Uˬ duˬ 14:4 - Akha

⁴ zahˇ jahˇ gaˇ geuꞈ nya-eu aˇ jiˇ nyiˬ mawˇ, siˬ daˬ miˬ shuˬ, saˬ kahˇ kahˇ neˇ, hiˇ soˆ baw nmˬ, heu deuˬ yuˇ laꞈ-awˬ lehˇ, piˇ ma gʼaˬ tsawˇ haˬ kʼoeˇ gʼaˬ-ahˇ ya ehˇ nehˬ meh.

Uˬ duˬ 14:4 Referans Kwoze

Bawˇtsahˬ 19:6

Kʼoeˇ naˇ, siˬ daˬ miˬ shuˬ, hiˇ soˆ baw nmˬ, saˬ kahˇ neˇ, heu deuˬ yuˇ-awˇ, miˬ dzaˬ-ahˇ ya dzeh puiˆ meh.

HeˬByehˇ 9:19

Aˇ dahˬ beh ngeh Zahˇ dawˬ kʼoꞈ dawˬ laꞈ kʼoeˇ kʼaˇ boꞈ taˬ-euˬ zahˇ dawˬ kʼoꞈ dawˬ dawˬ tawˆ luꞈ, Iˇsaˬleˬlaˇ tsawˇ haˬ deuˬ-ahˇ Moˇseˬ ehˇ nehˬ-euˬ meh. Kʼoeˇ naˇ, mawˇ neˇ hawˇ-eu ciꞈ myehꞈ-euˬ shiˬ iˇ cuꞈ nehˬ-ehˇ keuˬ-awˇ, hiˇsoˆ baw nmˬ hawˇ-eu yawˇ caꞈ hm laˆ duiˆ-awˇ, Zahˇ dawˬ kʼoꞈ dawˬ hawˇ-eu Iˇsaˬleˬlaˇ tsawˇ haˬ dawˬ tawˆ luꞈ-ahˇ byaˆ shehˬ-euˬ meh.

Uˬ duˬ 14:6

Kʼoeˇ naˇ, siˬ daˬ miˬ shuˬ, saˬ kahˇ kahˇ neˇ hawˇ-eu, hiˇ soˆ baw nmˬ ui cuiˆ yuˇ-awˇ, aˇ jiˇ yawˬ mawˇ yawˬ nehˬ-ehˇ tiˬ kawˆ loꞈ-ehˇ, diˬ sehꞈ-euˬ aˇ jiˇ kʼoeˇ mawˇ-euˬ shiˬ laꞈ kʼoeˇ ya dawˆ duiˆ meh.

Jaceuq 51:7

Ngaˇ shawˇ laˇ ni ngaˬ-euˬ iˬ baˇ yuˇ dzeh nehˬ laꞈ-awˬ. Saˬ laˬ saˬ behˆ naˆ maˬ tseˇ pyuˇ laˇ ni, ngaˬ-ahˇ tsiˬ shawˇ nehˬ laꞈ-awˬ.

Doˆ-iˇ 12:22

Hiˇsoˆ uˬ pyaˬ kʼehꞈ-awˇ, jeˬ zaˬ-euˬ shiˬ dahˬ-eu kʼmˬ maˬ-ahˇ cawˬ duiˆ-awˇ, naw maꞈ-euˬ laˇ gʼoˆ kʼoeˇ dzeˇ ma dzeˇ jaˆ-eu laˇ gʼoˆ bahˬ hawˇ-eu, laˇ gʼoˆ-euˬ kʼoeˇ taˆ paw jaˆ-eu pyaꞈ dmˬ-ahˇ shiˬ kʼoeˇ lehꞈ-awˬ. Uˬ shawˬ uˬ bya maˬ bya laˇ kʼoeˇ keuˆ ni, naw maꞈ tiˬ gʼaˬ-iˬ nymˇ laꞈ nyiˇ paw taˬ doˆ-iˇ.

Bawˇtsahˬ 19:18

Shawˇ-eu tsawˇ haˬ tiˬ gʼaˬ hiˇ soˆ baw nmˬ yuˇ-awˇ, iˇ cuꞈ kʼoeˇ laꞈ kʼoeˇ dehˬ duiˆ-awˇ, sehˬ gʼawˆ kʼoeˇ gʼawˆ-ahˇ maˬ ehˇ, sehˬ gʼawˆ laꞈ kʼoeˇ kʼaˇ jaˆ-eu jeˬ dawˬ tawˆ luꞈ-ahˇ maˬ ehˇ, sehˬ gʼawˆ kʼoeˇ gʼawˆ laꞈ kʼoeˇ kʼaˇ jawˇ-eu tsawˇ haˬ dawˬ tawˆ luꞈ-ahˇ maˬ ehˇ, ya byaˆ shehˬ meh. Kʼoeˇ naˇ, tsawˇ haˬ-euˬ shaˬ yoeˬ-ahˇ maˬ ehˇ, tsawˇ shiˇ-ahˇ maˬ ehˇ, lmˬ bymˇ-ahˇ maˬ ehˇ, toeˬ ciˆ-euˬ tsawˇ haˬ-ahˇ, shawˇ-eu tsawˇ haˬ tiˬ gʼaˬ iˇ cuꞈ kʼoeˇ neh ya byaˆ shehˬ nehˬ meh.

Uˬ duˬ 12:8

Zaˬ miˬ zaˬ kʼoeˇ gʼaˬ yawˇ zaˬ maˬ jawˇ naˇ, kʼaˬ kʼoeˬ nyiˬ mawˇ, maˬ ngeuˇ naˇ kʼaˬ guˬ nyiˬ mawˇ ya yuˇ laꞈ meh. Miˬ dzaˬ dzah puiˆ-awˇ lawˇ-eu jeˬ lawˇ-eu gʼaˇ duˬ tiˬ mawˇ lawˇ-awˇ, iˬ baˇ shawˇ-eu lawˇ-eu jeˬ gʼaˇ duˬ tiˬ mawˇ ya lawˇ meh. Kʼoeˇ naˇ, aˬ yawꞈ laꞈ kʼoeˇ maˬ shawˇ-eu jeˬ bi shawˇ laˇ-eu zahˇ piˇ ma gʼaˬ mˇ-awˇ, ya bi shawˇ laˇ-eu meh.

Uˬ duˬ 5:7

Tsawˇ haˬ tiˬ gʼaˬ na, yawˬ ha-euˬ iˬ baˇ aˇ poeˬ lawˇ kʼoꞈ nehˬ-eu gʼaˇ duˬ, yawˇ hawˇ-eu ciꞈ myehꞈ maˬ jawˇ naˇ, kʼaˬ kʼoeˬ nyiˬ mawˇ, maˬ ngeuˇ naˇ, kʼaˬ guˬ nyiˬ mawˇ yuˇ laꞈ-awˇ, iˬ baˇ shawˇ-eu lawˇ-eu jeˬ gʼaˇ duˬ tiˬ mawˇ hawˇ-eu, miˬ dzaˬ-ahˇ dzah puiˆ-awˇ lawˇ-eu jeˬ gʼaˇ duˬ tiˬ mawˇ ya lawˇ meh.

Uˬ duˬ 1:14

Tsawˇ haˬ tiˬ gʼaˬ na, aˇ jiˇ tiˬ mawˇ yuˇ-awˇ, miˬ dzaˬ-ahˇ dzah puiˆ-awˇ lawˇ-eu jeˬ lawˇ mawꞈ naˇ, kʼaˬ kʼoeˬ maˬ ngeuˇ naˇ kʼaˬ guˬ ya lawˇ meh.

Uˬ duˬ 14:5

Kʼoeˇ naˇ, tsawˬ biˬ-ahˇ yoeˇ-eu iˇ cuꞈ kʼawꞈ ahˇ taˬ-euˬ miˇ tsaˬ oeˬ lahˬ kʼoeˇ taˆ, aˇ jiˇ tiˬ mawˇ diˬ sehꞈ-awˬ lehˇ, piˇ ma gʼaˬ aˬ yawꞈ-ahˇ ya ehˇ nehˬ meh.