ ni aˬ yawꞈ maꞈ ya jeˬ hmˬ meh.

Naˬhmˬ 1:15

Gawˬ jawˬ uˬ du oe ka luꞈ-eu, laˬ kʼaˬ cehˇ-eu dawˬ tsaꞈ le-euˬ, dawˬ dzawˇ mˇ-eu gʼaˬ-ahˇ haw yawˬ. Gʼaˬ leˇ-euˬ gaˇ kawˆ dzawˇ-eu lehˇ, aˬ yawꞈ oe ka luꞈ gaˇ haw yawˬ. Yuˇdaˆ miˇ kʼahˬ-oˇ, bawˬ-iˬ gʼeh-awˬ. Naw maꞈ saˇ jaˇ dzaˬ taˬ-euˬ jeˬ, Miˬyehˇ-ahˇ paˇ mˇ kʼoꞈ nehˬ-awˬ. Naw maꞈ-ahˇ muiˇ-eu haiˬ-eu deuˬ, naw maꞈ-ahˇ guiˇ maˬ deuˆ nya ni, laˆ piˬ laˆ byoˆ jiˇ nehˬ-euˬ meh.

Iˇsaˬyaˇ 29:1

Miˬyehˇ-euˬ lawˇ duˬ Yeˬluˇsaˬlehˬ meuˬ, guiˬ lahˬ doeˇ tehꞈ-a. Daˬbiˇ neh sehˬ gʼawˆ gʼawˆ-euˬ meuˬ, guiˬ lahˬ doeˇ tehꞈ-a. Tiˬ kʼoꞈ nyiˬ kʼoꞈ ehˇ gʼaˬ ni bi jaˆ-awˇ, zahˇ sahˇ kʼoꞈ bawˬ-iˬ bi gʼeh lawˬ siˬ.