Uˬ duˬ 2:12 - Akha

¹² Aˬ yawꞈ kʼoꞈ yawꞈ, keuˆ beh beh le-euˬ aˇ siˬ aˇ lu deuˬ, Sahˬpaˬ Miˬyehˇ-ahˇ naw maꞈ ya lawˇ nehˬ meh. Ehˇ kʼawꞈ, lawˇ duˬ kʼoeˇ taˆ dzah puiˆ-awˇ maˬ ya lawˇ-a.

Uˬ duˬ 2:12 Referans Kwoze

Doˆ-iˇ 23:19

“Aˬ yawˬ kʼoꞈ yawꞈ, naw maꞈ neh mˇ za-euˬ keuˆ beh beh le-euˬ dzaˬ la gʼo cehˇ hawˇ-eu aˇ siˬ aˇ lu deuˬ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-euˬ nymˇ-ahˇ ya yuˇ laꞈ meh. “Yawˇ zaˬ maˬ ehˇ, ciꞈ myehꞈ ciꞈ zaˬ maˬ ehˇ, aˬ ma-euˬ aˬ coeˇ dzaˇ uiˇ nehˬ-ehˇ maˬ ya puꞈ keuˬ dzaˬ-a.

Panmaeq 14:4

Aˬ yawꞈ maꞈ-aˬ, zaˬ miˬ zaˬ nehˬ-ehˇ maˬ yuꞈ taꞈ-eu tsawˇ shawˇ deuˬ meh. Yawˇ zaˬ kʼaˇ iˇ-eu mehˬ nah aˬ yawꞈ maꞈ caw teh-eu meh. Tsawˇ haˬ zaˬ dawˬ tawˆ luꞈ laꞈ kʼoeˇ aˬ yawꞈ maꞈ-ahˇ ka kʼoꞈ-awˇ, Miˬyehˇ hawˇ-eu Yawˇzaˬ-ahˇ damˬ nehˬ beh beh-euˬ deuˬ pyeuꞈ-eu meh.

2 Laˬsaˬbaˬ 31:5

Dawˬ kʼoeˇ dawˬ gaˬ doe-iˇ ngeh jawˇ, Iˇsaˬleˬlaˆ tsawˇ haˬ deuˬ-aˬ, muiˬ dui dui-eu cehˇ deuˬ, aˬ gaꞈ dzaˇ uiˇ deuˬ, saˬ loˬ tsiˇ deuˬ, byaˬ byaˬ uiˇ deuˬ hawˇ-eu, dzaˬ la gʼo cehˇ aˇ siˬ aˇ lu deuˬ damˬ laˇ-euˬ meh. Aˬ yawꞈ maꞈ kʼaˇ jaˆ-eu jeˬ laꞈ kʼoeˇ, tseˇ bymˇ tiˬ bymˇ kʼawꞈ aˬ yawꞈ maꞈ yuˇ laꞈ-awˇ damˬ-euˬ meh.

Dawˬmehˬ 26:10

Kʼoeˇ miˇ neh, Sahˬpaˬ Miˬyehˇ neh ngaˬ-ahˇ biꞈ laꞈ-euˬ dzaˬ la gʼo cehˇ hawˇ-eu aˇ siˬ aˇ lu deuˬ laꞈ kʼoeˇ, keuˆ beh beh le-euˬ deuˬ aˬ yawꞈ jawˇ gaˇ ngaˇ yuˇ laꞈ-euˬ ma’ lehˇ, nawˇ ya ehˇ meh. “Kʼoeˇ naˇ, Sahˬpaˬ Miˬyehˇ mehˬ shi kʼaˆ puˬ ciˬ taˬ-awˇ uˬ duˬ ya tahˬ meh.

Bawˇtsahˬ 15:20

Naw maꞈ kaˬ muˇ jahˇ ngeh, yaw shuiꞈ keuˆ le-euˬ dzaˬ la gʼo cehˇ neh jahˇ beh beh-euˬ kaˬ muˇ Sahˬpaˬ Miˬyehˇ-ahˇ ya lawˇ meh. Naw maꞈ neh baw shawˇ-euˬ cehˇ lawˇ-eu loꞈ-ehˇ, kaˬ muˇ kʼoeˇ naw maꞈ ya lawˇ meh.

Uˬ duˬ 23:10

Iˇsaˬleˬlaˆ tsawˇ haˬ deuˬ-ahˇ heu loꞈ-ehˇ ehˇ nehˬ-awˬ. Ngaˇ naw maꞈ-ahˇ biꞈ-euˬ miˇ kʼahˬ-ahˇ naw maꞈ jawˇ keuˆ leˇ-awˇ, cehˇ yehˬ ngeh, yehˬ beh beh-euˬ cehˇ dzahˬ piˇ ma jawˇ gaˇ yuˇ gʼeh-awˇ.

Uˬ duˬ 7:13

Kʼoeˇ uˬ taꞈ, dehˬ tseˬ maˬ keuˬ-euˬ kaˬ muˇ deuˬ kʼawꞈ ya lawˇ meh.

Doˆ-iˇ 22:29

“Naw maꞈ-euˬ dzaˬ la gʼo cehˇ, aˬ gaꞈ dzaˇ uiˇ hawˇ-eu, saˬ loˬ tsiˇ deuˬ keuˆ le ngeh, ngaˬ-ahˇ ya lawˇ meh. “Dehꞈ beh deh le-euˬ naw maꞈ-euˬ aˬ li aˬ yuiꞈ deuˬ ngaˬ-ahˇ ya biꞈ laꞈ meh.

Aˇ dahˬ 23:17

Kʼoeˇ miˇ neh, Mamˬliˬ meuˬ-euˬ nahˇ ma doˆ kʼehˬ paw jaˆ-eu, Eˇpaˬloˬ-euˬ miˇ tsaˬ pyeuꞈ-eu Maˬpeˬlaˇ lehˇ kuˇ-eu miˇ tsaˬ pehˇ tsahˇ kʼoeˇ tsahˇ-aˬ, Aˬbyaˬhaˬ-euˬ miˇ tsaˬ pyeuꞈ laˇ-euˬ meh. Miˇ tsaˬ pehˇ tsahˇ kʼoeˇ tsahˇ laꞈ kʼoeˇ, deh yaˇ tiˬ kawˬ, lmˬ bymˇ lo kʼahˬ tiˬ kʼahˬ hawˇ-eu, kʼoeˇ gaˇ kʼaˇ dehꞈ-eu aˇ bawˇ deuˬ ahˇ-eu meh.

1 Gawˇliˬtu 15:20

Ehˇ kʼawꞈ, maˇ maˇ ni ehˇ naˇ, Ka li-ahˇ aˬ diˇ aˬ maˇ bi gʼoꞈ dehꞈ laˇ-euˬ meh. Aˬ yawꞈ-ahˇ bi gʼoꞈ dehꞈ laˇ-euˬ kʼoeˇ-aˬ, shiˇ dzeuˇ-euˬ tsawˇ haˬ deuˬ-ahˇ bi gʼoꞈ dehꞈ laˇ-eu gaˇ kawˆ yaw duˬ yaw ciˇ bi baw laˇ-euˬ meh.

Doˆ-iˇ 34:22

“Naw maꞈ cehˇ yehˬ cehˇ diˬ dahˬ beh-eu yamˬ-ahˇ, cehˇ yehˬ cehˇ diˬ-eu bawˬ-iˬ gʼeh-awˇ, aˇ siˬ aˇ lu deuˬ pyaˆ uiˬ-eu tsahˬ gaˆ yamˬ-ahˇ, aˇ siˬ aˇ lu pyaˆ ahˇ-eu bawˬ-iˬ gʼeh-awˬ.

Uˬ duˬ 23:17

Yawˬ nymˇ na luꞈ, kaˬ muˇ nyiˬ siˬ yuˇ laꞈ-awˇ, muiˬ-eu laꞈ sawˬ loꞈ-ehˇ Sahˬpaˬ Miˬyehˇ-ahˇ ya damˬ nehˬ meh. Kaˬ muˇ aˬ yawꞈ siˬ yawꞈ jahˇ ngeh, cehˇ meu nyiˬ pehˬ ya jahˇ jiˇ-awˇ, dehˬ tseˬ ya keuˬ meh. Kaˬ muˇ kʼoeˇ neh, keuˆ beh beh le-euˬ dzaˬ la gʼo cehˇ lawˇ-eu jeˬ Sahˬpaˬ Miˬyehˇ-ahˇ naw maꞈ ya lawˇ nehˬ meh.

Bawˇtsahˬ 18:12

“Keuˆ beh beh le-euˬ saˬ loˬ tsiˇ, aˬ gaꞈ dzaˇ uiˇ hawˇ-eu dzaˬ la gʼo cehˇ deuˬ laꞈ kʼoeˇ, aˬ cawˬ naˆ maˬ tseˇ muiˬ dzehˬ-eu deuˬ yuˇ-awˇ, Iˇsaˬleˬlaˆ tsawˇ haˬ deuˬ ngaˬ-ahˇ damˬ laˇ ngeh, kʼoeˇ deuˬ dawˬ tawˆ luꞈ ngaˇ naw maꞈ-ahˇ biꞈ-eu ma.