Panmaeq 9:2 - Akha

² Aˬ guiˇ kʼoeˇ siˬ maˬ li-iˇ nya-eu duˬ kʼahˬ-ahˇ pah dzeh-euˬ meh. Kʼoeˇ ngeh, miˬ dzaˬ tsawˬ bu bu ma-ahˇ uˬ kʼoeˬ doˆ laˇ-eu loꞈ-ehˇ, duˬ kʼahˬ kʼoeˇ kʼahˬ uˬ kʼoeˬ du doˆ luꞈ-eu meh. Maˬ li-iˇ nya-eu duˬ kʼahˬ-euˬ uˬ kʼoeˬ kʼoeˇ, nahˇ ma yaw shehꞈ hawˇ-eu jaˬ lehˇ-ahˇ zahˇ tsui ni bi pyeuꞈ-iˇ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

² Khoerngae, aqguir khoersiq, li-eu maqbaw-eu duqkhanq khoerkhanq-anr pan-euq mae. Khoerngae, miqdzaq tsawqbym bym’ma-anr nae uqkhoeq tanqdov laf-eu lof-aer, duqkhanq khoerkhanq-anr nae uqkhoeq tanqdov laf-eu mae. Uqkhoeq khoer-euq baqda’nae, nanrma hawr-eu mq zanrtsuini pyeuf-ir-euq mae.

Panmaeq 9:2 Referans Kwoze

Yawˇlaˆ 2:10

Aˬ yawꞈ maꞈ mehˬ hu paw le ngeh, miˇ tsaˬ tahˬ kʼawˇ miˇ luˆ luˆ-awˇ, mˬ nyeh nyeh-ehˇ pyeuꞈ laˇ-eu meh. Nahˇ ma ba la zahˇ-iˇ jiˇ-awˇ, aˬ guiˇ yaw shehꞈ maˬ paˇ bya meh.

Aˇ dahˬ 19:28

Sawˇdoˬ meuˬ hawˇ-eu Gawˇmawˇlaˆ meuˬ-euˬ deh ga paw aˬ yawꞈ haw ka gʼeh ngeh, miˬ dzaˬ tsawˬ bu bu ma-ahˇ uˬ kʼoeˬ du doˆ laˇ-eu loꞈ-ehˇ, miˇ kʼahˬ kʼahˬ lah ni uˬ kʼoeˬ uꞈ uꞈ-ehˇ jaˆ luꞈ gaˇ ya mawˇ-euˬ meh.

Yawˇlaˆ 2:2

Aˇ nah kʼoeˇ nah zahˇ dui dui-awˇ, juˬ kʼoeˬ tmˬ-awˇ naˆ dui dui meh. Gawˬ jawˬ kʼaˬ naˆ naˆ-eu loꞈ-ehˇ, nyehˇ bahˇ baˬ maꞈ laˇ gʼeh laꞈ meh. Kʼoeˇ naˆ naˆ-ehˇ gʼeh-eu gaˇ kawˆ, aˇ hu keuˆ le-euˬ maˬ jaˆ-ehˇ, aˬ kaˇ maˬ paˇ keuˆ le haw-aˇ.

Gʼaˬkʼehˇ 2:19

Mˬ maˬ mˬ taˆ yaw goˇ kʼoeˇ gaˇ, kʼaˆ jeˬ-ehˇ gʼeh-eu mˇ mehˬ-awˇ, Laꞈ oˆ miˇ maˬ heu kʼoeˇ taˆ kʼawꞈ, zahˬ leˇ-eu jeˬ ngaˇ jahˇ mehˬ ma. Shiˬ doˆ-awˇ miˬ dzaˬ puiˆ tehꞈ-a. Uˬ kʼoeˬ naˆ uꞈ ni jaˆ tehꞈ-a.

Yawˇlaˆ 2:30

“Mˬ taˆ hawˇ-eu miˇ tsaˬ kʼoeˇ taˆ, kʼaˆ jeˬ-ehˇ gʼeh-eu jeˬ mehˬ-awˇ, shiˬ sehꞈ yoeˇ-awˇ miˬ dzaˬ doꞈ-eu, uˬ kʼoeˬ uꞈ uꞈ-ehˇ jaˆ tehꞈ-a.

Iˇsaˬyaˇ 14:31

Meuˬ lahˇ kʼehˬ-oˇ, guˇ-awˬ. Meuˬ-oˇ, ngoeˇ-awˬ. Piˇliˇtiˆ tsawˇ haˬ deuˬ-oˇ, guˆ dui dui-awˬ. Laꞈ taˆ paw pyawˬ-ahˇ uˬ kʼoeˬ du doˆ laˇ luꞈ-eu kʼoeˇ, guiˇ maꞈ maꞈ ma pyeuꞈ-awˇ, guˆ-eu nui ma ahˇ-eu tiˬ gʼaˬ-iˬ maˬ keuˬ-a.

Panmaeq 14:11

Aˬ yawꞈ maꞈ-ahˇ kʼehˬ-euˬ miˬ dzaˬ kʼoeˇ, mˬ maˬ maˬ byaˆ zaˇ ziˇ uˬ kʼoeˬ doˆ tehꞈ-a. Jeˬ zaˬ yaw haiˬ kʼoeˇ mawˇ hawˇ-eu aˬ yawꞈ-euˬ tahˬ pahˬ aˬ ma mawˇ kawˇ-ahˇ uˬ duˬ kʼaˇ tahˬ-eu tsawˇ haˬ deuˬ hawˇ-eu, aˬ yawꞈ neh tsaˬ kʼaˇ bi tsoˆ-euˬ tsawˇ haˬ deuˬ-aˬ, uˬ ciꞈ nah gʼahˇ maˬ ehˇ, saꞈ gʼawˇ dah kʼaˇ maˬ za-a.”

Doˆ-iˇ 19:18

Siˇnaˆ gawˬ jawˬ tiˬ jawˬ jawˬ lah ni, miˬ dzaˬ uˬ kʼoeˬ uꞈ uꞈ-ehˇ jaˆ-eu meh. Aˬ jeˬ miˇ neh ehˇ naˇ, Sahˬpaˬ Miˬyehˇ-aˬ, miˬ dzaˬ laꞈ kʼoeˇ gawˬ jawˬ kʼoeˇ jawˬ kʼoeˇ taˆ zaꞈ le-euˬ meh. Miˬ dzaˬ uˬ kʼoeˬ kʼoeˇ-aˬ, miˬ dzaˬ tsawˬ bu-ahˇ doˆ-eu miˬ dzaˬ uˬ kʼoeˬ loꞈ-ehˇ, kʼoeˇ taˆ paw le daˆ-awˇ, gawˬ jawˬ jawˬ lah-ehˇ, miˇ luˆ luˆ-eu meh.

Aˇ dahˬ 15:17

Nahˇ ma ga ahˇ gʼaˬ-awˇ zahˇ le ngeh, uˬ kʼoeˬ doˆ luꞈ-eu miˬ dzaˬ tsawˬ bu tiˬ bu hawˇ-eu miˬ lmˇ doˆ luꞈ-eu miˬ dzaˬ miˬ doꞈ tiˬ hmˬ ja pyuˬ ni doˆ le-awˇ, deuˆ tm taˬ-euˬ jeˬ zaˬ kʼoeˇ deuˬ-euˬ gʼahˇ ceh oe tsehˆ leꞈ-euˬ meh.

Panmaeq 8:12

Kʼoeˇ naˇ, mˬ taˆ gʼaˬ kʼehˇ oeˬ gʼaˬ tiˬ gʼaˬ daˇ heh baw ngeh, nahˇ ma smˬ paˆ tiˬ paˆ, ba la smˬ paˆ tiˬ paˆ hawˇ-eu, aˬ guiˇ smˬ bymˇ tiˬ bymˇ-ahˇ zaw leˇ-awˇ, nahˇ ma, ba la , aˬ guiˇ kʼoeˇ deuˬ-euˬ yaw shehꞈ smˬ bymˇ tiˬ bymˇ teˬ-iˇ-euˬ meh. Nah gʼahˇ smˬ bymˇ tiˬ bymˇ hawˇ-eu, uˬ ciꞈ smˬ bymˇ tiˬ bymˇ yaw bya maˬ bya ni pyeuꞈ-iˇ-euˬ meh.

Panmaeq 9:17

Yaw sahˇ laꞈ kʼoeˇ ya mawˇ-euˬ jeˬ laꞈ kʼoeˇ, mahˬ kʼoeˇ deuˬ hawˇ-eu mahˬ dziˬ-eu yehˇ kʼoeˇ deuˬ-ahˇ ngaˇ ya mawˇ-euˬ ma. Aˬ yawꞈ maꞈ-aˬ, miˬ dzaˬ loꞈ-ehˇ neˇ-eu, nyoeˇ leuˬ leuˬ-eu kʼaˬ lo sehˇ loꞈ-ehˇ nyoeˇ-eu, miˬ dzaˇ dzaˇ shuiˇ loꞈ-ehˇ shuiˇ-eu kʼahˬ-ahˇ dehˬ daˬ duˬ deuˬ-ahˇ dm luꞈ-eu meh. Mahˬ kʼoeˇ deuˬ-euˬ uˬ duˬ-aˬ, aˇ laˬ jaˬ shiˇ-euˬ uˬ duˬ-ahˇ duˇ-awˇ, kʼaˬ meh-ahˇ miˬ dzaˬ maˬ ehˇ, uˬ kʼoeˬ maˬ ehˇ, miˬ dzaˇ dzaˇ shuiˇ maˬ ehˇ, doˆ luꞈ-eu meh.

Daˬyeˬlaˇ 3:6

Awˆ byaˆ-awˇ uˬ duˬ maˬ tahˬ-eu tsawˇ haˬ aˬ geu gʼaˬ maˬ kaˬ, miˬ dzaˬ doꞈ luꞈ-eu tsawˬ bu bu ma-ahˇ biˬ ahˇ nehˬ gaˇ ya daˬ tehꞈ-a.”

Panmaeq 9:1

Kʼoeˇ naˇ, mˬ taˆ gʼaˬ kʼehˇ ngaˬ gʼaˬ tiˬ gʼaˬ daˇ heh baw ngeh, aˬ guiˇ tiˬ siˬ miˇ tsaˬ kʼoeˇ taˆ ga ka le gaˇ ngaˇ ya mawˇ-euˬ ma. Aˬ guiˇ kʼoeˇ siˬ-ahˇ maˬ li-iˇ nya-eu duˬ kʼahˬ -ahˇ pah-eu mahˬ tawꞈ kahˬ biꞈ taˬ-euˬ meh.

Panmaeq 9:11

Aˬ yawꞈ maꞈ-ahˇ uˆ lahˇ-eu sahˬ paˬ tiˬ gʼaˬ jawˇ-eu meh. Aˬ yawꞈ-aˬ, yaw li ma baw-eu duˬ kʼahˬ-ahˇ haw-eu pyaˆ-eu mˬ taˆ gʼaˬ kʼehˇ kʼoeˇ gʼaˬ pyeuꞈ-eu meh. Aˬ yawꞈ-euˬ tsawˇ myahˇ-aˬ, Heˬbyehˇ dawˬ Aˬbaˬdoˬ lehˇ kuˇ-awˇ, Heˬlaˬsaˇ dawˬ Aˬpawˇliˇoˬ lehˇ kuˇ-eu meh. (Dawˬ tsuiꞈ-aˬ, laˆ luˬ laꞈ seˇ-eu gʼaˬ lehˇ ehˇ mawꞈ-eu meh.)

Panmaeq 16:10

Kʼoeˇ naˇ, mˬ taˆ gʼaˬ kʼehˇ koꞈ gʼaˬ tiˬ gʼaˬ aˬ yawꞈ-euˬ naˬ bo jeˬ zaˬ yaw haiˬ kʼoeˇ mawˇ-euˬ dzoeˬ dzaˬ nuiˇ mahˬ kʼoeˇ taˆ shehˆ daˆ nehˬ-euˬ meh. Kʼoeˇ ngeh, jeˬ zaˬ yaw haiˬ kʼoeˇ mawˇ-euˬ miˇ kʼahˬ zahˇ tsui ni pyeuꞈ-iˇ-awˇ, tsawˇ haˬ zaˬ deuˬ gawˇ dui dui-eu miˇ neh mehˬ laˇ tsehꞈ tehˬ-euˬ meh.