Piˇliˇpiˆ 2:13 - Akha

¹³ Aˬ jeˬ miˇ neh ehˇ naˇ, naw maꞈ nui ma keuˆ ni maˬ ehˇ, Miˬyehˇ-euˬ nui kʼahˇ mˇ nya ni maˬ ehˇ, naw maꞈ laꞈ kʼoeˇ Miˬyehˇ aˬ myah luꞈ gaˇ mˇ luꞈ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹³ Aqjeq mirnae aernar-aq, Miqyaer nuikhanr shir-eu lof-aer, nawmaf mrmawf-eu nuima anrlar-awr mrnya’ni, Miqyaer, nawmaf-euq lafkhoer gar mrluf-eu mae.

Piˇliˇpiˆ 2:13 Referans Kwoze

HeˬByehˇ 13:21

naw maꞈ aˬ yawꞈ-euˬ nui kʼahˇ mˇ nya ni, naw maꞈ kʼaˇ loˬ-eu jeˬ dawˬ tawˆ luꞈ biꞈ nehˬ laꞈ-awˇ, Yeˬsuˇ Ka li-ahˇ gʼoe-awˇ aˬ dui laꞈ kʼoeˇ aˬ yawꞈ nui kʼahˇ shiˇ-eu jeˬ mˇ luꞈ-uˇ. Mˬ maˬ maˬ byaˆ zaˇ ziˇ Ka li yaw shehꞈ kʼahˬ sehˇ huiˬ luꞈ-uˇ.

2 Gawˇliˬtu 3:5

Gaˇ heu nga maꞈ mˇ nya ma lehˇ ehˇ paˬ-ehˇ nga maꞈ laꞈ kʼoeˇ tiˬ jeˬ-iˬ maˬ ahˇ. Nga maꞈ mˇ nya-eu kʼoeˇ-aˬ, Miˬyehˇ neh biꞈ laꞈ-euˬ jeˬ pyeuꞈ-eu meh.

2 Tiˆmoˇseˬ 1:9

Aˬ dui neh mˇ-euˬ shaˇ-euˬ jeˬ baˬ da neh, aˬ yawꞈ aˬ dui-ahˇ ka kʼoꞈ-awˇ aˬ yawꞈ-euˬ zaˬ bi pyeuꞈ laˇ-euˬ maˬ ngeuˇ-a. Aˬ yawꞈ neh noeˬ taˬ-euˬ jeˬ hawˇ-eu aˬ yawꞈ-euˬ guiˬ lahˬ yaw dzahˇ baˬ da neh bi pyeuꞈ laˇ-euˬ meh. Mˬ hawˇ-eu miˇ maˬ seu le mi naˆ-ehˇ, Yeˬsuˇ Ka li-ahˇ gʼoe-awˇ guiˬ lahˬ yaw dzahˇ kʼoeˇ biꞈ taˬ leꞈ-euˬ meh.

Lormav 9:16

Kʼoeˇ miˇ neh, yawˬ jeˬ na luꞈ tsawˇ haˬ zaˬ-euˬ nui kʼahˇ hawˇ-eu tsawˇ haˬ zaˬ neh mˇ-euˬ shaˇ-euˬ kʼoeˇ taˆ pyeuꞈ laˇ-eu maˬ ngeuˇ-a. Miˬyehˇ gʼawˬ shaˬ gaˬ-eu uˬ moˆ pyeuꞈ laˇ-eu tehꞈ meh.

1 Gawˇliˬtu 15:10

Ehˇ kʼawꞈ, Miˬyehˇ-euˬ guiˬ lahˬ baˬ da neh iˬ nah ngaˇ heu loꞈ-ehˇ ya pyeuꞈ laˇ-awˇ, aˬ yawꞈ neh ngaˬ-ahˇ biꞈ leꞈ-euˬ guiˬ lahˬ-aˬ, yawꞈ ngehꞈ maˬ ngeuˇ-a. Ehˇ kʼawꞈ, gʼaˬ kʼehˇ nui deuˬ naˆ maˬ tseˇ ngaˇ gaˇ mˇ-eu leh jeh dzehˬ-euˬ ma. Kʼoeˇ loꞈ-ehˇ mˇ-eu kʼoeˇ-aˬ, yawˬ haˇ yawˬ ha mˇ-eu maˬ ngeuˇ. Miˬyehˇ-euˬ guiˬ lahˬ ngaˬ nehˬ-ehˇ mˇ luꞈ-eu meh.

Yoˇhaˬ 3:27

Yoˇhaˬ ehˇ-eu, “Tsawˇ haˬ aˬ geu gʼaˬ maˬ kaˬ, Miˬyehˇ neh maˬ biꞈ-euˬ gaˇ tiˬ jeˬ-iˬ maˬ za nya-a.

Eˇpeˇsu 1:11

Dawˬ tawˆ luꞈ Miˬyehˇ neh noeˬ tsehˆ-awˇ lehˬ hmˬ taˬ-euˬ loꞈ-ehˇ pyeuꞈ laˇ-euˬ meh. Aˇ dahˬ beh ngeh neh Miˬyehˇ noeˬ tsehˆ-awˇ lehˬ hmˬ taˬ-euˬ jaˆ-eu miˇ neh, Ka li laꞈ kʼoeˇ aˬ yawꞈ-euˬ tsawˇ haˬ bi pyeuꞈ laˇ-eu gʼaˇ duˬ aˬ dui -ahˇ tseˇ doˆ-euˬ meh.

1 Gawˇliˬtu 12:6

Miˬyehˇ gaˇ mˇ ngeh, tiˬ gʼaˬ tiˇ gʼaˬ mˇ nya-eu jeˬ maˬ duˇ leˇ-a. Ehˇ kʼawꞈ, aˬ yawꞈ gʼaˬ yawꞈ-ahˇ geuˇ-eu bym-eu nya-eu jeˬ, Miˬyehˇ tiˬ gʼaˬ neh tehꞈ-ehˇ biꞈ taˬ-euˬ meh

2 Teˇsaˬloˇni 1:11

Kʼoeˇ miˇ neh, naw maꞈ gʼaˇ duˬ nga maꞈ aˬ myah luꞈ guiˬ lahˬ shaˇ-eu ma. Miˬyehˇ neh naw maꞈ-ahˇ bi dehꞈ bi jawˇ-eu lehˇ kuˇ taˬ-euˬ aˇ tiˆ-ahˇ naw maꞈ dehꞈ nya jawˇ nya ni, aˬ dui-euˬ Miˬyehˇ-ahˇ shaˇ-eu ma. Yaw muiˬ jeˬ mˇ mawꞈ-eu naw maꞈ-euˬ nui kʼahˇ dawˬ tawˆ luꞈ hawˇ-eu, naw maꞈ jah-eu miˇ neh mˇ luꞈ-eu gaˇ-ahˇ, aˬ yawꞈ-euˬ baoˬ-ahˇ gʼoe-awˇ aˬ yawꞈ bi byah laˇ luꞈ-uˇ.

Eˇpeˇsu 1:5

Miˬyehˇ aˬ dui-ahˇ gaˬ-eu miˇ neh, Yeˬsuˇ Ka li-ahˇ gʼoe-awˇ aˬ dui-ahˇ aˬ yawꞈ-euˬ zaˬ deuˬ bi pyeuꞈ laˇ-eu gʼaˇ duˬ noeˬ tsehˆ taˬ-euˬ meh. Kʼoeˇ loꞈ-ehˇ bi pyeuꞈ laˇ-eu gʼaˇ duˬ aˬ yawꞈ laˬ kʼaˬ cehˇ-awˇ noeˬ tmˬ taˬ-euˬ meh.

Eˇpeˇsu 2:8

Aˬ jeˬ miˇ neh ehˇ naˇ, naw maꞈ jah-eu laꞈ kʼoeˇ Miˬyehˇ-euˬ guiˬ lahˬ yaw dzahˇ baˬ da neh ka kʼoꞈ-eu jeˬ za-euˬ meh. Naw maꞈ leh jeh-awˇ mˇ-eu baˬ da neh za-euˬ maˬ ngeuˇ-a. Miˬyehˇ neh biꞈ-euˬ laꞈ sawˬ pyeuꞈ-eu meh.

1 Sahˬpaˬ 8:58

Aˬ yawꞈ bi dehꞈ mawꞈ-eu loꞈ-ehˇ tehꞈ-ehˇ aˬ dui aˬ myah luꞈ yaw dehꞈ dehꞈ-awˇ, aˬ dui-euˬ aˬ poeˬ aˬ bawˇ deuˬ-ahˇ aˬ yawꞈ neh biꞈ taˬ-euˬ zahˇ dawˬ kʼoꞈ dawˬ deuˬ hawˇ-eu, mehˬ nehˬ tsoˆ nehˬ laꞈ-euˬ dawˬ deuˬ-ahˇ aˬ dui caw teh-eu gʼaˇ duˬ, aˬ yawꞈ-euˬ ehˇ dawˬ-ahˇ aˬ dui naˇ haˬ geuꞈ nya ni aˬ yawꞈ caw ba nehˬ laꞈ luꞈ-uˇ.

Jaceuq 119:36

Pyuˇ shuiˇ myawˬ gahˬ-ahˇ mehˇ juiˇ juiˇ-eu naˆ maˬ tseˇ, nawˬ-euˬ zahˇ dawˬ kʼoꞈ dawˬ-ahˇ mehˇ juiˇ juiˇ ni, ngaˬ-ahˇ ngehˬ gʼeh nehˬ laꞈ.

Luˇkaꞈ 12:32

“Nyiˇ dui dui-eu yawˇ yawˇ maꞈ-oˇ, taˬ guˆ. Aˬ jeˬ miˇ neh ehˇ naˇ, naw maꞈ-ahˇ Miˇkʼahˬ biꞈ-eu gʼaˇ duˬ naw maꞈ-euˬ Aˬda nui ma tsaˬ-eu meh.

Eˇpeˇsu 1:9

aˬ yawꞈ neh noeˬ tmˬ taˬ-euˬ loꞈ-ehˇ Yeˬsuˇ Ka li-ahˇ gʼoe-awˇ mˇ byah-eu gʼaˇ duˬ lehˬ hmˬ taˬ-euˬ zaꞈ taˬ-euˬ jeˬ, aˬ dui-ahˇ bi siˬ bi mawˇ laꞈ-euˬ meh.

Yoˇhaˬ 6:65

Aˬ yawꞈ paˇ ehˇ-eu, “Kʼoeˇ miˇ neh, Aˬda neh bi laˇ-euˬ maˬ ngeuˇ naˇ, tsawˇ haˬ tiˬ gʼaˬ-iˬ ngaˇ jawˇ gaˇ maˬ laˇ nya-a lehˇ, naw maꞈ-ahˇ ngaˇ ehˇ nehˬ-euˬ ma.”

Yeˬlaˬmiˇ 32:38

Kʼoeˇ ngeh jawˇ, aˬ yawꞈ maꞈ ngaˬ-euˬ tsawˇ haˬ pyeuꞈ-awˇ, ngaˇ aˬ yawꞈ maꞈ-euˬ Miˬyehˇ pyeuꞈ ma.

Lormav 9:11

Miˬyehˇ neh noeˬ taˬ-euˬ jeˬ maˬ ya bi tsehˆ-iˇ ni, aˬ li kʼoeˇ nyiˬ li laꞈ kʼoeˇ tiˬ li-ahˇ tseˇ doˆ-eu gʼaˇ duˬ Miˬyehˇ lehˬ hmˬ taˬ-euˬ miˇ neh, “Aˬ yuiꞈ gʼaˬ-aˬ, aˬ nyiˇ gʼaˬ-euˬ zaˬ kʼaˆ ya geuꞈ tehꞈ-a” lehˇ, Leˬbehˇkaꞈ-ahˇ ehˇ nehˬ-euˬ meh. Aˬ yawꞈ nyaꞈ nmˇ maˬ dehꞈ le mi naˆ-ehˇ, kʼoeˇ loꞈ-ehˇ ehˇ taˬ-euˬ meh. Aˬ nyaꞈ nmˇ yaw muiˬ yaw doeˇ tiˬ jeˬ-iˬ maˬ mˇ nya laˇ mi naˆ-ehˇ ehˇ taˬ-euˬ dawˬ pyeuꞈ-eu meh. Kʼoeˇ miˇ neh, Miˬyehˇ neh tseˇ doˆ-euˬ lehˇ ehˇ-eu-aˬ, aˬ yawꞈ kuˇ mawꞈ-eu gʼaˬ-ahˇ kuˇ gaˇ ehˇ-eu meh. Aˬ nyaꞈ nmˇ neh mˇ-euˬ yaw muiˬ yaw doeˇ-ahˇ tiˬ jeˬ-iˬ maˬ taꞈ-a.

Yeˬlaˬmiˇ 31:33

Iˇsaˬleˬlaˆ tsawˇ haˬ nehˬ-ehˇ ngaˇ dzaˬ-eu lehˇ gʼeh-eu dawˬ ma saˇ jaˇ yaw shuiꞈ-aˬ, heu loꞈ-ehˇ ma. Ngaˬ-euˬ zahˇ dawˬ kʼoꞈ dawˬ aˬ yawꞈ maꞈ laꞈ kʼoeˇ dawˆ ahˇ-awˇ, aˬ yawꞈ maꞈ-euˬ nui ma laꞈ kʼoeˇ boꞈ ahˇ nehˬ ma. Ngaˇ aˬ yawꞈ maꞈ-euˬ Miˬyehˇ pyeuꞈ laˇ-awˇ, aˬ yawꞈ maꞈ-ahˇ ngaˬ-euˬ tsawˇ haˬ bi pyeuꞈ laˇ ma.

Dawqdaq 21:1

Sahˬ paˬ tiˬ gʼaˬ-euˬ nui ma-ahˇ Sahˬpaˬ Miˬyehˇ uˆ lahˇ-eu-aˬ, lawˇ baˬ iˇ cuꞈ yoeˇ kʼehˬ bi baw-euˬ loꞈ-ehˇ awˬ-eu meh.

Eˇzaˬlaˬ 1:1

Paˇshaˇ miˇ kʼahˬ-ahˇ sahˬ paˬ Guˇluˆ uˆ lahˇ-euˬ yaw beh kʼoꞈ-ahˇ, Miˬyehˇ gʼaˇ duˬ ngehˬ dah-eu gʼaˬ pyeuꞈ-eu Yeˬlaˬmiˇ-ahˇ gʼoe-awˇ aˬ yawꞈ neh ehˇ taˬ-euˬ dawˬ kʼoeˇ dawˬ byah laˇ ni Sahˬpaˬ Miˬyehˇ jahˇ-euˬ meh. Guˇluˆ sahˬ boꞈ tiˬ taꞈ boꞈ-awˇ aˬ yawꞈ-euˬ miˇ kʼahˬ doe ni bi gui gaˬ-iˇ-eu gʼaˇ duˬ, aˬ yawꞈ-euˬ nui ma-ahˇ Sahˬpaˬ Miˬyehˇ laˆ saˆ nehˬ-euˬ meh. Sahˬ boꞈ kʼoeˇ taꞈ heu loꞈ-ehˇ boꞈ taˬ-euˬ meh.

Eˇzaˬlaˬ 7:27

Eˇzaˬlaˬ ehˇ-eu, “Aˬ dui-euˬ aˬ poeˬ aˬ bawˇ deuˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ ja ceuˬ-awˬ. Yeˬluˇsaˬlehˬ meuˬ-ahˇ jaˆ-eu Sahˬpaˬ Miˬyehˇ-euˬ Uˬ duˬ tahˬ nymˇ nymˇ ma-ahˇ Baˬbuˇloˬ sahˬ paˬ heu loꞈ-ehˇ taˬ huiˬ taˬ mahˇ ni aˬ yawꞈ jahˇ-euˬ meh.

Eˇzaˬlaˬ 1:5

Kʼoeˇ naˇ, Yuˇdaˆ tsawˇ jeuˬ tsawˇ ca hawˇ-eu Beˬyaˬmiˬ tsawˇ jeuˬ tsawˇ ca deuˬ kʼoeˇ taˆ aˬ yuiꞈ aˬ tsu geuꞈ-eu deuˬ maˬ ehˇ, piˇ ma deuˬ hawˇ-eu Leˬbiˇ tsawˇ haˬ deuˬ maˬ ehˇ, Miˬyehˇ neh nui ma kʼaˇ bi noeˬ keuˆ-euˬ tsawˇ haˬ yawˬ gʼaˬ na luꞈ, Yeˬluˇsaˬlehˬ meuˬ-ahˇ jaˆ-eu Sahˬpaˬ Miˬyehˇ-euˬ Uˬ duˬ tahˬ nymˇ nymˇ ma tsoˆ muiˬ leˇ-eu gʼaˇ duˬ lehˬ hmˬ-euˬ meh.

2 Laˬsaˬbaˬ 30:12

Yuˇdaˆ miˇ kʼahˬ laꞈ kʼoeˇ kʼawꞈ Miˬyehˇ jawˇ-awˇ, sahˬ paˬ hawˇ-eu aˬ yawꞈ-euˬ gaˇ mˇ-eu yaw huiˬ yaw mahˇ deuˬ-euˬ mehˬ nah miˇ kʼahˬ zaˬ deuˬ caw teh-awˇ, nui ma tiˬ siˬ tehꞈ-ehˇ taˬ-eu laꞈ kʼoeˇ Miˬyehˇ-euˬ ehˇ dawˬ naˇ haˬ geuꞈ ni caw ba nehˬ-euˬ meh.

Yoˇhaˬ 6:45

“‘Tsawˇ haˬ yawˬ gʼaˬ na luꞈ-ahˇ Miˬyehˇ mehˬ nehˬ tsoˆ nehˬ tehꞈ-a’ lehˇ, Miˬyehˇ gʼaˇ duˬ ngehˬ dah-eu tsawˇ haˬ deuˬ neh boꞈ taˬ-euˬ jaˆ-eu meh. Aˬda-euˬ dawˬ ya gaˬ-awˇ dzaw geuꞈ-eu tsawˇ haˬ aˬ geu gʼaˬ maˬ kaˬ, ngaˇ jawˇ gaˇ laˇ tehꞈ-a.

Iˇsaˬyaˇ 26:12

Nga maꞈ kʼoeˇ taˆ baw le za le-eu jeˬ, Sahˬpaˬ Miˬyehˇ nawˇ biꞈ nehˬ laꞈ tehꞈ-a. Nga maꞈ neh kʼaˇ mˇ kʼaˇ shaˇ za-euˬ jeˬ, nawˬ neh biꞈ-euˬ guiˬ lahˬ tehꞈ meh.

Jaceuq 141:4

Maˬ muiˬ-eu jeˬ mˇ mawꞈ-eu nui ma taˬ bi ahˇ laꞈ. Haiˬ-eu tsawˇ haˬ deuˬ nehˬ-ehˇ yaw haiˬ jeˬ maˬ ya mˇ ni haw piˇ nehˬ laꞈ. Tsawˇ haˬ kʼoeˇ deuˬ nehˬ-ehˇ maˬ ya dzaˬ maˬ ya dawˇ taꞈ ni dah teˬ nehˬ laꞈ.

Neˬhaˬmiˇ 2:4

Kʼoeˇ naˇ, “Nawˇ aˬ jeˬ mawꞈ-eu nya” lehˇ sahˬ paˬ ngaˬ-ahˇ naˇ haˬ laˇ-eu meh. Kʼoeˇ ngeh, ngaˇ Miˬyehˇ-ahˇ guiˬ lahˬ shaˇ-awˇ,

1 Beˬtuˆluˆ 1:3

Sahˬpaˬ Yeˬsuˇ Ka li-euˬ Aˬda pyeuꞈ-eu Miˬyehˇ-euˬ guiˬ lahˬ-ahˇ ja ceuˬ kaˇ-euˇ. Aˬ yawꞈ-euˬ huiˬ dui dui-eu gʼawˬ shaˬ gaˬ-eu jeˬ baˬ da neh, Yeˬsuˇ Ka li-ahˇ shiˇ-euˬ gaˇ bi gʼoꞈ dehꞈ laˇ-eu laꞈ kʼoeˇ aˬ dui-ahˇ yaw shuiꞈ bi dehꞈ paˇ laꞈ-euˬ meh. Kʼoeˇ-aˬ, aˬ dui-euˬ laꞈ kʼoeˇ dehꞈ luꞈ-eu noeˬ tmˬ duˬ bi byah laˇ-euˬ meh.

Gʼaˬkʼehˇ 11:21

Sahˬpaˬ Miˬyehˇ-euˬ baoˬ aˬ yawꞈ maꞈ nehˬ-ehˇ jawˇ-eu miˇ neh, tsawˇ haˬ gʼawˬ mya ni jah laˇ-awˇ, Sahˬpaˬ Miˬyehˇ jawˇ paw pyawˇ laˇ-euˬ meh.

Jaceuq 110:3

Muiˇ-eu deuˬ-ahˇ nawˇ guiˇ deuˆ-eu aˇ nah keuˆ laˇ ngeh, nawˬ-euˬ tsawˇ haˬ deuˬ nui ma keuˆ-awˇ caw ba tehꞈ-a. Uˬ shawˬ yaw naꞈ-ehˇ ga-eu ceuˬ loꞈ-ehˇ, muiˬ-eu shawˇ-eu gawˬ jawˬ kʼoeˇ taˆ, nawˬ-euˬ zaˬ guˬ deuˬ nawˇ jawˇ gaˇ laˇ tehꞈ-a.

Yawˇbaˆ 33:29

“Miˬyehˇ kʼoeˇ loꞈ-ehˇ tiˬ poˆ saˇ-iˬ tiˬ poˆ mˇ luꞈ meh.

Luˇkaꞈ 2:14

“Mˬ taˆ yaw goˇ jawˇ-eu Miˬyehˇ, baoˬ yaw shehꞈ kʼahˬ sehˇ huiˬ luꞈ-uˇ. Miˇ tsaˬ tsawˇ haˬ zaˬ deuˬ laꞈ kʼoeˇ, aˬ yawꞈ nui kʼahˇ shiˇ-eu deuˬ-ahˇ, nui saˇ za-eu jeˬ oꞈ luꞈ-uˇ.”

Lormav 12:3

Miˬyehˇ neh ngaˬ-ahˇ gʼawˬ shaˬ gaˬ-eu laꞈ kʼoeˇ biꞈ laꞈ-euˬ laꞈ sawˬ baˬ da neh, naw maꞈ yawˬ gʼaˬ na luꞈ-ahˇ ngaˇ heu loꞈ-ehˇ ehˇ-eu ma. Naw maꞈ yawˬ haˇ yawˬ ha aˇ dzehˬ dzeuˇ ni taˬ noeˬ huiˬ. Tsaˬ tsaˬ ni tehꞈ-ehˇ noeˬ-awˬ. Miˬyehˇ neh biꞈ laꞈ-euˬ jah-eu jeˬ aˇ myaˆ ni ahˇ-eu nya lehˇ shaˇ sawˇ-awˇ, yawˬ haˇ yawˬ ha siˬ nya-awˬ.