Piˇleˇmoˬ 1:12 - Akha

¹² Nymˬ-mˇ ngaˇ aˬ yawꞈ-ahˇ nawˇ jawˇ gaˇ bi gʼoꞈ laˇ-eu ma. Aˬ yawꞈ-ahˇ ngaˇ gaˬ dui dui-eu ma.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹² Nymq-mr ngar, aqyawf-anr nawr jawr-eu gar bi ghofle ma. Aqyawf-aq, ngaq-euq nuima ma. Khoermirnae, nawr, aqyawf-anr hageuf-awq.

Piˇleˇmoˬ 1:12 Referans Kwoze

Eˇpeˇsu 4:32

Ka li laꞈ kʼoeˇ Miˬyehˇ naw maꞈ-ahˇ iˬ baˇ pyehˬ nehˬ laꞈ-euˬ loꞈ-ehˇ, naw maꞈ kʼawꞈ nui nahˬ nui yu ahˇ-eu laꞈ kʼoeˇ tiˬ gʼaˬ tiˇ gʼaˬ gʼawˬ shaˬ gaˬ-awˇ iˬ baˇ pyehˬ-awˬ.

Luˇkaꞈ 15:20

Kʼoeˇ naˇ, aˬ yawꞈ tsawˬ tuˇ laˇ-awˇ, aˬ yawꞈ-euˬ aˬ da jawˇ gaˇ gʼoꞈ leˇ-euˬ meh. “Aˬ yawꞈ gaˇ mahˇ kaˬ gaˇ gʼoꞈ laˇ luꞈ ngeh neh, aˬ yawꞈ-euˬ aˬ da aˬ yawꞈ-ahˇ haw mawˇ-awˇ, gʼawˬ shaˬ gaˬ dui dui-eu miˇ neh cehˆ coeˬ coeˬ gʼeh-awˇ, aˬ yawꞈ-ahˇ byaˇ cuꞈ-awˇ ha-eu laꞈ kʼoeˇ, mehˬ cuˇ cuˇ nehˬ-euˬ meh.

Maˬkuˆ 11:25

Naw maꞈ gawˬ yawꞈ yawꞈ-awˇ guiˬ lahˬ kʼaˇ shaˇ ngeh, tsawˇ haˬ tiˬ gʼa na-ahˇ iˬ baˇ taˬ luꞈ-eu jeˬ jaˆ naˇ, iˬ baˇ pyehˬ nehˬ-awˬ. Kʼoeˇ loꞈ-ehˇ jahˇ naˇ, mˬ kʼoeˇ taˆ jawˇ-eu naw maꞈ-euˬ Aˬda kʼawꞈ, naw maꞈ neh mˇ bahˬ laˆ bahˬ-euˬ jeˬ-ahˇ iˬ baˇ pyehˬ nehˬ laꞈ tehꞈ-a.”

Yeˬlaˬmiˇ 31:20

“Iˇsaˬleˬlaˆ nawˇ ngaˇ gaˬ dzehˬ-eu aˬ li ma. Aˬ cawˬ naˆ maˬ tseˇ gaˬ-euˬ gʼaˬ nawˇ ma. Nawˬ-euˬ tsawˇ myahˇ ngaˇ kʼaˇ kuˇ ngeh, nawˬ-ahˇ gaˬ-eu maˬ jiˇ leˇ-ehˇ, nawˬ-ahˇ noeˬ-eu maˬ byoˆ-iˇ nya. Nawˬ-ahˇ ngaˇ gʼawˬ shaˬ aˬ diˇ gaˬ nehˬ ma.

2 Saˬmeuˬlaˆ 16:11

Aˬbiˇshaiˇ hawˇ-eu yaw huiˬ yaw mahˇ kʼoeˇ deuˬ-ahˇ Daˬbiˇ ehˇ nehˬ-eu, “Ngaˬ li maˇ maˇ ni gʼeh-eu gʼaˬ kʼawꞈ, ngaˬ-ahˇ sehꞈ-eu lehˇ leh jeh luꞈ-eu maˬ ngeuˇ-a loˇ. Aˬ jeˬ miˇ neh Beˬyaˬmiˬ tsawˇ jeuˬ heu gʼaˬ-ahˇ naw maꞈ zahˬ leˇ-eu nya. Sahˬpaˬ Miˬyehˇ neh aˬ yawꞈ-ahˇ kʼoeˇ loꞈ-ehˇ yaˬ kʼehˇ bi yaˬ-euˬ meh. Aˬ yawˇ yawꞈ kʼaˇ ehˇ mawꞈ-eu jeˬ ehˇ ehˇ-ehˇ jawˇ luꞈ-uˇ.

Dawˬmehˬ 13:6

“Nawˇ hawˇ-eu nawˬ-euˬ aˬ poeˬ aˬ bawˇ deuˬ tiˬ jawˇ-iˬ uˬ duˬ maˬ tahˬ haw-euˬ miˬ yehˇ nui deuˬ-ahˇ nawˇ uˬ duˬ tahˬ ni, nawˬ-euˬ aˬ buˇ aˬ li, nawˇ gaˬ-eu nawˬ-euˬ miˬ zaˬ hawˇ-eu, nawˬ-ahˇ gʼoeˇ dui dui-eu nawˬ-euˬ cawˬ deuˬ kʼawꞈ, nawˬ-ahˇ ciˬ cuˇ ni gʼaˬ kʼoeˬ biꞈ nehˬ laꞈ tehꞈ-a.

Piˇleˇmoˬ 1:11

Dzeuˇ laˇ ngeh, aˬ yawꞈ nawˬ-euˬ gʼaˇ duˬ gaˇ dahˇ maˬ tsoeˬ-a. Ehˇ kʼawꞈ nymˬ-mˇ-aˬ, nawˬ-euˬ gʼaˇ duˬ maˬ ehˇ, ngaˬ-euˬ gʼaˇ duˬ maˬ ehˇ, gaˇ dahˇ tsoeˬ-eu tsawˇ haˬ tiˬ gʼaˬ pyeuꞈ laˇ-euˬ meh.

Piˇleˇmoˬ 1:13

Laˬ kʼaˬ cehˇ-eu Guiˬ lahˬ dawˬ gʼaˇ duˬ ngaˇ tawˬ-ahˇ uˇ luꞈ ngeh nawˬ-euˬ dah zaˇ ngaˬ-ahˇ bi caw ba-eu gʼaˇ duˬ, aˬ yawꞈ-ahˇ ngaˬ nehˬ-ehˇ bi jawˇ mawꞈ dui dui ya.