Uˬ duˬ 10:16 - Akha

¹⁶ Iˬ baˇ shawˇ-eu lawˇ-eu jeˬ gʼaˇ duˬ ciꞈ myehꞈ gaˇ kawˆ Moˇseˬ naˇ haˬ ngeh, miˬ dzaˬ-ahˇ dzah puiˆ gʼaˬ dzeuˇ-euˬ gaˇ,aˬ yawꞈ ya siˬ-euˬ meh. Kʼoeˇ loꞈ-ehˇ jahˇ-euˬ miˇ neh, Eˇlaˬzaˬ hawˇ-eu Iˇdaˬmaˬ-ahˇ aˬ yawꞈ nui ma pehˇ-awˇ, heu loꞈ-ehˇ ehˇ nehˬ-euˬ meh.

Uˬ duˬ 10:16 Referans Kwoze

Uˬ duˬ 9:3

Kʼoeˇ naˇ, iˬ baˇ shawˇ-eu lawˇ-eu jeˬ lawˇ-eu gʼaˇ duˬ, ciꞈ myehꞈ ciꞈ buˬ tiˬ mawˇ maˬ ehˇ, miˬ dzaˬ dzah puiˆ-awˇ lawˇ-eu jeˬ lawˇ-eu gʼaˇ duˬ, tiˬ myaˇ byah laˇ-euˬ maˇ byawꞈ maˬ baw-eu mawˇ neˇ mawˇ gaw zaˬ tiˬ mawˇ hawˇ-eu, tiˬ myaˇ byah laˇ-euˬ maˇ byawꞈ maˬ baw-eu yawˇ zaˬ aˬ buˬ tiˬ mawˇ maˬ ehˇ, tsahˇ laꞈ-awˬ lehˇ Iˇsaˬleˬlaˆ tsawˇ haˬ deuˬ-ahˇ ehˇ nehˬ-awˬ.

Uˬ duˬ 9:15

Kʼoeˇ naˇ, Iˇsaˬleˬlaˆ tsawˇ haˬ deuˬ gʼaˇ duˬ, lawˇ-eu shehˇ-eu jeˬ aˬ yawꞈ mˇ-euˬ meh. Aˬ yawꞈ-euˬ gʼawˇ mawˇ gʼaˇ duˬ iˬ baˇ shawˇ-eu lawˇ-eu jeˬ lawˇ-eu loꞈ-ehˇ, Iˇsaˬleˬlaˆ tsawˇ haˬ-euˬ iˬ baˇ gʼaˇ duˬ tsahˇ laꞈ-euˬ ciꞈ myehꞈ kʼoeˇ mawˇ aˬ yawꞈ sehꞈ-awˇ lawˇ-euˬ meh.

Eˇpeˇsu 4:26

Naw maꞈ nui ma pehˇ laˇ ngeh, iˬ baˇ mˇ gaˇ maˬ bi keuˆ leˇ-eu uꞈ taꞈ, nahˇ ma ga ahˇ ngeh keuˆ ni nui ma pehˇ-eu jeˬ taˬ bi pyeuꞈ.

Maˬkuˆ 10:14

Kʼoeˇ loꞈ-ehˇ dehˬ gaˇ Yeˬsuˇ ya mawˇ ngeh, nui ma pehˇ laˇ-awˇ, zaˬ lahˇ deuˬ-ahˇ heu loꞈ-ehˇ ehˇ nehˬ-euˬ meh. “Zaˬ deuˬ-ahˇ maˬ laˆ tsoeˬ ni ngaˇ jawˇ gaˇ bi laˇ-awˬ. Aˬ jeˬ miˇ neh ehˇ naˇ, Miˬyehˇ Miˇkʼahˬ-aˬ, aˬ yawꞈ maꞈ loꞈ-ehˇ gʼeh-eu deuˬ-ahˇ oꞈ-eu meh.

Maˬkuˆ 3:5

Tsawˇ haˬ kʼoeˇ deuˬ-ahˇ Yeˬsuˇ haw-awˇ nui ma pehˇ-eu meh. Ehˇ kʼawꞈ, aˬ yawꞈ maꞈ nui ma gʼahˇ-awˇ lehˬ dui dui gaˇ aˬ yawꞈ gʼawˬ shaˬ gaˬ-euˬ meh. Kʼoeˇ naˇ, tsawˇ haˬ kʼoeˇ gʼaˬ-ahˇ “Aˬ laꞈ cawˬ ja-awˬ” lehˇ Yeˬsuˇ ehˇ nehˬ-awˇ, aˬ yawꞈ aˬ laꞈ caw ja ngeh, laꞈ shiˇ shiˇ-eu taˬ leˇ-euˬ meh.

Maꞈtehˬ 5:22

Ehˇ kʼawꞈ, naw maꞈ-ahˇ ngaˇ heu loꞈ-ehˇ ehˇ-eu ma. Yawˬ ha-euˬ mehˇ nmˇ -ahˇ nui ma pehˇ-eu tsawˇ haˬ aˬ geu gʼaˬ maˬ kaˬ, yaˇ kʼaˬ daˇ gaˇ ya daˬ tehꞈ-a. Yawˬ ha-euˬ mehˇ nmˇ-ahˇ yaˬ kʼehˇ yaˬ-eu tsawˇ haˬ-aˬ, yaˇ kʼaˬ daˇ-eu deuˬ-euˬ mehˬ shi bi sheuˬ keuˆ gʼeh tehꞈ-a. Yawˬ ha-euˬ mehˇ nmˇ-ahˇ, ‘Miˬyehˇ-ahˇ maˬ siˬ nya-eu tsawˇ cawˆ’ lehˇ ehˇ-eu tsawˇ haˬ-aˬ, shiˬ buiˇ lah ma-ahˇ ya shaˬ tehꞈ-a.

Bawˇtsahˬ 12:3

(Moˇseˬ-aˬ, nui ma nahˬ yu ni gʼeh-awˇ, miˇ tsaˬ kʼoeˇ taˆ kʼaˇ jawˇ-eu tsawˇ haˬ dawˬ tawˆ luꞈ laꞈ kʼoeˇ, aˬ cawˬ naˆ maˬ tseˇ nui nahˬ nui yu ahˇ-eu tsawˇ haˬ tiˬ gʼaˬ pyeuꞈ-eu meh.)

Uˬ duˬ 6:30

Ehˇ kʼawꞈ, iˬ baˇ shawˇ-eu gʼaˇ duˬ, jeˬ zaˬ kʼoeˇ mawˇ-euˬ shiˬ, Sehˬ gʼawˆ laꞈ kʼoeˇ ui cuiˆ yuˇ ahˇ gʼeh-euˬ ngeuˇ naˇ, jeˬ zaˬ kʼoeˇ mawˇ-euˬ shaˬ jiˇ maˬ dzaˬ kʼmˬ-a. Miˬ dzaˬ ya keuˬ dzeh meh.

Uˬ duˬ 6:26

Jeˬ zaˬ kʼoeˇ mawˇ-ahˇ lawˇ-eu piˇ ma gʼaˬ, Sahˬpaˬ Miˬyehˇ jawˇ-eu Sehˬ gʼawˆ yaˇ kmˇ laꞈ kʼoeˇ, muiˬ-eu shawˇ-eu jawˇ duˬ tiˬ tsahˇ-ahˇ, jeˬ zaˬ kʼoeˇ mawˇ-euˬ shaˬ jiˇ ya dzaˬ meh.

Uˬ duˬ 6:17

Cehˇ meu kʼoeˇ neh kaˬ muˇ jahˇ ngeh, dehˬ tseˬ maˬ ya dawˆ-a. Kʼoeˇ-aˬ, ngaˬ-ahˇ lawˇ-euˬ dzaˬ dzaˬ dawˇ dawˇ lawˇ-eu jeˬ laꞈ kʼoeˇ, aˬ yawꞈ maꞈ-ahˇ ngaˇ biꞈ nehˬ-eu shaˬ bymˇ meh. Kʼoeˇ-aˬ, iˬ baˇ shawˇ-eu lawˇ-eu jeˬ hawˇ-eu dziˇ dzoˆ tsoeˬ-eu lawˇ-eu jeˬ loꞈ-ehˇ muiˬ-eu shawˇ-eu meh.