Uˬ duˬ 23:2 - Akha

² Iˇsaˬleˬlaˆ tsawˇ haˬ deuˬ-ahˇ heu loꞈ-ehˇ ehˇ nehˬ-awˬ. Heu-aˬ, Sahˬpaˬ Miˬyehˇ neh tseˇ doˆ taˬ-euˬ uˬ duˬ tahˬ-eu zahˇ-ahˇ taꞈ leˇ-eu bawˬ-iˬ gʼeh-eu zahˇ sahˇ kʼoꞈ deuˬ meh. Heu deuˬ-ahˇ naw maꞈ ya caw teh meh.

Uˬ duˬ 23:2 Referans Kwoze

Uˬ duˬ 23:37

(Heu deuˬ-aˬ, zahˇ sahˇ kʼoꞈ-ahˇ taꞈ leˇ-eu bawˬ-iˬ deuˬ pyeuꞈ-eu meh. Bawˬ-iˬ heu deuˬ jahˇ ngeh, Sahˬpaˬ Miˬyehˇ-ahˇ naw maꞈ taˬ huiˬ taˬ mahˇ-eu laꞈ kʼoeˇ, tiˬ kawˆ loꞈ-ehˇ uiˬ leˇ-awˇ uˬ duˬ ya tahˬ meh. Dzaˬ dzaˬ dawˇ dawˇ lawˇ-eu, miˬ dzaˬ dzah puiˆ-awˇ lawˇ-eu, dzaˬ la gʼo cehˇ lawˇ-eu, nui jeˬ lawˇ-eu hawˇ-eu, aˬ gaꞈ dzaˇ uiˇ lawˇ-eu heu deuˬ-ahˇ, aˬ yawꞈ nah yawꞈ loˬ-eu loꞈ-ehˇ, naw maꞈ ya lawˇ meh.

Uˬ duˬ 23:4

Aˇ nah kʼoeˇ nah-ahˇ, naw maꞈ gaˇ maˬ mˇ ni, tiˬ gaˇ uiˬ leˇ-awˇ uˬ duˬ ya tahˬ meh. Naw maꞈ aˬ geu gaˇ jawˇ-eu maˬ kaˬ, jawˇ nah ngeh nah-aˬ, Sahˬpaˬ Miˬyehˇ-euˬ aˇ nah pyeuꞈ-eu meh. Aˇ yamˬ tsaˬ laˇ ngeh, bawˬ-iˬ heu deuˬ gaˇ kawˆ naw maꞈ guˇ-awˇ bi siˬ bi gaˬ-awˬ.

Yawˇlaˆ 2:15

Ziˇoˬ gawˬ jawˬ uˬ du jawˇ-awˇ, daˇ heh teˇ saˇ baw gaˬ nehˬ-awˬ. Maˬ dzaˬ-eu zahˇ jahˇ-awˇ lah-awˇ, miˇ kʼahˬ zaˬ uiˬ laˇ ni kuˇ-awˬ.

Hawˇseˬ 2:11

Aˬ yawꞈ bawˬ-iˬ gʼeh-awˇ zahˇ tawˬ-eu, la shuiꞈ lah-awˇ, jawˇ nah tawˬ-eu, zahˇ sahˇ kʼoꞈ bawˬ-iˬ dawˬ tawˆ luꞈ-ahˇ, byoˆ-iˇ jiˇ ni ngaˇ jahˇ nehˬ ma.

Jaceuq 81:3

La shuiꞈ tsehˬ ngeh hawˇ-eu la loˆ loˆ ngeh, daˇ heh baw-awˇ bawˬ-iˬ gʼeh-awˬ.

Bawˇtsahˬ 29:39

Heu-aˬ, bawˬ-iˬ gʼeh-eu aˇ yamˬ tsaˬ laˇ ngeh Sahˬpaˬ Miˬyehˇ-ahˇ naw maꞈ ya lawˇ-eu miˬ dzaˬ dzah puiˆ-awˇ lawˇ-eu jeˬ, dzaˬ la gʼo cehˇ lawˇ-eu jeˬ, aˬ gaꞈ dzaˇ uiˇ lawˇ-eu jeˬ hawˇ-eu, cawˬ cawˬ taꞈ-eu lawˇ-eu jeˬ heu deuˬ-ahˇ taꞈ leˇ-eu zahˇ sahˇ kʼoꞈ deuˬ pyeuꞈ-eu meh. Heu-aˬ, saˇ jaˇ dzaˬ ngeh lawˇ-eu jeˬ uˬ taꞈ, naw maꞈ ya lawˇ-eu lawˇ-eu jeˬ pyeuꞈ-eu meh lehˇ Moˇseˬ-ahˇ Sahˬpaˬ Miˬyehˇ dawˬ biꞈ nehˬ-euˬ meh.

Bawˇtsahˬ 10:10

La loˆ la tsehˆ lah-eu Bawˬ-iˬ hawˇ-eu zahˇ sahˇ kʼoꞈ-ahˇ taꞈ-eu bawˬ-iˬ nui deuˬ gʼeh-eu byawˬ-eu aˇ yamˬ laꞈ kʼoeˇ, miˬ dzaˬ dzah puiˆ-awˇ lawˇ-eu jeˬ hawˇ-eu cawˬ cawˬ taꞈ-eu lawˇ-eu jeˬ naw maꞈ lawˇ ngeh, daˇ heh ya baw meh. Kʼoeˇ-aˬ, naw maꞈ-euˬ Miˬyehˇ mehˬ shi naw maꞈ-ahˇ bi noeˬ mawˇ-eu jeˬ pyeuꞈ-eu meh.”

Yoˇhaˬ 5:1

Kʼoeˇ naˇ, Yeˬluˇsaˬlehˬ meuˬ-ahˇ Yuˇdaˆ tsawˇ haˬ-euˬ zahˇ sahˇ kʼoꞈ bawˬ-iˬ gʼeh gaˇ Yeˬsuˇ le-euˬ meh.

Naˬhmˬ 1:15

Gawˬ jawˬ uˬ du oe ka luꞈ-eu, laˬ kʼaˬ cehˇ-eu dawˬ tsaꞈ le-euˬ, dawˬ dzawˇ mˇ-eu gʼaˬ-ahˇ haw yawˬ. Gʼaˬ leˇ-euˬ gaˇ kawˆ dzawˇ-eu lehˇ, aˬ yawꞈ oe ka luꞈ gaˇ haw yawˬ. Yuˇdaˆ miˇ kʼahˬ-oˇ, bawˬ-iˬ gʼeh-awˬ. Naw maꞈ saˇ jaˇ dzaˬ taˬ-euˬ jeˬ, Miˬyehˇ-ahˇ paˇ mˇ kʼoꞈ nehˬ-awˬ. Naw maꞈ-ahˇ muiˇ-eu haiˬ-eu deuˬ, naw maꞈ-ahˇ guiˇ maˬ deuˆ nya ni, laˆ piˬ laˆ byoˆ jiˇ nehˬ-euˬ meh.

Yawˇlaˆ 1:14

Maˬ dzaˬ-eu zahˇ jahˇ-awˇ lah-awˬ. Tsawˇ haˬ aˇ maꞈ kuˇ uiˬ jiˇ-awˬ. Aˬ yuiꞈ aˬ tsu, tsawˇ mawˬ tsawˇ kʼaˆ, miˇ kʼahˬ zaˬ yawˬ gʼaˬ yawˬ na luꞈ, Miˬyehˇ Sahˬpaˬ Miˬyehˇ jawˇ gaˇ, Uˬ duˬ tahˬ nymˇ-ahˇ uiˬ leˇ-awˇ, Sahˬpaˬ Miˬyehˇ-ahˇ ngoeˇ haw-awˬ.

Ngoeˇ dawˬ 1:4

Zahˇ sahˇ kʼoꞈ bawˬ-iˬ gʼeh yamˬ tsaˬ kʼawꞈ, tiˬ gʼaˬ-iˬ maˬ laˇ-eu miˇ neh, Ziˇoˬ gaˇ ma ngoeˇ luꞈ-eu meh. Yawꞈ-euˬ lahˇ kʼehˬ ciˬ cuˇ jaˆ-awˇ, piˇ ma deuˬ noeˬ shaˬ-eu toˇ-awˇ, dawˬ caˇ zaˬ miˬ nui noeˬ shaˬ-awˇ, shaˬ zahˬ naꞈ dui dui luꞈ-eu meh.

Iˇsaˬyaˇ 33:20

Aˬ dui uˬ duˬ tahˬ-eu zahˇ sahˇ kʼoꞈ bawˬ-iˬ gʼeh-euˬ, Ziˇoˬ meuˬ-ahˇ haw sheˇ. Yeˬluˇsaˬlehˬ meuˬ-ahˇ haw gʼeh-iˬ sheˇ. Aˇ naˆ ni nui saˇ oꞈ-eu jawˇ duˬ pyeuꞈ-eu nga. Daˇtaꞈ tiˬ jawˇ-iˬ maˬ gʼeu lehˆ doˆ-ehˇ, aˇ caˆ tsehˆ-iˇ-euˬ maˬ baw-eu, jawˇ zaˇ maˬ paˇ-eu sehˬ gʼawˆ-ahˇ duˇ leˇ-eu meh.

2 Laˬsaˬbaˬ 30:5

Kʼoeˇ miˇ neh, laꞈ taˆ paw pyawˬ-ahˇ jaˆ-eu Daˬ meuˬ-ahˇ neh laꞈ oˆ paw pyawˬ-ahˇ jaˆ-eu Beˬlaˇsheˬba meuˬ-ahˇ keuˆ ni kʼaˇ jawˇ-eu Iˇsaˬleˬlaˆ tsawˇ haˬ dawˬ tawˆ luꞈ-ahˇ, zahˇ dawˬ kʼoꞈ dawˬ jaˆ taˬ-euˬ loꞈ-ehˇ Baˬsaˬkaˬ bawˬ-iˬ gʼeh-eu gʼaˇ duˬ, “Yeˬluˇsaˬlehˬ meuˬ-ahˇ aˬ myah myah uiˬ laˇ-euˬ myaˆ maˬ tseˇ laˇ uiˬ jiˇ-awˬ” lehˇ aˬ yawꞈ maꞈ kuˇ-euˬ meh.

2 Sahˬpaˬ 10:20

Kʼoeˇ naˇ, “Baˬlaˇ miˬ yehˇ-ahˇ taˬ huiˬ taˬ mahˇ-eu laꞈ kʼoeˇ uˬ duˬ ya tahˬ-eu aˇ nah meh lehˇ guˇ gaˬ-awˬ” lehˇ Yeˬhuˇ dawˬ biꞈ ngeh, aˬ yawꞈ maꞈ guˇ-euˬ meh.

Uˬ duˬ 23:44

Kʼoeˇ loꞈ-ehˇ, Sahˬpaˬ Miˬyehˇ-ahˇ taˬ huiˬ-eu bawˬ-iˬ deuˬ-ahˇ taꞈ leˇ-eu zahˇ sahˇ kʼoꞈ deuˬ, Iˇsaˬleˬlaˆ tsawˇ haˬ deuˬ-ahˇ Moˇseˬ biꞈ nehˬ-euˬ meh.

Uˬ duˬ 23:21

Aˇ nah kʼoeˇ nah-ahˇ gaˇ maˬ mˇ ni, tiˬ gaˇ uiˬ leˇ-awˇ uˬ duˬ ya tahˬ meh. Mehˬ hu paw dehꞈ daˆ leꞈ-eu aˇ yamˬ laꞈ kʼoeˇ, naw maꞈ-euˬ zaˬ deuˬ uˆ deuˬ aˬ geu gaˇ jawˇ keuˆ-euˬ maˬ kaˬ, zahˇ sahˇ kʼoꞈ heu hmˬ-ahˇ aˬ yawꞈ maꞈ aˬ myah luꞈ ya caw teh meh.

Doˆ-iˇ 32:5

Kʼoeˇ naˇ, shuiˇ mawˇ neˇ mawˇ kawˇ-euˬ mehˬ shi, lawˇ duˬ tiˬ hmˬ Aˬloˬ tsoˆ-awˇ, “Ni shawˬ nah Sahˬpaˬ Miˬyehˇ-ahˇ taˬ huiˬ taˬ mahˇ-eu bawˬ-iˬ gʼeh ma” lehˇ, Iˇsaˬleˬlaˆ tsawˇ haˬ deuˬ-ahˇ guˇ gaˬ nehˬ-euˬ meh.

Gawˇlawˇsehˇ 2:1

Naw maꞈ-euˬ gʼaˇ duˬ maˬ ehˇ, Lawˬdiˬciˆ meuˬ-ahˇ jawˇ-eu tsawˇ haˬ deuˬ gʼaˇ duˬ maˬ ehˇ, ngaˬ-ahˇ maˬ mawˇ haw-euˬ tsawˇ haˬ dawˬ tawˆ luꞈ gʼaˇ duˬ maˬ ehˇ, ngaˇ aˇ naˆ ni leh jeh-awˇ gaˇ mˇ luꞈ-eu gaˇ kawˆ naw maꞈ-ahˇ bi siˬ mawꞈ miˇ-a.

Gawˇlawˇsehˇ 2:16

Kʼoeˇ miˇ neh, naw maꞈ dzaˬ-eu dawˇ-eu gaˇ kawˆ maˬ ehˇ, nah lah lah-eu gaˇ kawˆ maˬ ehˇ, la loˆ la tsehˆ lah-eu gaˇ kawˆ maˬ ehˇ, Jawˇ nah tawˬ-eu gaˇ kawˆ maˬ ehˇ, tsawˇ haˬ tiˬ gʼaˬ neh-iˬ naw maꞈ gʼaˇ duˬ zahˇ sahˇ kʼoꞈ taˬ bi taˬ.

Uˬ duˬ 23:1

Moˇseˬ-ahˇ Sahˬpaˬ Miˬyehˇ heu loꞈ-ehˇ dawˬ biꞈ nehˬ-euˬ meh.

1 Laˬsaˬbaˬ 23:31

jawˇ nah ngeh nah maˬ ehˇ, laˆ loˆ lah-eu bawˬ-iˬ gʼeh ngeh hawˇ-eu bawˬ-iˬ nui deuˬ gʼeh ngeh maˬ ehˇ, miˬ dzaˬ-ahˇ dzah puiˆ-awˇ lawˇ-eu jeˬ Sahˬpaˬ Miˬyehˇ-ahˇ kʼaˇ lawˇ nehˬ ngeh, aˬ yawꞈ-ahˇ ja ceuˬ-awˇ ciˬ huiˬ ciˬ mahˇ nehˬ-eu gaˇ-aˬ, aˬ yawꞈ maꞈ ya mˇ-eu gaˇ deuˬ pyeuꞈ-eu meh. Sahˬpaˬ Miˬyehˇ-ahˇ aˇ yamˬ maˬ tseˇ ni aˬ myah luꞈ uˬ duˬ tahˬ-eu gʼaˇ duˬ, Leˬbiˇ tsawˇ haˬ deuˬ-ahˇ gaˇ biꞈ taˬ-euˬ meh.

Yeˬsaˬgeˬlaˇ 44:24

Dawˬ ja kʼaˇ laˆ doˆ ngeh, ngaˬ-euˬ zahˇ dawˬ kʼoꞈ dawˬ-ahˇ tsaˬ ni piˇ ma deuˬ yaˇ kʼaˬ ya daˇ nehˬ meh. Ngaˬ-euˬ zahˇ sahˇ kʼoꞈ-ahˇ tsaˬ ni, uˬ duˬ tahˬ-eu zahˇ sahˇ kʼoꞈ-ahˇ taꞈ-eu bawˬ-iˬ deuˬ aˬ yawꞈ maꞈ ya gʼeh-awˇ, jawˇ nah ngeh nah muiˬ-eu shawˇ-eu aˇ nah pyeuꞈ ni aˬ yawꞈ maꞈ ya jeˬ hmˬ meh.

2 Laˬsaˬbaˬ 2:3

Duˇlu sahˬ paˬ Hiˇlamˬ-ahˇ, Sawˇlaˬmoˬ heu loꞈ-ehˇ dawˬ tsaꞈ tsaꞈ ahˇ nehˬ-euˬ meh. “Ngaˬ da Daˬbiˇ nehˬ-ehˇ nawˇ jeˬ gaꞈ taꞈ-awˇ, aˬ yawꞈ jawˇ-eu sahˬ paˬ-euˬ hawˇ nymˇ tsoˆ ngeh nawˇ shuˬ liˇ daˇ kawˬ ahˬ nehˬ-euˬ loꞈ-ehˇ, ngaˬ-ahˇ kʼawꞈ ahˬ nehˬ laꞈ-awˬ.

Eˇzaˬlaˬ 3:5

Kʼoeˇ uˬ taꞈ, aˬ myah luꞈ ya lawˇ-eu mawˇ lah-ehˇ miˬ dzaˬ-ahˇ dzah puiˆ-awˇ lawˇ-eu jeˬ maˬ ehˇ, la shuiꞈ lah-eu bawˬ-iˬ gʼeh ngeh lawˇ-eu jeˬ maˬ ehˇ, Sahˬpaˬ Miˬyehˇ-ahˇ uˬ duˬ tahˬ-eu gʼaˇ duˬ uiˬ leˇ ngeh lawˇ-eu jeˬ maˬ ehˇ, nui ma keuˆ-eu laꞈ kʼoeˇ Sahˬpaˬ Miˬyehˇ-ahˇ lawˇ nehˬ-eu lawˇ-eu jeˬ maˬ ehˇ, aˬ yawꞈ maꞈ lawˇ-euˬ meh.