Uˬ duˬ 19:5 - Akha

⁵ “Cawˬ cawˬ taꞈ-eu lawˇ-eu jeˬ lawˇ-eu gʼaˇ duˬ, naw maꞈ jeˬ zaˬ sehꞈ ngeh, ngaˬ neh biꞈ taˬ-euˬ zahˇ sahˇ kʼoꞈ-ahˇ tsaˬ ni mˇ-awˬ. Kʼoeˇ loꞈ-ehˇ jahˇ naˇ, naw maꞈ neh lawˇ-euˬ jeˬ-ahˇ ngaˇ ha geuꞈ ma.

Uˬ duˬ 19:5 Referans Kwoze

Uˬ duˬ 22:29

Sahˬpaˬ Miˬyehˇ-euˬ guiˬ lahˬ-ahˇ noeˬ keuˆ-eu lawˇ-eu jeˬ naw maꞈ lawˇ ngeh, bi ha geuꞈ-eu gʼaˇ duˬ, zahˇ sahˇ kʼoꞈ-ahˇ tsaˬ ni mˇ-awˬ.

Uˬ duˬ 7:16

Saˇ jaˇ mˇ byah-eu gʼaˇ duˬ maˬ ehˇ, yawˬ ha nui ma keuˆ-awˇ lawˇ-eu maˬ ehˇ, tsawˇ haˬ tiˬ gʼaˬ na cawˬ cawˬ taꞈ-eu lawˇ-eu jeˬ lawˇ naˇ, lawˇ gʼaˬ-euˬ dzaˇ-ahˇ aˬ yawꞈ ngeh nah neh dzaˬ jiˇ-eu maˬ loˬ-a. Dzehˬ laˇ-euˬ deuˬ-ahˇ, yawˬ nah yawˬ kʼawꞈ dzaˬ nya meh.

Uˬ duˬ 22:19

Yawˬ ha-euˬ lawˇ-eu jeˬ-ahˇ bi ha geuꞈ mawꞈ naˇ, mawˇ neˇ lawˇ ngeh, maˇ byawꞈ maˬ baw-eu mawˇ gaw maˬ ehˇ, yawˇ hawˇ-eu ciꞈ myehꞈ lawˇ ngeh, maˇ byawꞈ maˬ baw-eu aˬ buˬ deuˬ maˬ ehˇ, ya lawˇ meh.

Uˬ duˬ 1:3

Miˬ dzaˬ dzah puiˆ-awˇ lawˇ-eu jeˬ gʼaˇ duˬ mawˇ neˇ lawˇ mawꞈ naˇ, maˇ byawꞈ maˬ baw-eu mawˇ neˇ mawˇ gaw tiˬ mawˇ aˬ yawꞈ ya tsahˇ laꞈ meh. Aˬ yawꞈ neh lawˇ nehˬ-euˬ jeˬ-ahˇ Sahˬpaˬ Miˬyehˇ bi ha geuꞈ-eu gʼaˇ duˬ, mawˇ neˇ kʼoeˇ mawˇ-ahˇ, Sahˬpaˬ Miˬyehˇ jawˇ-eu Sehˬ gʼawˆ gʼoˆ kʼehˬ-ahˇ ya tsahˇ keuˆ laꞈ meh.

Yeˬsaˬgeˬlaˇ 46:12

“Dzoeˬ dzaˬ-eu sahˬ paˬ zaˬ yo gʼaˬ, Sahˬpaˬ Miˬyehˇ-ahˇ nui ma keuˆ-awˇ lawˇ nehˬ mawꞈ ngeh, mawˇ lah-ehˇ miˬ dzaˬ-ahˇ dzah puiˆ-awˇ lawˇ-eu jeˬ lawˇ-eu maˬ kaˬ, cawˬ cawˬ taꞈ-eu lawˇ-eu jeˬ lawˇ-eu maˬ kaˬ, nahˇ ma doˆ kʼehˬ paw neh laꞈ kʼoeˇ pu kaˬ-ahˇ uˇ leˇ-eu lahˇ kʼehˬ kʼoeˇ kʼehˬ ya pah nehˬ meh. Jawˇ nah-ahˇ kʼaˇ lawˇ-eu loꞈ-ehˇ aˬ yawꞈ ya lawˇ-awˇ, aˬ yawꞈ gʼoꞈ doˆ le gʼaˬ ngeh, lahˇ kʼehˬ paˇ ya piˬ tehˬ taˬ-eu meh.

Yeˬsaˬgeˬlaˇ 46:2

Dzoeˬ dzaˬ-eu sahˬ paˬ zaˬ yo-aˬ, aˬ yawꞈ neh lawˇ laˇ-euˬ miˬ dzaˬ dzah puiˆ-awˇ lawˇ-eu jeˬ hawˇ-eu, cawˬ cawˬ taꞈ-eu lawˇ-eu jeˬ-ahˇ piˇ ma deuˬ lawˇ luꞈ ngeh, laꞈ nyiˇ pu kaˬ-ahˇ neh aˇ lawˆ lawˆ ma kʼoeˇ lawˆ-ahˇ uˇ leˇ-awˇ, laꞈ kʼoeˇ pu kaˬ-ahˇ uˇ leˇ-eu lahˇ kʼehˬ laˇ gʼoˆ bahˬ dawˬ peh ya yawꞈ meh. Lahˇ kʼehˬ kʼoeˇ tsahˇ-ahˇ jawˇ-awˇ uˬ duˬ tahˬ gʼaˬ ngeh, aˬ yawꞈ paˇ ya doˆ le meh. Lahˇ kʼehˬ kʼoeˇ uˬ ciꞈ uˬ taw paw keuˆ ni maˬ piˬ tehˬ-ehˇ ya bi jaˆ meh.

2 Laˬsaˬbaˬ 31:2

Sahˬ paˬ Heˬsaˬgiˇ-aˬ, piˇ ma hawˇ-eu Leˬbiˇ tsawˇ haˬ deuˬ-ahˇ aˇ muˇ muˇ baw nehˬ-awˇ, yawˬ gʼaˬ na luꞈ aˇ muˇ laꞈ kʼoeˇ yawˬ ha-ahˇ daˇ-eu gaˇ bi mˇ-euˬ meh. Gaˇ kʼoeˇ deuˬ-aˬ, miˬ dzaˬ dzah puiˆ-awˇ lawˇ-eu jeˬ lawˇ nehˬ-eu gaˇ, cawˬ cawˬ taꞈ-eu lawˇ-eu jeˬ lawˇ-eu gaˇ, Uˬ duˬ tahˬ nymˇ nymˇ ma laꞈ kʼoeˇ uˬ duˬ tahˬ ngeh ya mˇ-eu gaˇ hawˇ-eu, Uˬ duˬ tahˬ nymˇ nymˇ ma laꞈ kʼoeˇ gʼawˬ mya tsahˇ laꞈ kʼoeˇ Miˬyehˇ-euˬ guiˬ lahˬ-ahˇ noeˬ keuˆ-awˇ ja ceuˬ-eu gaˇ heu deuˬ pyeuꞈ-eu meh.

Uˬ duˬ 22:23

Nui ma keuˆ-eu miˇ neh lawˇ-eu jeˬ naw maꞈ lawˇ ngeh, maˬ loˆ-eu jeˬ zaˬ deuˬ hawˇ-eu, aˇ sehˇ maˬ byah-eu jeˬ zaˬ deuˬ geuꞈ nya meh. Ehˇ kʼawꞈ, saˇ jaˇ dzaˬ-eu laꞈ kʼoeˇ lawˇ-eu jeˬ lawˇ ngeh, kʼoeˇ loꞈ-ehˇ gʼeh-eu jeˬ zaˬ deuˬ maˬ geuꞈ nya-a.

Uˬ duˬ 22:21

Tsawˇ haˬ tiˬ gʼaˬ na, saˇ jaˇ dzaˬ-eu laꞈ kʼoeˇ maˬ ehˇ, nui ma keuˆ-eu miˇ neh maˬ ehˇ, cawˬ cawˬ taꞈ-eu lawˇ-eu jeˬ lawˇ ngeh, Sahˬpaˬ Miˬyehˇ neh bi ha geuꞈ mawꞈ naˇ, maˇ byawꞈ maˬ baw-eu jeˬ zaˬ ya lawˇ meh.

Doˆ-iˇ 24:5

Kʼoeˇ naˇ, zaˬ guˬ deuˬ-ahˇ aˬ yawꞈ kʼehˇ gʼeh-awˇ, jeˬ zaˬ sehꞈ-awˇ, miˬ dzaˬ-ahˇ dzah puiˆ-eu laꞈ kʼoeˇ, cawˬ cawˬ taꞈ-eu lawˇ-eu jeˬ aˬ yawꞈ maꞈ Sahˬpaˬ Miˬyehˇ-ahˇ lawˇ nehˬ-euˬ meh.

Uˬ duˬ 19:4

“Ngaˬ-ahˇ byehˇ dzeh-awˇ, tahˬ pahˬ aˬ ma mawˇ kawˇ deuˬ-ahˇ naw maꞈ uˬ duˬ taˬ tahˬ. Shmˇ, shuiˇ, pyuˇ, kʼoeˇ loꞈ-ehˇ gʼeh-eu deuˬ neh miˬ yehˇ mawˇ kawˇ tehˆ-awˇ, uˬ duˬ taˬ tahˬ. Ngaˇ-aˬ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ ma.

Uˬ duˬ 19:6

Jeˬ zaˬ kʼoeˇ mawˇ sehꞈ ngeh nah maˬ ngeuˇ naˇ, yawˬ nah yawˬ laꞈ kʼoeˇ, jeˬ zaˬ kʼoeˇ mawˇ-euˬ shaˬ jiˇ deuˬ ya dzaˬ jiˇ meh. Smˬ nah jaˆ keuˆ-euˬ shaˬ jiˇ deuˬ ya keuˬ dzeh jiˇ meh.

Uˬ duˬ 7:18

Smˬ nah jaˆ keuˆ-euˬ shaˬ jiˇ dzaˬ naˇ, kʼoeˇ ngeh poˆ lawˇ-euˬ jeˬ-ahˇ Sahˬpaˬ Miˬyehˇ maˬ ha geuꞈ-a. Lawˇ-euˬ kʼoeˇ-aˬ, maˬ geuˇ-eu lawˇ-eu jeˬ pyeuꞈ-awˇ, maˬ muiˬ maˬ shawˇ-eu uˬ taꞈ, shaˬ jiˇ kʼoeˇ kʼaˇ dzaˬ-euˬ tsawˇ haˬ-aˬ, kʼaˇ keuˆ le-eu iˬ baˇ ya pi meh.