Tiˇtuˆ 1:4 - Akha

⁴ Jah-eu jeˬ laꞈ kʼoeˇ ngaˬ nehˬ-ehˇ tiˬ gaˇ taꞈ-eu ngaˬ li-ahˇ duˇ-eu Tiˇtuˆ jawˇ gaˇ sahˬ boꞈ boꞈ ahˇ laꞈ-eu ma. Aˬ da Miˬyehˇ hawˇ-eu aˬ dui-euˬ Ka kʼoꞈ-eu gʼaˬ pyeuꞈ-eu Yeˬsuˇ Ka li-euˬ guiˬ lahˬ yaw dzahˇ hawˇ-eu nui saˇ oꞈ-eu jeˬ, nawˬ-euˬ kʼoeˇ taˆ jaˆ luꞈ-uˇ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴ Jan-eu jeq tiqgar dur-eu lafkhoer, aqdir ngaqli pyeuf-eu Tirtuv-anr sanqbof bofanr lef-eu ma. Aqda Miqyaer hawr-eu aqdui-euq Kakhof-eu ghaq Yeqsur Kali-euq guiqlanq yawdzanr hawr-eu nuisar of-eu jeq, nawq-euq khoertav jav luf-ur!

Tiˇtuˆ 1:4 Referans Kwoze

2 Tiˆmoˇseˬ 1:2

Ngaˇ gaˬ-eu aˬ li Tiˆmoˇseˬ jawˇ gaˇ sahˬ boꞈ boꞈ ahˇ leꞈ-eu ma. Aˬda Miˬyehˇ hawˇ-eu aˬ dui-euˬ Sahˬpaˬ Yeˬsuˇ Ka li-euˬ guiˬ lahˬ yaw dzahˇ maˬ ehˇ, gʼawˬ shaˬ gaˬ-eu jeˬ maˬ ehˇ, nui saˇ oꞈ-eu jeˬ maˬ ehˇ, nawˬ-euˬ kʼoeˇ taˆ jaˆ luꞈ-uˇ.

Yuˇdaˆ 1:3

Ngaˇ gaˬ dui dui-eu aˬ yuiꞈ aˬ nyiˇ Ka li zaˬ deuˬ-oˇ, aˬ dui dawˬ tawˆ luꞈ-ahˇ taꞈ-eu ka kʼoꞈ-eu jeˬ gaˇ kawˆ, ngaˇ kʼaˇ gʼeh nya-eu loꞈ-ehˇ boꞈ ahˇ laꞈ-eu ma. Miˬyehˇ neh aˬ yawꞈ-euˬ tsawˇ haˬ deuˬ-ahˇ mˬ maˬ maˬ byaˆ zaˇ ziˇ tiˬ poˆ tehꞈ-ehˇ biꞈ-euˬ jah-eu jeˬ gʼaˇ duˬ leh jeh dui dui-awˇ deuˆ ceh ceh paˬ-ehˇ gʼeh-eu gaˇ kawˆ, naw maꞈ-ahˇ gʼaˬ biꞈ-eu sahˬ boꞈ yaw kawˇ-ehˇ boꞈ paˬ-ehˇ gʼeh-eu meh lehˇ ngaˇ noeˬ-eu ma.

2 Beˬtuˆluˆ 1:11

Kʼoeˇ loꞈ-ehˇ mˇ-eu laꞈ kʼoeˇ, aˬ dui-ahˇ ka kʼoꞈ-eu gʼaˬ pyeuꞈ-eu Sahˬpaˬ Yeˬsuˇ Ka li-euˬ mˬ maˬ maˬ byaˆ zaˇ ziˇ Miˇkʼahˬ laꞈ kʼoeˇ uˇ leˇ-eu aˬ kawˬ-aˬ naw maꞈ tiˬ byah tiˬ loꞈ za tehꞈ-a.

2 Beˬtuˆluˆ 1:1

Yeˬsuˇ Ka li-euˬ zaˬ kʼaˆ hawˇ-eu gʼaˬ kʼehˇ pyeuꞈ-eu ngaˇ Siˇmoˬ Beˬtuˆluˆ, Miˬyehˇ hawˇ-eu Ka kʼoꞈ-eu gʼaˬ pyeuꞈ-eu Yeˬsuˇ Ka li-euˬ yaw tsaˬ yaw dawˇ jeˬ baˬ da neh nga maꞈ-euˬ jah-eu jeˬ-ahˇ duˇ-eu aˇ poeˬ kʼaˆ dui dui-eu jah-eu jeˬ za taˬ-euˬ deuˬ jawˇ gaˇ sahˬ boꞈ boꞈ ahˇ laꞈ-eu ma.

2 Gawˇliˬtu 2:13

Ehˇ kʼawꞈ, a nyiˇ Tiˇtuˆ-ahˇ kʼoeˇ gaˇ maˬ ya mawˇ-euˬ miˇ neh nui ma tiˬ pawꞈ-iˬ maˬ saˇ nya. Kʼoeˇ miˇ neh, kʼoeˇ gaˇ jawˇ-eu tsawˇ haˬ deuˬ-ahˇ dawˬ cawˬ puˬ yaꞈ-awˇ, Maˬgeˬdawˇniˆˆ miˇ kʼahˬ-ahˇ le gʼeh leꞈ-euˬ ma.

2 Beˬtuˆluˆ 3:18

Ehˇ kʼawꞈ, ka kʼoꞈ-eu gʼaˬ pyeuꞈ-eu aˬ dui-euˬ Sahˬpaˬ Yeˬsuˇ Ka li-euˬ guiˬ lahˬ yaw dzahˇ laꞈ kʼoeˇ hawˇ-eu aˬ yawꞈ-ahˇ siˬ nya-eu jeˬ laꞈ kʼoeˇ huiˬ laˇ mahˇ laˇ luꞈ-eu jeˬ taˬ bi tsehˆ-iˇ. Nymˬ-mˇ hawˇ-eu mˬ maˬ maˬ byaˆ zaˇ ziˇ aˬ yawꞈ yaw shehꞈ kʼahˬ sehˇ huiˬ luꞈ-uˇ. Aˬ miˬ

2 Gawˇliˬtu 8:23

Tiˇtuˆ gʼaˬ-aˬ, ngaˬ-euˬ gaˇ mˇ cawˬ pyeuꞈ-eu loꞈ-ehˇ, ngaˬ nehˬ-ehˇ tiˬ kawˆ loꞈ-ehˇ naw maꞈ-ahˇ caw ba-eu gaˇ mˇ luꞈ meh. Aˬ yawꞈ nehˬ-ehˇ oe caw-euˬ aˬ yuiꞈ aˬ nyiˇ nui deuˬ-aˬ, Ka li-euˬ yaw shehꞈ kʼahˬ sehˇ bi doˆ laˇ-eu gʼaˇ duˬ Ka li zaˬ aˇ muˇ deuˬ-euˬ dah zaˇ oe-euˬ meh.

Lormav 1:12

Ngaˇ ehˇ mawꞈ-eu-aˬ, ngaˬ-euˬ jah-eu jeˬ baˬ da neh naw maꞈ gʼaˬ ahˇ dzehˬ laˇ-eu uˬ taꞈ, naw maꞈ-euˬ jah-eu jeˬ baˬ da neh ngaˇ gʼaˬ ahˇ dzehˬ laˇ-awˇ, nyiˬ paw luꞈ guiˬ lahˬ baw-eu jeˬ-ahˇ ehˇ mawꞈ-eu ma.

Yoˇhaˬ 4:42

Kʼoeˇ naˇ, tsawˇ haˬ kʼoeˇ deuˬ zaˬ miˬ zaˬ kʼoeˇ gʼaˬ-ahˇ heu loꞈ-ehˇ ehˇ nehˬ-euˬ meh. “Nawˇ ehˇ-eu miˇ neh nga maꞈ jah-eu maˬ ngeuˇ. Nga maꞈ-euˬ naˬ bawˇ aˬ yawꞈ-euˬ dawˬ ya gaˬ-euˬ miˇ neh jah-awˇ, aˬ yawꞈ-aˬ, aˬ diˇ aˬ maˇ miˇ tsaˬ zaˬ-ahˇ ka kʼoꞈ-eu gʼaˬ pyeuꞈ-eu gaˇ kawˆ nga maꞈ siˬ duˬ-euˬ ma.”

1 Yoˇhaˬ 5:14

Miˬyehˇ mehˬ shi aˬ dui-euˬ nui ma ziꞈ dah ni jaˆ luꞈ ma. Aˬ jeˬ miˇ neh ehˇ naˇ, aˬ yawꞈ nui ma tsaˬ-eu loꞈ-ehˇ aˬ dui shaˇ naˇ, aˬ dui kʼaˇ shaˇ-eu jeˬ-ahˇ aˬ yawꞈ naˇ haˬ nehˬ laꞈ tehꞈ-a lehˇ aˬ dui jah duˬ taˬ-euˬ ma.

2 Beˬtuˆluˆ 3:2

Aˇ hu ba Miˬyehˇ gʼaˇ duˬ ngehˬ dah yaꞈ-euˬ muiˬ-eu shawˇ-eu tsawˇ haˬ deuˬ-euˬ dawˬ hawˇ-eu, naw maꞈ-ahˇ mehˬ-eu gʼaˬ kʼehˇ deuˬ neh biꞈ-euˬ ka kʼoꞈ-eu gʼaˬ pyeuꞈ-eu SahˬpaˬYeˬsuˇ-euˬ dawˬ-ahˇ naw maꞈ bi noeˬ mawˇ mawꞈ miˇ-a.

2 Beˬtuˆluˆ 2:20

Tsawˇ haˬ zaˬ-aˬ, ka kʼoꞈ-eu gʼaˬ pyeuꞈ-eu aˬ dui-euˬ Sahˬpaˬ Yeˬsuˇ Ka li-ahˇ siˬ nya-eu baˬ da neh, miˇ tsaˬ heu kʼoeˇ taˆ gʼaˬ kʼaˆ luꞈ-eu jawꞈ dui dui-eu jeˬ mˇ gaˇ ya buˬ-iˇ gʼaˬ miˇ tsa, kʼoeˇ neh tiˬ poˆ paˇ bi gʼaˬ leˇ shaw naˇ, yaw beh poˆ naˆ maˬ tseˇ doeˇ dui dui tehꞈ-a.

Tiˇtuˆ 1:3

Kʼoeˇ naˇ, aˇ yamˬ aˇ law tsaˬ laˇ ngeh, aˬ yawꞈ-euˬ guiˬ lahˬ dawˬ laꞈ kʼoeˇ dehꞈ-eu jeˬ kʼoeˇ pah mehˬ nehˬ laꞈ-euˬ meh. Gaˇ kawˆ kʼoeˇ ja mehˬ-eu gʼaˇ duˬ ngaˬ-ahˇ a nehˬ laꞈ taˬ-euˬ loꞈ-ehˇ, aˬ dui-euˬ Ka kʼoꞈ-eu gʼaˬ pyeuꞈ-eu Miˬyehˇ neh dawˬ kʼaˇ biꞈ laꞈ-euˬ loꞈ-ehˇ ngaˇ mehˬ luꞈ-eu meh.

Gawˇlawˇsehˇ 1:2

Yeˬsuˇ Ka li laꞈ kʼoeˇ saˇ jaˇ ziꞈ-eu aˬ yuiꞈ aˬ nyiˇ Ka li zaˬ deuˬ pyeuꞈ-eu Gawˇlawˇsehˇ meuˬ-ahˇ jawˇ-eu Miˬyehˇ-euˬ tsawˇ haˬ deuˬ jawˇ gaˇ sahˬ boꞈ boꞈ ahˇ laꞈ-eu ma. Aˬ dui-euˬ Aˬda Miˬyehˇ-euˬ guiˬ lahˬ yaw dzahˇ hawˇ-eu nui saˇ oꞈ-eu jeˬ, naw maꞈ kʼoeˇ taˆ jaˆ luꞈ-uˇ.

Eˇpeˇsu 1:2

Aˬ dui-euˬ Aˬda Miˬyehˇ hawˇ-eu Sahˬpaˬ Yeˬsuˇ Ka li-euˬ guiˬ lahˬ yaw dzahˇ hawˇ-eu nui saˇ oꞈ-eu jeˬ, naw maꞈ kʼoeˇ taˆ keuˆ le luꞈ-uˇ.

Gaˬlaˬtiˆ 2:3

Ngaˬ-euˬ gaˇ mˇ cawˬ Tiˇtuˆ-aˬ, Heˬlaˬsaˇ tsawˇ haˬ pyeuꞈ-eu meh. Ehˇ kʼawꞈ, aˬ yawꞈ-ahˇ baˆ kʼoˆ mehˬ dzaˬ ya yehˬ meh lehˇ maˬ bi ka tiˇ-aˬ.

2 Gawˇliˬtu 12:18

Tiˇtuˆ-ahˇ naw maꞈ jawˇ gaˇ iˇ-eu gʼaˇ duˬ ngaˇ shaˇ-awˇ, aˬ yuiꞈ aˬ nyiˇ Ka li zaˬ kʼoeˇ gʼaˬ-ahˇ aˬ yawꞈ nehˬ-ehˇ bi oe caw-euˬ ma. Tiˇtuˆ naw maꞈ-ahˇ mehˇ shuiˇ shuiˇ dzaˬ le-euˬ nga lehˇ ehˇ mawꞈ-eu nya loˇ. Tiˇtuˆ nga nyaꞈ nui ma tiˬ gaˇ taꞈ-awˇ, kuiˇ toꞈ tiˬ gaˇ ciˬ-euˬ maˬ ngeuˇ-a loˇ.

2 Gawˇliˬtu 8:16

Ngaˇ naw maꞈ gʼaˇ duˬ nui ma keuˆ-eu loꞈ-ehˇ, Tiˇtuˆ kʼawꞈ nui ma keuˆ ni Miˬyehˇ jahˇ-euˬ miˇ neh, Miˬyehˇ-euˬ guiˬ lahˬ-ahˇ ja ceuˬ ngeh maˬ jiˇ nya.

2 Gawˇliˬtu 8:6

Kʼoeˇ miˇ neh, Tiˇtuˆ aˬ yawꞈ naw maꞈ jawˇ gaˇ gʼoeˇ-eu gaˬ-eu jeˬ-ahˇ taꞈ-eu gaˇ heu hmˬ mˇ-eu gʼaˇ duˬ dahˬ beh nehˬ le-euˬ gʼaˬ pyeuꞈ-eu loꞈ-ehˇ, aˇ saˬ saˬ ngeh keuˆ ni mˇ daˆ leꞈ-eu gʼaˇ duˬ aˬ yawꞈ-ahˇ nga maꞈ gʼaˬ biꞈ-euˬ ma.

2 Gawˇliˬtu 7:6

Ehˇ kʼawꞈ, nui ma cawˆ-eu deuˬ-ahˇ gʼaˬ biꞈ-eu Miˬyehˇ-aˬ, Tiˇtuˆ-ahˇ bi laˇ-eu laꞈ kʼoeˇ nga maꞈ-euˬ nui ma-ahˇ gʼaˬ biꞈ lahˬ laꞈ-euˬ meh.

2 Gawˇliˬtu 4:13

“Ngaˇ jah-eu miˇ neh dawˬ ngehˬ-eu ma” lehˇ, Jaˇliꞈ laꞈ kʼoeˇ tsawˇ haˬ tiˬ gʼaˬ neh ehˇ taˬ-euˬ jaˆ-eu meh. Jah-eu nui ma kʼoeˇ siˬ-ahˇ duˇ ni nga maꞈ jah-eu miˇ neh dawˬ ngehˬ-eu ma.

Lormav 1:7

Kʼoeˇ miˇ neh, Miˬyehˇ-euˬ tsawˇ haˬ bi pyeuꞈ laˇ-eu lehˇ kuˇ doˆ taˬ-euˬ, aˬ yawꞈ gaˬ-eu naw maꞈ Loˇmaˆ meuˬ-ahˇ kʼaˇ jawˇ-eu tsawˇ haˬ deuˬ-ahˇ, ngaˇ sahˬ boꞈ boꞈ ahˇ laꞈ-euˬ ma. Aˬ dui-euˬ Aˬda Miˬyehˇ hawˇ-eu Sahˬpaˬ Yeˬsuˇ Ka liˬeuˬ guiˬ lahˬ yaw dzahˇ hawˇ-eu nui saˇ oꞈ-eu jeˬ, naw maꞈ kʼoeˇ taˆ keuˆ le luꞈ-uˇ.

Luˇkaꞈ 2:11

Iˬ nah, Daˬbiˇ-euˬ meuˬ laꞈ kʼoeˇ, naw maꞈ-ahˇ Ka kʼoꞈ-eu gʼaˬ pyeuꞈ-eu Sahˬpaˬ Ka li dehꞈ le-euˬ meh.

Gaˬlaˬtiˆ 3:26

Jah-eu jeˬ baˬ da neh, naw maꞈ dawˬ tawˆ luꞈ Yeˬsuˇ Ka li laꞈ kʼoeˇ Miˬyehˇ-euˬ zaˬ pyeuꞈ-eu meh.

Gaˬlaˬtiˆ 3:28

Kʼoeˇ miˇ neh, Yuˇdaˆ tsawˇ haˬ hawˇ-eu Yuˇdaˆ tsawˇ haˬ maˬ ngeuˇ-eu deuˬ maˬ ehˇ, zaˬ kʼaˆ hawˇ-eu buˬ-iˇ-euˬ tsawˇ haˬ maˬ ehˇ, kʼaˬ dzeˇ zaˬ hawˇ-eu zaˬ miˬ zaˬ maˬ ehˇ, tiˬ pawꞈ-iˬ maˬ paˇ beu meh. Aˬ jeˬ miˇ neh ehˇ naˇ, Yeˬsuˇ Ka li laꞈ kʼoeˇ, naw maꞈ dawˬ tawˆ luꞈ tiˬ kawˆ meh.

1 Tiˆmoˇseˬ 1:12

Ngaˇ gaˇ mˇ nya ni gʼaˬ biꞈ nehˬ laꞈ-euˬ gʼaˬ pyeuꞈ-eu aˬ dui-euˬ Sahˬpaˬ Yeˬsuˇ Ka li-euˬ guiˬ lahˬ-ahˇ ja ceuˬ-eu ma. Aˬ yawꞈ-euˬ gaˇ mˇ-eu tsawˇ haˬ lehˇ sawˇ-awˇ bi mˇ bi shaˇ laꞈ-euˬ miˇ neh, aˬ yawꞈ-euˬ guiˬ lahˬ-ahˇ ngaˇ ja ceuˬ-eu ma.

2 Tiˆmoˇseˬ 1:1

Miˬyehˇ nui ma tsaˬ-eu laꞈ kʼoeˇ Yeˬsuˇ Ka liˬ-euˬ gʼaˬ kʼehˇ ya geuꞈ luꞈ-awˇ, Yeˬsuˇ Ka li laꞈ kʼoeˇ aˬ dui za-euˬ saˇ jaˇ dzaˬ taˬ-euˬ dehꞈ-eu jeˬ gaˇ kawˆ bi mehˬ-eu gʼaˇ duˬ Miˬyehˇ neh bi kʼehˇ gʼeh-euˬ gʼaˬ pyeuꞈ-eu ngaˇ Pawˇluˆ,

2 Tiˆmoˇseˬ 4:10

Deˬmaˆ-aˬ, heu ziˇ-ahˇ taꞈ-eu miˇ tsaˬ heu-ahˇ gaˬ-eu miˇ neh, ngaˬ-ahˇ byehˇ dzeh yaꞈ-awˇ Teˇsaˬloˇni meuˬ-ahˇ iˇ-euˬ meh. Gaˬleˬgeˬ gʼaˬ-aˬ, Gaˬlaˬtiˆ miˇ kʼahˬ-ahˇ iˇ-awˇ, Tiˇtuˆ gʼaˬ-aˬ, Daˬlaˬmaˬdiˇ miˇ kʼahˬ-ahˇ iˇ-euˬ meh.

Tiˇtuˆ 2:13

aˬ dui-euˬ huiˬ dui dui-eu Miˬyehˇ hawˇ-eu Ka kʼoꞈ-eu gʼaˬ pyeuꞈ-eu Yeˬsuˇ Ka li-euˬ yaw shehꞈ kʼahˬ sehˇ doˆ le-eu Aˇ nah kʼoeˇ nah-ahˇ noeˬ tmˬ-awˇ dawˬ-eu gʼaˇ duˬ mehˬ nehˬ laꞈ-euˬ meh.