Uˬ duˬ 21:10 - Akha

¹⁰ “Tseˇ doˆ-euˬ deuˬ-ahˇ lehꞈ-eu tsiˇ uˬ duˬ-ahˇ shehˆ daˆ-awˇ lehꞈ nehˬ taˬ-euˬ uˬ taꞈ, piˇ ma-euˬ dm gʼaˬ dm lmˇ deuˬ bi dm-eu gʼaˇ duˬ, gʼawˇ mawˇ a nehˬ taˬ-euˬ Piˇ ma Yaw huiˬ gʼaˬ-aˬ, aˬ myah luꞈ uˬ duˬ tsehˇ kahˇ ya kaˆ juˇ taˬ meh. Yawˬ ha tsawˇ ngoeˇ ngoeˇ luꞈ-eu gaˇ kawˆ aˬ cawˬ bi siˬ-eu gʼaˇ duˬ, yawˬ ha-euˬ mehˬ tsoeˬ cehˬ pyaˬ-eu jeˬ maˬ ya jahˇ-a.

Uˬ duˬ 21:10 Referans Kwoze

Uˬ duˬ 16:32

Piˇ ma Yaw huiˬ gʼaˬ geuꞈ-eu geuˇ-eu baˬ da neh, aˬ yawꞈ aˬ da-euˬ gaˇ bi mˇ tsaꞈ gʼeh-eu gʼaˇ duˬ aˇ yaˬ biꞈ-awˇ a nehˬ taˬ-euˬ gʼaˬ-aˬ, bi muiˬ bi shawˇ laˇ-eu zahˇ ya jahˇ meh. Piˇ ma-euˬ dm gʼaˬ dm lmˇ deuˬ aˬ yawꞈ ya dm meh.

Maꞈtehˬ 26:65

Dawˬ kʼoeˇ dawˬ-ahˇ ya gaˬ ngeh, Piˇ ma Yaw huiˬ gʼaˬ yawˬ ha dm luꞈ-eu mehˬ tsoeˬ gʼeu pyaˬ-awˇ ehˇ-eu, “Tsawˇ haˬ heu gʼaˬ Miˬyehˇ-ahˇ yehˬ bawˬ sehˇ lu-ehˇ ehˇ-euˬ meh. Saˇ kiˇ yawˬ jeˬ yawˬ maˬ paˇ loˬ meh. Aˬ yawꞈ Miˬyehˇ-euˬ tsawˇ myahˇ-ahˇ yehˬ bawˬ sehˇ lu-ehˇ ehˇ-euˬ naw maꞈ ya gaˬ-euˬ meh.

Bawˇtsahˬ 35:25

Miˇ kʼahˬ zaˬ deuˬ-aˬ, aˬ cawˬ-ahˇ laˆ tahˬ-awˇ bi shiˇ-euˬ tsawˇ haˬ kʼoeˇ gʼaˬ-ahˇ, shiˇ dzeuˇ-euˬ gʼaˬ-euˬ aˬ yuiꞈ aˬ nyiˇ deuˬ-euˬ laꞈ-ahˇ neh ka kʼoꞈ-awˇ, buˬ-iˇ law-iˇ-eu meuˬ-ahˇ sheuˬ gʼeh nehˬ-awˇ ya bi buˬ-iˇ meh. Kʼoeˇ ngeh yamˬ-ahˇ Piˇ ma yaw huiˬ gʼaˬ geuꞈ luꞈ-eu gʼaˬ maˬ shiˇ kʼoeˇ keuˆ ni, tsawˇ haˬ kʼoeˇ gʼaˬ kʼoeˇ gaˇ ya jawˇ meh.

Uˬ duˬ 8:12

Tseˇ doˆ-euˬ deuˬ-ahˇ lehꞈ-eu tsiˇ kʼoeˇ ui cuiˆ yuˇ-awˇ, Aˬloˬ-euˬ uˬ duˬ-ahˇ shehˆ daˆ-awˇ, aˇ yaˬ biꞈ nehˬ-euˬ meh.

Jaceuq 133:2

Kʼoeˇ loꞈ-ehˇ dehꞈ taꞈ jawˇ taꞈ-eu jeˬ-aˬ, Aˬloˬ-euˬ uˬ duˬ-ahˇ neh mehˬ mahˬ-ahˇ yoeˇ ka le-awˇ, aˬ yawꞈ-euˬ pehˇ kʼahˬ lahˇ baˆ-ahˇ yoeˇ lehꞈ le-euˬ, aˇ poeˬ kʼaˆ-eu tsiˇ-ahˇ duˇ-eu meh.

Iˇsaˬtaˆ 6:12

Kʼoeˇ loꞈ-ehˇ cah gʼaˬ-awˇ, Haˬmaˬ gʼaˬ myaˆ pyawˬ dehˬ kaˬ-awˇ toˇ toˇ-ehˇ iˇ kahˇ-ahˇ yaw kawˇ-ehˇ gʼoꞈ-iˇ ngeh, Mawˬdaˬkehˇ gʼaˬ sahˬ paˬ-euˬ nymˇ gʼoˆ kʼehˬ-ahˇ gʼoꞈ leˇ-euˬ meh.

2 Saˬmeuˬlaˆ 15:30

Daˬbiˇ ngoeˇ ngoeˇ-ehˇ, Saˬloˬ gawˬ jawˬ-ahˇ daˆ leˇ leꞈ-euˬ meh. Aˬ yawꞈ noeˬ shaˬ dui dui-eu miˇ neh, sehˬ nawˆ maˬ nawˆ-eu uˬ taꞈ, uˬ duˬ dehˬ kaˬ taˬ-awˇ cah-euˬ meh. Aˬ yawꞈ-euˬ mehˬ nah cah-eu tsawˇ haˬ dawˬ tawˆ luꞈ kʼawꞈ, uˬ duˬ dehˬ kaˬ-awˇ ngoeˇ luꞈ-eu meh.

Uˬ duˬ 13:45

Nyawˬ naˇ-eu tsawˇ haˬ-aˬ, mehˬ tsoeˬ yaw pyaˬ ya dm-awˇ, uˬ duˬ tsehˇ kahˇ maˬ kaˆ juˇ ni, yawˬ ha-euˬ myaˆ pyawˬ laꞈ oˆ dzaˬ-ahˇ dehˬ kaˬ-awˇ, “Maˬ shawˇ de. Maˬ shawˇ de” lehˇ ya guˇ meh.

Aˇ dahˬ 37:34

Yaˬkoˆ-aˬ, noeˬ shaˬ dui dui-eu miˇ neh, aˬ yawꞈ dm luꞈ-eu mehˬ tsoeˬ cehˬ pyaˬ cehˬ shaˇ jiˇ-awˇ, noeˬ shaˬ ngeh dm-eu guˬ daˇ pehˇ zeuˇ mehˬ tsoeˬ dm-awˇ, aˇ yamˬ gʼawˬ myahˇ ni tsawˇ ngoeˇ ngoeˇ ngoeˇ-ehˇ jawˇ-euˬ meh.

Yawˇbaˆ 1:20

Kʼoeˇ ngeh, Yawˇbaˆ tsawˬ tuˇ laˇ-awˇ, noeˬ shaˬ dui dui-eu laꞈ kʼoeˇ mehˬ tsoeˬ cehˬ pyaˬ-euˬ meh. Aˬ yawꞈ uˬ jehˆ jehˆ dzeh-awˇ, miˇ tsaˬ-ahˇ moꞈ tsahˬ-ehˇ yuꞈ-euˬ meh.

Doˆ-iˇ 29:7

Kʼoeˇ naˇ, tseˇ doˆ-euˬ tsawˇ haˬ-ahˇ lehꞈ-eu tsiˇ yuˇ-awˇ, aˬ yawꞈ-euˬ uˬ duˬ-ahˇ shehˆ daˆ-awˇ, lehꞈ nehˬ-awˬ.

Yeˬsaˬgeˬlaˇ 24:17

Nawˇ ngoeˇ-eu teˇ saˇ ngaˬ-ahˇ taˬ bi gaˬ laˇ. Nawˇ shaˬ zahˬ mˇ-eu bi siˬ bi mawˇ-eu gʼaˇ duˬ, uˬ jehˆ jehˆ-awˇ sehˬ nawˆ maˬ nawˬ-ehˇ taˬ cah haw. Nawˬ-euˬ myaˆ pyawˬ taˬ dehˬ kaˬ. Tsawˇ ngoeˇ ngoeˇ-eu deuˬ dzaˬ-eu dzaˇ taˬ dzaˬ.”

Uˬ duˬ 4:3

Piˇ ma yaw huiˬ gʼaˬ iˬ baˇ mˇ-awˇ, Iˇsaˬleˬlaˆ tsawˇ haˬ deuˬ kʼoeˇ taˆ iˬ baˇ keuˆ le naˇ, maˇ byawꞈ maˬ baw-eu mawˇ neˇ mawˇ gaw zaˬ tiˬ mawˇ aˬ yawꞈ tsahˇ laꞈ-awˇ, aˬ yawꞈ-euˬ iˬ baˇ gʼaˇ duˬ, Sahˬpaˬ Miˬyehˇ-ahˇ ya lawˇ meh.

Bawˇtsahˬ 6:7

Aˬ yawꞈ-euˬ aˬ da, aˬ ma, mehˇ nmˇ hawˇ-eu dmˇ ma tsi tsi ni gʼeh-eu deuˬ shiˇ-euˬ gaˇ kʼawꞈ, maˬ ya iˇ-a. Kʼoeˇ loꞈ-ehˇ gʼeh gaˇ iˇ naˇ, yawˬ haˇ yawˬ ha maˬ shawˇ-ehˇ pyeuꞈ-iˇ ni mˇ gaˇ duˇ-eu meh. Aˬ jeˬ miˇ neh ehˇ naˇ, aˬ yawꞈ-euˬ uˬ duˬ tsehˇ kahˇ-aˬ, aˬ yawꞈ-euˬ gʼawˇ mawˇ Miˬyehˇ-ahˇ a nehˬ taˬ-euˬ gaˇ kawˆ bi siˬ bi mawˇ-eu jeˬ pyeuꞈ-eu meh.