Uˬ duˬ 13:2 - Akha

² Tsawˇ haˬ tiˬ gʼaˬ na, maˇ naˇ naˇ-eu maˬ ehˇ, shaˬ ciˬ ciˬ-eu maˬ ehˇ, maˇ cuˬ maˇ lu lu-eu maˬ ehˇ, nyawˬ naˇ doˆ laˇ nya paˬ-ehˇ gʼeh naˇ, piˇ ma Aˬloˬ jawˇ gaˇ maˬ ngeuˇ naˇ, Aˬloˬ-euˬ aˬ li piˇ ma tiˬ gʼaˬ na jawˇ gaˇ ya sheuˬ gʼeh meh.

Uˬ duˬ 13:2 Referans Kwoze

Dawˬmehˬ 24:8

“Nawˇ nyawˬ naˇ laˇ naˇ, Leˬbiˇ tsawˇ haˬ piˇ ma deuˬ neh kʼaˇ ehˇ nehˬ laꞈ-eu loꞈ-ehˇ, tiˬ dawˬ-iˬ maˬ leuˇ ni mˇ-awˬ. Ngaˬ neh aˬ yawꞈ maꞈ-ahˇ biꞈ taˬ-euˬ mehˬ-eu tsoˆ-eu jeˬ mehˬ nah caw teh-awˬ.

Uˬ duˬ 14:3

Piˇ ma gʼaˬ aˬ yawꞈ-ahˇ pu pu dzeˇ sheuˬ doˆ gʼeh-awˇ, ya pyehˆ tseˇ haw meh. Naˇ gawˇ taˬ leˇ gʼaˬ-euˬ ya mawˇ naˇ,

Luˇkaꞈ 17:14

Yeˬsuˇ aˬ yawꞈ maꞈ-ahˇ haw mawˇ-awˇ ehˇ nehˬ-eu, “Piˇ ma deuˬ jawˇ gaˇ iˇ-awˇ, naw maꞈ-euˬ gʼawˇ mawˇ bi pyehˆ tseˇ haw-iˇ-awˬ.” Aˬ yawꞈ maꞈ gaˇ pehˇ iˇ luꞈ ngeh, muiˬ laˇ shawˇ laˇ-euˬ meh.

Luˇkaꞈ 5:14

Yeˬsuˇ aˬ yawꞈ-ahˇ dawˬ biꞈ-awˇ ehˇ nehˬ-eu, “Tsawˇ haˬ tiˬ gʼaˬ-ahˇ-iˬ maˬ ehˇ nehˬ ni, tiˬ poˆ tehꞈ-ehˇ piˇ ma jawˇ gaˇ le-awˇ, nawˬ-euˬ gʼawˇ mawˇ bi pyehˆ tseˇ haw leˇ-awˬ. Kʼoeˇ naˇ, nawˇ naˇ gawˇ taˬ leˇ-euˬ gaˇ kawˆ tsawˇ haˬ yawˬ gʼaˬ na luꞈ bi siˬ duˬ-eu gʼaˇ duˬ, Moˇseˬ neh dawˬ biꞈ taˬ-euˬ lawˇ-eu shehˇ-eu jeˬ lawˇ-iˇ-awˬ.”

Maˬkuˆ 1:44

“Naˇ haˬ sheˇ. Gaˇ kawˆ heu tiˬ gʼaˬ-ahˇ-iˬ taˬ ehˇ nehˬ de. Tiˬ poˆ tehꞈ-ehˇ piˇ ma jawˇ gaˇ le-awˇ, nawˬ-euˬ gʼawˇ mawˇ-ahˇ bi pyehˆ tseˇ haw leˇ-awˬ. Kʼoeˇ naˇ, nawˇ naˇ gawˇ taˬ leˇ-euˬ gaˇ kawˆ tsawˇ haˬ yawˬ gʼaˬ na luꞈ bi siˬ duˬ-eu gʼaˇ duˬ, Moˇseˬ neh dawˬ biꞈ taˬ yaꞈ-euˬ lawˇ-eu shehˇ-eu jeˬ lawˇ-iˇ-awˬ.”

Maꞈtehˬ 8:4

Kʼoeˇ naˇ, aˬ yawꞈ-ahˇ Yeˬsuˇ heu loꞈ-ehˇ ehˇ nehˬ-euˬ meh. “Gaˇ kawˆ heu tsawˇ haˬ tiˬ gʼaˬ-ahˇ-iˬ maˬ ja mehˬ ni yahˇ-awˬ. Ehˇ kʼawꞈ, piˇ ma jawˇ gaˇ iˇ-awˇ, nawˬ-euˬ gʼawˇ mawˇ-ahˇ bi pyehˆ tseˇ duˬ-awˬ. Kʼoeˇ naˇ, nawˬ-euˬ naˇ gawˇ taˬ leˇ-euˬ gaˇ kawˆ aˬ cawˬ bi siˬ duˬ-eu gʼaˇ duˬ, Moˇseˬ-euˬ Zahˇ dawˬ kʼoꞈ dawˬ laꞈ kʼoeˇ ehˇ taˬ-euˬ loꞈ-ehˇ lawˇ-eu shehˇ-eu jeˬ mˇ-iˇ-awˬ.”

Maˬlaˬkiˇ 2:7

Miˬyehˇ-ahˇ siˬ nya-eu zaˬ siˬ tsawˇ gahˇ ahˇ laˇ ni mehˬ nehˬ tsoˆ nehˬ-eu jeˬ-aˬ, piˇ ma deuˬ-euˬ gaˇ meh. Aˬ yawꞈ maꞈ Baoˬ huiˬ-eu Sahˬpaˬ Miˬyehˇ-euˬ gʼaˬ kʼehˇ pyeuꞈ-eu miˇ neh, aˬ cawˬ aˬ yawꞈ maꞈ jawˇ gaˇ le-awˇ, ngaˇ nui ma tsaˬ-eu jeˬ gaˇ kawˆ ya dzaw geuꞈ leˇ-eu meh.

Iˇsaˬyaˇ 3:17

Aˬ yawꞈ maꞈ-euˬ uˬ duˬ-ahˇ maˇ naˇ bi naˇ-awˇ, aˬ yawꞈ maꞈ-ahˇ uˬ jehˆ jehˆ nehˬ ma.”

Iˇsaˬyaˇ 1:6

Aˬ kuiˇ pehˬ zaˬ-ahˇ neh uˬ duˬ-ahˇ doˆ ni, geuꞈ-eu maˬ paˇ ahˇ ngaˇ. Maˇ kʼehˬ maˇ naˇ hawˇ-eu shiˬ dzahˬ maˇ lu tehꞈ-ehˇ jaˆ-awˇ, shiˬ doˆ dui dui luꞈ nga. Nawˬ-euˬ maˇ naˇ maˬ laˆ taˬ-ehˇ, saˬ paˇ maˬ lahˇ taˬ-aˬ. Jaˆ gʼaˬ maˬ laˆ saˆ-aˬ.

2 Sahˬpaˬ 5:27

Nymˬ-mˇ poˆ jawˇ, Neˬmaˬ-euˬ naˇ gawˇ kʼoeˇ nawˬ-ahˇ nyawˬ laˇ-awˇ, nawˇ hawˇ-eu nawˬ-eu zaˬ nawˬ-euˬ uˆ deuˬ dawˬ tawˆ luꞈ, mˬ maˬ maˬ byaˆ zaˇ ziˇ naˇ gawˇ kʼoeˇ ya daˬ tehꞈ-a.” Geˬhaˬziˇ doˆ-iˇ ngeh, nyawˬ naˇ laˇ-awˇ, aˬ yawꞈ-euˬ shaˬ jiˇ ngehˇ loꞈ-ehˇ pyuˇ deuˬ ni pyeuꞈ-iˇ-euˬ meh.

2 Sahˬpaˬ 5:1

Suˇliˆ miˇ kʼahˬ-euˬ guiˇ maꞈ kʼoeˇ taˆ uˆ lahˇ-eu gʼaˬ pyeuꞈ-eu Neˬmaˬ-ahˇ, Suˇliˆ sahˬ paˬ taˬ huiˬ taˬ mahˇ dui dui-eu meh. Aˬ jeˬ miˇ neh ehˇ naˇ, Neˬmaˬ baˬ da neh Suˇliˆ guiˇ maꞈ deuˬ-ahˇ aˬ cawˬ kʼoeˇ taˆ Sahˬpaˬ Miˬyehˇ bi gʼaˬ leˇ-euˬ meh. Aˬ yawꞈ-aˬ, guiˇ deuˆ-eu paw tsawˇ myahˇ doˆ dui dui kʼawꞈ, nyawˬ naˇ-eu tsawˇ haˬ tiˬ gʼaˬ pyeuꞈ-eu meh.

2 Saˬmeuˬlaˆ 3:29

Iˬ baˇ kʼoeˇ baˬ da neh keuˆ le-eu kʼehˬ-eu kʼaˆ-eu jeˬ, Yoˇbaˬ hawˇ-eu aˬ yawꞈ-euˬ nymˇ jiˇ kʼoeˇ taˆ tehꞈ-ehˇ jaˆ luꞈ-uˇ. Tiˬ ziˇ saˇ-iˬ tiˬ ziˇ, aˬ yawꞈ-euˬ aˇ jeuˬ aˇ ca deuˬ laꞈ kʼoeˇ, maˇ uiˇ yoeˇ-eu, coiˬ doi naˇ-eu, daˇ tsuiꞈ kʼoꞈ-eu, miˬ siˬ miˬ kaˆ-euˬ mehˬ kʼehˬ-ahˇ shiˇ-eu, hawˬ mehꞈ shaˬ-eu, heu loꞈ-ehˇ gʼeh-eu tiˬ jeˬ paˬ guˬ leˇ-euˬ tsawˇ haˬ tiˬ gʼaˬ, aˬ myah luꞈ maˬ tsehˆ leˇ ni jawˇ luꞈ-uˇ.”

Dawˬmehˬ 28:27

Iˇjiˇtuˆ tsawˇ haˬ deuˬ-ahˇ jahˇ nehˬ-euˬ loꞈ-ehˇ, naw maꞈ-ahˇ Sahˬpaˬ Miˬyehˇ shaˬ ciˬ bi ciˬ laˇ tehꞈ-a. Naw maꞈ-euˬ gʼawˇ mawˇ mawˇ lah-ehˇ maˇ naˇ naˇ byah jiˇ ni Sahˬpaˬ Miˬyehˇ jahˇ tehꞈ-a. Maˇ byahˇ byahˇ-eu miˇ neh gawˇ gawˇ-ehˇ shaˬ kʼawꞈ, taˬ leˇ-eu maˬ baw ni ya jawˇ tehꞈ-a.

Bawˇtsahˬ 12:10

Sehˬ gʼawˆ kʼoeˇ taˆ jaˆ-eu mˬ dmˇ gʼoꞈ daˆ leˇ ngeh, Miˇliˬyaˬ-euˬ gʼawˇ mawˇ-ahˇ nyawˬ naˇ byah-awˇ, ngehˇ loꞈ-ehˇ pyuˇ deuˬ ni pyeuꞈ laˇ-euˬ meh. Miˇliˬyaˬ-ahˇ Aˬloˬ haw gʼeh ngeh, nyawˬ naˇ byah taˬ-euˬ gaˇ ya mawˇ-awˇ,

Uˬ duˬ 14:35

Yawˬ ha-euˬ nymˇ laꞈ kʼoeˇ, nyawˬ naˇ-eu maˇ naˇ ya mawˇ-eu tsawˇ haˬ aˬ geu gʼaˬ maˬ kaˬ, piˇ ma-ahˇ ya tsaꞈ gaˬ leˇ meh.

Bawˇtsahˬ 12:12

Dehꞈ le ngeh neh shaˬ jiˇ tiˬ paˆ maˬ tsoꞈ-ehˇ yaw shiˇ-ehˇ dehꞈ le-euˬ loꞈ-ehˇ Miˇliˬyaˬ-ahˇ taˬ bi pyeuꞈ-iˇ nehˬ laꞈ.”

Uˬ duˬ 13:1

Zahˇ sahˇ kʼoꞈ heu deuˬ, Moˇseˬ hawˇ-eu Aˬloˬ-ahˇ Sahˬpaˬ Miˬyehˇ biꞈ nehˬ-euˬ meh.

Uˬ duˬ 13:3

Piˇ ma kʼoeˇ gʼaˬ maˇ naˇ-ahˇ pyehˆ tseˇ haw ngeh, kʼoeˇ gaˇ tsoꞈ-eu caꞈ hm deuˬ yaw pyuˇ pyuˇ-ehˇ pyeuꞈ laˇ-awˇ, maˇ naˇ kʼoeˇ shaˬ jiˇ baˆ kʼoˆ naˆ maˬ tseˇ naꞈ naˇ, nyawˬ naˇ-eu maˇ naˇ pyeuꞈ-eu miˇ neh, tsawˇ haˬ kʼoeˇ gʼaˬ maˬ shawˇ-a lehˇ, piˇ ma gʼaˬ ya daˇ tsehˆ meh.

Uˬ duˬ 13:8

Piˇ ma gʼaˬ aˬ yawꞈ-ahˇ tiˬ poˆ paˇ pyehˆ tseˇ haw-awˇ, maˇ naˇ huiˬ laˇ taˬ-eu gaˇ ya mawˇ naˇ, tsawˇ haˬ kʼoeˇ gʼaˬ maˬ shawˇ-a lehˇ, piˇ ma gʼaˬ paˇ ya daˇ tsehˆ meh. Kʼoeˇ-aˬ, nyawˬ naˇ-eu maˇ naˇ meh.